影片
更多
2022-06-17
49 瀏覽
呢間火鍋店其實已經save左係我個list度好耐，一直未搵到適合既時機同飯腳去試佢。咁岩朋友終於有時間可以同我一齊去食，就算黃雨都即刻飛出去旺角！餐廳主打任食海鮮火鍋，$398/位，加$20可以任飲無酒精飲品。以任食海鮮黎講，算抵。宜家like 社交平台仲有生蝦刺身送，不過我無要到，所以影唔到比大家睇。首先上桌既係～～一碗湯😆。姬松茸瑤柱湯，必須讚好！真係好飲到不得了，好濃好香勁足料！仲有雞絲粉皮做開胃小菜，食完即刻食慾大增。之後上雞煲，估唔到又唔錯喎，幾香口下，仲有碟XO醬比你加落去，雞幾滑身，唔錯。同埋份量少少地，唔會話食完就飽左搞到食唔落海鮮。到最後黎到重頭戲～海鮮啦！我地嗌左個刺身拼盤，擺盤十分吸晴，真係嘩左一聲，好靚！無記錯好似係叫池魚😝，條魚非常新鮮，本人非常怕魚腥味，但呢條魚堅係一d腥味都無仲好鮮甜。帶子同鮑魚都新鮮爽滑。好食。打邊爐唔洗急住落單住～因為餐廳每枱都會送一盤特盛既海鮮併盤！有龍蝦，大海蝦，大大隻既鮑魚，扇貝，蟹！全部靚料黎！原以為得第一盤先係靚海鮮，之前任點既海鮮可能無咁好，事實証明我錯了～鮑魚大隻之餘仲識得郁，超新鮮！蟶子皇好大大隻又劏得乾淨。卜卜蜆，海蝦
餐廳主打任食海鮮火鍋，$398/位，加$20可以任飲無酒精飲品。以任食海鮮黎講，算抵。宜家like 社交平台仲有生蝦刺身送，不過我無要到，所以影唔到比大家睇。
首先上桌既係～～一碗湯😆。姬松茸瑤柱湯，必須讚好！真係好飲到不得了，好濃好香勁足料！仲有雞絲粉皮做開胃小菜，食完即刻食慾大增。
之後上雞煲，估唔到又唔錯喎，幾香口下，仲有碟XO醬比你加落去，雞幾滑身，唔錯。同埋份量少少地，唔會話食完就飽左搞到食唔落海鮮。
到最後黎到重頭戲～海鮮啦！我地嗌左個刺身拼盤，擺盤十分吸晴，真係嘩左一聲，好靚！無記錯好似係叫池魚😝，條魚非常新鮮，本人非常怕魚腥味，但呢條魚堅係一d腥味都無仲好鮮甜。帶子同鮑魚都新鮮爽滑。好食。
打邊爐唔洗急住落單住～因為餐廳每枱都會送一盤特盛既海鮮併盤！有龍蝦，大海蝦，大大隻既鮑魚，扇貝，蟹！全部靚料黎！原以為得第一盤先係靚海鮮，之前任點既海鮮可能無咁好，事實証明我錯了～鮑魚大隻之餘仲識得郁，超新鮮！蟶子皇好大大隻又劏得乾淨。卜卜蜆，海蝦全部都好新鮮！生蠔雖然係急凍貨，但大大隻睇得出係靚貨黎。
海鮮既新鮮度無得呃人，因為一擺落口就知，新鮮既海鮮d肉係爽甜帶海水味，d肉絕對唔會梅，同埋唔會有腥臭味，而呢度就好明顯係勁新鮮，絕對唔會比死海鮮/次貨你。食物質素有板你睇。
除左海鮮之後，仲有一般既打邊爐料，有d比較少見既例如雞腸，雞紅，豬腰等。佢地既肥牛一定要讚，手切牛，細細片但爽滑重牛味，唔係一般任食邊爐食到既美國肥牛。雞紅出面比較少有，
食落又幾滑下喎，無豬紅咁實，打邊爐幾好食。
另外要讚下個湯底同醬油，初初就咁試味會覺得偏淡同有小小甜，好似唔係好夠味咁。但食落就知原來係唔想搶左海鮮既鮮味！略略為海鮮調味提鮮，令你食到海鮮既原味道。
張貼
