錦麗 (MOSTown新港城中心(4期))

營業中

休息中

女友今天返晏，又可以兩小口子撐枱腳食個lunch,本來諗住去香港地食，但行過見到新開左兩間餐廳，一間係茶餐廳，好多人等位，另一間係呢間越南牛河店，想試呢間越南牛河很耐了，但最近也要去大埔，估不到馬鞍山開了分店，女友早兩日先話想食越南嘢，正好，就去食碗pho 做lunch,我們排第二，等了差不多5分鐘就有位了，叫了兩碗錦麗綜合粉，有齊生牛肉，熟牛肉和牛丸，再叫了一個小食，大蝦扎肉米紙卷。小食先到，米紙卷卷得實實的，米紙唔乾，足料，點一下魚露醋醬，開胃好味。期待的牛河到了，滿滿一碗，份量正常，熱辣辣，試一啖湯，香濃牛肉味，清甜味，牛丸彈牙，生牛肉香滑，但最好食的是熟牛肉，肉味濃，唔硬，鬆軟好吃。唯一不好的是堂食雖然有水供應，要自己去庒不是問題，但卻是紙杯，如果環保一些會好D！

又係馬鞍山覓食，今日見到商場入面有個餐廳介紹，介紹呢間餐廳內容大概指(唔記得完全一樣的內容，大概係):在越南極受歡迎，可能係最好食的越南河之類的，一睇落去就覺得不可不試，無食會損失！最愛吃的為食狗點會放過美食的機會！？立即走到該餐廳門口，我去食當時應該剛開業，門口還放滿花牌恭賀開業，門口長長的人龍，當天不是拿票等號，由於人客太多還驚動保安到場，偶爾會有職員查詢人龍中會不會有一位/2位的客人，可以即時加快進入用餐。今日我地就係2個人，大約排了不到半小時就有職員問有無2人，就剛好前面都是大枱所以帶了我們進內。進去後看到點餐紙已放在枱上我地2個都係叫左綜合粉，乜都有，可以全部試d！不用等太久就有得食！第一時間當然試一試佢個湯先....我一直覺得湯係越南河粉的精髓，一試就知得唔得，影響好大，可惜的係呢間野的湯底得個甜字，我試左好幾淡，完全無牛的味，個甜味絕不是清甜/鮮甜個類，咁就出事，立即已減曬分無左個湯的配合，材料好都有d失色。河粉，不錯的，唔會太碎太淋，生牛肉有少少鞋口但可接受範圍，但無牛肉味，熟牛肉比生牛肉肉質較粗但肉味比生牛肉好，而成碗最好竟然係牛丸，真係估佢唔到！牛味香，而且咬開有肉

同七個朋友，喺馬鞍山食一餐聖誕午餐，諗唔到食乜，就經過全馬鞍山新開兩間最令人期待嘅餐廳，一間係敏華冰室，一間就係呢一間錦麗！一向都鍾意食越南河粉，所以一定要試一試！我哋大家差唔多到未，所以都係佢雜錦河粉同埋生熟牛肉河。 雖然係一間老字號，但係我超級欣賞佢哋成個branding同埋環境做得超級靚，枱面上高嘅調味料都擺得好靚！河粉方面，好好食，真係比得上越南嘅河粉！我哋仲嗌咗啲小食，米紙卷正正常常，但係遮瑕就有少少失望

朋友叫我開左就要去食，咁我就去試。我點了錦麗綜合粉，就係貪樣樣都有些。職員會放一杯芽菜，辣椒，青檸等配料比食客，我平時食越南，廚房已經放在碗麵入面，要自己挑唔食的出來，但這個好處就隨心放自己想放的，不用再翻挑。菠蘿冰無乜特別，只是七喜去溝菠蘿汁，面上放2舊菠蘿而已。綜合河湯底濃郁，牛丸彈牙，牛肉都幾淋，整體上不錯。

以前好多人都話馬鞍山係沙漠 雖然有好幾個商場 但係食物的店舖卻很少 不過聽聞最近都多返少少食肆🙃🙂當小妹知道開左哩間店舖時 都即刻入去潮聖🤘🏽😎錦麗牛丸粉 一碗有三粒牛丸 質感非常爽口彈牙🦷麵質都唔錯 河粉都幾好味👍🏽👍🏽錦麗生牛肉粉 都好好味架 肉質剛剛好 都唔會好韌 而且兩碗湯嘅湯底真心覺得不錯 食哂成碗粉都唔會覺得好口渴😄😀飲品點了椰汁涼粉冰 同埋凍雪梨崩大碗 前者個杯都幾重椰汁味🥥涼粉份量都唔少👍🏽👍🏽哩個配搭係最夾🤪😜後者個杯 真係第一次飲 崩大碗係舊式涼茶 飲落覺得有青草味但配合雪梨汁🍐感覺好清新 值得一試😊☺️