錦麗 (形點 II)

營業中

休息中

你好。我要介绍元朗形点錦麗餐廳。食物品質新鲜，豬扒麵超好食。服務員態度 非常好，值得稱讚，俾個Like佢地。唯獨一樣缺點，冷氣吾夠，非常熱，咁大商埸只係佢呢間吾凍，食完粉或麵都成身汗，希望高層要積極留意，快快更换冷氣設施。或加冷風機。咁大家食得開心。

12月26日2024年在形點，錦麗 叫左個豬扒河粉，第一，等太耐，超過30分鐘！要催促才出餐！第二，當個餐來到，河粉是一個餅型！沒煮開！個碗還是凍的！第三， 埋單時，又不主動給我單據！總結： 服務太差！ 以後不再去錦麗越南餐廳了！

都已經一段時間冇嚟食錦麗，因為成日都覺得佢食唔飽，而且又要排隊。🤣呢一日下午茶時間，少少餓想食啲嘢，就過嚟，都差唔多下午4:00，所以人唔多，唔使等位直接入。🤭揀咗lunchset的招牌嘅生牛🐮金邊粉，配熱嘅鹹檸檬青檸水，$82。牛河係一貫嘅好食，生牛剛剛好，浸落湯度就會熟晒，但係又唔會太韌😆 湯底濃郁好香🥰 檸檬青檸水因為我走咗糖，所以非常鹹🤣🤣🤣另外，我見佢有個堂食優惠，$8就有一杯凍嘅話梅青檸蜜，所以都嗌咗試下。呢杯好好飲！酸酸甜甜，食完湯麵飲真係一流😙

回頭度🍪8/10｜人均消費💰~$50-60-錦麗喺唔少地方都有分店🤩最近發現佢嘅下午茶套餐真係好抵食平均$5X已經有主食+小食+飲品🥳味道仲要幾唔錯😋-🤍生牛肉粉 （小）$54湯底牛味算係幾濃旭🐮牛肉顏色保留到少少鮮紅咬落都軟熟 牛味都算出🤤河粉口感都滑🍜味道🌕🌕🌕🌕🌑-✨紫薯春卷就係米紙包紫薯餡咁炸🍠味道正正常常咁 同埋真係好細份不過除咗紫薯春卷🧐仲可以揀魚餅🍢蔬菜春卷🫔同沙律🥗味道🌕🌕🌕🌑🌑-✨香濃美祿除咗美祿 仲有多七款免費飲品可供選擇☕️加$9可升級做梳打/紅豆冰/三色冰/滴漏咖啡加$28仲可升級做新鮮椰青🥥-整體味道🌕🌕🌕🌕🌑（按生牛河做標準）抵食🌕🌕🌕🌕🌑

。今日下午12:00在錦麗食午餐，共3人。通常人山人海，要排隊。但員工熱誠招待，非常貼心，同我地講等候5分鐘就有位，麻煩等等，好有禮貌。入座後，要用QRCode落单，我地吾識，員工不厭其煩教我地。最後叫左軟殼蟹檬，香茅豬扒麵，扎肉粉，美味可口，值得讚賞。位置在YohoMall2.中心位，質素好，地方大，必食。埋单時員工仲有講再見。俾個like佢地員工。

香茅豬扒香氣四溢，肉質嫩滑，帶有淡淡的香茅味，非常開胃。豬扒煎得剛好，外皮微脆，內裡多汁，令人一試成主顧。而湯河粉湯底清淡鮮甜，配合柔軟的河粉，口感滑順，吸收了湯汁的精華。整體來講，這道菜色味道平衡，既有肉類的飽滿感，又有湯粉的清新，十分適合喜歡豐富口味的食客！

當日大約夜晚9點到餐廳，入去用餐前都特登係門口問左侍應幾點last order ，咁佢就話9點半，之後我話2位啦！入到去坐好已經即刻用佢個QR code 落單，之後大約9點20分開始每一位侍應都經過踢我張櫈，完全係趕你走，叫你過住既feel...由入去到走係大約30分鐘時間，其實未入去個時個位侍應可以同我地講已經last order 左或者廚房已經收左爐都得，我最多唔入去食選擇另一間，唔洗咁樣每個人都走黎踢我張櫈

一開張嘅時候食到而家 食咗好幾年 質素一路下降都唔緊要 特別係河粉 今日碗粉 簡直大開眼界 簡直同平時街邊魚蛋粉相差無幾 入去已經冇人招呼我直接同佢講話兩位 之後就比張枱我坐 隔多陣直接安排多兩個人落去冇問我搭唔搭枱 我就直接同佢講點解你哋唔問清楚都冇講清楚就安排多兩個人過嚟坐 佢話係咁㗎啦四人枱我都明白香港生活節奏好趕湊但問一聲係咪好難呢？問題係隔籬左右都仲有好多枱 特登安排搭枱係咩意思？要搭枱 都無所謂啦，唔緊要 好少問題 最搞笑係我落完單 搭枱新嚟嗰個 遲落單過我仲快過我上之後我就問佢點解會咁 佢話唔知喎 我睇單號 佢個態度講到好似我去追債咁廚房出菜又有問題 員工態度最大問題

錦麗下午茶香茅豬扒河粉$4️⃣2️⃣香茅豬扒唔係成塊上，佢係碎上，有3小件，充滿香茅風味，但河粉份量偏少。越式辣肉碎 扎肉河粉$3️⃣8️⃣辣肉碎入口少少辣配河粉食就好開胃，2片扎肉，同樣河粉份量偏少，女士食就OK，男士食就一定唔夠飽😆不過唔夠飽的話，下午茶可以追加小食$9️⃣有春卷／雞翼／蔗蝦／炸薯角，任你加～飲品揀咗熱薏米水，有濃濃薑汁同埋薏米，我覺得好好飲👍🏻唔使加一💰人均消費$4️⃣0️⃣#經濟之選 #下午茶 #錦麗 #元朗美食 #食在元朗 #yohomall #形點 #noodles #hkfood #hkfoodie #heleninocean

聽人講錦麗牛肉粉好好食，所以今日決定試下佢晚餐時間冇咩人等，好快就有得入去坐低一入座睇睇餐牌，嘩，一碗粉成80 90蚊，都有啲貴喎，但諗住唔黎都黎左，就試下佢啦我地total叫左2碗粉，一碗係火車頭，一碗係生牛肉，不過河粉賣晒，得翻金邊粉湯底好好飲，牛肉都唔韌，果然貴是有貴的道理🤣👍🏻我地另外仲叫左個小食拼盤，不過個人覺得就唔太好食

錦麗系我鍾意既越南餐廳之一，每個月都會食一兩次，唔知點解，有種說不出的原因。但奈何荷包有D承受唔住，唔係既話可能每個星期都會食一次一個人食就食簡單D啦，如果多人食就會叫埋炒通菜、小食之類。呢個係蝦+扎肉既撈檬，我每次係出面食撈檬，返到屋企就會肚痾，但係呢間唔會，我估係因為D汁係同碟嘢一齊上，而肚痾果D係一早放係張枱度好耐既….呢個檬粉係凍食，大熱天時真係啱曬。蝦🦐係爽口既。最後兩個字：好味😋完。

3月22日星期五，我老公喺深圳辦完事返香港，特意叫佢返到香港先食晚餐，幫襯返自己地方嘅食肆。佢仲喺B2巴士回程中，我就去咗呢間餐廳排定隊。但見到大部份枱都擺得非常密麻麻，差唔多膊頭碰膊頭，所以睇中3-4張單邊枱，感覺上唔會坐得太接近其他客人。所以輪到我，我就話俾職員知，我老公仲未到，想等嗰幾張枱。雖然職員馬上黑面，但我都照讓後面客人先入座，然後繼續排隊。之後再輪到另外兩位職員俾枱我，我都向佢哋同樣解釋。佢哋都係馬上黑面，仲喃喃自語唔知鬧我乜，我無理會。跟著下一張就係我想要嘅枱，老公亦剛剛到，於是我哋就坐得咗。但真係唔明白，我係用自己時間排隊，點解咁都會得罪啲職員呢？跟著叫餐，包括飲品、甜品。首先就嚟碟甜品，但因為係雪櫃攞出嚟嘅凍糕，咁我就話俾樓面知，我哋咩都未開始食，請佢將甜糕先放返入雪櫃。但佢竟然即時發火閙我，話點解我落單嗰陣唔講。救命呀，我真係唔知佢哋有呢個規矩，如果唔講，甜品竟然會係serve先囉！跟著全程呢位阿姐，不斷喺出菜間同另一位男部長，離遠睥著我哋講是非。真佩服佢可以乜都唔使做，一直企定定講是非，搞到我哋食得好唔安樂，冇食甜品就走。其實之前我食過呢個品牌嘅其他分店，食物水

第一次食錦麗的早餐，選擇有很多，份量真的不少。今天點了「香茅豬扒湯金邊粉」跟餐還有牛角包，炒滑蛋及餐飲。牛角包好香脆多層次，炒滑蛋濕潤，蛋味香濃。香茅豬扒夠稔，味道濃香，我最喜歡帶骨的部份，帶少少肥特別香口，湯金邊粉份量也不少。餐飲叫了奶茶，帶點點苦味，我雖要加少少糖來調一下味道，但茶都是有茶香。

咁啱行過見11:30前錦麗仲有早餐，就入去食早餐，點了特濃沙嗲牛肉配金邊粉，沙嗲真係幾濃幾香，有6 －7片牛肉，配上金邊粉好夾。金不換炒蛋，炒蛋係幾滑，不過比較多油。跟餐有一個迷你牛角包，可能翻焗關係，牛角包好硬一D都唔鬆軟，唔好食。熱奶茶，杯茶味都夠，不過唔夠熱。

今天到元朗走走看下南生圍的景色，起步前到形點2吃個午餐。去了錦麗越南牛肉粉專門店，他們獲米芝蓮2023必比登推介，其實我也是他們的常客。「錦麗生牛肉粉」湯底是每日用牛骨、牛肉以及多種香料長時間熬煮而成，很鮮甜不油膩，顏色清澈。生牛肉呈粉紅色，嫩嫩的顏色在熱湯漸漸變熟，將九層塔、芽菜等浸入湯內，辣椒及青檸汁是必放的，增加風味。「越南滴滴咖啡」煉奶放於咖啡杯底，滴漏咖啡慢慢滴出，好香濃又有特式。「椰汁三色冰」椰奶香濃，綠豆仁也鬆化。