阿爺八鮮鍋 (已結業)

今晚同朋友慶祝生日，揀左呢間係因為之前食過都覺得幾好。但今晚食到一肚氣。原本訂左兩張枱，去到佢哋話可以俾房我哋，計返最低消費額，每位都係俾多佰幾蚊，又可以無限時，咁ok啦，我哋就轉房食。初頭都ok，冷氣夠，但之後開始無冷氣，佢哋搞一輪就熄冷氣再開，再推部吹風機入嚟。因為打邊爐係覺得熱既。除咗我哋散叫既龍蝦刺身船係得之外，其他食物都差左好多，例如：牛肉、蠔、牛脷、豬腰。。。但最過份係一碟豬膶附送小強（附圖），咁當然同佢哋講啦。個負責人入到嚟就話會炒左負責既同事，同埋全單免九折，但加左句叫我哋睇下仲有無小強，如果有再通知佢哋。態度差到暈。之後我哋寄存既蛋糕，成個紙盒係濕晒既，真心覺得好似將個蛋糕掉左落水咁。又唔知廚房雪櫃出咩問題。真心無下次

2個半鐘頭任食，好耐無食啦，今次見佢好多款又多海鮮就去試下啦。呢間餐廳食品種類豐富，首先有芝士雞煲：成個煲都係滿滿的芝士條，好有韓式風味。送左鯖魚，鴨舌，海鮮湯，好香的xo醬-好粗的乾瑤柱，加拿大象拔蚌的刺生拼盤海鮮盒。之後真係食火鍋，火鍋配料又各種類都有，牛肉仲要任食😍餐廳好好仲送左碟和牛👍🏻，400蚊到一位環境舒適，老闆話海鮮都係新鮮貨，如果唔係比唔到呢個質素。加$20任飲非酒精飲品，加$80仲有龍蝦任食。人均$400

麻辣/芝士雞煲 食雞煲 主要嚟講都係貪佢夠惹味，熱辣辣香噴噴加上濃濃嘅麻辣汁 刺身海鮮船 $688而家係食松葉蟹嘅季節 加多少少有成條松葉蟹海鮮刺身船 重點係師傅已經拆好一大半蟹腳 好容易就食到😍海鮮拼盤有龍蝦有鮑魚 有虎蝦有元貝 總之你講得出嘅都有，味道如何？ 食海鮮主要來講都係新鮮就贏晒，咁你話新唔新鮮啦😌海鮮追加如果你係食海鮮為主 呢度真係冇介紹錯 肉品可以食少少 但係海鮮真係太正 大連鮑魚 蘇格蘭蟶子 沙白 海蟹海蝦 無限任食 ，仲要係新鮮 識得郁㗎，平時去西貢一人一條/粒 都要三四百落樓 呢度根本係贏晒😌 仲有咩啊？地點喺旺角 點到你唔服🫰🏻🫰🏻🫰🏻

豬友啱啱完成咗一個project， 梗係要出去慶祝下啦，豬友想食雞煲而我又想食海鮮， 於是就上網search到阿爺八鮮鍋。見到 ＜阿爺八鮮鍋＞ 滿足曬我哋兩個嘅要求，又有雞煲又有海鮮， 梗係即刻訂位啦🤩餐廳好闊落亦都好企理， 安排咗窗口嘅卡位畀我哋坐， 又見到啲海鮮喺個魚缸裏面游來游去一睇就知好新鮮。其實係可以加20蚊任飲汽水，但係話明個project完成咗梗係要開返啲啤酒賀一賀豬友啦店員又立即安排咗個調味架畀我哋調配醬汁用😋 又好好咁樣解釋有雞煲可以揀原味或者麻辣😊日本時令新鮮刺身拼盤油金魚: 食落口啖啖甘甜，亦都充斥著魚油香氣，咬落口好清爽鮑魚：鮮甜，有咬口帶又唔係硬崩崩帶子：甜得來有種入口即溶既感覺呢三款是刺身我都冇點wasabi同豉油， 完全係食得佢哋自身嘅鮮味😊原條加洲象拔蚌（細，另加488元 ）口感爽脆有嚼勁，肉質 爽滑而且入落口，食到勁甜既鮮味象拔蚌完全叫得正確🤩，我開頭以為係大size，因為真係好大碟，細 size都勁大碟，值得另加❤️千祈唔好加wasabi同豉油，否則食唔出象拔蚌嘅鮮味， 浪費咗成條象拔蚌😅😀 廚師發辦滋味小食炸香蕉： 外脆內嫩， 炸粉唔厚， 薄薄的一層

和朋友一行五個大男人，趁幾天假期前夕到旺角吃海鮮火鍋。不約而同想起以前讀書年代常到旺角打鞭爐，現在滿滿的回憶殺，彷彿回到了從前。首先地理位置方便，約朋友應該容易辨識。重點是海鮮基本隨便叫，一來便是靚湯加刺身拼盤，然後龍蝦可以不停叫。其中一位朋友還笑說這輩子沒試過如此瘋狂地吃龍蝦，肯定能滿足龍蝦控的人。其他海鮮如鮑魚等十分新鮮，瀨尿蝦還一直跳動，十分生猛。或許食材新鮮，味道也十分鮮甜。總的來說很適合朋聚會，店員也很勤快，馬上會幫忙收拾多餘的碗碟，下單也相當迅速。有機會再帶家人一試。

#📍 阿爺八鮮鍋 旺角登打士街43H號登打士廣場3樓🔸$398/一位🔸+$188升級刺身盤🍒點評時間呢個價錢真係好多嘢食😆有一人一盅湯🥣刺身盤🍣雞煲同邊爐🫕首先一人嚟咗一盅湯😯估唔到打邊爐都有老火湯飲😂不過都好足料有成隻雞腳😆🍣刺身盤有鮑魚、帶子、油甘魚、生蝦、北寄貝最鍾意係帶子又甜又大粒😍雞煲有芝士同麻辣味揀我哋就揀咗麻辣味 10小辣嘅朋友都食到👍🏻啲雞切到一口雞大細 女仔唔怕食到好論盡😹可以再refill雞😍不過我地就轉戰邊爐啦🍲火鍋揀左蕃茄同麻辣湯底😝海鮮盒連埋火鍋一齊送黎啲海鮮全部都好新鮮😍龍蝦同蟹都仲識郁😂望住店員係後面嘅水缸即撈出黎👍🏻落單就自己寫落張過膠紙 飲品就可以叫店員幫手攞👍🏻咁就唔怕有食客唔帶口罩出去攞飲品順帶一提店員提醒我地like fb有炸香蕉食🍌估唔到送嘅炸香蕉都好好食😋如果可以再嗌就好😂好味指數😋：⭐️⭐️⭐️⭐⭐抵食指數😛：⭐️⭐️⭐️⭐⭐服務指數⚜️：⭐️⭐️⭐️⭐⭐環境指數🧽：⭐️⭐️⭐️⭐️⭐

食物質素真係我係旺角食過咁多間最好嘅火鍋放題，經常會有唔同嘅主題湯底，今次個椰皇湯底仲要超多瑤柱🤤堅又有刺生，又海鮮🦞上鍋底前有任食椒鹽龍蝦，食夠先上鍋底🤭再打邊爐我個人對牛肉好有要求，估唔到阿爺每款火鍋牛我都讚不絕口，重點唔係每次得幾塊，但成碟滿😋滑牛又夠新鮮總括黎講，咁嘅價錢，食到咁嘅質素，10粒星都嫌少😂值得我食完寫食評嘅火鍋放題，都係得佢👍🏼👍🏼新鮮炸嘅響鈴仲大過我隻手😂服務態度同地方整潔亦係非常不錯，超級推薦俾大家😋

今日同朋友去左旺角行街，之後去左打邊爐，之前上網睇到有人介紹呢間，所以小編都去試吓😌2.5小時瘋狂任食海鮮火鍋放題首先，包咗個時令刺身拼盤，刺身好鮮甜，仲有小食-蝦餅，泰式生蝦刺身，老火湯，仲有秘製XO醬，攞嚟打邊爐一流，同埋麻辣雞煲+芝士雞煲，食完麻辣雞煲仲可以食芝士雞煲添，不過小編要留返個肚打邊爐，所以今次淨係食咗麻辣雞煲，之後就有得選擇湯底，可以選擇鴛鴦湯，小編就揀咗一個冬瓜湯同埋麻辣湯，再嚟咗個海鮮拼盤😋，海鮮拼盤好新鮮，啲鮑魚仲係郁緊，同埋啲龍蝦腳🦞都郁緊😆，另外啲肥牛，生蠔，聖子係任叫嘅，佢哋會有張咭仔比你take嘅，小編就叫咗超長蟹柳同埋響鈴，響鈴新鮮炸起，即刻擺落個湯，超正！另外，小編推介生蠔🦪，滾完之後都好大隻😜😗

尼間海鮮邊爐幾出名，網上都有好多好評，喺正家樂坊對面！記得嗰時係臨封前嘅最尾幾日，平日嚟食都勁full hose，咁受歡迎唔係冇原因嘅！一個價錢任食雞煲、刺身、海鮮火鍋⭐️是日精選足料燉湯一坐低就即刻有，湯好足料好好飲，而且餐廳好貼心，有個小火爐暖住個湯❤️‍🔥⭐️炸物、刺身兩樣都係普通放題級數，冇乜特別，不過不失。⭐️雞煲一上枱已經聞到陣香味🤤雞肉嫩滑🥳其實個雞煲可以無限refill，但我要留肚食海鮮😆⭐海鮮盒👉龍蝦🦞好彈牙仲有龍蝦膏👉鮑魚 好新鮮仲郁緊 唔韌 👉帶子 大大粒 洗得好乾淨 入口冇沙⭐手切牛肉呢個好高質度好似$200一碟嗰啲😂牛肉色澤均勻,油花平均,肉味濃郁其他任叫嘅配料都好多，當中包括多款海鮮,好似蟶子,鱔片,生蠔🦪,花甲等等。肉食獸就都有唔少選擇，手切安格斯牛小排🐮,黑豚肉🐷,雞件,鴨血。另外都推介自家製黑松露墨魚滑👍👍 彈牙，而且有好香濃嘅黑松露味😃2.5小時無極限海鮮火鍋放題收費：16:00 - 19:30 $34819:30 - 21:00 期間入座 $37821:00 後入座 $3681米以下小童任何時段減$100(另外+$20就可任飲所有非酒精類飲品)______

小編係海鮮既大fans😍 有得瘋狂食真係正🤤 海鮮應有盡有，連雞煲🐥、小食、海鮮盒等等可以任君選擇😌 感覺真係好似個海🌊到咁😂 連大食既小編都飽到試唔晒😂 已經有盡量試比大家參考～(5 😍 係滿分，🤩係半分）2.5小時海鮮火鍋放題 🦐🦞🦀️🐟 - $398 (好味指數：😍😍😍😍)自家製雞煲🐥 (好味指數：😍😍😍😍🤩)呢個係前菜嚟，小編唔係好食得辣所以就揀左芝士味🧀️，另外仲有麻辣味，雞🐥份量超多，啖啖肉，幾有雞味🐥肉質幾嫩滑～ 另外見到芝士🧀️應該用左車打、水牛同巴馬臣🧀️，有拉絲既效果，口感濃稠煙韌，亦都有幾醇厚既「芝」味😜 惹味香口真係唔錯～湯底🥣 (好味指數：😍😍😍😍)跟住到火鍋🍲啦，可以揀兩個湯底，我就揀左番茄🍅同昆布，仲有麻辣🌶️、 冬瓜同芫荽🌿可以揀～ 幾清甜，同配料都幾夾～燉湯🥣 (好味指數：😍😍😍😍🤩)今次係姬松茸湯，仲有瘦肉同乾瑤柱，味道清甜滋潤，真材實料，望落清澈，幾有心👍🏻小食 (好味指數：😍😍😍😍)有墨魚餅🦑🫓同泰式沙律🇹🇭🥗，個墨魚餅🦑🫓金黃色，炸得香脆，裡面有墨魚肉🦑，幾彈牙鮮甜，而個泰式沙律🇹🇭🥗係生蝦🦐配香菜醬🌿，酸酸辣辣咁，個蝦🦐食落爽口彈牙，幾唔錯😋 仲送埋個

平時經過登打士街見到大大隻字，一Search原來係海鮮放題，早排出糧就有機會食，海鮮放題啲海鮮仲要比想像中好～以「海鮮火鍋放題」為主導嘅阿爺八鮮鍋，活海鮮選擇幾多，而且材料都靚過一般放題任食［環境］環境幾企理，有卡位等等，好光猛而且張枱夠大～叫多啲嘢食都唔怕逼呢度都係先食咗雞煲先，我哋兩個人食，相信嚟食海鮮放題都係為咗海鮮㗎啦...呢度抵得諗係見2個人，雞煲細煲上畀你唔夠再添，而且食落好嫩味道亦都唔會太濃。仲有感覺幾潤嘅燉湯［直入主題］時令魚腩刺身拼盤首先嚟咗時令魚腩刺身拼盤，切得好靚、好平均～食落都好鮮嫩，作為頭盤幾加分～海鮮拼盤部分樣樣都好高質﹗龍蝦係超甜﹗另外原隻扇貝、大海蝦都好新鮮～［任食海鮮有咩揀］最多人關心嘅任食海鮮選擇，佢呢度嘅選擇都一定有咁上下，好似新鮮飽魚上碟嘅時候仲郁郁下超級新鮮⭕，食落彈牙爽口又夠鮮﹗⭐蘇格蘭蟶子王皇 小編Encore咗勁多次😍又爽又鮮甜，又大隻厚肉其次仲有花甲、大海蝦、、深班片同龍躉頭腩等等全部都好高質～打邊爐嘅配料大部分都係本地貨，手切安格斯全部任食～仲有手打黑松露墨魚滑、蟹籽蝦滑等等，可以揀嘅款式真係好多﹗

從未食過咁差的放題，我們一早已經訂咗位準備迎接一餐開心的晚餐，去到有職員叫我哋加錢食刺身，ok我哋加咗個中間價錢的，加了兩份。每份加了六百幾蚊都算數，來都小得可憐，連埋我哋本身跟餐的刺身一齊來，我哋本身的刺身只有三款，每款每人只可以食一件。都唔緊要，然後食雞煲味道還可以，再嚟就打邊爐，頭一轉海鮮盒樣子還可以，只是食落不算太新鮮，之後打邊爐的配件離譜到不得了，四個人食響鈴得兩條要剪開一齊食，職員禮貌不得了，問佢哋嘢態度惡劣，好似唔優做咁，食嗰個豚肉四個人每人一片，連萵筍那麼平的東西也要每人一片吾夠，五個人得四片，海鮮也是任叫的說好了的蟶子王，來到只有指甲頭那麼大，仲要有沙的，之後再要蟹四個人只得半隻，嗰半隻蟹仲要細得好可憐，啲餐晚飯仲慘過做乞兒。永遠不會再有下一次。

我們九個人黎食飯，海鮮一啲都唔新鮮，湯底超淡。但係最嬲既係每次點單，無論你數量填幾多，都只係會比你固定份量。寫就寫蟶子王，實質嚟到得我手指尾咁大！響鈴每次只黎兩條！萵筍只比四片（薄如絲）！牛肉按人頭一人一片（但唔係每次落單都會比你）！魷魚只比兩串！我哋9個人點分呢！？多次向服務員投訴後無果！到後來我哋只能夠多次點單，但佢連個落單牌都唔俾我哋！到最後俾錢嗰陣我哋真係忍無可忍，直接同佢哋老闆反映意見！但係佢哋老闆仲搞笑，態度非常惡劣話：我哋就係咁㗎啦！係我落嘅指令！如果唔夠飽嘅我俾你坐喺度食到你飽為止！但係我想講，如果真係按你出菜嘅時間，唔通我食一餐飯要食四五個鐘！？如果我哋唔投訴佢只可以限食兩個半小時，仲要係提前半個鐘頭last order，我相信正常人都唔會食得飽囉！

呢間火鍋店其實已經save左係我個list度好耐，一直未搵到適合既時機同飯腳去試佢。咁岩朋友終於有時間可以同我一齊去食，就算黃雨都即刻飛出去旺角！餐廳主打任食海鮮火鍋，$398/位，加$20可以任飲無酒精飲品。以任食海鮮黎講，算抵。宜家like 社交平台仲有生蝦刺身送，不過我無要到，所以影唔到比大家睇。首先上桌既係～～一碗湯😆。姬松茸瑤柱湯，必須讚好！真係好飲到不得了，好濃好香勁足料！仲有雞絲粉皮做開胃小菜，食完即刻食慾大增。之後上雞煲，估唔到又唔錯喎，幾香口下，仲有碟XO醬比你加落去，雞幾滑身，唔錯。同埋份量少少地，唔會話食完就飽左搞到食唔落海鮮。到最後黎到重頭戲～海鮮啦！我地嗌左個刺身拼盤，擺盤十分吸晴，真係嘩左一聲，好靚！無記錯好似係叫池魚😝，條魚非常新鮮，本人非常怕魚腥味，但呢條魚堅係一d腥味都無仲好鮮甜。帶子同鮑魚都新鮮爽滑。好食。打邊爐唔洗急住落單住～因為餐廳每枱都會送一盤特盛既海鮮併盤！有龍蝦，大海蝦，大大隻既鮑魚，扇貝，蟹！全部靚料黎！原以為得第一盤先係靚海鮮，之前任點既海鮮可能無咁好，事實証明我錯了～鮑魚大隻之餘仲識得郁，超新鮮！蟶子皇好大大隻又劏得乾淨。卜卜蜆，海蝦

今晚去左登打士街有個大大招牌嘅✨阿爺八鮮鍋✨ 豬先生超級期待，因為佢熱愛任食，超愛食海鮮，絕對啱哂佢心水❤️( ˘ ³˘) 2.5小時瘋狂任食海鮮火鍋放題$398，有10款海鮮、數十款肉類及火鍋配料可以選擇。先每人來一碗老火燉湯✨ 足料好味道😋 之後就送來一款小食，係雞絲粉皮🤣 再送來一碟小小時令刺身拼盤，有帶子、鮑魚及油甘魚✨🔸芝士雞煲芝士滿滿，超拉絲🤩 雞肉加上洋蔥爆香，聞香夠惹味💕 幸好份量不會太多，不然就會影響接下來既海鮮火鍋🙊 當然若想添食，亦可以無限任食😉🔹阿爺海鮮湯底分別有冬瓜、昆布、麻辣、芫荽選擇。為了食到海鮮鮮味，於是點了冬瓜+麻辣。🔸超級海鮮盒嘩😍 有活龍蝦、日本扇貝、活鮑魚、爆膏蟹、大虎蝦❤️ 龍蝦同鮑魚仲識郁，夠哂新鮮✨ 虎蝦大大隻，肉質彈牙👍🏻 扇貝非常大粒，蟹啖啖肉仲有膏❣️之後我地就點左：活鮑魚、蟶子王、花蟹、太子蚌、生蠔、花甲。同樣大大隻，食得出非常新鮮👍🏻 個人推介✅活鮑魚、✅蟶子王✨✨由於食了好多海鮮，其他火鍋配料就要精選了😂 沒理由不點牛肉吧？ 手切安格斯牛肉牛味濃，稍為肥少少；鮮滑牛肉片唔錯喎🤩 食落軟滑鮮嫩👍🏻 而牛舌亦非常高質❣️另外，一定要試