鍋處

營業中

休息中

去完街同男朋友黎東涌搵野食，男友話以前食過幾好食，一於試下佢～係等既時候～見到餐廳掛左「暫停供應」日本黑毛和牛～ 諗住食其他算啦。但坐低一問，原來又有～ 奇奇怪怪90分鐘自助放題，我地簡左麻辣湯底同壽喜燒湯底，但好可惜，個麻辣係唔好食，死咸既味，真係可以唔試。壽喜燒我就覺得正常發揮啦，男友略嫌不夠燶。上牛既速度都好快，基本上唔洗點等，店員收碟時都會問一句洗唔洗加牛，呢一點係值得讚既。但係個牛真係⋯出晒事。望落去個外觀係靚的，但碌一碌食落口係好韌又鞋口，完全唔係日本和牛應有既口感早前食了同一集團的buffet 既燒和牛係入口即融，油脂滿溢，牛味久久不散係口腔徘徊架喎。點解同一集團下既牛可以差天共地。最後我地試吓再碌短d時間，比之前好左小小 但都係韌既，真係唔知係味真既日本黑毛和牛定還是呢批牛既質素咁橋唔靚呢除咗肉類之外，其他配料都係自助式既，都係大路野丸類、菜類、菇類等等無咩特別。飲品櫃亦唔算多種類既飲品。呢個價錢呢個食物質素，以後都不了不了

入座前門口店員會先讓我選好套餐內容（定量/放題、肉類款式、壽喜燒/涮涮鍋），落好單🔖再帶入座。店內用日式裝潢⛩，以淺色木為主。門口是取食物區🥗，座位算寬敞。選了 - 上選美國牛肉 🐂及豚肉🐖定量壽喜燒套餐 ($88/位)🥘剛坐下，店員便極速送上已放了皇帝菜🥬，豆腐，洋蔥🧅等食材的鍋底，及兩盤肉類（每盤4片）。牛肉薄、頗大片😉，放在鍋中不過幾秒便食得，不會韌及嚡👍🏻，也夠牛味😋，豚肉則中規中矩。店員會給一壺壽喜燒汁讓我們自己添加，甜甜的，好味。若有需要可添加燒汁，侍應有禮很快效勞👍🏻👍🏻。🥗野菜直送區是自助任取的，有各式各樣新鮮蔬菜🥬、蕃茄🍅、南瓜、粟米🌽，丸類、麵類等等。飲品可到雪櫃自選一款，選了蘆薈菠蘿汁、有蘆薈粒粒，甜甜的😃至於甜品方面，有幾款雪糕🍧🍨🍦雪條自選一款，選了比利時焦糖餅味杯裝雪糕，是香港製造的，它的雪糕波波球也早聞大名🤗午餐食定量$96.8（連加一），這個價錢我是滿意的👍🏻

排左好耐，一開始話等半小時，但等左45分鐘未得，去催佢，佢又話12點果轉有d食75分鐘，有d食90分鐘，叫我再等多15分鐘，咁我等左好耐，咪去廁所一陣，返黎竟然過左三個位，唯有再排隊。唉，去左陣廁所就冇左位，叫佢寬容下，佢話過左3個號碼要重新等，雖然好嬲，唯有再等，之後等多半個鐘先入得，真係好垃圾。好心整個app睇下仲有幾耐時間，排食火鍋好似等運到咁，有時等好耐，有時好快。今日運氣麻麻，呢間唔會再食，令人失望的服務。

本身住東涌會經常光顧鍋處，食左好幾次外賣火鍋品質都不錯，但今次水準大下滑，呢碟肉乾到食緊瘦肉甘，蔬菜又唔新鮮，蘿蔔個心係壞既，大部分都黃黃地。政府唔比左堂食，食肆靠外賣撐住好辛苦，所以更應該做好品質管理。都無其他人等外賣，都唔檢查下食物先交比客人，今次好失望

聖誕節🎄無得開Party又無得晚上食大餐竟然尼渡仲有午餐食仲有75分鐘可以食每人包一碟牛，一碟猪，一礶汽水，一杯雪糕，而配菜及茶任食/飲牛肉偏厚及牛肉偏韌！配菜唔算太多選擇！冬菇夠大隻黃帝菜都好食！豆腐就麻麻哋湯底每人一鍋，我哋選咗壽喜燒及猪骨湯底～𣎴過壽喜燒佢無跟蛋雪糕～唔知咩牌子！沖繩海鹽雪糕！味道麻麻

行完山想吃火鍋，走進東薈城看見此店，可選壽喜燒或涮涮鍋，還有movenpick雪糕任吃，我們選了上選美國牛肉套餐，可吃90分鐘，每位$188+10%等了差不多1小時才能進去，相當好生意我們兩個都點了壽喜燒，用較扁平的鍋裝起皇帝菜，豆腐，洋蔥等食材，甜醬油味道不錯牛肉肉質尚可，不會過肥，也不算鞋口，對得住它的價錢，而且每次點牛肉也上得很快，幾乎不用等外面有多款蔬菜可自行揀選，可惜丸類的質料一般，款式亦不多雪糕有幾款可以選擇，還是movenpick最正

食過咁多次火鍋放題，今次體驗最差。豬骨湯底完全冇味，同清湯一樣。啲牛勁厚勁大塊勁硬，完全好低質，有一盒牛仲要變黑左。之後想試下蔬菜，自助蔬菜區選擇好少，而且豆腐係酸既

返工前約同事食午餐，揀呢間因為未試過，去到唔使等位，因有時限所以齊人先入座，在入座前門口店員會先讓我們揀好套餐內容（定量/放題、肉類款式、爐端燒/涮涮鍋）我哋揀咗：定量+爐端燒+嚴選美國牛肉入內日式淺木主調，門口是取食物區，座位唔迫，枱面有電磁爐，店員極快上晒點餐湯底，再出去取自己喜歡的食材嚴選美國牛肉：定量包兩盤（每盤4-5塊）牛肉夠薄夠大片，雖然雪花唔多，淥完唔會韌及嚡，夠大片不會碎濕濕唔夠口感，配甜甜的爐端燒汁也夠牛味！這個價錢我是滿意的湯底：甜甜的醬油湯汁，配牛肉或蔬菜都很夾，店員會給一壺湯汁讓我們自己添加！配菜：我取了皇帝菜、南瓜、蘿蔔、粟米仔、蕃茄、芥末芝士魚餅、烏冬，蔬菜新鮮，魚餅有驚喜，烏冬彈牙嫩滑，好味飲品：定量只包一罐，雪櫃自取，我飲無糖烏龍茶，可以平衡濃味湯汁甜品：雪櫃有幾款雪糕雪條，定量只包一款，選了沖繩鹽味杯裝雪糕，淺藍色特別，微鹹的雪糕有特色，又可緩減充滿濃味湯汁的膩感取配菜區店員睇得緊，不會讓每格食材混亂，保持乾淨！店員有禮，門口帶位會清晰講解套餐選擇，落好單再帶入座，加湯汁或提醒時限都保持有禮午餐以合理價錢，可以食到鍋燒牛肉很滿足

行完大澳,入到東涌搵野食,又凍凍地,打個邊爐就最爽.呢間HANA,無分店,得呢到有,就試下呢一間火鍋店.價格其實算係比其他日式火鍋店平D. 不過就無咁多飲品甜品熟食.但食物係足夠.今次係叫澳洲M4和牛. 有牛味 肉質OK. 切好大片.我地分別係叫左兩個壽喜燒同埋一個清湯.蔬菜亦都好新鮮. 可以一試.另外佢醬料選擇都幾多. 雪糕雪條都有好幾款選擇.

今日同仔仔去完迪士尼，夜晚順便入東涌食晚飯。泊低架車之後就周圍搵嘢食，見到鍋處唔使排隊就即刻入去試（之前每次行過都好多人等）🤩鍋處係一人一鍋任食，而壽喜燒係呢度既特別湯底，所以我同老公分別叫咗豬骨湯底同壽喜燒。好老實講豬骨湯底就一般，但壽喜燒湯底唔錯😋，好香嘅甜醬油味，而且係呢個鍋煮嘅菜好入味！不過食得多感覺有d漏😂我哋叫咗最平既餐，上選美國牛肉質素可以，好過牛涮鍋（最平嘅餐比較），豬肉唔錯，肉質夠林唔韌，又有少少肥膏。其他配菜種類同牛涮鍋差唔多，比較特別嘅係芝士豆腐，咬落去真係會有芝士漿流出嚟😋而佢既日式咖喱幾香濃又夠甜，值得一試。另外佢嘅日式拉麵條都好出色，食落去彈牙爽口，配合壽喜燒湯底有另一番風味。最正嘅係佢甜品有Movenpick雪糕❤️❤️!! 我哋一人食咗兩盒雪糕先肯收手😂😂

本身想搵第二間日本餐廳，可惜行到太攰，所以就搵咗呢間試。過咗繁忙午巿入座所以唔使等位。怕晏晝食鍋物有點滯，揀咗套餐飯，五款無咗兩款(豬柳及三文魚)，選咗牛肉照燒及雞肉親子丼。等咗十分鐘左右兩個套餐都送上，望落去都整齊企理。漬物青瓜及蘿蔔偏酸，中華沙律味道正常無特別。沙律菜唔太新鮮，未至於尾部枯黃，色澤唔係SHARP。醋汁甜酸度適中，但有啲多，食完個底仲剩多汁。味噌汁有豆皮，味道偏咸似一般粉劑開水，不太好評。茶碗蒸有菇粒、雞肉粒。湯比例相對少，食到濃蛋味淡湯味，蛋偏挺稠身，無"震騰騰'感。食到近底部偏咸，呢個都難控制到的。主食牛照燒，扒身唔大，薄切。色澤偏黑沉，並非醃到深色，應該係唔太新鮮，望落都老身。咬落口小小鞋，醬汁救返，醬汁偏甜未算稠身。伴碟菜份量夠，洋蔥偏生，冬菇及南瓜都腍身入口，但味道不出，菜偏多油，不太推薦。親子丼望落都大碗，飯量足秤有一碗。入口雞肉雖腍但老身，有點韌乾，蛋亦都老，無嫩滑感，一樣要依賴個燒汁救返。飯粒本身偏水份，因上層醬汁滲落飯，成碗變咗偏糊黏黏的，失去咗食飯嘅咬感。最後附送嘅甜品奶凍，奶味香濃，質感有啲似忌廉、軟雪糕嘅綿綿密密，但又有啲似布甸的感覺，反而最驚

今晚二人17:10入場，二位M4和牛，一sabusabu一sukiyaki，頭輪兩牛一豬正常，七盤打後牛質下降，sukiyaki 汁偏淡，取食處食物一般，服務可以，尾聲雪糕雪條任食慷慨！但⋯sukiyaki 沒牛脂開鑊！沒生日本蛋！那不見得說是no 1壽喜燒? <不陰不陽>服務員說：有客人不喜歡生蛋，所以就沒有蛋提供，要？加錢主題: 有客人食煲仔飯不喜歡落豉油，所以就沒有提供豉油，要？加錢合理嗎？希望貴店集團可更正。不是價錢問題！是食物本質文化問題。完

難得來到東涌，如果要找餐廳吃晚飯的話會想找一間這裡獨有的 ！於是看到這間吃日式壽喜燒/涮涮鍋的 - 鍋處 便有興趣囉晚市在5:30開始，所以要吃下一輪就要等90分鐘~拿了票後可周圍逛逛再預時間回來入座前先選好想吃套餐還是90分鐘的放題～建議食量比較少的選套餐就好。因為跟朋友都滿肚餓的關係，所以選了放題有6款牛肉~最貴是$508的日本黑毛和牛，配的肉類共8款~除了和牛還有豚肉是一人一鍋的涮涮鍋，湯底分別點了 - 九州豬骨湯 & 龍蝦湯湯底聞起來頗香，不過味道不是很濃郁，但調味幸好也不是太淡或太鹹肉的話是選了 - 上選美國牛肉 配 美國豚肉 ($188/位) 牛肉的肉味頗濃，但口感一般~反倒是豚肉軟嫩得多火鍋醬料和配料則是自助形式，款式來說中規中矩～基本的丸類、菜也有要特別提到的話就是芋絲不是常吃那種的爽脆口感還有烏冬是分成了半個(?) 吃一整個會太飽吧～這樣子就不用怕浪費！放題還包括了雪糕、甜品和飲品都是自己去拿的 有MÖVENPICK、韓國牌子雪條等等，菓子和什果涼粉相對沒有那麼吸引囉飲品當然有汽水，也有一些韓式罐裝飲品、鴻福堂細支的瓶裝飲品若是都不喜歡亦有玄米茶等的茶包可以自己沖茶

這間已經吃過很多次 次次都覺得感覺良好 雖然地方小小 自助蔬菜區款式不算多 但我覺得夠我吃了 職員又好 又唔會嫌棄我吃限量餐 對於我不太吃肉及大食黎講 1小時15分鐘 有任食咖喱飯及熱茶 包2碟肉1雪糕及1汽水 剛好

六月中和朋友到東涌逛街, 晚上便決定在附近吃晚飯. 看見很多人在這間店排隊, 於是便想試試. 佢吸引嘅地方係有任食日本黑毛和牛. 價錢在價目表最貴，但張相個賣相吸引，所以想試. 等了近個半小時, 我們便再繼續逛街等. 輪到我們三人可以吃的時候很興奮，但其實惡夢才開始. 第一碟上的已經不是日本黑毛和牛, 最多似澳洲M5-6 和牛。 原來waiter搞錯咗，話以為我地選了澳洲M9😒。所以送上第二種比較平價牛肉當作日本和牛。我們要求換，他們才說弄錯了. 之後可能我們三人吃得很多,他們在尾段又再上一些疑似安格斯牛（圖中顯示)，完全不是日本和牛，更別說是日本黑毛級數！！我們和職員理論，他們堅持說是同等牛，更訛稱只是在不同一塊 日本黑毛和牛切出，我們跟拍下照片作比較，又嘗試味道肉質是否相近。最後完全是兩回事，跟本就是安格斯牛肉，日本和牛收費，我們非常不滿這店對客人有欺詐成份. 他們宣稱提供任點任食日本黑毛和牛火鍋，便應該要用真材實料，如果擔心當中有太多客人會吃多，他們可以選擇收更貴嘅費用，或者事先在點食物前對客人解釋會有限制地給予客人的分量，這樣做生意很不老實. 極之失望的一間餐廳。未試過的朋友不