金鳳大餐廳 (新都城中心三期)

營業中

休息中

金鳳大餐廳 (新都城中心)以前細細個同屋企人去啲懷舊扒房，最興奮嘅一刻就係「咋~」果下，大家都會拎住張紙巾仔擋住油煙而家市面上唔少茶餐廳同快餐店都會有鐵板餐提供，但就好似賭大細咁，唔知佢係咪真係會「咋~」住上~今日嚟到金鳳，我哋聽到成間餐廳啲鐵板餐都係咋住上，真係好懷念-------------------------🥩美國安格斯肉眼扒餐 $198果然係安格斯肉眼扒， 牛味勁濃郁，油脂分布均勻，仲要配埋薯格，正！哩個系列嘅扒餐可以揀鐵板上或者碟上，記住如果揀鐵板上而想係實際5成熟的話，就要揀3成熟，因為鐵板上會熟多兩成。🍖帶子牛柳餐 $173哩個牛柳冇安格斯牛味咁濃，但肉質勁軟腍，但又冇鬆肉粉味帶子大大粒，味道鮮甜，唔會過熟餐湯餐湯有羅宋湯同忌簾湯兩款，羅宋湯有滿滿嘅雜菜，仲配埋牛油餐包，簡直係perfect match！-------------------------金鳳大餐廳 (新都城中心)🎈將軍澳貿業路8號新都城中心3期地下G19-20號舖

難得聽日放假，晚餐當然要食得好啲，獎勵吓自己，放輕鬆一下。睇餐牌的時候竟然發現到一啲好嘢，平時茶餐廳黑牛都比較少見，這裏竟然有紅色黃色白色，所以我哋今次叫一紅一白麵包熱辣辣，最適合配餐湯，如果鍾意濃味啲可以選擇紅湯。好像我不吃牛肉的人，這裏也有很多選擇，我叫的是香煎雞扒，竟然有兩大塊雞扒，而且煎得非常之香口，配合蒜蓉汁，真的是滿足了食肉獸的感覺底部仲有翠玉瓜同埋薯條，非常之飽肚。由於將汽水倒入雪糕會不斷起泡，所以餐廳索性俾一罐汽水，我們自己逐啲逐啲到落去，原來白牛真係好好飲，雪糕就好像cream一樣，令到成杯汽水更加香滑。另一杯是草莓雪糕加利賓納，原來俾我哋的是梳打水，紅牛是最特別的，因為依家在餐廳飲利賓納真係買少見少。另一個是西冷牛扒餐，叫了五成熟，非常之嫩滑，有兩大塊，配上黑椒汁，非常有港式風味。

今日同女朋友去試新嘢，喺路邊見到呢間充滿懷舊風格嘅港式扒房店🥢一如以往慣叫咗三成熟，改咗牛扒不過不失有啲熱氣。🍜白湯承傳港式傳統有落四季豆，🥫紅湯較為遜色，缺乏牛肉味。以舊式扒房來講感覺水準有點下降。但話雖如此牛扒🥩有用傳統坑紋鑊煎，充分咁將肉汁煎出嚟，配上非常下飯嘅蒜蓉醬。兩者將回憶食到出嚟。唯一敗筆點係加得太多蒜，生蒜冇經過煎香，所以食落有啲辣口，影響享受牛肉嘅體驗並且食唔到三成熟牛扒嘅鮮味。#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

呢日唔想煮飯.約埋屋企人出街食.聽講將軍澳新都城開咗間金鳳大餐廳.便決定搭地鐵寶林站行過去新都城三期.唔使3分鐘.去到門口見到門口企左五至六個人在等位.便立即去門口部派籌機攞位.在等位嘅時候.睇見啲侍應好似還未熟悉運作.經常送錯食物及手腳有啲亂.見到啲扒餐好似好大份咁.等咗25分鐘左右.因前面有人不再等離去.卒之有位.埋位嘅時候啲侍應好急哋問你食嘜嘢？然後佢哋好快把食物送到你面前.好似打到嚟！金鳳老店（太子）係我哋嘅少年回憶.但時到今日已經變成連鎖港式扒餐店.好多嘢巳經有別于傳統嘅做法.金鳳我已經試過荃灣/尖沙咀/灣仔.但每次都令我覺得有點兒失望！希望今次有突破吧！今晚一行三個人.點餐如下：1. 招牌牛柳 包餐包/餐湯/冷熱餐飲品 X1 $138元2. 招牌牛柳 包餐包/餐湯/冷熱餐飲品.另加蒜蓉要再加$2元 X1 $140元3. 美式雜扒 包餐包/餐湯/冷熱飲品X1 $130元🚶🏻‍♂️👉📌金鳳大餐廳 (新都城中心) (將軍澳)將軍澳貿業路8號新都城中心3期地下G19-20號舖

今晚食鐵板餐，餐湯同餐包都ok 叫左招牌牛柳夠淋又juice ，叫左一份什扒，份量十足，可惜第三份西冷牛扒，黎到個鐵板都唔熱，又有筋，餐飲就最差，d飲品好甜又冇味，晚市又趕住做生意，未食完就問係唔係唔要，趕住收起

傍晚四點幾諗住入去食，但可惜沒有下午茶，午餐餐牌又唔係好啱，但據聞正價餐牌有八八折所以就入咗去食，食完覺得幾驚喜首先餐廳環境行懷舊扒房設計，幾有feel，都有幾多卡位坐得幾舒服。點了一個T骨牛扒，一個帶子牛扒，上菜時熱辣辣，侍應會即場喺你面前淋汁幾特別。分量頗大，有兩粒帶子都幾大粒，食落去彈牙爽口都幾唔錯，至於牛扒味道香濃唔會鞋口，值得稱讚總括而言，覺得食物質素不錯，服務又OK，之後會再幫襯，都幾推薦

黎到寶琳，冇意中搵到一間餐廳，係地鐵站對面，午市滿座，吸引到我黎食豬扒拼牛扒配薯菜 （包餐包同湯）餐湯有羅宋湯/忌廉湯選擇我簡左羅宋湯，好香濃足料餐包竟然係熱辣辣👍🏻👍🏻好味主餐可以簡飯/意粉/薯菜豬扒juicy厚實多汁，牛扒一般般但勝在個汁夠好味如果係lunch簡唔中想鋸下扒，其實都ok！

《金鳳大餐廳開到將軍澳！》屋企人想下港式鋸扒，所以就帶咗佢哋去將軍澳新開嘅餐廳～因為新開張嘅關係，呢度都人頭湧湧，但係服務都招呼周到呢度有好多卡位，坐得幾舒服，夠光猛氣氛幾好🥩肉眼扒，牛脂味好香濃，全塊都好鬆化，冇硬得濟既位～啖啖肉，食得好滋味下面有豐富嘅薯菜🥔🍟另外牛柳，係擺喺鐵板上面嘅，圖片說不出鐵板沙沙聲嘅滋味😌 overall 牛柳肉質細嫩，而且仲有兩塊，食到好飽除咗牛扒，其實呢度仲有意粉等，想懷舊吓嘅都係一個幾好嘅選擇

金鳳大餐廳近期在將軍澳新都城中心開咗分店，住喺將軍澳嘅朋友非常開心，立即約我一齊去試吓。金鳳是傳統式連鎖扒房，扒餐大大份，價錢公道又好味。餐廳燈火光明，座位寬敞。餐湯有兩款選擇羅宋湯和忌廉湯，我哋揀咗忌廉湯，忌廉湯口感綿滑，味道濃郁。餐包軟熟，塗上牛油更香更好味。包餐飲，轉特飲就要加錢，紅牛即是雪糕紅豆冰，紅豆份量都好多，紅豆口感粒粒分明又林甜，還帶點起沙的感覺。 紅豆冰味道清甜，配著雪糕更香滑。凍咖啡亦都夠香。美式雜扒：上枱已見分量十足，之後侍應為我們添加醬汁，醬汁有兩款，分別是黑椒汁和蒜蓉汁，我揀咗配黑椒汁，雜扒有牛扒、豬扒、雞翼、腸仔、火腿。牛扒、豬扒肉質都好嫩，尤其是豬扒好大件都唔會鞋口。配黑椒汁辣辣地非常惹味！鴛鴦扒餐，份量亦很足，豬扒和雞扒超大件，雞扒兩邊煎至金黃食，兩樣肉質都軟嫩，加上黑椒汁的味道，簡直是一流的絕配！

朋友係金鳳fans，佢一知道將軍澳新開左分店，就即刻約我去食晚飯。去到門口，已經好多人等位。餐廳裝修一改風格，走簡約路線。燈光光猛，環境乾淨，枱同座位亦比較寬闊，坐得舒服。餐牌同總店餐牌一樣，都係咁多嘢食，我哋叫左兩份港式鐵板牛扒。餐包：黎到佢仲出緊煙，口感軟熟，呢款餐包真係好難在餐廳食到，令人好回味。餐湯：紅白兩選，忌廉湯濃結適中，鹹鹹地；羅宋湯都幾多菜，朋友話酸咪咪，幾好。招牌牛柳餐：朋友叫全熟，佢話真係全熟喎，口感仲好淋。另外配菜有翠肉瓜同粗薯條，牛扒加左生蒜，好香，配埋蒜蓉汁好好食。蘇格蘭牛扒餐：我就叫左七成，同樣好淋，無筋，客易咬開。我就配左黑椒汁，加埋生蒜好香，整體辣辣地。配菜真係幾多，食完full set真係好飽。餐茶：兩杯凍朱古力，甜度同冰份量都剛好，味道正常。

金鳳終於開到黎寶林啦，記得以前拍拖成日走去太子排隊，通常要排成個幾鐘先食到。今日平日6:30去到，都已經有好多人排隊，等左半個鐘就入得。呢間坐位算幾闊落，唔會覺得迫，如果有位放袋會更好。依家好似食物種類比以前多，主要有美式同港式扒餐。記得以前會食T 骨同牛柳，依家大個捨得食少少，所以等我試下個美式貴族牛扒先！先黎個紅湯，同以前無分別，一樣咁好飲，少少酸酸辣辣，回味無窮。我亦超鍾意佢地既餐包，熱辣又軟綿綿，同一款餐包唔知點解金鳳整得特別好食。好經典的一幕，就係上餐後係你面前加汁，黑椒汁或洋蔥汁，之後要拎起張餐紙檔住，因為啲汁會彈出黎！太耐無食過，檔得唔夠好添，個袋彈到少少。貴族牛扒大大件又厚切，七成熟，剛剛好。牛味重，軟身得黎又有咬口，真係好食。加左$2要蒜，個人認為呢款靚牛唔加蒜好食啲。朋友點了招聘牛柳餐，話好掛住以前既味道喎，要recall下。一如既往大大件，好淋身，似港式牛扒味道。呢個配蒜真係好正。點了七成熟，似乎過了一點，但都好好食。配埋大大杯檸茶檸水就好圓滿啦。

好耐冇食過咋咋聲嘅鐵板餐🥩🍽今日就去試下老字號金鳳將軍澳新開嘅分店。先嚟羅宋湯，感覺稀左D，但餐包係熱辣辣同軟熟搭夠~估唔到金鳳竟然係有餐湯湯匙供客人飲湯，讚~5成熟T骨扒同西冷扒正正常常，對得住百五六蚊一個餐嘅水準。食鐵板餐，還是志在店員為你嘅扒餐淋上黑椒汁/洋蔥汁，然後發出油煙咋咋聲，要用餐紙巾擋住避免油彈上身，哈，仲有那塊牛形鐵板，成件事幾old school ~ 好多時經過都見好多人排隊，看似幾好生意。

間唔中就想食吓金鳳，見將軍澳寶林開咗間新店，呢日順路入去幫襯下，尋找一下童年回憶。餐廳環境裝修比老店新穎， 餐牌同以前有少少唔同，多咗啲貴價少少嘅美國牛選擇。一場去到，揀咗個美國牛小排套餐加一個皇牌焗豬扒飯。扒餐加咗蒜蓉，真係好食好多，呢$2唔慳得。美國牛小排餐（$198）叫7成熟，但食落肉質好鮮嫩，一啲都唔韌。特別係牛小排個牛味好濃郁，加埋嗰蒜蓉汁同埋蒜蓉，真係一絕。皇牌焗豬扒飯（$75）- 焗飯熱辣辣，面頭仲有厚厚嘅芝士，焗得好香。豬扒厚切，入口好美味。另外要讚下，食到最尾個焗飯仍然係熱嘅。餐湯同餐包依舊好味，羅宋湯少少甜少少酸，加埋個熱辣辣嘅餐包，絕對經典。另外仲有啲好有特色嘅飲品，包括黑牛、白牛、紅牛同埋金牛。因為食完個扒已經好飽，所以只係簡單叫咗杯熱檸水同凍朱古力。

今晚同男朋友去新都城搵食，原來呢度好多選擇，真係攪到我心大心細，結果見到間好搶眼的餐廳。紅色光管招牌的確好搶眼，馬上吸引到我注目。門面和內裏都好新淨，原來係新開張無幾耐的老字號餐廳。地方幾大，座位好多，有兩至四人枱，仲有唔少卡位，坐得舒服。老字號果然唔同，門口已有不少人排隊等位…..主力是扒類，有多款選擇，仲有沙律、湯、小食、海鮮、意粉、飯和特選套餐。我地要一份扒餐和沙律餐，先上餐包和餐湯，快！餐包暖暖地，非常軟熟，夾啲鹹香嘅牛油，簡單好味。餐湯揀了招牌羅宋湯，好多雜菜，好足料！味道酸咪咪，好開胃，仲夠晒熱，正！的確係招牌。男朋友要肉肉肉，揀了一分美國德州頂級西冷餐($192+$2加生加蒜茸），要鐵板上和五成熟。除咗有塊大西冷外，扒下仲有不少薯格和翠肉瓜，份量足！西冷面舖上蒜茸、再即時淋上黑椒汁，喳喳聲兼煙霧彌漫，係食扒最興奮的時刻。切開西冷，內肉見粉紅，好腍嫩，牛味好濃，點埋蒜茸和黑椒汁，好夾！薯格索咗黑椒汁，好入味，正！我就揀份燒豬髀沙律（$92）加$25轉成套餐，包餐湯、餐包和飲品。嘩！份量幾足，有好多雜沙律菜，好新鮮清爽，加咗啲酸咪咪的醋汁，好fresh！豬髀燒得金黃，靚！一啲

港式傳統連鎖扒房🥩大大份鐵扒餐😋平時同豬仔拍拖經過新都城商場地下，都會見到好多人排緊隊，今日我哋一月試吓呢間咁多人排隊嘅扒房，睇吓佢有啲咩獨特之處！餐廳招牌寫住1969，證明餐廳歷史悠久，夠晒經典！餐廳用紅白二式為主題設計，俾人一種懷舊嘅感覺🥰店員服務好好，好細心👍🏻✨餐湯及餐包羅宋湯真材實料，有好多蔬菜，蕃茄味好香濃，微辣口感，好開胃好惹味！忌廉湯有粟米粒及洋蔥粒，濃稠度適中餐包溫度暖暖的，配上牛油😋好好味✨美國德州頂級西冷餐 $192大大份既扒餐，有黑椒汁同蒜蓉汁兩種俾我地選擇，鐵扒好夠熱，一淋上汁就滋滋作響🔥西冷牛扒肉味好濃🐮五成熟啱啱好，好易切開🤗大大塊！底下仲有薯格同翠玉瓜😋配上蒜蓉汁好香好好味🤤豬仔好鍾意哩度既西冷🥩✨招牌牛柳餐 $138牛柳兩大塊，好厚身，配上港式扭扭粗薯條同翠玉瓜，風味十足🤗五成熟啱啱好，肉質超嫩滑，充滿肉汁😋蒜蓉味好香好濃，份量好足好飽肚👍🏻豬女比較喜歡吃牛柳，大家有興趣去試吓😆✨雪糕紅荳冰 （跟餐+$18）一大球雲呢拿味雪糕，配上紅荳冰，夠曬吸引，奶味香濃，紅荳甜度適中✨朱古力（跟餐免費）整體嚟講質素有保證，鐵板夠曬熱，肉質唔錯🤗而且分量夠曬大，大家