金鳳大餐廳 (D2 Place TWO)

營業中

休息中

喺荔枝角做完運動都已經八點幾，同朋友快快趣喺附近搵餐廳醫肚做完運動想食肉補蛋白質🤣見到久違嘅扒房即刻諗都唔諗衝入去🤣我哋嗌咗兩個扒餐都附送餐包，餐湯同飲品餐包勁軟熟！暖笠笠！搽牛油食簡直係comfort food羅宋湯酸度啱啱好，好開胃。雜菜都幾多蘇格蘭牛扒大大塊，配黑椒汁實冇死，好惹味雖然叫咗五成熟，但喺鐵板上邊高溫煮住始終係會熟咗啲。但口感依然嫩滑，牛味適中。底下嘅薯菜量完全唔吝嗇😂另外一個係店員推介嘅牛柳。朋友想食得特別啲，所以叫左野菌牛柳餐🤣呢個雖然冇得自己揀汁，但配埋佢嘅指定醬汁都幾好食。牛柳質地更淋，如果諗唔到食邊款牛，呢個都係一個唔錯嘅選擇

回憶滿滿，行商場見到竟然有金鳳，當然要去試試。依家食市經營不易，去到門口發現餐廳滿座，質素一定有保證。講到扒餐，唔係雜扒就係食牛，金鳳有好多的選擇，今次叫左美國牛小扒餐，因為鐵板上既關係，一定要叫五成熟！叫餐有餐包同忌廉湯(包野飲)，記得細個個餐包揸完牛油仲要點湯，食落去全部都係回憶！食鐵板當然唔少得落汁依個環節，如果小朋友見到實好興奮。我怕辣選擇左蒜蓉汁，炸炸聲，大人其實都好興奮。美國牛小扒餐 $190份量好多，2大塊牛小扒。切落去好滑有血滲出黎，唔洗五秒已經變左做七成熟，放入口岩岩好，所以千祈唔好一次過切哂，咁就可以啖啖都係七成熟既牛扒。兩塊牛下面仲有索哂汁既薯格，加埋茄汁就完美。

鋸扒首選又黎到我搵野食時間。Lunch 時間想鋸扒，一定要黎金鳳Lunch menu 長期大致都係果幾款今次我叫洋蔥鑊仔牛扒-仲以為係一塊塊⋯而傢變左薄切🧐荷蘭豬扒-都幾好食，係厚切豬扒，都好入味餐湯都係紅湯白湯金鳳既紅湯=蕃茄雜菜湯（沒有牛的）所以特別清甜白湯是-忌廉湯，比較淡餐包都係凍，如果整熱埋會比較好

成日都聽到啲人講港式豉油西餐普普通通，而家個個都話要食咩熟成牛扒、A5和牛，但小弟覺得係因為佢哋未食過金鳳呢啲老牌西餐廳姐😎佢有間舖頭開咗喺荔枝角嘅D2 Place，入面有唔少嘅霓虹燈作為裝飾，俾人一種懷舊嘅感覺，啱晒而家潮流興嘅Vintage風。講返嘢食先，我哋叫咗一份T字骨同埋一份西冷，都係叫5成熟（medium）👍🏼一落完單，店員就好快手拎咗兩個餐湯俾我哋，一紅一白，熱辣辣配埋軟綿綿嘅餐包，天氣凍食個包飲返個湯，真係幾正。西冷牛扒我哋叫咗黑椒汁，加咗啲新鮮嘅生蒜，肉質嫩滑。T字骨我哋叫咗蒜蓉汁，肉味濃厚，不過近骨頭嘅位置會比較生，如果怕食生肉嘅朋友，可能需要叫七成熟。總括黎講，食返餐好嘅牛扒，可以考慮吓呢度，因為價錢相當親民，埋單都係三舊水🤣🤣

1. 等位餐廳唔大，成日都好多人，晚市時間食簡直迫爆😂⋯ 等咗大概20分鐘（唔算超級耐，因為我哋前面本身都有10張檯⋯）2. 環境因為地方細，所以環境都一般般，比較迫。拎住多嘢唔建議嚟呢度食～但上菜速度超快😂 嗰頭嬌嫩嗰頭個湯就出現了3. 食物質素今次叫咗一個招牌牛柳餐（蒜蓉汁），一個西冷牛扒餐（黑椒汁）。每個餐都會跟一個湯加一杯嘢飲🧃我哋叫咗羅宋湯凍檸茶同埋凍朱古力。 招牌牛柳好味！叫咗五成熟，好有咬口，但凍咗就有啲韌，建議快快趣食！Side dish有厚厚的翠玉瓜同埋薯條🍟 好味！蒜蓉汁都幾配，如果想額外加蒜蓉嘅話要加$5，嗰時冇㗎但見到隔籬枱加咗都幾吸引西冷牛扒就比起牛柳硬身少少，個人就比較鍾意食牛柳多啲啦～ 不過佢都唔係差！合理。餐包都好味，羅宋湯都好飲嘅，不過差就差在羅宋湯嗰個碟，都有少少污糟吓同埋佢哋係直接微波爐叮😂（所以我估先上菜上得咁快哈哈，不過呢個冇乜所謂）講到杯凍檸茶，就有啲失望，好淡茂茂🫣平時好鍾意飲嘢嘅我都飲唔晒lol4. 價錢算係平民扒餐，比起大快活高級少少咁🤏🏻 $133可以鋸扒我覺得合理！加上牛柳真係幾好味～ 又唔係好細塊，覺得幾好！

今日去完D2 Place 睇戲，大約7:00pm左右，就梗係睇下有咩好野食，見到3樓轉角位比較多人，一望原來係金鳳，心諗正wo好耐無食過，因為平時多數去太子間老店平時都係叫港式既扒餐，今次就同朋友一人一個港式、美式，試下有咩分別先落完單，餐廳職員好快就上湯，我地叫一紅一白湯，餐湯配烘過既餐包無得輸啦🧈🥯飲品就叫凍檸檬茶、可樂加冰底🥤🍋🍵到金鳳扒餐當然要加蒜蓉($2)，我同朋友兩個仲雙重添，配埋蒜蓉汁招牌牛柳餐🥩其實平時都食開呢個，叫五成熟，配埋薯菜，因為好好味唔會衰，仲有好多肉汁添，肉質又淋👍🏻點知佢竟然有對手，就係美國牛小排餐，職員有問用唔用鐵板上，我地兩個都比較鍾意鐵板淋汁落去既聱音，當然鐵板上喇都係叫五成熟，配埋薯菜，特別既係用薯格，唔係好似牛柳餐配薯條，一食牛味好重得黎又有肉汁經過今次，我估下次再黎會再試埋其他美式扒餐

全晚淨係去2人枱，去咗一個鐘入咗十幾張，4人枱只去一張，但係又唔係無4人枱嘅客喎，有成十幾張等緊㗎喎，所以如果2個人去嘅就OK, 4個人或以上就唔好去喇。嘢食一般啦，服務就唔係好囉。

金鳳大餐廳 (D2 Place) (荔枝角)嚟咗D2行街，呢間港式鐵板餐好多人排隊，就入嚟試吓❤️❤️餐前紅湯、白湯羅宋湯入面好多蔬菜，幾好味，酸酸甜甜，好開胃😋😋白湯好creamy，味道唔錯😊😊餐前麵包🥯麵包熱辣辣，配埋牛油食😍😍將牛油溶化👍鐵板美國牛小排$190🥩鐵板餐大大份，美國牛小排肉質鮮嫩，再配埋鐵板嘅熱力，熱辣辣咁食，好味🥰🥰下面仲有好多配菜同埋薯角，推介🥘🥘+蒜蓉$2上面仲有滿滿嘅蒜蓉，配埋鐵板牛肉食，好滋味，一定要試😋😋鐵板鴛鴦扒豬扒+雞扒 $120🍖🍗好抵食，豬扒同雞扒好大塊，配埋黑椒汁食，好惹味🤩🤩下面仲有薯條同埋粟米粒、蔬菜，好足料😙😙飲品：熱檸水、凍唂咕+$5飲品美味解渴，檸檬份量都幾多❤️❤️ 凍唂咕可可味濃郁🥤🥤地址：荔枝角長順街15號D2 Place二期3樓312號舖整體評分：4/5味道：4/5環境：4/5抵食：4/5

今日同朋友黎D2 place 行街，行行下肚餓，見到呢間金鳳餐廳周圍都有分店，應該唔會差，就入去試試佢佢裝修比普通茶餐廳有特色，有d 懷舊風味，我同朋友叫咗兩個扒餐，好快就有得食，好有效率，我地分別叫左----------------------------帶子牛柳餐（$168),同埋招牌牛柳餐 （$133)跟餐已經包佐牛油方包餐湯同野飲，凍飲仲唔使另外加錢牛柳上面啲帶子大大粒，軟硬度適中，黎到時店員會即時在鐵板上淋上黑椒汁，即時好多煙冒出嚟，好膨拜牛柳好juicy, 牛味好重，我哋揀咗五成熟，唔會太熟啱啱好，呢個價錢有呢個份量同質素真係非常抵，下次去開d2 place 可以同朋友仔再試下menu 上其他野食

上完瑜珈必做動作就係黎D2覓食，今日黎鋸嗰靚扒先😌我同朋友分別叫咗美國牛小排餐同鴛鴦扒(豬+雞)餐，會跟牛油餐包、餐湯同飲品，唔洗擔心食唔飽！餐包好鬆軟，幾驚喜！餐湯我哋揀咗羅宋湯，想講真係好濃好夠味，會有少少辣但唔食辣嘅朋友都可以接受，同埋幾多配料下，我同朋友一致好評👍🏻美國牛小排餐一上菜嚇親，有成兩大塊牛小排，大到爭啲跌出黎😂 唔單止大，仲好厚添，真係想唔飽都難🫢叫咗五成熟，鐵板上出到黎大概七成熟，切開可以見到仲係粉嫩粉嫩，同唔會韌到咬唔開👍🏻仲有跟薯格同時蔬，真係飽到好滿足！鴛鴦扒餐朋友唔食牛所以揀咗鴛鴦扒，一次滿足兩個願望😎 真係好crazy，呢度嘅扒全部都勁大塊！豬扒最驚就係硬梆梆，但呢度嘅豬扒都算幾鬆軟，雞扒都好嫩滑，值得一提係嗰蒜蓉汁幾正！飲品就冇乜特別，正常發揮！

今日星期六等位的人比較人多，要等了30分鐘以上才有位，這裡地方唔算大，座位與座位之閒距離比較近，但上菜時間就好快，叫了兩個煎蛋牛扒午餐，一個蒜蓉汁和一個黑椒汁，牛扒質素都唔錯，份量都幾大件。

話說當日和朋友嚟食嘢、叫了餐後、想叫杯水飲叫咗個女侍應，佢見到我叫佢辦睇唔到👀⋯望一望我沒有發聲，😓等了5分鐘我再叫男侍應、佢先理我、後來終於有2杯水了⋯真係心存感恩！—.—🤯叫了個西冷牛扒、到了⋯好好味💕肉質5成熟剛好合我要求😋👍🏻👍🏻然後叫了個豬扒薯條⋯又係個名女侍應⋯佢邊玩手機邊送餐，不能夠理解？原來可以咁樣操作⋯但本人不能接受咁樣不衛生行為、始終手機屏幕真係好污糟⋯希望餐廳可以改善下😓😓豬扒薯條到了⋯大大件🤩唔錯！同埋都好味，多汁💕2人加埋200有找 ！抵食但至於樓面服務態度衛生就不能接受⋯😓

呢間餐廳應該冇人唔識, 兒時成日去据扒, 大個每次去開都大排長龍, 今日放假, 行開d2, 6點, 人未放工就衝入去食左先. 我同老公每人都叫左一個扒餐, 一個牛柳餐, 另一個係貴族牛扒餐.湯方面我地一紅一白, 紅湯係一貫水準, 好多材料, 而白湯就有驚喜, 初頭仲以為係普通忌廉湯, 但原來佢係周打魚湯, 湯除左有粟米同洋蔥, 仲有魚塊, 好味. 餐包叮熱左, 一放入牛油立即溶化, 正.我地2個扒餐都係鐡板上, 本身我地係叫7成熟, 但職員好細心, 佢話因為鐡板有熱力, 如果平時食開7成, 可以叫再生少少, 因為怕牛扒過熟, 唔滑身, 我地就改為5成了.牛柳餐牛柳好厚身, 切開仍然嫩粉色, 唔會過熟, 重牛味, 薯菜方面, 除左薯條仲有翠肉瓜.貴族牛扒下次必叫, 比起牛柳更重牛味, 重點佢好滑身, 食得出牛的質素係高級過牛柳餐, 不過, 牛柳餐都好好味, 只係貴族牛扒更加好味. 唔怪得價錢方面都貴d 而薯菜都有所不同，貴族係用我最愛的薯格.

行開D2place, 見到金鳳，朋友推介話幾好食，我地就入左去試下😍入到去覺得座位都幾闊落幾好坐，就算好多客人都點左鐵板，都唔覺得好烏煙障氣。金鳳除左鐵板扒餐，原來仲有得就咁揀用碟上。但係覺得用鐵板有feel d, 同埋影相好睇d😂所以我同朋友都揀左鐵板。我揀左美國牛小排餐，朋友就揀左雜扒餐。套餐附送左餐湯同埋飲品，仲有餐包。我好中意佢地嘅羅宋湯，入面好多蔬菜，好足料，唔似一般罐頭湯味。餐包都好柔軟，唔會又乾又硬。終於重頭戲牛扒黎啦😂我揀左蒜蓉汁，淋落去乍乍聲，好興奮呀！牛小排有兩大塊，真係超大份架！揀左五成熟，唔會過熟。因為鐵板都仲係好熱，唔想叫得太熟會越嚟越老。揀五成就啱啱好！肉質好軟滑，唔鞋口，又厚肉。加埋蒜蓉汁好惹味🤤朋友揀嘅雜扒餐，一樣都係份量十足，豬扒超大塊。佢個塊牛雖然好似係全熟，但都完全唔老唔靭。食到好飽好滿足，我覺得以後行開D2place都會想食番佢😍

好多年前成日食金鳯，但近呢幾年都冇再食，因為覺得質素差左，今日同朋友去左荔枝角香工shopping完，朋友提議呢間，我個心都沉左一下，不過難得朋友想就試下，點知好多人，咁攞左籌就都打算搵第二間，因為大家都好餓同目測至少要等一個鐘，但搵嚟搵去朋友都唔啱心水，最後諗住去金鳯樓下嗰間，咁都順便再睇下到我地未，點知風迴路轉，瞬間有位，總結等左半小時😆一貫羅宋湯和忌廉湯，朋友飲忌廉湯覺得稀，我飲羅宋湯覺得ok,當然不是濃濃的那種，但有時都要和價錢和style相提並論，餐包鬆軟暖暖的配牛油冇得輸，這是我最喜歡地道扒房的特色.鐵板牛柳，好好食，我叫七成，肉質嫩娕的，配黑椒汁很惹味鐵板羊架，朋友叫，我試了一點，極力推介，我想如果有下次，我會叫這個.總結嚟講係有驚喜，冇諗過呢間金鳯嘅扒咁好食，150-160算係好抵，因為份量多又有湯又有飽又有野飲，值得推介.