金鳳茶餐廳

營業中

休息中

而家香港咁懷舊嘅餐廳真係唔算多經過灣仔見到一間好似好懷舊嘅茶餐廳令我諗起係電影先見到嘅情景、我一直都覺得呢類嘅餐廳好有特色小弟一直好鍾意食蛋撻、飲奶茶 一杯好嘅奶茶會影響當日既心情。我同我朋友分別叫咗一杯凍奶茶、一杯凍鴛鴦、過咗一陣我哋決定每人一個蛋撻試吓佢凍奶茶同凍鴛鴦唔會有冰 但係都夠凍 非常之好奶茶嘅茶膽同埋茶香亦都好夠味而蛋撻嘅蛋味都好夠，酥皮亦都好夠味唔會好甜或者好重牛油味，總之佢就將成個蛋撻整得好好食。

-本身好鐘意飲奶茶，食蛋撻，在會展行完Art Basel，久聞金鳳大名，就行過黎一試。-食物：叫左兩杯熱奶茶，兩隻蛋撻。因為當時已經五點幾，其實已經冇咩客人。杯熱奶茶唔錯，茶味濃。蛋撻就有啲失望，因為唔熱，唔脆，雖然明白五點幾都未必有新鮮出爐的蛋撻。-環境：港式茶餐廳的裝修，座位比較迫。店員都冇咩服務可言。我見入黎餐廳的主要都係遊客。-總結：因為冇下午茶餐，兩杯熱奶茶，兩隻蛋撻已經要HK$70左右。明白餐廳有啲歷史，對某些人黎講係食情懷，但如果你係為食物而來的，試一次就夠啦。

上晝去行鋪，見出開去灣仔又好耐無食過金鳳。所以就去佢到食個lunch再番Office。一如以往門口都係有條一龍喺到，不過好快就有得入去坐啦。每次嚟到金鳳都覺得所有嘢都好mini，而啲嘢食就好大份。可能為咗就番啲咁細張嘅枱櫈啦。坐低就即刻嗌咗個煎蛋菠蘿包，雪菜肉絲米。菠蘿包可惜唔係啱啱出爐，不過食落去嘅味道就係舊式茶記出品嘅麵包味。煎蛋係即刻煎就差極都有個泡。合格。雪菜肉絲米嘅雪菜肉絲俾得好多，搞到有啲浸唔到落個湯到，鹹咗少少。最後杯凍檸茶就正路啦，舊式茶記沖嘅茶膽，實香嘅。味道如一，值得繼續幫襯。

灣仔金鳳既菠蘿油實在太劣，個包實的的唔鬆軟超重身，菠蘿皮係硬既唔係脆。睇錯名原來呢間唔係出名果間，本地人都中伏，可能遊客會以為香港啲菠蘿包真係咁難食😢______________________________🏠金鳳茶餐廳📍灣仔春園街41號春園大廈地舖💵 HKD40 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

做野經過，見到openrice 有成20幾個推介菠蘿油 ，就買左個返公司做下午茶 一打開望到個菠蘿包形狀已經奇奇怪怪，好似長方形餐包鋪左層菠蘿皮 唔緊要！ 呢d傳統野最緊要有內涵，又唔係用黎野卡既，好食就得咬落去口感似食緊饅頭，好「漿」口，而且好大陣廉價麵包既味道，街邊2蚊個加左好多添加劑果種🤮🤮 菠蘿皮都完全唔脆，食落得個甜字成個包得塊牛油叫正常，好驚嚇 其實都無預期會係有好高質素，但無諗過係難食到咁，可謂係我食過最難食既菠蘿油…..咬左兩啖直接送入垃圾筒

以前都幾多時間會來金鳳食個快，因為佢曾經係我最鍾意食的沙嗲牛麵，但真係愈來愈多人，有時見到人龍都會走。今日癮起又得閒點，見唔多人都排下。排左三個字隊，入到去都係例牌坐一面，兩個大男人擠在狹小的卡位其實都幾辛苦，不過之前都係咁，算了，隨即就叫個午餐食。沙嗲牛麵+雙蛋+菠蘿油+熱奶茶一黎就上個菠蘿油先，菠蘿包身凍左，塊牛油重凍，失望。菠蘿油影唔切，因為急急腳就上埋煎雙蛋同沙嗲牛麵。餐廳用的碟好淺，所以啖啖都有濃郁沙嗲牛味，但唔知係咪趕住上菜，麵身好硬，似只係煮左分半鐘，你見如澳牛出餐都好快，但質素係維持到。雙蛋，一般。最後最最最緊要杯茶，唔知係咪耐冇飲，都係一般質素，茶味唔夠，真係有點可惜。希望情意結係可以維持到質素，而唔係成為佢有空間退步的因素。餐廳：金鳳茶餐廳 Kam Fung Restaurant地址：灣仔春園街41號春園大廈地舖  Address：G/F, Spring Garden Mansion, 41 Spring Garden Lane, Wan Chai #肥誠 #肥誠搵食 #fatshinghk #instagramhk #instagramfood #food #餐廳

一行三人入到餐廳 自己搵位 坐低左即話坐唔到三個人 叫我地坐住兩個 另一個自己坐 語氣差 呼呼喝喝 問佢之前有位係咪安排坐位俾三個人 話要三個人一齊坐就出去等 完全係你死你窮咁既態度食物叫左蛋撻同熱奶茶 蛋撻無蛋味 偏細 連壇島蛋撻都好食過佢 奶茶淡口無味 無特別見佢歷史咁耐帶外國朋友試 無下次

諗住好多年無幫襯，會一會你，點知再次嚟食，一個字差，食物質素差，環境差，服務差。叫個茶餐C……腸仔奄列（油浸奄列），茶走（真係走曬啲茶味），最最最離譜係個菠蘿油（個包底係濕嘅，成個發水麵包，當日天氣係涼涼地，個侍應話可能天氣凍有倒汗水無辨法，呢點我明，但我問可否換個隻餐包，佢就拒絕）算吧，無下次。

茶餐廳午時好旺，好多附近學生幫襯。茶餐廳食物味道一般，逼逼地，要搭枱，純粹為咗充飢而嚟。點了「特價午餐」菠蘿包：韌，凍冰冰，唔熱又唔脆，質感似隔夜麵包，有點淋有點濕，伴有少少牛油，但都無助提升味道，一般。五香肉丁通粉：最穩陣的選擇，因為只係翻熱罐頭食物，不過不失。餐飲凍檸茶：正正常常，不過不失。

灣仔金鳳餐廳，是有點情意結的，菠蘿油好食，奶茶好飲。午餐時間，間間餐廳都要等位，唯獨金鳳有位，就梗係諗都唔諗就入去緬懷一下。沙嗲牛通，火腿奄列，菠蘿油，凍奶茶。轉頭就已經有得食。沙嗲牛依然好味，沙嗲味濃，味道不太濃，又唔會死鹹。火腿奄列足料，裡面有好多火腿絲。菠蘿油有點失望，始終唔熱的菠蘿包無法令牛油稍稍溶掉。好處係好厚實，不是空氣包。奶茶和一般茶餐廳的茶膽不同，頗有特色，但始終凍飲不能真實試到杯茶的功力。但唔夠凍係敗筆。午餐盛惠$59，只能說生活艱難。

灣仔人氣懷舊茶記金鳳茶餐廳 今次又試試排隊店 望封面都應該估到 今次終於中伏啦 簡單紀錄下.⭐️沙嗲牛肉麵餐 $51 跟火腿奄列 菠蘿包見到咁多人排隊 事前提高左自己期望🤤試完覺得好食呀 係我最鐘意沙嗲牛肉既口味👌🏻沙嗲牛肉 算大塊 唔會碎濕濕👌🏻麵底用左傳統 捲曲度比較高嘅公仔麵.成個出品味道喺香港可以話好常見 由細食到大但價錢就一d都唔普通啦香港唔難搵到抵過佢嘅沙嗲牛肉麵而賣得貴 都唔可以話佢伏 （因為賣得貴 其實唔係餐廳問題…..）.🤮最伏係佢杯凍奶茶 又淡 又唔凍 又唔甜 又苦澀而且凍奶茶冇冰 都仲要收多$3見到佢地 水吧分開左2邊 一邊係門口 一邊係廚房而如果係門口果邊出餐 佢地出品嘅奶茶係預製明顯冇地方放冰 偷懶情況之下搞到佢地預製奶茶味道好似 放咗好耐融雪奶茶咁成功加入 以身試伏.寫文期間 見到網上有好多媒體 群組推介 同時網上都多人負評 搞到想試$2x一碗嘅沙嗲牛肉麵 平衡返心理…...#金鳳茶餐廳 (灣仔)地址：灣仔春園街41號春園大廈地舖.⭐️評分：味道：2.5/5 奶茶一分環境：1.5/5 傳統茶餐廳 feel 地方逼夾服務：2/5 澳牛feel 還好抵食：1.5/5

我本身都好少會comment食店既好or壞,但呢間茶餐廳原來真係唔係浪得虛名架,食評內有過百差評。本身諗住趕時間,同反正係食個早餐姐,姑且入去一試,點知真係中伏,個早餐真係不知所謂都一個點,奄列可以乾自到同d火腿分離咗,個牛肉通好似食隔夜咁,淋個汁上去就扮新鮮咁上枱,仲有個波蘿油,凍冰冰,仲求膽死加片牛油要比多$5...離譜到呢..好食無問題..咁難食,咁既質素仲叫人點會再幫襯!! 

唔知仲有幾多間呢啲咁有味道的港式茶記，仲會有自己餅房。餐牌啲字密麻麻，但其實都係嗰啲野。午飯時間門口的人龍好長，要齊人先可以入座。座位好逼，二人枱的話，會同對面位腳掂腳。雪菜肉絲比得好慷慨，不過個碗其實偏細，送到黎都索哂水。米粉唔會好似鐵線咁硬，味道都OK!但最欣賞的係好多人冇興趣的牛油餐包!!! 好多人都會要菠蘿包，但呢到的餐包好大個而且超級重手，絕對唔係空氣包，非常有咬勁，好有彈力，甜甜的，雖然冇整返熱，但都不減吸引力。

講開灣仔茶餐廳應該無人唔識金鳳茶餐廳，連朋友移民前都指定話要去呢間度回味下，食下佢個沙爹牛肉麵。我每次經過都會心思思想入去，今次係星期六中午，到既時候已經有唔少人排緊隊，等左大概十五分鐘就入到啦。今次坐一人卡位，雖然個位比較窄，但舊式茶餐廳黎講佢係幾乾淨，都坐得舒服。我今次叫左個營養快餐，五香肉丁公仔麵配菠蘿包，五香肉丁好香好Juicy, 質感唔係果種罐頭味，亦唔會話太辣，配公仔麵絕對一流。個公仔麵亦係軟硬度適中，至於菠蘿包加牛油呢個配搭亦都係無得輸，雖然無另外加錢轉新鮮菠蘿油，但個包都係好好味，好有水準。話說係我食到一半既時候有雞批出爐，果種香味係令人想即刻order 一打! 可惜個肚無位再食，希望下次可以再過黎食! 推介大家去試下!

平時講到灣仔，就會諗起金鳳茶餐廳。佢哋個茶餐真係每次食到我都捧住個肚走，最鍾意叫佢哋嘅沙嗲牛肉米，個沙嗲牛肉整得好出色好夠沙嗲味。而佢個奄列都用咗起碼有兩隻蛋，用了非常足料。除咗有少少美中不足嘅就係佢個包唔夠熱，如果個包都熱嘅咁就一百分。仲有一樣嘢係佢嘅凍奶茶係預先整好放入雪櫃嘅，所以唔會加冰去溝淡咗佢嘅奶茶味，每次去都一定要飲。食過返尋味😍