金鳳大餐廳 (新都城中心三期)

營業中

休息中

食前已知道金鳳主打食扒，岩哂食肉獸🤭而且份量唔少，一個女仔未必食得哂，所以約咗男性朋友一齊去食！麵包熱辣辣好軟熟，一擦牛油舊牛油就溶哂，我最愛呢啲！跟set 有餐湯都係忌廉湯/羅宋湯，我哋都叫咗忌廉湯，有紅蘿蔔同粟米係入面，碗湯好熱，唔錯！沙律就係蟹籽沙津唔係每個餐都有，係港式茶餐廳下午茶嘅沙律，主打薯仔同雜果粒，酸度適中唔會過酸/甜！跟住就到主食🤤上面係每月精選晚餐嘅帶子西冷牛扒，下面係美國德州頂級西冷牛扒！不論鐵板上定碟上，塊扒都係即熟即上，鐵板更加正啦，聽覺享受店員落汁嘅芝芝莎莎聲🤓兩個扒我都有食，上面係港式茶餐廳嘅牛扒好淋身，但肉味較少，下面就係西餐廳嘅牛扒，保持返肉味同肉質嘅咬口，真係各人喜愛，朋友愛港式我愛西式！ 另外，兩粒帶子都爽口彈牙嫁😌牛扒都唔細，啖啖肉，正👍🏻五成熟每月精選晚餐仲配芒果雪糕🍧食到好飽😂😂😂

喺寶琳想食鐵板牛扒，第一時間諗起金鳳。平日晚上都坐滿，好受街坊歡迎。鐵板餐平均百零蚊，已經有齊餐包、湯、餐飲。每月精選晚餐仲有沙律同甜品。今次叫左個雜扒餐，有豬扒、牛扒、雞翼、火腿、腸仔，啱晒貪心既我。餐包見佢一路有用焗爐熱住，上枱微暖，軟熟唔乾。羅宋湯酸度適中，微辣，一般茶餐廳水準。鐵板餐有黑椒汁同蒜蓉汁可揀，上菜時侍應先喺你面前淋汁上去，咋咋聲，儀式感滿滿。豬扒同牛扒都厚切，冇羶味，肉質軟嫩，冇筋冇渣，唔錯。雞翼炸過，大隻juicy。薯菜有我鍾意既粗薯條，可惜比汁浸淋左。另外叫左個野菌牛柳，5成熟。牛柳比雜扒餐既牛扒高幾班，肉味濃好多，建議加生蒜，可以將味道提升多個層次。二百蚊有找食到呢個質素既鐵板餐，真係冇投訴，難怪長期坐滿客。

入到去金鳯大餐廳內裡裝修好有懷舊香港嘅情懷🍴貴族牛扒（美國牛肩肉）$208 我老公order左五成熟同埋要左蒜蓉汁上菜時切開真係做到五成熟～讚👍容易切開 肉質好鮮嫩厚厚既牛肩肉配菜是薯格、脆肉瓜同埋紅蘿蔔呢個set有湯同埋飲品送餐包是熱烘烘的～讚👍羅宋湯好濃好好味～讚👍今晚開始凍凍地能夠飲到熱湯同埋熱烘烘的餐包感覺好舒服好正😄照燒羊扒$176Order左七成同樣整到七成👍同樣要左蒜蓉汁職員放上枱時熱辣辣配菜同樣是脆肉爪、紅蘿蔔同埋懷舊薯條～好好食😋原來佢哋都有下午茶時間14:30-17:30下次試吓先黎梗星期日長者惠顧有88折優惠如果你身邊有長者👴🏻👵話比佢地知有優惠可以一齊去懷舊一下🥳

女經理嘅服務態度好差, 我老公行去攞一張大紙巾 , 佢喝住佢話唔可以攞, 枱面上有紙巾, 但當我老公問佢使唔使咁緊張嘅時候, 佢就話可以攞不過 要叫佢哋攞, 唔可以自己攞, 仲話你去人哋屋企攞嘢你都要問過戶主, 其實一張紙巾值幾多錢, 如果唔可以攞, 你一係寫字不可自取, 係紙巾嚟啫唔係金嚟㗎.

家父母帶咗我去試本土鐵板餐老字號之一，呢間喺將軍澳比較新開嘅分店幾乾淨企理午市套餐：北海道帶子牛扒配薯菜($138) ●●●◐○➡️牛油餐包、洋蔥紅蘿蔔忌廉湯、凍奶茶（凍飲不另收費🤩）唔記得自己叫咗幾多成熟🙈肉味、帶子味我都覺得唔會濃，而且塊扒某啲位有啲韌不過能夠索晒汁，都救返啲分🧃個餐勝在份量足夠，忌廉湯略嫌稀咗少少其他配角質素冇問題🤓食食下，細個成日幫襯港式西餐嘅回憶返晒嚟～真係食回憶嘅味道為主；反而👨🏻叫肉醬意粉就好抵食，除咗比扒餐出色啲，仲只要$68～✨✍🏻 適合家庭去嘅餐廳⚠️ 10% service charge

去金鳳夜晚鋸扒都試過幾次質素係好嘅晚餐性價比高 無用置疑今日咁啱放平日假試下佢嘅午餐先羅宋湯餐湯配餐包跟晚餐一樣當然如果餐包可以烘熱啲的話會更好雜扒沙律一分前一分貨我明嘅啲扒嘅質素同晚上的真係不是嗰回事 不過配上懷舊沙律我鍾意這是童年的味道雜扒同上粗薯條熱辣辣的我鍾意飲品叫咗熱檸水阿華田 中規中矩都係平日咁啦性價比最大化搵食攻略一係就夜晚嚟食如果要中午嚟食的話我見隔離枱叫咗個豬扒滑蛋 配餐肉羅宋湯通粉常餐 好大份 啲炸左嘅餐肉大大粒好似畀咗成罐午餐肉你咁

失望了一次將軍澳新開嘅金鳳一直都想食試，因為以前食開旺角嗰間金鳳老字號正常水準懷舊鐵板餐今日嚟到將軍澳呢間食午餐水準真係不如以前我哋四個人每人叫咗一個餐歐陸鐵板餐（猪扒、牛扒、法蘭克福腸及澳州帶子）【鐵板，雖然夠熱、但牛扒唔新鮮、兩份扒有一份牛係酸😨諗住多一夠，費事同員工講】三文魚扒香煎雞髀肉配燒汁【三文魚唔夠味，雞髀肉正常】黑椒汁西冷牛扒仔【最正常係呢個黑椒牛扒仔，但都唔係叫我好味】今次真係失望而回，唔係奢望佢特別有驚喜，但唔應該失水準仲要新開地點🙁

金鳳大餐廳(新都城中心)已知餐廳分店越開越多👍，店舖裝潢簡潔樸實，座位寬敞，店員工作効率快捷妥當嗌咗鐵板餐❣️大蝦🦐牛柳鐵板餐+餐湯🍲+餐包+懷舊紅豆冰鐵板燒得熱烘烘淋上黑椒汁沙……沙聲好開💓，沙....沙的聲音勾起童年的回憶，爸爸帶去總店金凰大餐廳(太子)鋸扒🥩🍽️💥新鮮大蝦味道鮮甜，蝦頭蝦膏飽滿，濃郁蝦膏味道😋😋💥牛柳(五成熟)肉質鮮嫩多汁，口感細膩軟滑，每一口咬下，肉汁四溢❣️羅宋湯濃郁鮮美，口感滑順豐富，配以各種蔬菜，有豐富的層次感❣️小餐包微熱軟綿綿小餐包，口感鬆軟，香氣樸鼻❣️懷舊紅豆冰豆香濃郁，冰涼滑順，甘甜可口❣️西冷牛扒🥩外焦內嫩，肉質鮮甜多汁，咀嚼時帶來細膩的口感。熟度剛好，保持肉質嫩度和原汁原味

因見無龍等，就試下2:00pm的午餐，供應至5:00pm假日午餐另要加一，午餐🍱肉類係預制好，不用5分鐘就上台，食物算暖，好熱不算是，剛剛今日的牛肉餐肉質難咬，估擺過頭時間，全部dry dry 地，不怪得午餐時段無人等位！其他分店係即整，就算係下午茶時段。我諗💐園X廳會好D D ，以價位計，附近不少選擇！不會幫襯堂食如沒優惠！

好耐無食過鐵板餐，以前係旺角既第尾牛扒都執左，今日1個人，心血來潮，好想食大大份肉肉，突然間諗起好想食牛扒，就上網睇下邊度有鐵扒餐食，竟然search到係寶琳開左金鳳，我二話不說，放工立即去食。去到6點左右，人未太多，我1位就安排坐係旁邊car位，有set dinner, 有湯，包，扒，仲有甜品，對於我應該食完個扒就食唔到個甜品，所以決定唔叫set dinner, 主menu有好多選擇，不過今日勁想食牛，所以叫左牛柳餐，原來都有湯同餐飲跟埋，正。本人覺得牛扒餐廳既紅湯係最好飲，以前有人講過，西餐廳紅湯都會早1日煲定，等佢更入味，餐包夠熱，一放牛油即溶，正，飲完湯牛扒剛好上枱，睇住侍應哥哥倒汁落去個下，好香，餐牌寫明加$2就可以另加生蒜，我就加左，不過我覺得蒜蓉汁已經好夠，都唔須要特別加，牛扒好juice,又鬆化，正是我心目中既鐵板牛扒，我竟然全份食晒，勁，太好味，一定會再幫親。

餐廳以紅白色裝修主調🔴⚪️盡顯經典懷舊港式扒房格調閒日夜晚同朋友黎食🍽️叫左特選西冷扒餐，同香煎雞扒餐落單後好快送上牛油餐包，羅宋湯同飲品個包熱辣辣，點住湯黎食好夾☺️⭐️西冷扒餐⭐️頭盤係蟹籽薯仔沙律薯仔煮得硬度適中，配埋菠蘿粒，蟹籽西冷扒好大塊，份量好足😍重有兩粒帶子侍應即場倒黑椒汁，香噴噴🤤🤤西冷肉汁飽滿香濃同黑椒汁非常匹配附埋薯條薯菜係經典懷舊扒房味道，超懷念甜品仲有個芒果雪糕, 食完非常有滿足感☺️⭐️香煎雞扒餐⭐️雞扒有兩件大大塊，香噴噴🤤雞扒外面煎到金黃鬆脆切開入面肉質嫩滑😋配埋薯條薯菜食落同樣美味滿足😄總結: 平民價錢扒房，質素有保證，性價比高👍🏻值得推介比喜歡港式扒房嘅朋友☺️

同老公去完將軍澳寳琳探朋友，老公話附近嘅新都城廣場有間金鳳大餐廳，主打港式扒餐，價錢親民好抵食，一於去食埋晚餐先返屋企。餐廳裝潢帶有懷舊風格，座位以卡位為主。所有扒餐包含餐湯、餐包和熱飲，客人可按自己喜好加錢轉凍飲或特飲。粟米忌廉湯濃稠度適中，香甜滑溜。和暖的餐包配上牛油超好味。熱辣辣嘅扒餐上枱後，侍應會拎醬汁為客人加落扒上，客人可以選擇蒜蓉味或黑椒味。當醬汁倒落鐵板扒上，即時揚起煙霧，香氣撲鼻。荷蘭豬扒餐，份量十足，有兩大塊豬扒和一件煙肉，底部還有薯條和瓜菜。我哋揀咗黑椒汁，濃郁嘅黑椒汁沾滿整塊豬扒，豬扒肉質鮮嫩，配辣辣地嘅黑椒汁，超惹味！鴛鴦扒餐，有一塊大雞扒，一塊大豬扒，兩塊都係厚切，肉質鮮嫩，配黑椒汁真係絕配，冇得彈！雪糕紅豆冰：雲呢拿味雪糕配上紅荳冰，真係好夾，奶味香濃，紅荳香甜。檸檬雪碧味道清新、激爽口感。

好耐冇食牛，晚餐去左鋸扒🍴係港式懷舊扒房😋之前去過太子總店食過一次，坐位又迫又窄，出面仲勁多人等位，今次係寶琳呢間分店，坐位闊落同舒服，所以就算係鐵板好大煙都吾會好大味👍🏻主食：招牌牛柳餐$138招牌牛柳餐叫左5成熟，熟既程度我覺得啱啱好，表面望落啡色，入面偏紅半生，加上鐵板辣一辣，牛柳完全吾韌無根，配上洋蔥汁，仲加左$2蒜，好味🤤主食：西冷牛扒餐$138西冷牛扒餐叫左7成熟，明顯同牛柳吾同，肉質會實少少，牛味更重，加左$2蒜，配上黑椒汁，牛扒下面既薯條索哂黑椒汁，勁入味🤤以扒房黎講，呢間算多選擇，價錢吾算貴，全部包餐包、餐湯、飲品

第一次黎呢間餐廳食 難得有位平時晚市都見出面好多人排隊所以次次都走左叫了招牌牛柳5成熟加蒜容 同埋什扒餐一上菜就有兩個汁可以選擇一個要左黑椒另一個蒜容 試哂佢個鐵板真係夠哂熱 出哂煙 好正牛柳幾好食但想多d唔同野食就覺得什扒開心d

係西餐廳食扒就食得多，港式扒房真係第一次，金鳳令我刮目相看我哋叫咗黑松露雞扒意大利飯、鐵板黑椒汁雞扒配薯條、炸物拼盤個拼盤非常出色：有炸蝦、炸雞翼、薯格、魚手指，上枱時熱辣辣，雖然好邪惡，不過令人垂涎三尺金鳳做開鐵板餐，個雞扒自然唔會令人失望幾塊雞扒份量十足，配上惹味嘅黑椒汁同埋香脆薯條，令人欲罷不能🫣本來對個意大利飯冇太高期望，因為始終唔係西餐廳，不過嚟到之後聞到好香嘅黑松露味，就忍唔住食咗幾啖好好食餐廳嘅侍應都好有禮貌，店舖雖然唔算大，不過好整潔