金香泰菜

營業中

休息中

菠蘿炒飯好足料 六個人食啱啱好菠蘿好新鮮 海南雞好正宗好滑 加埋油飯好絕配油飯一啲都吾油 金邊粉材料足夠好開胃豬頸肉切得薄 配埋醬汁好夾生菜包份量足夠 味道吾辣 啱曬吾食辣既人泰國甜品椰汁西米糕加椰青大菜糕超好味！超正宗啊！重點系老闆好好人啊 服務好好 會介紹有特色既食物比我地選擇！

真係太耐都冇去食泰國菜啦~元朗呢間金香朋友推介話佢既金邊粉超好食，所以點都一定要食金邊粉呀~，金邊粉炒得煙煙韌韌,，鑊氣十足，碟邊放上大量既芽菜和花生碎。食左一啖金邊粉食到酸酸甜甜既味道夠哂惹味，真係無介紹錯而佢既泰式菠蘿雞翼飯，好似京都骨既味道，麻麻地。

泰式餐廳，提供各款港式早餐。這天中午有事，早點吃午餐，結果以早餐作為午餐。沙嗲牛麵，醃林了的牛肉，沒甚麼味，麵是福麵，淋點滾水便端來，沒誠意。醬比牛肉多，以醬伴麵吃，殆矣。餐肉煎蛋多士，多士僅僅烘了一會兒，牛油也只得少許。餐蛋沒有特別。茶走可能較食物美味，茶味夠濃，煉奶添微甜。這個早餐，$30，質素可能比大快活還差。

早晨第一餐雪菜肉絲米淺而無味~湯底奶白色,但都係無味!腸仔炒蛋配多士不過不失,唔算太油膩~不過都係無乜味!奶茶茶味唔錯,茶味夠,奶都好滑~唔知係咪我個人重口味呢？總覺得哩餐好清淡囉！

元朗好味泰菜買少見少, 呢間好似茶餐廳咁有奶茶咖啡的, 不算得上十分地道, 但味道卻有驚喜菠蘿海鮮炒飯呢個真係要推介, 飯炒得香且爽口, 用新鮮菠蘿, 表面舖咗一層肉鬆腰果, 惹味香口, 份量十足 (張相係我食咗一碗先影的)飛天通菜 真係辣到飛天 不過鑊氣夠, 雖然我唔係好食得辣, 但係都忍唔住食, 不過要叫多杯凍奶茶解辣囉...炸蝦餅雖然細細個, 但炸的好脆, 蝦肉彈牙, 個汁酸酸甜甜, 又係要推介呢間菜式都有唔少選擇, 價錢都算實惠, 味道又合我心意, 所以會係我元朗的其中一個'飯堂'~

朋友介紹呢間泰菜餐廳, 今晚一行四人走去試試, 點了四人套餐, 再加一份咖哩炒蟹咖哩炒蟹, 必食推介, 份量好多, 而且蟹好新鮮, 十分鮮甜, 咖哩又做得唔錯, 香滑, 跟埋薄餅或飯, 正!! 肉碎生菜包, 味道可以, 但唔算好特出, 而且豬肉的份量較少冬蔭功湯, 味道唔太辣，而且都幾多料黃咖哩雞, 不太辣, 椰香味濃, 一般泰式金邊粉, 必食, 不油膩, 好味!!呢間餐廳環境普通, 似一般茶餐廳, 坐得唔舒服, 食完就要走, 但價錢ok, 抵食!

雖然此篇食評的撰寫日子為6月1，但用餐日期實際為5月9日，拖延了快一個月才寫，我也真是太懶了。既然都相隔如此之久就廢話少說直入正題，這裡是肥妹一家的泰菜飯堂，每次吃泰菜都定必到此，雖然此店主打不單泰式食品，也有海南雞飯，但肥妹一直都沒嚐過。先上場的是炒菜，一碟份量剛好夠肥妹一家五人共享，此菜蒜香較重，馬拉盞味則相比之下弱了一點，但是整體來說還是可以的。肥妹最愛的金邊粉也到來了，肥妹記得當時那一星期之內還吃了另一間同樣是位於元朗的泰國菜，肥妹同樣點了金邊粉，不過那邊的金邊粉實在差得太多了。這裡的金邊粉炒得夠乾身也夠鑊氣，配上大量的芽菜及花生碎粒，而粉亦帶點泰國風味的甜甜酸酸，整體配合起來可是相當美味。最後上桌的是咖哩蟹包，原本蟹是連著包一同送上的，不過我們卻要求分開送上。蟹有膏蟹及肉蟹之分，膏蟹是跟時價，肉蟹則有定價，可惜是晚膏蟹已經售罄，唯有轉戰肉蟹。為什麼要分開呈上？原因就是在於分開便能夠把這個香脆非常的麵包都一同吃清光囉～咖哩辣度不高而椰香十足，份量方便亦適合多人一起共同分享，把麵包切開幾份，然後代替薄餅沾著咖哩汁吃，喜歡的話也能把在咖哩汁內的洋蔥及三色椒夾著同吃，這樣更加好味。期

我同媽媽叫左海南雞飯同四季豆炒豬頸肉，之後就出左事。首先，叫野食就話唔係平日就冇餐叫，即係焗住叫小菜貴野啦。然後，海南雞飯到左，母親想要d雞熟d，佢比過第二碟我，全雞胸我真係比佢嚇親  本身叫海南雞飯時都話熟d，但佢又比左d生生地既。咁即係算點？又要貴 咁樣都要142蚊，氣難平。希望你地至少假期唔好去食啦

元朗返工…雖然Lunch選擇多不勝數…不過來來去去唔係碟頭飯就係米線真係食得多都悶…!!而金香…近近地…下午茶仲有小菜炒…份量啱啱好夠…不多不少…!!正~~~$39好抵食…!!有小菜+白飯+凍飲…!!今次試個馬拉棧通菜炒肥牛先…!!好味…!!仲有好多款揀…下次再試下其他…!!

是晚到醫院探望水媽媽後，懶得煮飯，水太太突然間又很想吃海南雞飯，便和水爺到了千色店後面的金香泰菜試試﹗水太太好喜歡海南雞飯，因喜歡其雞肉嫩滑，又愛雞油飯（對﹗水太太知道好肥好肥好肥 ><，但雞油飯又香又美味嘛﹗總之想吃就有好多好多原因，哈哈﹗）嗯，這個海南雞飯算抵食，$40，附例湯。湯是多料的，但極咸 >< 平時水太太都嗜咸的，但這碗湯水太太喝了一兩啖就真的不能喝下去了﹗主角海南雞的雞肉尚算嫩滑的，但雞皮真的太厚了，又沒有雞皮與雞肉之間的啫喱狀物體（這是海南雞的精髓呀﹗因為煮熱後雞油脂肪會逼出來，而冷卻後就成了那啫喱狀的油膏，好好味的﹗），其實只像一般白切雞﹗但這間餐廳的海南雞很受歡迎呢，差不多每一枱都點，水太太剛下完單，就聽到職員稱售罄了﹗菠蘿海鮮炒飯（$78）很足料，炒得又香口，很讚喲﹗

2013年第一餐。難食到忍唔住開個 a/c....人唔算太多，但落錯單，叫熱檸茶同凍檸水小甜就來首先送錯去隔黎檯。叫都叫唔住就返左水吧。點知轉頭又送錯凍檸茶同凍檸茶小甜來。杯少甜檸水我懷疑佢落左多甜囉！叫左一個咖喱牛腩飯同泰式干炒公仔麵（豬）....嘩嘩嘩，如果10分係滿分，我俾夠-10分!!!咖喱 - 咸既！咁大個仔第一次食到咸咖哩！牛腩 - 我以為我叫錯牛肉粒。重要得五粒咁大把 ....炒公仔麵 - 我試食一啖，立即想倒杯水落去，咸到想喊。我朋友平時係果d唔浪費食物既人，都只係食左三啖吧大把難食，落錯單，侍應黑口黑面加服務差。2013年bad list第一名。有人請都唔會去。就係我既評語。

呢間泰國菜我試過幾次，見今次有映相，就同大家分享下啦雖然係星期曰，我同老公6點半就去到，時間重早所以唔洗等位，入到去個侍應就比左個卡位我地坐，真好!可以唔洗禁迫坐低我就點左我至愛ge紅咖哩牛腩包，生蝦刺身同海南雞半隻。先講海南雞好滑好夠味 ，生蝦刺生好鮮甜，不過唯一另我失望，今次咖哩牛腩包D牛腩唔夠烩但D咖哩汁好好味，都Ok啦!!佢地都有供應D套餐都幾抵食，可以試下嫁

我同2個朋友去食飯，點咗冬蔭公湯、菠蘿海鮮炒飯、泰式豬頸肉、生蝦刺身、雞肉串燒、咖喱麵包蟹，2杯青檸梳打、1杯柚子蜜。但杯青檸梳打得1塊薄如絲嘅青檸，我只係覺得俾十幾廿蚊飲杯有汽嘅水。但食物方面就令我好有驚喜喇！上菜效率高，好快就有野食又冇亂單。咖喱麵包蟹嘅咖喱好香滑，羔蟹好大隻又爆羔，麵包索咗咖喱汁簡直一流！$230嘅咖喱麵包蟹係物有所值！菠蘿海鮮炒超多蝦肉、青口、魷魚，而且唔會油膩。生蝦刺身嘅汁醬效辣，冬蔭公湯足料，雞肉串燒個醬好味，泰式豬頸肉都ok呀！但咖喱麵包蟹分開羔蟹同肉蟹價錢，係menu上嘅價錢再加$20，建議喺menu改價錢免得客人覺得坐地起價！仲有成間餐廳最敗筆就係道門！由於我地門口第一張枱，已經覺得唔夠冷氣，但其他客人不停出出入入都唔關好趟門（包括肥老闆）搞到熱到爆咁食嘢！其間我仲不停叫職員關好趟門，所以建議餐廳改中自動門。

經常經過店門也有不少人排隊，今天晚上已經過了七點半，所以看看有沒有位子，幸好不用等很久就可有卡位坐下。兩人點了：1. 金柚沙拉2. 紅架哩牛腩3. 海鮮炒飯4. 海南雞例牌飲品是青寧soda和熱可樂姜服務生很勤快，食物很快就到。海南雞皮薄肉滑，好吃到不得了，後悔應應該點半只(只是多加20塊而已)。金柚有點苦，炒飯一點都不油膩，紅架哩味道不辣，還有牛根，我們很快就吃光光。這頓飯只是290，價錢和食物素質都不錯。有下次！

去完下白泥睇日落出返來都成八點幾啦，左搵右搵就決定試下呢間泰國野。一入去就叫左個泰式炒金邊粉同蘿海鮮炒飯，仲有個椰沐冰。先講個椰沐冰，其實只係普通椰汁加大量水。感覺好淡同呃錢。但食物反而有驚喜。個波蘿海鮮炒飯就好大份，其實一個人未必食得曬。個飯海鮮唔夠多，得一兩隻蝦、兩三皮魷魚同一隻好細隻既青口。但肉鬆同腰果就幾多。個波蘿算幾甜，味道比想像中好味，可以一值。而個泰式炒金邊粉對比之下個份量就細小小，味邊幾香，但唔知邊解佢要搵 D 無麥味既芽菜來墊底。呢個幾好味，可以一試嫁。原來佢一至五無加一，但星期六同日就有加一，但又無麥特別好既服務。呢樣唔太好。同埋佢有寫明唔收一毫、兩毫同五毫，我地仲係到諗我地加埋係 $145.2 咁佢會點收呢？因為如果佢收 $146 我實嘈佢，而佢收足 $145.2 而又找毫子比我我都唔制，邊有可能佢唔收既毫子就找比人。最後結果係佢收 $145 .... 咁都叫合理！但唔知佢係四捨唔入定點計啦，大家去試就要留意下。