阿荔車仔麵

營業中

休息中

放工想食個快飯再返去，揀左呢間車仔麵😋😋特別在於以新派形式經營，但保留懷舊傳統味道🤤🤤—————————𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 我揀左沖繩黑糖豬手麻辣撈麵😋😋聽個名已經好吸引🤤味道唔會過甜，但有黑糖獨有香味🤤炆到軟嫩入味，而且份量好多😍呢個汁加埋少少麻辣醬撈麵非常好味👍搭配手工拉麵質地滑，帶少少爽，呢隻麵索汁係一流😋🐗就揀左重慶辣湯底車仔麵，佢揀左3個餸，有肥牛、秘製牛筋牛肋腩同手包鮮蝦雲吞🤤🤤牛肋腩又係佢地嘅招牌菜，秘製汁香濃，我最鍾意係佢地自家製雲吞😋😋配埋辣湯底好開胃😋記得加佢地嘅辣菜脯🤤我地仲加左一個小食同飲品，揀左香脆單骨雞翼配黑松露沙律醬，香口帶微辣😋佢地嘅飲品亦都好特色，白桃烏龍微甜，味道好啱夏天飲，人蔘烏龍潤喉而清新🤤𝗣𝗶𝗰𝘁𝘂𝗿𝗲𝗱 𝗜 𝗵𝗮𝗱 📸🍽 沖繩黑糖豬手麻辣撈麵 $68🍽 自選三餸車仔麵 $62🍽 黑松露醬炸單骨雞翼 $28🍽 白桃烏龍冷泡茶 $15🍽 人蔘烏龍冷泡茶 $15

講到香港傳統特色美食，相信車仔麵一定是其中一款充滿香港人集體回憶的港式傳統美食。隨着時代改變，車仔麵雖然仍然存在，卻推出了不少新派車仔麵，以吸引年輕一代的關注。早兩日同朋友於荃灣廣場行完街，之後在大壩街發現一間新開不久的車仔麵《阿荔車仔麵》，門面裝潢別樹一格，於是便決定入去試一試。餐廳環境簡約舒適，時尚中透出傳統格調，食物選擇也不少，而且採用現時流行的手機落單，非常切合年輕人市場。睇完餐牌之後，BeautySearch 揀選了一碗阿荔特濃沙嗲車仔沾麵。熟識 BeautySearch 的朋友一定很奇怪，為何怕辣的我會選沙嗲，皆因 BeautySearch 發現這裡大部份麵食都是辣的，而且，店員推介，特濃沙嗲不會太辣，而且味道香濃。如傳統車仔麵相同，食客可自由配不同食材，而我便揀選了肥牛、牛柏葉、腐竹及糖心蛋。果然，沙嗲汁十分濃郁味美，帶有微辣，正好提升醬汁的香口滋味，而且沾麵可自己拌入醬汁分量，可輕易控制辣度，絕對值得一試喔！友人吃得辣，於是揀選了經典八寶嗱喳麵，八款車仔麵最愛歡迎的食材，包括：香辣咖喱魚蛋、豬皮、豬紅、玻璃魷魚、滷水豬大腸、糖心蘿蔔、蠔皇冬菇和時菜等，相當豐富。各款食材

難得有個零鐘拍拖時間，我地去左食最愛車仔麵 保留舊有傳統味道。阿荔特濃沙嗲車仔沾麵配三餸$68可配手工拉麵／讚岐烏冬想不到沾麵都會在港式車仔麵出現，選了爽脆牛栢葉、清甜蘿蔔、辣玻璃魷魚。沙嗲醬非常濃郁帶少少微辣，輕輕浸一浸拉麵，每條麵都有沙嗲醬掛着很好吃，值得一試呀秘制牛筋牛腩麻辣撈麵 $68辣度🌶 （有大🌶🌶🌶中🌶🌶小辣🌶）牛腩同牛筋都好稔身，麻辣汁好惹味，辣得夠過癮。至於小食我地要左黑松露醬炸單骨雞翼 $28咬落啖啖肉，黑松露醬香味很濃郁；懶人必食👍椒鹽炸燒賣$15／5粒即叫即炸，外脆內軟，每粒都沾滿椒鹽，同樣好食。 呢度有自家製既飲品，有奶茶冷泡茶我地就揀左白桃烏龍同人蔘烏龍，冰凍又解喝我找到呀#一生只想尋覓一個肯陪你食車仔麵的人#阿荔車仔麵 #Alainoodle#老香港

呢間車仔麵店新奇又有趣( ❛ᴗ❛ )居然有沙嗲牛沾麵、撈麵 同時又有好多傳統配餸環境都幾乾淨企理 用QR Code落單 有別於一般車仔麵店🍜—- ʕ•ﻌ•ʔฅ —-♡ 沖繩黑糖豬手麻辣撈麵✨老闆推介豬手果然入味 醬汁濃郁 口感軟稔 啊婆都食到👵🏼份量都好多 成碗充滿骨膠原啊～手工拉麵係中式嗰種麵質 夠掛汁 辣味突出 食左幾啖個咀都開始麻～但辣度又未至於蓋過其他食物.♡ 傳統車仔麵湯底用豬骨同雞肉熬成 飲完唔會好口渴 亦唔算油膩配餸接近50款(*°▽°*)！特別推介鮮蝦雲吞～蝦肉彈牙 外皮唔厚 甜酸齋都不錯 酸味出眾 好醒神仲有白蘿蔔好清甜 炆得淋又無渣啊

🥢 荃灣美食林立，每條街基本上都有美食，咁啱今日想食下車仔麵，見到呢間阿荔車仔麵嘅menu好多選擇而且唔係走傳統路線，有其他新式選擇，覺得幾特別所以決定試一試 👍🏻 餐廳menu選擇好豐富，淨係車仔麵配料都已經多達40種自由配搭，除左車仔麵仲有沾麵撈麵都係餐廳推介，餐廳整體上都潔淨 ✨ 車仔麵 配料：秘製牛筋牛肋腩，南乳豬手，辣玻璃魷魚，香滷豬大腸，麻辣牛腩湯配粗麵今次特別試吓店舖推介嘅招牌車仔麵餸，據聞豬手牛腩等都係餐廳開業40年以來保持住嘅味道，牛腩好腍容易咬得開，好入味冇乜筋，魷魚好彈牙，豬大腸份量都幾多每一塊都好大件，滷水味亦都香濃，豬手熬製嘅時間好足夠所以肉質好淋好入味，粗麵可以選擇軟硬度，我建議如果想索湯入味啲，可以選擇叫「淋dd」嘅程度 ✨ 阿荔特濃沙嗲車仔沾麵配料：日本溏心蛋，沙嗲魚蛋，肥牛手工拉麵手工拉麵好彈牙，嗰個沙嗲沾麵汁非常濃郁，尤其花生味好突出，所以每一樣配料點入去都會好掛汁，而且佢沙嗲味嘅辣度都好過癮好刺激 ✨ 黑松露單骨雞翼單骨雞翼炸得非常香脆，裏面醃製辣辣地，黑松露醬好香，將雞翼點左黑松露醬之後成個味道昇華左，因為黑松露醬嘅香可以減淡咗炸雞翼嘅油膩 ✨

沙嗲沾麵🇭🇰🇯🇵傳統的味道遇上日式的食法，聞說有沙嗲沾麵食，特登慕名而來。小店的前身係一間人龍的車仔麵檔，而家換上新派的食法，為車仔麵帶來一些衝擊。🎌特濃沙嗲車仔沾麵沙嗲汁好好味，係泰國串燒的沙嗲味，濃濃花生味，夠香夠濃。同一般車仔麵可以揀不同的餸，必選的是肥牛，因肥牛放落呢個沙嗲汁真係好夾！麵底我選擇左烏冬，估唔到沙嗲沾麵都咁好食😭。🐖沖繩黑糖豬手麻辣撈麵甜甜的黑糖豬手夠淋但仍然Keep到有咬口，膠質好夠！撈麵少辣都幾辣，建議可夾起辣淑乾慢慢調整合適的辣度。🍗黑松露炸單骨雞翼脆脆的雞翼沾上黑松露的沙律醬～🇭🇰惹味沙嗲三寶沙嗲味不算太濃，有魷魚，牛柏葉和豬皮，港式的味道！🧋樽仔奶茶奶味較濃，茶味幾香。🍫特濃朱古力真係特濃，擺左一陣都夠朱古力味。

好難食👎🏻👎🏻啲野食完全冇味，所有嘢都係得個辣字，所有嘢同一個味。第一次食車仔麵食到啲餸都唔想食，湯底揀咗沙嗲汁，但係同清湯冇分別 只係一個有顏色嘅清湯。

誤打誤撞經過荃灣，所以打算落地覓食。大壩街出名多野食，花多眼亂中因為阿荔門口嘅「特濃沙爹車仔沾麵」海報而扑鎚。1️⃣9️⃣3️⃣0️⃣ 晚飯時間🍜 經典八寶嗱喳麵有齊豬腸、豬皮、豬紅、白蘿蔔、魚蛋、八爪魚、冬菇、菜。白蘿蔔甜而無根，麵可以自選麵質，湯底清香，不錯。🍛 秘制牛筋牛肋腩麻辣撈麵呢個我俾佢5粒星！ 麻辣香味不嗆喉，麵質彈牙，牛筋夠Q牛肋腩肉嫩，最精華係落咗花生伴食，帶出陣花生香味，好夾！🥢 惹味沙爹三寶辣玻璃魷魚、牛柏葉、豬皮，不過不失，沙爹味可以再濃啲。佢嘅白桃烏龍冷泡茶都好香甜，本身想食個沙爹車仔沾麵，驚太濃所以轉左，但發現呢間餐廳係有水準，下次決定要試返，仲要試埋佢既招牌南乳豬手，總括嚟講係正！👍🏻👍🏻

呢幾年多咗好多新派車仔麵鋪頭，不過就唔係間間都好。而今次荃灣呢間我地覺得cp值好高，絕對係會返轉頭再食嘅一間。阿荔特濃沙嗲車仔沽麵 $68我地揀咗手工拉麵，餸就揀咗豬皮、雪花肥牛同清甜蘿蔔。先講拉麵，質感好好，彈牙得嚟好適合要嚟做沽麵。配餸方面3樣都好滿意！豬皮有4大塊，每塊都好彈牙。肥牛都有好多，唔係個啲雪到霉曬嘅肉，而係有牛味嘅。蘿蔔又係有4大舊，而且真係清甜，同沙嗲汁意外地夾。簡單嚟講呢碗麵無論味道定份量都絕對對得住價錢！自選車仔麵(4餸) $73呢一碗我地揀咗鮮製油麵配牛腩汁 ，餸就揀咗牛筋牛肋腩、南乳豬手、炸腐皮豬肉卷同炸蝦棗。完全無失望，無聊湯、麵定餸都好高質！個腩汁好濃，配合埋啲麵，啖啖腩汁，正到呢！而呢一碗嘅餸都係好多份量。牛筋牛肋腩同豬手都好入味，係40年傳統嘅味道。2個炸物無論口感定味道都好好，食得出係新鮮炸，冇擺到冧哂嘅。同另一碗一樣，呢個都係cp值好高！呢間餐廳嘅衛生同服務都值得一讚。餐具係獨立包裝，店員又好好禮貌👍 成個用餐體驗都滿意啊～

呢度既某位員工態度差劣，一進門我哋坐既位置不合適，去轉坐其他位置時，佢即刻黑口黑面咁對我哋講「轉第張code俾我哋啦」，令我哋感覺好像不遵從佢安排的位置坐有好大問題咁。另外，我哋食嘢期間，佢又係隔離開大聲響睇片食飯，搞到我哋好似去左市集咁，嚴重影響我哋食嘢嘅心情！！雖然明白員工食午飯時想輕鬆啲，難免會睇下片或聽音樂，但佢都可以戴耳機避免影響食客，但佢則沒有這樣做，完全係無視有食客在旁，仲要把電話聲響較到最高。而食物質素又超差，豬血既味道又唔新鮮，而且我哋叫左2碗辣面，只嚟得一碗。差劣！！！！

阿荔車仔麵好特別～日式沾麵試得多呢款港式風味既沙嗲醬沾麵係新推出菜式😋一於試下阿荔特濃沙嗲車仔沾麵$68 沙嗲汁大大碗～好香花生味簡左讚岐烏冬～好彈牙本身跟餐自選3款配料～日本糖心蛋～🥚爽脆牛柏葉～🙂辣玻璃魷魚🦑～另外再加配餸每款$10辣沙嗲魚蛋～雪花肥牛～我覺得樣樣配料好好味😁我諗個沙嗲汁功不可沒😋今次仲叫埋佢哋傳統招牌車仔麵原味骨湯底車仔麵$14 簡左鮮製油麵～秘製牛筋牛肋腩+$18 炆得好入味～牛筋牛筋腩都非常淋軟招牌南乳豬手+$15 有成3舊豬手～好彈牙～好多骨膠原手包鮮蝦雲吞+$13有2粒～入面有原隻鮮蝦麻辣豬耳+$10 好香香料魔鬼辣汁簡左小辣 再配埋自家火辣辣菜脯好惹味啊🙌食到啲花椒味黑松露醬炸單骨雞翼$28邪惡之選🤩凍泡沫咖啡 +$18白桃烏龍冷泡茶+$15

呢間新開半年多的車仔麵好多好評，即管試試。門面光猛裝修靚，坐得舒服。用手機自助落單，但飲品無得揀甜度冰度，下單頁面唔user friendly，好多人對飲品都有特別要求。落單後請店員改做走甜，但話無晒茶膽，無得走甜，咁惟有轉烏龍冷泡茶。叫左重慶麻辣湯底米線，豬腸豬紅蘿白通菜，加個黑松露醬炸單骨雞翼。先講小食，一上碟我就知有啲伏，有食開就知，佢應該係氣炸界好出名嘅現成1kg一大包嘅單骨雞翼，食一啖陣味真係一樣，唔會難食，只係諗住會唔會係自家制，應該就唔係啦，碟小食$28。碗麵一黎個賣相甚好，堆得滿滿。不過有個問題，佢個底其實係清湯底，上面放左麻辣醬，我要攪勻佢先可以食到佢真正嘅味道，佢塞滿晒我就真係攪唔太到，要好小心好小心以免辣油彈落衫度，都整左我一陣。終於攪完，試試湯底，就無乜花椒香，亦無乜麻味，無層次，偏向死辣，湯底仲要加錢就好唔值。蘿白無根軟淋，味道可以，未算好甜。豬紅就麻麻，無乜滷過嘅味，淡味，亦食到陣血味。豬腸味道okay，少少嚼勁，但唔係靭。米線就係幼身嘅，偏硬，食左少少都開始有啲「un」胃，食唔到好多。佢入機個陣係有得揀米線軟硬度，我無揀，諗住咁係適中，但真係都偏硬。個湯底

荃灣多野食就係人都知㗎啦，但係我今次要推介嘅係非一般，反傳統嘅車仔麵，因為佢有好多新穎嘅餸菜俾大家選擇。大家睇到呢個Slogan ,係唔係即刻好想搵人同你食返碗車仔麵呢😙沖繩黑糖豬手麻辣撈麵—$68先講個黑糖豬手，非常之好食😋除咗個豬手皮甜之外，另外配合埋個醬汁，簡直係天衣無縫，啲豬手肉亦都好淋，配合埋個麻辣撈麵有齊晒甜同辣，口感非常之強烈。佢個麻辣撈麵有分大、中、小辣滿足晒大家唔同嘅需要。再嚟講一講個麵，佢有得俾你選擇手工拉麵同出前一丁，咁我梗係揀手工拉麵啦，出邊唔係成日食到,個手工拉麵煙煙韌韌,又真係唔錯wo👍👍真心強烈推薦俾大家⭐️⭐️⭐️⭐️⭐️自選車仔麵有三個湯底俾你揀原骨湯底、重慶麻辣湯底、馬來喇沙湯底咁我就揀咗原骨湯底+3個餸（秘製牛筋牛肋腩、炸蝦棗、豬紅。）強烈真心推介：牛腩又淋又入味，一個字正👍個炸蝦棗，出邊唔係間間有得比你揀，炸到皮脆肉嫩，非常可口。又一強勢推薦⭐️⭐️⭐️⭐️⭐️最後加$15要做支冷泡四季春茶，又冰凍、又解渴，仲可以攞返屋企再沖添👍總括來講：係非常之推介俾大家一試嘅車仔麵

好少車仔麵咁企理😆，所以選擇間坐得舒服！因為太肚餓，叫左一個四餸車仔麵，炸燒賣，🤔仲有一個第一次食嘅沙嗲汁沾麵。四餸麵中以牛腩同豬手係招牌菜👍👍，好入味，仲有4大舊豬手，會唔會太多😅車仔麵居然都可以馬來叻沙做湯底，好特別。湯底味道都唔會太搶，叻沙好香椰味😉啱晒我重口味人士。👏👏😋沙嗲汁沾麵原來同烏冬原來好夾！香濃得嚟又唔會太味精，所以叫d清淡嘅配菜沾汁食最正😆搞到成碗連汁清晒🤣🤣本地小食炸燒賣即叫即炸，外脆內軟，唔點汁都一樣好食。推介🤗🥰車仔麵少有會提供咖啡飲品，仲有多款選擇，夏日炎炎，點左兩杯凍 mocha及 latte小店繼承傳統口味之餘又有創新款式選擇，下次可以再試埋其他。

晌荃灣廣場睇完戲就食個快靚正lunch，行過對面就有間幾光猛嘅車仔麵，原來始創40年，都好多年歷史，一於試下。餐廳有QR code 落單，方便快捷。裝修都有花過心思，同一般車仔麵店唔同。 阿荔特濃沙嗲車仔沾麵配三餸 (辣沙嗲魚蛋、辣玻璃魷魚同日本溏心蛋) HKD68 果然係用著舊嘅味道去創新菜式，車仔麵竟然都有沾麵!? 仲要係限量發售，一定要試一試! 麵底我地揀左讚岐烏冬，沙嗲醬濃厚帶微辣，每條烏冬都沾滿住沙嗲醬，好正。玻璃魷魚爽口，溏心蛋入味有流心。 . 原骨湯底車仔麵 (秘製牛筋牛肋腩、豬大腸、豬皮同炸蝦棗) HKD68 用心嘅湯底，用豬骨同三黃雞熬製，好鮮甜。牛筋牛肋腩入味，豬大腸乾淨無豬臭味，抵讚。 . 黑松露醬炸單骨雞翼 HKD28 懶人單骨雞翼，啖啖肉🤩黑松露醬好濃郁，香氣十足。 . 人參烏龍冷泡茶 HKD15 味道清新，食飽飲啖茶一流