鐘路雞林辣炖雞湯元祖

營業中

休息中

到餐廳時（地牢），收唔到網絡，用唔到電話下單，職員好細心講解，炖雞細份已有一隻雞，介紹埋送啲前菜可以refill ！(蘿蔔叫左3次refill) 之後我地兩個人叫我辣炖雞（中辣）和平時譚仔小辣差唔多，再加辣炒八爪魚（勁野味好食），雞兩個人好夠食（雞比正常size係偏細少少），我地再加芝士炒飯，店員將未食完雞放入碗中，將個鍋拎入去炒（韓國就係你面前炒，可能怕香港餐廳通風唔好）個炒飯芝士會拉絲，好好食忍唔住清哂，飽到上心囗！🤣

假日中午完全沒有人後來才再來一桌客人總共兩桌生意已經不好服務態度也是麻麻地前台服務生愛理不理因為沒人都在玩手機上了兩樣小菜醃蘿蔔跟豆芽菜點了辣燉雞湯 /綜合煎餅辣燉雞湯不但沒有辣味 雞肉也沒有入味整個湯底也是一堆蔥 年糕少許都不知道在吃什麼 綜合煎餅也很普通價錢cp值不高真的是名氣大於美食而且才剛吃完韓國女服務生就立馬過來收桌噴灑消毒酒精並且一邊唉聲嘆氣完全沒有客人的情況下有需要這樣趕客！總之不會再去了！

有兩間分店 另一間係銅鑼灣平日7點去到都冇咩人食 主打辣炖鷄湯其實姐係燉雞 另外都有其他韓國小食飲品就有汽水燒酒等 不過都偏貴💰半隻秘製炸雞 ($140)最好食最推介係呢個 都有6-7件炸得好香脆 有調味過入味 好食!😋吞拿魚紫菜飯團 ($70)呢個係第二好食 一大碗 撈埋哂變飯團仔吞拿魚唔惺 有紫菜都好難唔好食😂辣炖鷄湯 ($365)當然要叫番個主打 叫左個小 正常辣一d辣都冇 入面有年糕 薯仔 大蔥比想像中少料 入面應該都係得半隻雞店員建議落d蒜落豉油點黎食個人覺得冇咩特別 普通滾雞又唔係特別惹味 蔥多 麻麻地😟芝士炒飯 ($60)食完未夠飽 叫左芝士炒飯落左好耐都冇黎 原來係要同職員講佢會用番同一個煲攞入去整出到黎個賣相真係唔多吸引😨仲要勁薄好少 叫多個飯團仲好食整體一般~

有日係尖沙咀行街 咁啱經過呢間餐廳平時係社交媒體網站見到好多人都推 openrice亦有唔少好評就諗住同friends一齊試下·韓式雞肉火鍋（L） $478手機落單見到蒜泥可以揀另上 亦都可以走蔥啲年糕份量都足 入面亦有幾舊薯仔但可能係因為蒜泥同蔥冇同個湯一齊煲就變左係好普通嘅雞湯如果食唔到蒜/蔥嘅朋友就未必啱食因為佢成煲嘅調味就係靠啲蒜同蔥（友人之前食過有落蔥蒜嘅辣炖雞湯佢覺得會重味啲但都係比想像中普通）·烏冬（火鍋配料）$30非常普通嘅急凍烏冬 ·炒飯(add on only) $50食完個燉雞之後我哋再額外加多咗份炒飯呢個係一定要有叫燉雞煲先可以落單會有staff過嚟攞走個煲入廚房喺廚房炒完個飯再攞出嚟俾返我哋個炒飯入邊就係加咗芽菜同紫菜一齊炒應該係落咗豆瓣醬做調味 好重嘅豆豉味我哋一次食完都覺得好普通·拉絲粟米 $60呢個拉絲粟米就係極普通嘅粟米表面放左芝士燒融 最後再係中間唧少少醬本身以為粟米都會有調味但食落就似係普通烚嘅粟米粒上到枱真係要即刻撈匀先得 如果唔係好快就凝固 會變左一大餅嘢如果考慮埋價錢$60 會建議大家叫其他嘢食·蟹籽紫菜飯團 $70呢間嘅手握飯團比起平時食開

試試黑白大廚白種元推介 爆蒜辣燉雞湯😍尖沙咀同銅鑼灣都有 一定要試下辣燉雞湯表面有大量蒜蓉 可以蒜蓉一啖湯底 唔係好辣 幾惹味再炆煮雞肉 雞肉本身已經夠滑睇吓仲有年糕同薯仔 可以煮一陣 吸埋湯汁再食即使叫細份$368 都有一隻雞 份量都幾多夠2-3人食‼️仲有記住一定要加 ⭐️芝士炒飯$60用左辣燉雞湯汁 加上白飯紫菜 大量芝士每粒飯都輕易做到邪惡芝士拉絲 滿足😍.其他小食都好吸引⭐️雜錦煎餅$90一款有齊泡菜煎餅 海鮮煎餅 薯仔煎餅成塊煎到脆卜卜好香口 點埋醬汁一齊食超正⭐️韓式滷豬手$150豬手半肥瘦 肉質幾肥美 滷得幾入味食多2件都唔會覺得好膩⭐️蟹籽紫菜飯糰$70加咗大量紫菜蟹籽 每一啖都做到爆籽口感.整得好適合同朋友放工嚟飲番杯如果鍾意韓國餐廳 一定要嚟試吓.#hkfunfoodrecord窮遊香港#hkfunfoodrecord_尖沙咀.#鐘路雞林辣炖雞湯元祖 (尖沙咀)地址：尖沙咀金巴利道46-48號東匯大廈地下低層#鐘路雞林辣炖雞鍋元祖（銅鑼灣）地址：銅鑼灣耀華街3號百樂中心7樓.#hkfoodie #foodiehk #hkfoodblogger #hkblogger #hkf

我同朋友去了鐘路雞林辣炖雞湯元祖。他們嘅炸雞皮真係一級棒，酥脆美味，而炖雞湯裡面的雞肉質地滑嫩。同朋友一齊用餐，氣氛好開心，儘管有少少擠迫。總括而言，鐘路雞林辣炖雞湯元祖提供的美食令人印象深刻。他們的炸雞皮為人稱道，口感香脆，絕對值得一試。雞煲湯里的雞肉十分嫩滑，入口即化，給人帶來滿滿的滿足感。雖然用餐環境可能有點擠迫，但與朋友一起享受美食的時光，讓整個用餐體驗更顯溫馨和快樂。餐廳氣氛幾好，有一兩位地道嘅韓國侍應，佢地都好有耐性教我哋點樣配搭特製醬汁食

周末同朋友聚舊,在尖沙咀搵到這家店,餐廳在地蘆,但門口在大街,有大招牌唔難搵。3個人叫左主菜辣雞煲,上菜時見到好多辣椒,以為好辣,但食落剛剛好,唔算辣。最鍾意多大蒜,好野味。雞肉嫩滑有雞味,唔錯。之後,叫左side disc 吞拿魚紫菜飯團,自己包飯團加上魚同柴菜,好好食,最尾好飽都食埋最后果啲飯,这味菜有驚喜,又唔貴,推介另外,食評推介必食：炸雞塊。原隻雞塊,炸完即上菜,熱辣辣,外皮碎,內肉嫩又有雞味,比KxC好食好多,必食推介

講到韓國美食當然唔少得炖雞鍋🥘今次為大家帶來一間喺韓國開咗60年有成45間分店的韓式炖雞湯店，香港總店設於銅鑼灣，最近喺尖沙咀開咗新分店，同樣由韓國人主理，餐廳主打有辣炖雞湯同炖雞湯火鍋，環境闊落好有氣氛☺️一坐底就會送上自家製芽菜辣蘿蔔🥢雞鍋提供兩款選擇，包括原味韓式雞肉火鍋同辣炖雞湯🌶️🐥辣炖雞湯 S $368 / L $478有三個辣度選擇，細嘅份量已經夠二至三人share享用🥰上菜時雞肉已經煮熟，輕輕加熱就食得✌🏻面頭真係有超多蒜蓉 成個碗仔咁多🤣店員會幫手將蒜蓉撈勻，部份夾去豉油碟，部份保留湯中，食之前建議飲啖湯，加入韓式辣椒、大蔥同蒜蓉調味好開胃雞件嫩滑多汁，入面仲有薯仔、年糕、蔬菜等配料，大滿足🤓食完辣炖雞湯仲可以加錢叫拉麵、白飯、炒飯、刀削麵、粥等，推介試吓芝士炒飯 $50芝士有拉絲效果🧀炒飯啱啱好，唔會話太乾或者太濕，撈埋湯底精華十分惹味😋👍🏻除咗雞鍋餐廳亦提供多款韓式主食、小食甜點辣炒小章魚 🐙章魚肉爽口彈牙，配上辣醬香口惹味蟹籽紫菜飯團滿滿蟹籽同紫菜大滿足，可以戴上手套DIY拳頭飯團🍙食落口感脆卜卜大滿足韓式雜錦煎餅 三款口味包括海鮮、薯仔同泡菜，外皮香脆，內裹軟諗韓

-呢間喺幾隱世嘅韓國辣燉雞，喺尖沙咀韓國街🇰🇷但係要落一層，落到去見到都好full，同埋原來係一間喺韓國好出名嘅餐廳過江龍🤩 喺銅鑼灣都有，尖沙咀呢間係分店🫶🏻Signature 係辣炖雞(大$478, 細$368)，有唔同辣度選擇，少辣食落都係大概連鎖米線店十少辣嘅level 😛 亦都有唔辣嘅選擇~ 本身會包左啲年糕、薯仔同可以加唔同配料，例如手打麵、番薯🍠年糕、芝士年糕，同埋店員最推介嘅加飯最後整炒飯😋 年糕非常有咬口😍 我哋就鍾意原味多過番薯味😛 辣炖雞比起平時港式雞煲更加嫩滑 👍🏻 有好香嘅蒜味，而且唔會過鹹/濃味最後嘅炒飯都好有feel 加左紫菜同淨番嘅湯，帶啲焦香幾好味🤤小菜有正宗嘅泡菜，另外叫左個雜錦煎餅😍 有泡菜、韮菜同薯仔煎餅，比一般食到嘅口感更加好，外面脆入面有啲軟糯🫶🏻 薯仔煎餅睇過韓國綜藝要整工序都好繁複，所以平時冇見過香港嘅韓式餐廳有，黎到要試吓😉 呢度仲有韓國特色糖餅，入邊嘅糖漿好流心，不過皮會硬左少少🙈嗰日店員服務好好，有香港人嘅男店員同韓國嘅阿珠媽，雖然比較忙但都好有耐性教我哋點樣配搭特製醬汁食，氣氛都好好，係一個幾好嘅用餐體驗💛 📍鐘路雞林辣炖雞湯元

本身想係附近食另一間韓國菜 但好多人排隊 所以想轉餐廳 見到哩間主打食炖雞湯 好似之前係韓國食過嘅孔陵一隻雞 所以試下 星期六晚入到去見到都唔多人 整體環境乾淨 服務ok 小菜可以refill🔍： #jc_food尖沙咀 #jc_food韓國菜✿ 辣炖雞湯（S） ✿ [$368]炖雞落左好多蒜蓉 可以分啲落蘸料度 我地叫左小辣 唔會太辣 雞肉嫩滑 仲有好多年糕同大蔥 不過味道偏淡 得蒜蓉味比較出 如果唔鍾意食蒜嘅要注意⚠️ 兩個人叫S 都夠食✿ 芝士炒飯 ✿ [$60]芝士炒飯口味都係偏淡 冇咩特別✿ 泡菜煎餅 ✿ [$70]泡菜煎餅係有驚喜嘅 新鮮煎起 表面脆脆地 點埋醬一起食 正！地址➸ 尖沙咀金巴利道46-48號東匯大廈地下低層★好食指數★：3.5/5★有加一★

🐯韓式一隻雞，尖沙咀都有得食🐭 ⭐️按「更多」睇詳細食評😋懶惰二人組又食雞喇！今次黎個韓式雞！係韓式一隻雞！🐭對上一次食一隻雞係響幾年前響韓國喇，每次諗起都十分回味😋今日就去尖沙咀食返餐！《韓式雞肉火鍋 Korean Chicken Hot Pot》$368（小 Small）嘩！大大粒蒜蓉球！好吸晴！👀當然唔少得主角，雞！再配上大蔥，年糕同薯仔。基本上個湯就係滿滿既蒜味！雞肉算係滑，不過感覺未算係太入味！同之前去韓國食開既一隻雞，又好似差少少啦！❗️記得食嘅時候唔好將所有湯飲晒！因為我哋仲未食粥！《粥 Congee》$40跟住係彩蛋！火鍋食到最後，粥就係個精華！好似日式雜炊咁，將白飯放雜食完既湯底黎煮至收水至好似粥咁。麻油味香，而紅蘿蔔就帶出個粥既甜味。⚠️嗱嗱嗱！要注意呀！粥只能配韓式雞肉火鍋！可能因係其他湯底咪說比較濃或者複雜掛？！另外，啲雞同啲配料食完之後，記得通知店員，咁佢先會幫你起菜。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道算係中規中矩，想回味一下韓式味道，可黎食下。💚環境方面，裝修都比較現代，但如可以係用韓式setting，可能會更好玩😂😂😂💛服務方面，店員都主動有禮

尖沙咀出名多韓國餐廳 呢間係金巴利道嘅鐘路雞林辣炖雞湯元祖 我朋友食過兩次都覺得好好食！韓國原來開咗60年！有45間分店💕 香港總店喺銅鑼灣 最近喺尖沙咀開咗新分店🤍 除咗正宗韓式辣炖雞湯之外 呢度嘅特製嫩滑炸雞都非常推介！真心外脆內嫰 🪄 同埋估唔到喺香港都可以食到韓國正宗嘅糖餅 好香玉桂味好正🥰✨ 食完辣炖雞湯仲有芝士炒飯🧀大滿足！鍾意食韓國菜嘅大家一定會鍾意🫶🏻呢間餐廳主打韓式炖雞湯，喺沿着韓國街一直行就係啦！環境闊落舒適，適合同朋友聚會傾偈，一開始送上自家製芽菜辣蘿蔔♡ 辣炖雞湯 S HKD368 / L HKD478我哋三個女仔叫咗細嘅 份量已經非常多！真係有超多蒜蓉 多到好似雪糕球咁🤣 可以揀唔同嘅辣度 我哋揀咗中間辣度 唔算話好辣 😆 雞件大大隻 啖啖肉🐔 除咗嫩滑嘅雞件之外仲有年糕 薯仔等等 一定夠晒飽！好適合一大班人share～～ 而且佢嘅湯底真心好味🥰❤️♡ 炒飯HKD50 / 芝士炒飯HKD60食完辣炖雞湯仲可以加錢叫炒飯 芝士拉絲無敵🧀大滿足！炒飯唔會話太乾或者太濕 炒得啱啱好 仲有微微飯焦感覺😋👍🏻♡秘製炸鷄 Half HKD140 / Full HKD250炸

佢個招牌係韓文，差啲搵唔到😂本身同朋友行入去見到得一枱客，已經心諗死啦星期日七點都無人，會唔會中伏，點知有驚喜喎！我地兩個人叫咗豬腳、三款煎餅同埋唔辣嘅燉雞湯。豬腳就一般，我地覺得偏瘦同乾，中意食肥少少。不過另外兩樣係幾好食，煎餅煎到好脆，海鮮煎餅無乜海鮮不過啲蔥味好香！燉雞湯好多蔥同蒜，好香，雞好滑，仲有年糕同薯仔，細煲都好大份。我覺得成餐飯令我最滿足係店員服務態度係非常好！又會主動問我地覺得啲食物岩唔岩食！好嘅服務態度真係可以昇華到食客對餐飯嘅滿足感。不過小小建議如果有免費泡菜前菜就更好（小小碟都好）佢有泡蘿蔔，不過個人中意食菜多啲

香港的韓國美食多不勝數，最近與朋友相約，一試人氣十足的「鐘路雞林辣炖雞湯元祖」！創於1965年，餐廳主打大大鍋的蒜香燉雞，仲有不同正宗的韓國小菜！🥘韓國雞肉火鍋 Korean Chicken Hotpot ($368)鍾意食蒜嘅朋友一定要點！一上菜隨即聞到陣陣湯底清香，更有大量香蔥！上菜時仲會配有一大碟生蒜，聞到都好吸引！店員會幫忙加入配菜及翻炒，可以不用自己動手！雞肉大件，啖啖都係肉，口感嫩滑，而且份量十足～🥘韓式滷豬手 Braised Pig’s Trotters ($150)口感彈牙，是滿滿的骨膠原！豬手醃得入味，味道濃郁偏鹹，夾著香蔥食，味道口感更豐富！🥘雜錦煎餅 Assorted Pancake ($90)有齊海鮮、泡菜及薯仔煎餅，煎得香脆！個人十分喜歡薯仔煎餅，濃厚又入味！

一路都好想試呢間韓式燉雞，今次終於都有機會真係又好大一殼蒜蓉喺上面，唔鍾意食蒜嘅朋友真係要諗清楚由於太多蒜，所以服務員將一部分擺咗落我哋嘅醬汁入面無可否認個雞係好滑嘅，我哋叫咗三人份量，有一隻雞係入面，都好夠食不過個雞其實就唔係好入味，個辣湯味道好足，不過辣味冇滲入個雞入面另外叫咗一個雜錦煎餅，份量好細，但係有三個味道可以食到，分別係泡菜，薯仔同埋雜菜，三款都幾好味仲叫咗一個番薯芝士條，番薯就唔係好多，而且個炸衣有啲厚，呢個麻麻，不過係拉到絲嘅之後仲加咗一個炸紫菜卷，入面係炒粉絲，係即炸熱辣辣嘅，都幾好食整體嚟講係可以一試嘅餐廳，但係你話我會唔會再返去，就應該唔會喇