鑽石冰室

營業中

休息中

之前睇電視介紹懷舊冰室，咁岩o係附近醒起就同ｄaddy 去食晚餐，原來佢地８點幾就收鋪，好彩趕得切。環境真係好似幾十年前，天花頂仲係三葉風扇，老伙記服務都唔錯。食左個柱侯牛腩飯，ｄ汁比較水，用黎撈飯好好味。ｄ牛腩炆得好稔，大大碗飯但肉就較少。整體黎講冇咩特別～始終牛腩唔係佢地招牌菜啦^^〔招牌好似係乾炒牛河〕熱奶茶超讚！我完全冇落糖，就咁飲都超滑，絕對值得去飲杯呀！

現時在香港已經好少類似的懷舊冰室，上星期曾經走訪過鑽石冰室，叫左一份午餐，飲品就當然選擇了熱奶茶啦!! 杯熱奶茶真係夠晒香濃!!

細個讀小學返長週, 要是出街食早餐, 唔係去同愛群就會去鑽石, 但呢個會係較冷門選擇, 因老媽唔太鐘意去, 佢覺得入面太多麻七佬, 價錢亦唔算平, 而佢個死硬派只接受粵式食品腸胃, 的確令我成為店內稀客.但令我認識到'冰室' 同'茶餐廳' 分別, 就係鑽石, 多年前睇電視知原來茶餐廳供應粥粉麵飯, 可以乜都有, 但冰室就唔係, 至多有意粉同通粉, 呢間鑽石的確係秉承呢個原則, 到今時今日帶住狗老婆間唔中食午餐, 豬扒意粉餐就係一個唯一選擇, 有油, 水準尚可, 填飽肚OK, 配以傳統冰室熱奶茶較好, 奶茶水準絕對可以好過其他新晉餐廳. 但已不見'蝦多士' 影, 因老豆講番在下大佬細個時至鐘意叫. 而我到而家都唔知乜叫蝦多士. 恕見識少.間冰室除係40 年老店一間, 屹立不倒, 另一大特色佢仿似係一間'男人餐廳', 九成客都係男, 尤其下午的士換更時間, 儼然成為一間'的士哥飯堂'.

talking about this ole cha-charn-tan, it reminds me of an old song from the bee gees, "when i was small, the christmas trees were tall.....now we are tall, the christmas trees are small..." certainly this is not about the christmas trees but the (height of the) tables inside it. i grew up at this area, and the revisit to this 'diamond cafe' has a special meaning, though the foods are almost nothing good to mention.

同油麻地間美都遙遙相對一樣老,一樣食老本黎呢間,食早餐嘆杯茶,咬個菠蘿油,ok食飯食麵就免喇,好難食架.

上星期六，又有聚會。見時間尚早，便到這裡懷舊、懷舊。當我正考慮要什麼，店東的手指，已指住快餐。要了腿通+咖啡腿通：通粉一如過往彈牙，清雞湯底，但稍甜(糖)，加上四件三角形火腿。咖啡：夠香濃苦澀，這裡有久違了"超厚和重"的咖啡杯。地磚仍是紙皮石，唯一改變是牆壁上的高溫磚。伙計都六十過外，幾有美都feel，但價錢相差很遠，食物花式不同。這裡有不少懷舊甜品：各式炖奶、炖蛋，糊類(花生、杏仁)、麥片、雪糕梳打和鉋冰。最攪野還有鮑魚通粉和牛肉茶(保衛爾？？？)結賬時問店東，有沒有四十年歷史，他竟答正是！