鏞鏞．藝嚐館

營業中

休息中

燒鵝，肉好香，皮脆，確實係正！至尊肥叉燒，雖然有啲肥，不過靚叉燒就係要肥肥哋要好食，太瘦反而唔係咁好。唐生菜，搭配係應該係腐乳醬嚟，又脆又甜！游水東星斑，非常嫩滑，魚肉鮮嫩，幾抵食！

呢度嘅點心全部都係經典港式傳統點心，每一樣都製作精良，用料扎實，尤其係咖喱金錢肚，搭配呢個芋頭都係十分美味。蝦餃好大隻，用料上乘，咬落去真係淡淡肉！如果係晚市嚟仲可以行出露台欣賞夜景打卡影相

K11行咗成日街偶遇鏞鏞嘗藝館，原來係粵菜老字號鏞記旗下嘅年輕品牌。鏞記係燒鵝屆嘅鼻祖餐廳，燒鵝果然係名不虛傳，比其他店食到嘅更加皮脆多汁，就連醬汁都略有不同，搭配嘅鹵黃豆都特別好食。如果天氣好，一定要選擇室外露天位，可以180度欣賞維港靚景！

點心好好食，呢度比較推薦牛肉球同埋南乳雞翼，牛肉球啖啖肉，香嫩多汁，雞翼就好香口，唔會太鹹，仲有果款一比一雪茄嘅手卷，第一眼真係分唔出以為係真雪茄嚟。可惜我嚟嘅時候仲係中午，如果夜晚嚟仲可以欣賞埋出面嘅靚景

食物好一般，味道普普通通，又無特色，主打的燒鵝絕對輸對手幾條街。性價比又低，食啲普通的點心荷葉飯，三個人午飯都盛惠千多元。攞多份menu 又好似好有問題，而家大部份餐廳menu 都有得掃QR code, 你無更應主動俾多份menu 俾客人睇啦！最失敗係，俾個客聽到嫌人叫得嘢少。建議呢間餐廳最好訂明最低消費，門口寫明只招呼豪客，咁就唔駛唔知有心定無意咁俾說話客人聽囉！香港有這些食肆，點怪得咁多香港人要北上消費

呢度嘅氛圍好吸引，位置就係K11商場嘅頂樓，出面露台係可以一眼望晒成個維多利亞港，適合遊客過嚟影相打卡！燒鵝係招牌菜，肥而不膩，燒得恰到好處眼啱啱好，外皮酥脆。

朋友同我推薦咗呢間，剛啱今日就係K11辦完啲事就嚟試下，有啲出乎意料！成間餐廳裝修好大自然風，店員服務各方面都非常有禮貌，斟茶換碟都係好積極！點咗燒鵝，炒花膠，好似雪茄咁嘅點心同埋福建炒飯，口味冇得頂，強烈推薦佢哋嘅福建炒飯，味道十分驚艷。

地點係尖沙咀k11，非常方便！想特別喺度多謝餐廳經理同各位員工，服務真係非常之好！有禮貌一殷勤、親切、主動！另外當然要讚菜單有好多素食選擇！而其中嘅咖哩素飯 唔單止健康 而且非常之好味！如果嚟緊有更加多素食選擇就更好啦！The location is in Tsim Sha Tsui's K11, which is very convenient!I'd like to especially thank the restaurant manager and all the staff - the service is truly excellent! They are polite, enthusiastic, friendly, and proactive.I must also commend the menu for having a wide variety of vegetarian options! The vegetarian curry rice in particular is not only healthy, but also absolutely delicio

假日下午茶唔係太多人😅walk in 佢即刻有位首先點咗最出名嘅瓦罉臘味煲仔飯☺️臘味飯好香，d飯佈滿臘味嘅油份，有臘腸潤腸臘肉，好豐富，店員會幫手起埋個飯焦☺️ 鵝潤腸最好食，軟淋淋好香鵝油味😌鏞鏞·手卷雪茄: 呢個好特別，大家可以打卡用🤣好似真雪茄咁，成個煙灰缸上😂連煙灰都好似，雪茄入面係好香既鵝肉😋脆銀魚金磚豆腐: 金磚豆腐炸到粒粒都脹卜卜，豆腐好滑🤩雞樅菌萵筍雪耳: 有D麻椒嘅感覺，萵筍好嫩好爽口👍🏻服務都唔錯，通常都係遊客生意多仲有outdoor 位架，不過當日落雨，景色朦朧，如果落雨日子，可以研究下點用唔開傘嘅方法到餐廳😅(當日由6樓扶手電梯上嚟已經係7樓outdoor 🫣)

At Yung Bistro, you can immerse yourself in the vibrant flavors of Hong Kong not only through their delectable cuisine but also through their impressive selection of local craft beer and local gin cocktails. Indulging in these beverages creates a relaxed and enjoyable atmosphere, perfect for unwinding and savoring the unique essence of Hong Kong's local drinking culture. Whether you prefer the refreshing crispness of a locally brewed craft beer or the tantalizing blend of flavors in a meticulous

因為前一晚食得比較飽，所以仲未係好肚餓嘅狀態，諗住揀一個簡單午餐….就係食點心🤭餐廳環境好舒服好闊落，星期六中午大廳位置大概坐咗八成，裏面都係fusion新派裝修中餐廳嘅style，高級得來又好適合打卡，出面仲有天台位置飽覽維港景色，不過最近天氣但係熱就唔適合坐出面lu~簡單叫咗四款嘢食,每樣都好出色：1.手卷雪茄：🌟🌟🌟🌟🌟似係好薄嘅豬皮包住咗雪菜椒絲同炒香嘅燒鵝肉，成個配搭好好食，上菜嘅時候煙灰缸熱辣辣，切出嚟皮脆餡嘅口感味道層次好豐富，絕對推薦嘅手工菜，加上打卡一流。 大家可以估吓食得嘅煙灰係咩嚟？🤪🤪🤪2.自家製叉燒腸粉：呢個就相對普通啲，正常叉燒腸粉，腸粉皮都好滑好柔嫩，不過叉燒粒多啲口感應該更好。🌟🌟🌟3.芹香玉帶兔仔餃：即係帶子粒加蝦肉，好爽口條尾剛剛好，皮亦都唔會太厚身，兔仔形狀應該會好吸引小朋友。🌟🌟🌟🌟4.腿茸雞粒鮑魚酥：個撻底好鬆脆，鮑魚比我想像中大隻好入味好腍厚，成個配搭好好食，亦都唔會好膩🌟🌟🌟🌟🌟最後就係服務好好，都會主動keep住幫你斟茶，加熱水，換餐具，非常貼心。👍🏼👍🏼

公司team lunch，落黎K11唯一的點心同中式餐廳，估唔到都非常唔錯。蝦餃皮薄大粒，餡料豐富，入面應該有包3至4隻蝦，爽口彈牙，食到蝦的鮮味。燒腩仔皮極脆，豬肉都唔老。腸粉皮薄同好滑，餡料好足，一啖食都好有滿足感。鳯爪每隻都厚肉，醬汁咸淡適中但濃厚，值得一試！擺盤精緻，茶水都ok，坐位舒服，服務都殷勤，自動黎添茶加水！Happy Lunch!系附近返工嘅都可以黎食下晏！

依排成日都落雨，所以我哋冇坐室外！三個人求其哎咗啲點心同埋炒菜，鴛鴦橙皮牛肉真係好嫩口，橙皮味真係好解牛肉果種膩滯，食起身都幾舒服，至尊肥燶叉燒還好，印象最深刻都係果份好似雪茄咁樣嘅春卷，最後埋單大概兩千幾！

招牌燒鵝：冇得頂，外皮酥脆，色澤均勻，入口留香，燒鵝比好大隻，靜係呢個燒鵝比已經好滿足了！梅菜扣肉：扣肉好軟，入口積溶，梅菜好香，感覺應該有返啲年份鴛鴦牛肉：我最鐘意嘅一道菜，牛肉鮮嫩爽口，陳皮肉餅好好食，陳皮香濃，口感唔錯

呢排天氣真心麻麻，難得約埋啲朋友係K11，一齊嚟試下鏞鏞嘅燒鵝！作為鏞記兄弟店，燒鵝嘅出品果然冇令人失望，外皮好香夠脆，肉汁濃郁，咬落去啖啖肉，醬汁香味同埋濃度恰當好處！三五知己，坐低傾下計吹下水，欣賞下景色，品嘗如此美味燒鵝，人生一大樂事！