鍾廚

營業中

休息中

近來，我家人試過這店食晚飯一次，現在好喜歡去。早在一個月前便訂去興祝父親節。這店的餸大大碟。上次去食唔到隻鵝，今次早已訂了，多汁，大隻又好好味，好入味。其它有大煲花膠海鮮什菜煲，好多料，有菜有海鮮又有湯。七味豆腐平時前菜細細碟但這裏便大大碟，又熱又香。我們再叫了一個北菇紅燒豆腐，豆腐大大塊又好多配菜又多汁，食白飯一齊食，百搭。另一味便是露筍炒蝦球，露筍新鮮，蝦球大隻爽口彈牙。再一味，沙爹金菇牛肉煲，好野味但又些辣，牛肉一片片加粉絲金菇，食一碗飯都唔夠。我又叫半隻沙薑雞，不過雞肉好韌，上次也有叫雞，一樣韌，所以可以唔食。除了白飯外，家人又想食金菇伊麵，但已太飽便打包！最後便有甜品。七個人食，個個都食得好開心。也好平，8碟餸，白飯，甜品，靚茶也只是$1,400.太美味，好食。

今次係叫左8人父親節套餐，份量十足10個人食都仲得，上菜都唔算慢，有送bless 橙汁都幾抵前菜其實都好大碟叉燒係夠熱嘅，大家最欣賞係碟冰鎮咕嚕肉，原本套餐唔係依款菜，俾我地改又唔洗加錢都幾好，個咕嚕肉外面冰凍同脆，內面熱同軟，有少少肥肉，食到停唔到口。至於蠬蝦都算大大隻，有啲肉食下，條魚都好大條，同酒樓擺酒一枱12人果啲咁重，甜品個黑芝麻糊好香，唔會太甜，仲有杏仁糊可以選，都ok ，感覺抵食唯一有啲煩係要自助煲水，成餐飯由於人數唔少不停煲水都幾煩，但啲水沖茶一定夠熱，都有好有壞嘅。

呢日 #小秘書 約咗 #屋企人 去 #銅鑼灣 #飲茶☕️ #妹妹 係 #地膽，佢提議去 #時代廣場 嘅「鍾廚」。諗住一早book定位去到就可以有得食啦， 點知生意實在太好，我哋最終喺位口等左半個鐘頭先有位😅 聽講 #時代廣場 早排派 #消費券，每消費$100就可以減$50，怪不得咁多人過咗嚟啦。開得茶嚟差唔多已經13:40，餓到肚都打鼓😅 拿拿臨叫啲 #點心 比兩老👵🏻👴🏻食咗先🥢 唔知係咪餐廳想減少人手，呢度嘅裝置好特別啊，每張枱旁邊都有個自動沖水位，睇嚟個設計都幾特別吓喎🤩 一輪衝鋒，#叉燒腸、#棉花雞、#XO蘿蔔糕... 樣樣都熱辣辣、非常鮮味🤤 不過個 #豬腳薑 就爭咁啲啦，師傅落得太多 #白醋，酸得來好嗱喉🥴 #千層糕 太細件，唔知仲以為食淨拎過嚟🤣 不過唔緊要好戲在後頭，我哋叫咗半隻 #燒鵝 併 #豉油王炒麵🥢 燒鵝外皮脆卜卜、好入味，#炒麵 炒得好乾身... 正！整體服務都唔差，係安排座位上有啲失誤。我哋八個人食咗$905，茶錢除外， 可以用到四張消費券，最終比$505就可以走人，今時今日算好抵㗎喇👍🏻👍🏻

帶母親去食一餐，大大碟，又好味。佢是第1次試，而我已試過好多次。茶錢各位$13, 無加一。叫了五大碟餸，佢哋覺得好大碟，3個人食晚飯，實在太多，我已帶了外賣盒可以帶回家。大家都食得開心。味味都好食。也只是食了$804.有雞，有龍蝦，有菜，有牛肉，有伊面，有飯。開心。

今星期响網上見到介紹呢間鍾廚有個日本清酒配海鮮菜式推廣Seafood Loves Sake， 點選其中一款菜式就有免費清酒飲， 啲菜式又好吸引 ，所以今日Friday night就即刻同老公特登嚟試一試😙。 我哋到咗已經有啲專業酒師介紹清酒又可以試飲， 仲要係貴嗰隻農口生原酒😂， 呢酒就好似話只出產3000支，好少有中式餐廳有呢種推廣！我哋叫咗奶油甘香蝦及鹽香南非鮑魚， 就有兩種唔同嘅清酒試飲😁，襯啲海鮮又真係好似好味D，開胃D喎！ 鹽香南非鮑魚炸得很香口，鮑魚煙韌又幾好食，配清酒又唔覺得油膩喎！ 奶油甘香蝦味道也很特別惹味。 我哋都忍唔住自己另外叫多一支推廣清酒飲😂 。個推廣好似做到一月份，下次約埋多D朋友試曬四款海鮮菜式至得， 我哋都係第一次食中式海鮮菜式配日本清酒，另有一番風味👍。

來同家人食lunch慶祝生日 都可以一試丫我地join左個4人餐 再加隻乳鴿同鐵板叉燒雞ok 肉質實左少少鐵板叉燒 上枱時再淋汁 肉質都係少少硬龍蝦伊面 肉質也算爽 面就太淋 有少少一pat蝦餃的肉也爽甜帶子燒賣 粒帶子都係無咩味 不過入面的豬肉就幾好味 海皇翅算最好味 加左什錦海鮮煮 成個翅鮮味大大提高乳鴿也普通 無肉偏乾魚肉也偏實可能over cooked菜不過不失 個上湯偏咸送的甜品問先有 初頭以為我哋食左 話今日甜品係馬拉卷 然後係我地張枱到嘗試找個蒸籠 我地便表示無食 同埋問佢有無見到個籠？最後埋單時 大家要對清楚 因店員不知為何都唔係入我哋order既野係張單到而係耳他食物 但數目自己加過係岩的 係呢到大家對單時要注意

朋友嚟香港三日，前一晚帶咗佢去飲酒，第二日我哋都溫溫燉燉，hangover得好緊要食咩都冇咩胃口就求其搵咗個地方想飲碗湯解下酒。朋友經過見到呢間中餐一定有湯飲啦所以就入咗去。裏面裝修幾靚，地方好大，當晚都幾多人。因為我哋無胃口所以淨係叫咗兩個菜同埋兩碗湯，佢哋啲菜都好大碟，所以我哋食唔晒。呢個湯好似叫汽鍋雞湯，飲完之後真係成個人都舒服左好多醒神左好多，解酒一流，而且價錢一啲都唔貴。我見到其他人食小菜都好似幾唔錯，下次有機會會喺呢度叫餸食飯。

因想食中菜，咁揀左地區之後再定餐廳，於是揀左鍾廚。老實講，我去過，但因為無咩特別，所以都無咩印象，入到去見到裝修先醒起我試過了。 是日兩人食飯，限制自己唔可以叫咁多，免得食唔晒，一共叫了四個餸， 燒腩仔，椒鹽魷魚，金銀蛋莧菜，西施泡飯 （成日點的一味菜，但我從來唔記得叫咩名，總之有蝦，有脆米的）。 首先，總結一下，所有野都好大碟，四樣野對兩個人黎講好多，我地叫的野可以餵飽四個人。 燒腩仔ok 的，肥瘦適中，但兩個人各食6件，其實菜上台前已經唔想食了！ 😂然後係椒鹽魷魚，都係大大件的，微辣，由於係香口野，好自然地係食完一口再一口。金銀蛋莧菜，我會覺得皮蛋同咸蛋的質素好重要，但呢個菜d 蛋碎晒，尤其係皮蛋，我唔係好食到應有的口感，也都唔香，就係食緊好大碟好咸的菜。最後係西施泡飯，首先個泡飯好大兜都係水，唔無蝦膏的濃味，相對比較清淡，當我倒脆米落去的時候，沒有我期待的zaaaa 的聲效，即係擺耐左啦。 整體這味係爭d。出街食飯，個胃允許下，我都會叫個甜品，我點了杏人茶，好似無蛋白的，唔太甜，ok 啦。 朋友請客，只知道以上合共hk$600 多d。價錢ok。但銅鑼灣有好多好野食，我自己揀地方應

以前很喜歡這裡的下午茶，因為大、中、小點六折，全日免茶芥、免加一，通常下午二時已經大排長龍，今日二點二十五分，竟然不用排隊，原來，食物的味道不同了，而且沒有免茶芥。山竹牛肉球，保持水準，夠鬆化。沙律炸雲吞，太深色，雖然脆，但有些雲吞皮較厚、較實。醬皇金錢肚，挺好，夠諗、夠入味。叉燒酥，竟然是軟身，香酥皮是又油又諗，完全冇香酥口感。七彩石榴果，挺好，有蝦，有素菜。雜箘蒸魚肚，魚肚大大份，可惜不是每一件都入味。難怪客人少了。

因為我先生生日，所以選擇咗喺鐘廚度食生日晚飯。亦都係因為聽聞佢個"冰鎮咕嚕肉"好出名， 所以冒名一試。嗰次晚餐我哋總共嗌咗5個餸，第一個當然係有名嘅冰鎮咕嚕肉， 咕嚕肉炸好後用冰鎮住，等佢個外皮唔會諗。所以食落去每粒咕嚕肉都keep到幾脆口，不過我D屋企人反而唔係咁鍾意，因為佢哋覺得咁樣就會令到啲咕嚕肉冇咗鑊氣。咕嚕肉每粒都去曬骨啖啖肉，食落去都幾爽口。我自己就覺得唔錯(雖然我D屋企人覺得麻麻地)。第二道餸就係黃金奶油蝦，其實真係有少少似大排檔嘅椒鹽大蝦一樣，啲蝦肉唔算太新鮮，但係口感又未致於好霉，純粹係個椒鹽令到啲大蝦好味道。第三道餸就係上湯浸 菜苗，啲菜苗都算係幾嫩口，整體都唔錯。第四道就係佢有名嘅燒乳鴿，其實啲燒乳鴿食落就冇乜特別，同普通酒樓一般咁嘅水準 ，都係冰鮮嘅燒 乳鴿。最後一道菜係大良炸鮮奶。我自己覺得唔錯，裏面嘅牛奶涵口感 煙煙靭靭，亦都唔係好油膩。雖然呢度每一道餸菜都唔算平，不過勝在呢一間食店 免加一，兼且佢地地方好大，用餐環境都幾舒服。所以如果想食得雅緻啲，又得體D，又唔想畀加一嘅話(免加一)，呢一個都係唔錯嘅選擇。

是日爸爸生日, 一行十四人,預早book好房間食壽宴, 鍾情的原因,菜單常常有驚喜, 曾經試過， 酸菜魚 ，星洲咖哩炒蟹， 平常也會和閨蜜嚟慶祝生辰，當晚我們嗌了懷石乳豬，濃湯雞煲翅，冰鎮咕嚕肉，乳鴿，金香蝦都是重點推介。。。

復活節假突然想飲個茶聽同事講鐘廚無加一無茶介就試試一坐低就見到個碗有d污跡諗住少少就由佢然後上茶見到d茶葉係成個壺面上面 (呢個唔關衛生事， 但唔美觀囉)都算la, 叫嘢食點完嘢食再見到成地都係食物屑。。。啦啦林食完即走， 追加都廢事食物ok又難得免茶介同加一不過衛生程度有待改善短期內唔會再嚟

<<鍾情中廚>>本身去之前都有啲保留, 因為係稻香集團, 我對佢地啲野一向麻麻但估唔到好有驚喜! 基本上全餐都無咩可以批評既地方, 亮點係上湯龍蝦伊麵, 蕃石榴醬點雞食以及兩斤幾超靚龍躉! 連最尾既甜品都係誠意之作, 紅棗糕香得嚟唔會好甜, 而杏仁糊同芝麻糊直情做得好過好多出面既糖水鋪佢地啲茶都好有特色, 養生花茶系列有天山雪菊, 早春龍井等等, 茶香味濃, 質素不俗! 整體人均消費都係HK$200-HK$300, 性價比幾好的說~

Chung’s Kitchen is a Chinese oriented Restaurant. It holds Chinese values and traditions and this can be seen by the decor and interior of the restaurant. I would recommend this restaurant to foreigners and locals who has an appetite for Chinese cuisine. Especially recommend this to foreigners due to the ability of the staff to speak bilingual hence upgrading your dinning experience (can cater your orders without confusion, etc) since not all Chinese restaurants in Hong Kong have staff who are b

一家人去銅鑼灣食中菜，其中一間常去的就是時代廣場的鍾廚。冰鎮咕嚕肉 $130-這個超好味，個皮好脆，是食過接近最好食的咕嚕肉紅酒扣牛肩 $188- 牛肩肉質很好, 做到好諗, 個汁送飯一流- 椒絲腐乳通菜 $118- 味道剛剛好, 好惹未- 雞油蜜豆炒蝦球 $118- 以這個價錢呢個好抵食, 蝦球好新鮮又大隻- 清炒西蘭花 $98 - 不太多油, 都算大碟- 白飯$16一碗免茶芥開瓶費收了$100，可以免開瓶費就更好了！總括來說，以地點、環境、食物、價錢而論，性價比是高的！