金鳳大餐廳 (山林道)

營業中

休息中

星期日喺尖沙咀下午餐，要搵間平價茶記都唔易，仲要喺免加一難上加難。知道旺角都有間分店係食扒為名，每次經過都好多人排隊，但尖沙咀分店就唔洗排。食過幾次都明嗰分別，服務態度，真係一分錢 一分貨。所以如果睇錢分上，想用平價兼醫肚，又唔想食連鎖快餐店，呢間十分推介！平時食開撈公嘅我，今次想試下嗰炒飯，大碟就大碟，但味道極麻麻，香又唔香，好乾嘅一碟。望倒隔離枱嘅17蚊西多士加杯飲品，好似仲吸引

下午茶時段，外店望餐廳內，賓朋滿座，就入去試試啦！ 坐低後望望餐牌，咦～下午茶好多款揀wor !！ 眼見隔離枱既下午茶餐好大碟，西多士都好大件，睇落好吸引！我叫左個沙爹牛肉少河，超大碟，都係$29！ 牛肉好多，可惜碟河粉只係微微熱，更顯沙爹汁有陣油溢味，太油啦！

細細過daddy同mammy就帶我去呢度鋸扒 每次鐵板上咋咋聲都好興奮 我好耐冇黎喇 最近裝修完 就同左daddy 價仍然好吸引 先唔好理好唔好食 兩個人 叫左一個西冷同一個肉眼 包餐湯餐包同野飲 都係200蚊有找 而且味道可以 已經好夠 餐湯有紅有白揀 餐包又夠熱配埋牛油 性價比極高 但係如果你問我 牛扒有冇肉味肉質如何 咁既價錢真係冇得要求咁多 我會答你 食到 蒜蓉味 鐵板上到黎 超夠熱 侍應會即刻走黎問你蒜蓉定黑椒 有辣有唔辣 2款汁 任君選擇 講番肉質 我真係唔太分到肉眼同西冷 因為2款都係好夠淋 咁既價錢 唔又唔太薄 我已經覺得好okay 最後加杯飲品 完～

老公話想緬懷一下少年時來食的味道， 於是就陪佢來試試。 我地早到， 有卡位坐。。YEAH!!!!叫左個帶子牛柳 同 粟米石班， 加$15 轉餐， 包餐湯，餐包同餐飲。 侍應問我地凍飲要唔要加$3 加大， 初時都覺得好怪， 又唔係麥記， 點解有得加大 (⊙o⊙?)......后尾侍應解釋原來餐茶size只係平時茶餐廳裝水隻杯。。。加大先係茶記正常凍飲隻杯size ☺, 餐湯一紅一白， 味道都ok, 紅湯少少辣， 冬天飲都幾舒服， 餐包好松軟， 但美中不足係凍凍哋， 如果暖點會好好多帶子牛柳 -> 例必加蒜蓉 (加$2).....牛柳要求7成熟， 啱啱好冇血水， 好嫩， 入口即化， 蒜蓉汁好正粟米石班 -> 粟米汁唔會太甜， 好好味， 但魚有點干身， 點邊位好硬， 較難切開

超巨型美國肉眼扒只付$86,很抵食,7成熟,有羅宋湯,但湯很希,碗大湯少.

$100以下既價錢食扒，金鳳都算係大份夾抵食！因為著左白色衫的怕整污糟所以叫左碟上，雜扒份量真係好多，大食人士都食得飽飽，牛柳就叫左五成熟，我自己覺得岩岩好，入口唔「send」唔「un」，唔洗太用力都切到👍🏻係尖沙咀食扒以價錢同份量睇，係好抵食！

又返尖沙咀，下午同同事去左金鳳大餐廳醫肚，佢事先聲明係頹食，所以叫我有心理準備。下午2點半左右去到，但爆人，要拎飛等位，好彩人流都算去得快，好快就有枱，仲坐到卡位。午餐都有7種選擇，算好多，尤其啱我呢啲選擇困難的朋友。跟餐可配飯、意粉、沙律或薯菜。仲要有餐湯、餐包配飲品。同事揀左個青椒牛扒跟飯，我就粟米燴龍脷柳跟飯。餐廳帶點懷舊，牆上啲相都已經發黃，見到店主同蔡瀾的合照，好有味道，而大部份食客都係附近的工人或居民。上菜速度都快，可能知係打工仔趕食飯。湯先上，好夠味，羅送湯好足料，飲完成個人暖晒，個包係普通貨色，但仲暖。到個子飯，好大碟，成塊扒攤係飯上面，多醬汁，味道雖唔可以話超級好食，但魚柳都好滑下。我個大胃同事食完都話好飽，所以呢度係佢的飯堂，因為平靚正快，40零蚊便可食到飽飽，絕對抵食之選，下次黎試下佢個下午茶先。

叫了西冷扒，只覺得okay普通。但想讚的是牛扒上面的蒜蓉，那是真的挺好吃！我問侍應可不可以又要蒜蓉汁又要黑椒汁，佢好nice話可以。所以整體只可以說okay 啦～

去金鳳懷舊一番是日去左尖沙咀既金鳯想話懷舊一下，可惜呢邊裝修有點點太新穎了，還是愛銅鑼灣店比較多點😁紅湯（羅送湯）比以前的溥身左，但依舊好飲，餐包永遠是亮點。個鐵板依舊炸炸聲，已經夠回味一番，價錢還是親民，套餐$7x 起，不過明顯隻鐵板牛牛明顯細隻左，塊扒細件左.... 😁

估唔到呢個世代,仲可以係尖沙咀可以食到$30樓下下午茶仲要唔先加一,地點又方便西多炸魚柳老老實實,西多的確唔錯多士都厚身,外脆肉軟不過花生醬真係太少魚柳都OK,唔算厚粉呢個價錢係平到喊

同公司同事一行二人去了附近金鳳食lunch,去得金鳳一定要食据扒.我叫了牛扒飯,另外位同事就食雞扒意粉.餐廳環境唔錯,好西式又大唔似深水埗果間成日要等位.雖然我唔知係咪同一間分店黎.呢間既扒都幾大塊,雖然只係lunch set但價錢幾平.有湯,飲品都只係$42.

假日去到尖咀食飯當然預咗難泊車難搵位啦，咁岩嚟到金鳳門口唔洗等位而門口又有米錶位，咁就決定入去食啦金鳳呢間老字號，幾時嚟都必會滿坐。今日都唔例外。餐湯羅宋湯。餐包雜扒餐 。 西冷牛扒餐大大件，仲有薯條雜菜喺底揀咗要蒜容。雜扒有牛，豬，火腿，但就無雞。但牛扒就無咩牛味，有蒜香汁搭夠。但一個扒餐連餐包，餐湯餐飲都係80蚊，邊度搵呢芝士焗肉醬意粉味道夠濃好有芝士味，推！餐飲～當你落餐飲時侍應會問你加唔加大（加3蚊），睇下下面張相就知大細既分別左係加大既杯，右係正常杯，如果叫凍檸茶，扣除了冰同檸檬，茶飲幾啖都無lu。所以下次嚟記得要加大呀。

有時候新的未必係好～就好似金鳳呢類舊式扒房咁，價錢相宜，大件夾抵食🖖🏿除左尖沙咀，喺其他地方都設有分店，但各間分店位置都唔算好就腳🤔而尖沙咀呢間的裝修就較新淨，因為較早陣子佢地裝修過，設有卡位同普通茶餐廳長方形枱。點餐後，侍應會為顧客送上一份餐包同餐湯。紅湯的材料完全沒有偷工減料，味道非常濃郁👍🏿而main course，小編同朋友一樣，都係叫左招牌牛柳+蒜蓉🍴提醒大家，蒜蓉是 必 須 加！！！💯蒜味為成舊牛柳提升到另一個層次！小編選擇左5成熟，鐵板上菜能保持牛排的溫度之餘，牛柳非常juicy，無筋，完全唔會難𡁻！食完之後，飲埋杯野飲清一清口氣就真係大滿足！🈵非常之飽～總括黎講，百零蚊食到呢個質素的牛排我覺得很滿意👍🏿必定再光顧～☺️

聽到鋸扒，有時都會以為係好貴。但係黎到金鳳鋸扒！一百蚊有找已經食到非常非常飽了！以前黎金鳳啲座位置都幾逼，同埋燈光比較昏暗，會有扒房嘅感覺。之前翻新過，座位較寬闊，燈光光亮左，但整體變到同普通茶餐廳分別不大。黎鋸扒會有齊餐湯、餐包、扒、飲品湯有羅宋湯同忌廉湯，我就叫左忌廉湯，我覺得個冇乜味，同埋比較稀。餐包微暖又軟熟，好味！T骨牛扒(5成)其實店員問我地幾成熟好似真係冇乜用，因為叫五成，最後上碟都幾熟下😮好大塊！用鐵板上淋黑椒汁時吱吱咋咋出晒煙係會好興趣😂肉味係有嘅唔會太靭，價錢大概一百，咁嘅價咁嘅質素係扺嘅！但係塊扒真係太大塊了，淋完汁後啲汁倒晒落枱面，浪費左之餘亦污糟肉眼扒(6成)都係好大塊，啖啖肉又冇骨，而且筋位都唔多，所以好適合懶人😂肉質都唔會靭，但係我覺得相比起以前，質素差左。我好中意食薯條，十分不幸今次扒底啲薯條燶晒😭不過依然覺得好扺食，價錢大約七十多，食完真係好飽每個餐都包一杯野食，凍飲仲唔洗加錢！食完熱辣辣嘅一大塊扒飲返杯野就非常滿足！但係杯野飲係mini size, 想飲大杯啲可加錢轉大杯。總結黎講個人覺得質素係差左，但係價錢合理、而且份量大，金鳳依然係鋸扒之選！

另一半話好耐之前帶過我來依間金鳳食, 但我真係毫無印象喎, 你係咪帶第2個來呀...XDDAnyway, 食依種舊式鐵板燒係有佢的風味, 例牌配白湯或紅湯, 加個招牌餐包自己搽牛油已經好回味.再加上熱燻到黑晒的木板同鐵板, 配上大到食唔晒的雞扒, 薯菜加埋蒜蓉汁, 最喜歡的配搭!