錦麗 (形點 II)

營業中

休息中

服務態度非常差 等緊排隊 有一個待應哥哥叫我地行埋一邊等 全部待應面口勁黑 等左好耐 我地有小朋友 等3人位 排第一 後面全部兩個嗰d 不停入 不停入 我地好客氣問句 大概等幾耐左右 佢話一係你一人坐一張囉 即刻入得 唔洗等 態度語氣都係勁衰 之後距就走左 我地都走人 以後不會幫襯 真心 無心做服務性行業 唔好做 免得趕客

錦麗越南人氣牛肉粉品牌。曾獲華爾街日報譽為「越南胡志明市最好吃牛肉粉」在越南嚮負盛名。湯底以多種材料精心熬製，味道清甜，嫩口牛柳作生牛，再以爽口腩位作熟牛肉片，牛肉爽口彈牙肉味濃。

行開元朗YOHO MALL,諗住食個下午茶,但又唔想食得太飽,諗到有間越南嘢都好耐冇食,近住Super sandwich旁邊食下午茶都要等位，睇嚟真係好多人食喎叫咗個生牛肉金邊粉，生牛肉一如以往都係咁好食😋，啱啱熟嘅牛肉一啖咬落去，好淋，好有牛肉味另外配埋啲蔥花更好食。另外加多個小食$22牛油雞翼放咗啲牛油蒜蓉粒係面，加上新鮮即炸雞鎚，好食😋溫馨提示：大家唔好即刻食，因為真係好熱😝自家製薏米水～飲完就冇咁熱氣啦😉

上次去佐敦嗰間食嗰個火車頭好鬼少餸！説好的補償失望嘅心靈，今日去返錦麗食，上次講錯咗，唔係佢嘅火車頭（貴啲），係綜合粉，午餐先至係$74，啲餸真係多好多呀！牛腩有成三大嚿，生牛肉都有兩大片，仲有兩粒大牛丸，而且湯頭好好味，質素一路保持水準，上次嗰間只係多兩片扎肉，但牛腩得一細嚿，生牛肉一細片，牛丸兩細粒。今日仲追加左個牛油蒜香雞鎚，好脆唔油裏便好Juice，平時都有叫，另外好鍾意飲佢嘅椰汁三色冰，但今日椰汁三色冰同埋紅豆冰都冇，所以只係叫咗普通嘅凍美綠。一路都保持水準，其實香茅豬扒都好好食，不過綜合粉多餸，所以一個人通常都係叫佢，如果同埋老公嚟就可以叫兩様大家share食。

之前買落左半價既coupon就到期，今日特登去食埋佢，兩點半到餐廳都要等20分鐘先有位，睇黎都幾旺下職員比左個qr code自己落單，但兩部電話都啫唔到個code，叫職員幫手落單，個職員大大聲話有qr code可以自己落單，我話啫唔到嫁wo，心諗落到就自己落左啦，特別比野你做咩。。。過一陣隔離臺又係啫唔到個code叫職員落，職員又係同一反應。。凍美綠 - 有少少過甜，但都幾重美綠味凍越南咖啡 - 可能飲開美式咖啡多，呢杯咖啡感覺甜左少少又唔太香咖啡味胡志明綜合粉 - 湯底都幾似係越南食到既牛河湯底，生牛肉唔多油花，但都有肉香，而熟牛肉就炆得幾淋，肉香都有既，牛丸質素都唔錯，河粉就中上啦，唔會好碎同唔易斷香茅豬扒撈蒙 - 豬扒都幾香口，肉質有汁又幾嫩，但香茅味就唔係太出，蒙粉加埋啲酸汁一齊食，都幾開胃蝦春卷 - 外層係脆既，但食唔到蝦/冇乜蝦味蔥油雞翼 - 蔥油同雞翼係分開，冇乜特別蒜茸牛油雞鎚 - 雞鎚上面有牛油蒜蓉，分開食又係雞還雞，蒜蓉還蒜蓉

錦麗的越南河粉是什麼質素不用我來評論，大家都食過。食物是正常水準，都幾好食。但我很少光顧。原因是每次光顧都完全談不上什麼賓至如歸的感覺。其實直頭每次都有火的感覺。首先一碗越南河粉通常唔使問佢都會比另外一碟芽菜辣椒青檸俾你，但元朗形點這間錦麗經常性唔俾你，直至到你開口問才俾你，但係嗰碟芽菜只有芽菜和幾片香草沒有辣椒的。問都沒有。第二，門口就算排了一條長隊，你都會發現店內有不少位置是空置的，但店員不會加快叫客戶入座。當我多事嘗試同店員講為何這麼多人排隊不叫客戶入座？他說是留咗給員工lunch，但我說已經留了很久都是空置的，回答是就是留給員工午飯。第三，送餐的時候，一張紙巾也沒有提供，也是問才給你一張輕飄飄的，好像紙巾是10分名貴似的。最後，我從來看不到有任何一個有一點點笑容的員工。一碗河粉大概$100一碗。

今日到訪餐廳，在疫情期間仍然需排隊等位沒有派籌號，需在門外等咗陣。晚市食人流唔算多，座位環境一般，清楚聽到隔離位講咩。蝦餅只有兩塊收費$46 味道略帶蝦香，口感鬆脆算不錯，價錢偏貴綜合粉 收費$77 是次到訪牛丸換了貨源相比以前牛丸味道略淡，湯底淆得耐都夠味，肉嘅份量如圖三色冰 份量頗多，略帶椰奶味一杯有 紅豆、綠色粉條，但沒有加大樹菠蘿（餐廳晚市堂食不提供套餐，建議午市到訪）

今日返工半日，放工後坐車返到元朗已經超過4點，回程途上家人已經催促要買外賣，呢啲鐘數買錦麗的二人餐就最適合！二人餐包括2碗金邊粉，小食及2杯飲品，食物方面都算豐富。家人叫咗牛丸金邊粉，牛丸大大粒而且口感豐富，好味。我叫咗綜合金邊粉，牛腩咬落夠嫩而且好夠味，薄牛肉有2至3片及同樣美味。小食拼盤各樣食品都算OK，雞翼及豬扒夠入味，越式春捲及蔗蝦就一般。我地另外再加咗個馬拉盞醬芽菜，食啲蔬菜平衡啲又健康啲。

去yoho行街，平時經過排長龍等位，今日入去唔洗等。食左錦麗生熟牛河同埋雜錦生熟牛河，湯底好夠味，好好食。再配埋雜錦小食併盤，有炸蝦，牛油雞翼 ， 蔥油豬扒，春捲， 一次過滿足曬所有。好滿足

今日買外賣二人餐$132這個安格斯火車頭+$30份量十足，不但有生牛肉、熟牛肉、牛丸、還有牛筋。生熟牛肉肉質軟身，滿有牛味；牛丸q彈大大粒，還有牛筋十分爽滑，充滿骨膠原。湯頭是鮮牛骨湯風味，味道有骨湯的鮮甜風味，雖然河粉黏在一起，沒有堂食的軟滑，味道尚可。魚丸扎肉香濃雞湯金邊粉這魚丸有五粒，口感十分滑溜，唯味道較淡，而那扎肉口感扎緊，外賣的金邊粉有些硬身，配上鮮甜的雞湯，味道香濃，又不油膩。馬拉盞菜心菜心灼得夠軟，味道清甜，帶少少醬油風味。甘蔗汁十分清甜，甜味天然，淡淡的，感覺滋潤青檸梳打有清爽的青檸酸香，十分冰涼，解渴清新。

今日外出吃午飯。錦麗沒有人龍，不用排長龍，立刻入座。越南綜合粉$72這综合粉包羅萬有，既有生牛肉、又有牛腩和牛丸。生牛肉雖然已經全熟，但肉質軟身，加上甜醬辣醬，幾滋味可口，牛腩相當香滑，又厚切，完全不用花勁咀嚼，又有牛肉味；牛丸爽口Q彈，滿有肉汁，加上越南牛骨湯，和那滑溜河粉，好吃。越南咖啡+$9咖啡慢慢滴下，味道相當濃郁，而且口味甘香，加上香甜的煉奶，咖啡濃香及甜滑，十分越式風味，很提神。

前排去咗錦麗食個early lunch，11:30am就派對，排咗5-10分鐘就有四個位。我哋就嗌咗錦麗生熟牛肉粉 $70， 胡志明綜合粉$72，錦麗牛丸粉 $70，因為係lunch set，所以$3 可以加飲品，我哋要咗熱薏米水同蔗汁。再加個特色小食拼盤 $72（有蒜蓉牛油雞翼，蝦春卷、越南蔗蝦、香茅豬扒）。湯底真係一流！無得彈！但係份量真係少！麵量仲少過公仔麵🍜如果加多一半就好啦！因為俾得呢個價食越南河粉會想食飽啲！🤣🤣🤣，其實小食拼盤都係太少！件數少，咁整大舊啲嘛！味道係好嘅！熟牛肉（似牛腩）失望，好un！但係overall係好食嘅，鬼叫我哋大食咩！

有一天來了元朗形點商場，剛好是星期日中午食飯時間。看見商場多個食肆都有很多人排隊，逛到這餐廳看見都有一定人數排隊應該都不會很差吧。排了15至30分鐘就被安排入坐了，餐廳環境很擠迫，坐得非常不舒服。點了一個午餐扎肉雞絲雞湯金邊粉$68並且加了 熱薏米水$3本懷著一個越南粉差極到有個極限。但當我看見到餐上到桌了，真令我驚訝。扎肉的份量就只有細半塊加細半塊將扎肉合埋只有一塊。雞絲都只有幾條。金邊粉就像河粉一樣無分別，湯只飲到油油的味道。熱薏米水就是最正常。只可以說這是一間不合格的越南粉，份量偏少，價錢不太合理。應該會blacklist 這餐廳。完全不明白為何這餐廳需要排隊來吃。不會再有下次！！！

今日同朋友趕時間想食個快飯，湯粉係不錯嘅選擇。餐廳採用自助落單，方便侍應生亦都方便到客人，自助落單程式有齊特別要求例如走蔥走洋蔥走芽菜之類，我依啲麻煩客人就可以自己慢慢揀😂由於綜合粉有齊生牛肉、熟牛肉同埋牛丸，而且同牛丸粉只係差兩蚊！所以我揀咗試齊三樣嘢～唔知係咪因為熟牛肉係牛腩嘅關係，個湯底相對油好多😢 好快已經有好濟嘅感覺 而且兩款牛肉都比較鞋，好普通嘅水準。下次都係唔好貪心，叫返牛丸算啦。另外餐廳嘅配料係喺一個小櫃嗰度拎出嚟，職員應該一早已經分好左芽菜同香料，但係芽菜放得太耐已經有啡色，見到都唔太想放落個湯度，最後我都選擇唔食芽菜好過😤收費方面都幾貴，依個要$72，而且係冇跟餐冇飲品嘅。

今日下午食飯時間由荃灣西返元朗，想食元朗Yoho的錦麗，不過通常周末都排長龍，所以決定坐緊車時順便用apps落埋外賣自取。錦麗有個2人餐，包2個金邊粉，一個特色小食拼盤，再加2杯飲品，性價比都幾高架。金邊粉方面，我同分別家人鐘意個牛丸金邊粉，及熟牛肉金邊粉。個牛丸真係幾正，大家不妨可以試下。至於個小食拼盤，有雞翼，春卷，蔗蝦同埋豬扒，都幾好味。外賣同堂食唯一的分別，係堂食可以添加芽菜，如果鐘意芽菜的，可以試下堂食。