錦麗 (MOSTown新港城中心(4期))

營業中

休息中

同朋友去馬鞍山，路過商場見到錦麗就食Phloe，即越南粉。先叫过厨師推介综合錦麗粉，包括有生牛肉、熟牛肉和牛丸，牛肉夠霖，有肉味，一口一口河粉食，好似食拉麵食出聲，爽！當然重点是个湯底夠味，食前加入九層塔、青檸、 辣椒、芽菜等配料，配料也可以再加，吾好忘記加少許越南醬，會更好味👍另一碗是香芧豬扒撈檬、酸辣汁用小杯分開上，可以再添，我嫌酸辣汁太淡，不酸不辣，整體變得太淡，豬扒炸得脆，但我咬下欠肉汁，差了少少。再叫多个咖哩牛筋腩飯，咖哩汁不辣，正常，牛筋夠霖，幾好，可惜牛腩比較韌，麻麻地。越南菜當然要点小食啦，叫了一份炸蝦餅和小米糕。蝦餅正常啦，至於小米糕，帶咸的肉鬆和冇味的米糕一齊食，不錯。忘記還有一碟馬拉盞時菜，全碟精髓就是馬拉盞，吾識形容，味道剛好，連菜一齊，带出了菜的鲜味。整體環境不錯，侍應有禮，雖然有些菜式失準，每人平均$90，我應該會再來。

本身想去敏華冰室，但係竟然夜晚都要排隊，我地又肚餓，就試試隔離嘅越南菜。我地係兩人卡位就坐，不過檯面比較細。水係自助嘅，可以去後面用紙杯裝水飲。餐牌簡單易明，兩頁主食，一頁小食，一頁飲品。我地叫左兩個主食同一個小食，蒜蓉牛柳粒冇貨（大概九點）第一樣到嘅食物係熟牛肉河，配菜係自助嘅，有九層塔、香菜、芽菜、辣椒、青檸。唔鍾意香菜嘅我幫手用手滅完之後揮之不去...首先講湯底，濃濃嘅牛肉味，夠熱，牛肉反而有驚喜！平時嘅越南牛肉河無論生或熟牛肉，都只係牛肉片，但係！哩度嘅熟牛肉竟然係一舊舊嘅牛腩！超級足料！不過大家記住趁熱食，因為凍左個湯就有d鹹，冇熱食時候咁舒服。第二樣到嘅食物係越式炸卷，一共4件，配上酸紅蘿蔔絲同生菜。炸春卷嘅餡有粉絲、豬肉、筍、木耳，味道較辣，因為有重重嘅胡椒味。生菜非常爽脆，$38抵食！第三樣到嘅食物係越式三色飯，包括有香茅豬扒、炸扎肉、蝦膏蒸蛋。首先講個飯，夠熱，加上特調嘅豉油，唔錯唔錯！味道頗豐富，唔係普通鹹味，有少量蔥粒。到豬扒，非常厚！所以邊邊位有d呈粉紅，切開都比較難因為佢冇切到底，味道可以，香茅味較淡，但係適合我因為我唔係好好香料味。到炸扎肉，好味好味！厚切菱

好耐無行商場，經過見到開左間新嘅越南餐廳就入左去試。一坐低會放低點餐紙同越南粉嘅配料俾客人，好似叫點心咁，自己揀完交俾侍應就得。湯河粉嘅選擇比較少，主要都係牛肉河粉，無我想食嘅雞絲河...除左湯河，仲有幾款撈檬同飯，餐牌選擇唔算多。朋友叫左個綜合粉，有牛肉同牛丸。佢中意個湯底，夠味得黎又夠清。我就揀左個熟牛肉粉，牛肉唔係肉片，反而有啲似牛腩片，不過都唔錯。雞翼好香口！因為即叫即炸，所以十分脆！上面有蒜蓉醬，雖然加左係幾香，但略嫌過油膩，但都係好食嘅😋

新開張了一段時間, 今日放假, 來試吓喜歡的越南菜食物, 星期五晚上8點後仍有很多客人, 大約等了5分鐘就安排入座, 我們選了「錦麗生熟牛肉粉」、「越式咖喱牛筋腩飯」和「炸手作蝦餅」。餐廳裝修有特色玻璃花紋窗和強烈色彩配搭, 頗有越南特色感覺, 座位間隔亦不算太擠迫, 畢竟商舖租金好貴, 這是可以理解的。我們坐的是Bar枱, 對著牆壁食, 反而感到比搭枱和陌生人共坐來得自然輕鬆。 點菜是自助式, 侍應帶到座位就隨即提供點菜紙和筆, 水也是自助式, 有紙杯供應, 客人可到飲水站 self-service, 這也減輕侍應的工作量。「錦麗生熟牛肉粉」   ~ 好大碗的牛肉河, 牛肉和河粉份量也對得起幾十蚊既價錢, 牛肉好多件, 而且係厚切, 味道很有牛肉鮮味, 有肉汁, 好juicy, 亦好稔滑, 真係好好味, 在同區的越式餐廳, 這是最好的一間了。「越式咖喱牛筋腩飯」~ 牛筋和牛腩的份量也很多, 咖喱汁既足夠又好香濃。「炸手作蝦餅」~ 因先來好味的河粉和飯類, 蝦餅的質量比下去了, 比我期望的落差很大, 味道偏鹹, 沒有鮮甜蝦味, 完全不是越南式蝦餅, 只是有蝦肉的一個煎肉餅, 餐牌說$4

一人晚餐:點了蕃茄蝦膏濃湯檬及越式蔗蝦。蕃茄蝦膏濃湯檬的湯頭值得一讚。湯頭蝦膏味濃，有鮮味，間中會找到幾顆小蝦乾，茄茸和蝦膏很夾，整體味道很好。配料一般，只有兩隻蝦較突出。湯粉吸湯，每口都有蝦湯味。蔗蝦一般，只有即炸這一點可取。每件大小、味道都一般，故覺得少貴。40元4件。服務方面，餐廳的飲用會水是由食客自取的。對於一人顧客較不方便。幸好我的手提包不大，背著去取杯水也可以。不過我見鄰座的食客，就要背著重重的背包去取杯水。

之前經過見到佢剛開張，不過一碗麵也收超過60，又冇包飲品又冇加配其他，感覺價錢幾貴。 今日經過見到唔使等位，忍不住走了入去試試。只得一張menu 寫嚟柯打，夠簡單。柯打完即時送上一杯芽菜香草青檸，枱上寫著芽菜香草冇限量添加。碗麵份量不大，湯底色澤好深色。 牛丸一開二，也彈牙。 肥牛不見肥膏，但入口嫰滑。 腩肉就最美味，夠稔夠肥好美味。 至於湯底就真的十分濃，但濃到嚐不到鮮味，好似老火湯加粉感覺一樣。熱鹹檸檬青檸水，杯太細令到飲品太濃縮帶點苦味，建議轉用大隻杯感覺好些。

近年來的越式餐廳愈開就愈多，有些集團經營的品牌還一次於多個地方開分店。"錦麗"也似是近年來於香港常見的名字。門面廣告牌介紹是TripAdvisor 於越南排行23的餐廳，個人覺得排名不算高，不明白餐廳何解引此為賣點，但眼見有不少人排隊，那今晚就嚐嚐吧！玫瑰龍眼茶$20陣陣優香的玫瑰，配上龍眼糖漿開成的茶，味道略甜。大蝦扎肉米紙卷$30配料一如預期，外層的米紙卷帶點煙韌。蕃茄蝦膏海鮮濃湯檬$68湯底的蕃茄及蝦膏味道濃郁，只是配料的海鮮款式不多，主要有蝦、蝦米及疑似肉餅。整體來說，食物質素不錯，以價格而言，算是大眾化，可以一試。

今日好想好想食越南菜，就心血來潮就決定去錦麗。之前食過湯麵類，今日就食撈檬啦！我點了蒜香雞翼撈檬（65元），配料都幾多下，有青瓜、紅蘿白、生菜、花生及少量豬肉鬆。雞翼都幾大隻，炸得幾香口，肉嫩。醬汁加在碗內撈混黎食，正。食完口腔充滿蒜香味。飲品-我點了雪梨崩大碗（25元），我覺得麻麻，不過又唔算到難飲個程度。我未必會再點。

今日去馬鞍山試吓新開的越南餐館……錦麗，它說是正宗越南菜 Pho。四周環境幾有越南 feel，我們分别叫了蒜香雞翼撈檬、越式咖哩雞飯、錦麗綜合粉、蕃茄湯浸菜。落單後，侍應很快便放下3杯配菜，裏面有香葉、芽菜、青檸、蕃茄仔。朋友說去越南旅遊時，也是這樣，讓你自己加配菜入湯内，是自助式，没有一份份上。先上咖哩雞飯，雞夠嫩滑，黃咖哩帶少辣，有椰香味，不錯。跟住香茅雞翼撈檬，檬汁用小杯跟上，用完可再添， 雞翼炸得乾身，脆口，飽滿，至於檬汁帶少少酸，唔算辣，如果酸多少少，辣多小小就更合我口味啦。綜合粉有生牛肉、熟牛肉、牛丸，再加九層塔在面的越南粉。餐廳小贴士，要趁熱呷一口濃郁牛肉湯，加香葉入湯，青檸汁和配菜也加入湯，粉連湯一齊食，會更特顯它的味道，果然好味👍如果喜歡辣，可再加海鮮醬，有辣舆不辣。環境整潔，朋友說整體同在越南食的感覺很相似，每人平均$80，值得再來。

年初三， 當全世界無位嘅時候，發現呢間美食。不用說，集團經營選擇美食唔多，但樣樣都精，覺得好越南。豬扒鮮嫩，新鮮菜，味香，汁鮮。非一般豬扒雞翼，香脆終於都有一間似越式春卷。番茄蝦膏海鮮粉。老實說，一般，可以食得出蝦膏味，其他食物太出衆，食其他吧三色飯，幾特別，不過好碟頭飯蝦餅，無乜特別。最後滴流咖啡作完結。簡直完美。店舖食物種類唔多，無套餐，價錢相對實在。服務員態度一般，位細。清水要自助，由於舖細，移動相對辛苦。正常用餐可以，但要閒傾就.......

肚腩男對食pho係有種情意結同執著既，外國深宵天寒地凍，遠處見到24小時pho既霓虹燈，係會感動到喊出黎的。小弟一直系香港發掘不同既越南pho店去試，可惜絕大部份都係伏野，一試以後不了，亦都幾有陰影直到我揾到你，錦麗係pho界既清泉，雖然佢係集團式經營，但係真心會令小弟返轉頭食。例牌叫個生牛肉粉，太興奮唔記得轉金邊粉底，其實點解香港大多數都會default左係河粉底呢？講返碗粉，湯底就係靈魂。第一口啖湯牛脂清澈浮面，可以確保底下湯係熱既，再飲多啖湯，香料味牛肉味鮮甜濃郁一手揸落無限供應既九層塔同鵝芥，再加埋芽菜一齊掉落熱湯，香氣馬上揮發出黎，真係要大口鯨吞落去先夠爽！牛肉質素係好既，應該係用走肥西冷部位薄切出來，食落香滑牛味重，份量都幾多！加埋個海鮮醬混是拉差，放係匙羮一啖一啖咁拖落去食，個種味道係肚腩男既回憶，係青春呀！多謝你錦麗，帶俾我地最接近美加pho既味道！

邊個話馬鞍山係美食沙漠，冇啖好食嫁？我覺得 錦麗 嘅越南粉質素都唔錯丫.假日lunchtime & dinner time 都見好多人排隊.所以我大約6:00pm就到餐廳排隊，等咗15分鐘左右就有位喇.錦麗綜合粉 HK$66依個綜合粉有生熟牛肉同埋牛丸.我覺得依個粉好好食，因為個湯底好濃.生熟牛肉好軟好嫩，牛丸好彈牙.餐廳無限量供應咗香葉、芽菜等配菜，而且張枱有教學，教你點樣正確地落香料.落埋香料食，味道更好，個湯更香.香茅豬扒撈檬 HK65依個係朋友點的.佢話個豬扒好好食，肉一d都唔靭，亦唔乾身，而且好香香茅味.檬汁味道啱啱好，唔會太酸.不過個檬粉唔夠靭，撈撈下碎晒.越式三式飯 HK$66都係個香茅豬扒最好食.不過睇唔出嗰兩件炸物係蝦膏蒸蛋同埋香炸扎肉.依兩件炸物味道都係普通.總括黎講，雖然唔係樣樣食物都高質，但綜合粉的味道真係唔錯，真心推介.

忙裡偷閒， 預備團年飯之前先跟友人食個午餐。生熟及生牛肉粉，兩者牛肉嫩腍，湯底夠清唔會太濃味，馬拉盞醬菜心，菜心新鲜配馬拉盞醬好惹味，牛油雞翼， 雞翼肥大，牛油蒜味極入味， 熱騰騰好香口😋，蝦餅夠彈牙， 好滿完！堂食用纸杯自助斟水，覺得比較浪費纸杯！付款時想用信用卡， 原來沒有此安排 ，只收現金，八達通及支付寶！不過整體環境及食物都很不錯👍！生熟牛肉粉生牛肉粉( 走洋蔥走蔥) 馬拉盏醬菜心法式牛油雞翼 炸手作蝦餅 薏米水 越式滴漏咖啡

在馬鞍山美食沙漠中，難得有一間錦麗去過越南既朋友我深信一定會對Pho念念不忘偶爾會有種思念。。。-幸好錦麗分店開到黎馬鞍山晚上6點半到有兩三個人等位食完7點半既時候有成10個8個人等位好在我早食早走。。。-一埋坐，一人一份香料配菜仲教埋你要點食-不得了！真係好懷念既味道生熟牛肉肉質嫩口，牛味同湯粉簡直係完美配搭無得彈-好搞笑呢杯梳打有好打支香茅附上味道好清新！-豬扒好香口，撈檬好開胃-三色飯包含蝦膏蒸蛋、香炸扎肉、香茅豬扒蝦膏蒸蛋既味道怪怪地，唔岩我口味-當我鋪牛肉粉癮起時，我會再來錦麗食Pho架

唔洗排隊幾好。牛丸河幾好食，但d芽菜唔係太新鮮，熟牛河都ok 。其實都幾細碗下。唔係好夠飽。炸春捲好食，蔗蝦都唔金錯。不過食左幾次，越來越重味精，食完好口渴。請正視。