金雞去骨海南雞專門店

營業中

休息中

去左西貢呢啲遊客區 講真都無諗過會食到啲好食好抵食嘅野但聽過西貢必試金雞 見一直都不斷有人黎 真係要試下佢虛實😏入到去都乾乾淨淨 即刻叫返隻無骨海南雞飯試下先飯未黎 先上馳名南瓜湯 飲得出真係真材實料 好濃南瓜味 真係好正 俾5粒⭐️海南雞飯好快都上埋 估唔到有咁多雞😳 啲雞質地唔係果啲好軟冧冧 係實在 但又好滑嘅雞👍🏻 配埋佢3款醬 真係3款醬都好好味 難分高下👍🏻 飯都不得了 真係好香 不知不覺就爬哂啲飯😋你地見我都忍唔住食左先記得影相 就知真係好吸引 唔洗諗 俾5粒⭐️估唔到係遊客區都可以咁好食又咁抵👍🏻

已經幫襯咗好多次，係每次想食海南雞都會諗起嘅舖頭。因為抵食又好食，仲要係同親咩人食都好，都一定係食唔晒，飽到要捧住個肚走。.今次四個人就叫咗個四人餐，固定有一隻海南雞。跟住可以配元蹄即係豬手，又或者係煎肉餅。由於二人餐或者四人餐個肉餅會係大細會係一樣，所以四人餐我通常會叫元蹄，二人餐先會叫肉餅。.海南雞最基本係要配三隻醬，呢間當然唔少得！雞同雞皮都算嫩滑有雞味，雖然唔係嗰種雞皮同雞之間會有層凝固嘅雞油，但絕對都稱得上係一個好食嘅海南雞。.元蹄非常極度大隻，炆得超級淋同入味，層皮切開好似啫喱咁好重骨膠原。但就咁食個皮會好膩，所以一定要配埋下面嘅瘦肉嚟食。瘦肉唔算好柴，一肥一瘦呢個組合，連飯都食得多咗🤣.跟餐仲送咗一碟油菜，四個湯，四個油飯，同埋四杯嘢飲，埋單每人$100唔使真係超級抵食！.差啲唔記得咗仲嗌咗個酸辣鳳爪，所以埋單係過$400嘅哈哈😆

#金記海南雞飯真係好出名，就算唔係住#西貢 嘅人，喺外區其實好多人都知道，佢啲海南雞肉真係好嫩滑多汁，啲皮又唔油，真係連皮食都唔怕肥，仲要非常之爽口，佢嘅海南雞黃油飯又係唔油乾爽香味非常濃郁，每一次都會加$10轉雞髀，因為多肉啲又冇骨，佢個餐最正仲要跟埋#南瓜雞湯，佢個南瓜🎃雞湯真係鮮甜味道又濃郁，絕對唔係味精湯，係真材實料。今次就試埋佢個#酸辣鳳爪，佢嗰個辣度雖然都算辣，不過鳳爪爽口入味，仲要係冇骨，真係食完一隻又一隻。#海南雞飯

金雞去骨海南雞專門店今日入咗去西貢行下，去咗好出名嘅「金雞」果度食，網上睇原來呢間餐廳連黃秋生都讚，店員話呢間總店踏入第13年，好多人都專登入嚟西貢食，午餐時間我都入唔到去食，都要店員喺附近放張枱比我哋食，實在好旺場，店內爆多人食緊，店外就好多人排隊等位或等外賣，證明真係好好味！👍👍👍1.金雞二人餐（招牌去骨海南雞半隻、馳名香煎手剁咸魚香肉餅、鹵水汁時菜、住家老火靚湯x2、雞油飯、熱飲x2）$188（9/10）呢個套餐相當抵食，招牌雞真係招牌雞，肉質嫩滑，做到無血又嫩滑真係好少有，再加埋碟上有三種醬汁係佢哋自家製， 一個係甜豉油、薑蓉同辣椒醬，辣椒醬同薑蓉唔會好鹹，真係食得出係佢哋自家製！😋😋😋至於肉餅方面，外觀上勁似豬扒，一路食一路聽到途人話：「嘩，勁大塊豬扒呀！」， 真係會呃到唔少人以為係豬扒，其實係手剁豬肉拎去煎嘅肉餅，呢個肉餅煎得好香，唔似其他肉餅咁用粉整，剁完嚟煎真係第一次食，份量又多，仲會幫手切條比客食，有成12條肉餅，真係幾唔錯！👍👍👍時菜係菜心，份量都多！老火靚湯係南瓜粟米青紅蘿蔔雞殼豬骨湯，南瓜煲到溶哂再加粟米青紅蘿蔔雞殼豬骨，南瓜濃，湯又甜，真係好好飲！👏👏👏雞油飯

20230209平日--金雞去骨海南雞專門店地址: 西貢福民路(食街)34號地舖西貢一天遊，下車肚餓，即去醫肚，做左功課，很快找到西貢福民路，金雞海南雞飯網評不錯，第一餐就試試海南雞飯店子不大，分開兩間鋪，平日關係，客人不多，侍應招待說可自由選擇坐那一邊只有一枱客人，冷氣很大餐廳主打海南雞飯，價錢合理點餐去骨海南雞飯跟湯($57)雞飯、湯，醬油有效率地一併送上材料用上南瓜，有青蘿蔔，雞殼煲的湯，南瓜的甜帶有淡淡的雞味，好喝有黑醬油、薑蓉及辣椒醬單點的海南雞飯，雞份量也不少，雞皮爽脆、雞肉嫩滑有雞味雞飯加入雞油和香料，香而不油膩埋單: $57餐廳環境比較簡陋，但衛生情況合格，店員有禮貌可以說是留下一個好味道印象的海南雞飯個人口味，油飯比聯和墟雄泰好吃，但我還是愛吃天天海南雞的油飯。雞肉肉質雄泰更嫩滑，但此店雞味較濃，各有千秋值得一試

🌈西貢金雞海南雞飯🌈今日同囡囡專程入咗西貢玩～帶咗小朋友食海南雞飯😊事源我以前喺西貢返工 金雞海南雞飯一定係我必食餐廳榜首😊金雞海南雞飯西貢主店都開咗12年既時間😊絕對係陪伴住西貢人嘅成長 暫時來講 佢哋嘅海南雞飯係我腦海之中仲未有第二間可以超越到佢哋嘅水準 所以先可以keep到一定嘅人氣～老闆不斷改良佢哋嘅配方 保持到肉質鮮嫩😊啱晒香港人嘅口味~ 囡囡本身好鍾意食雞~平時食嘢腌尖嘅佢 都食住嗌yummy 雞皮色澤好黃 雞肉好滑好嫩~真係食完忍唔住再encore另外跟餐仲叫咗一個手剁鹹魚蓉肉餅～廚房將肉餅切好晒一條條，方便食用非常細心 每一啖落去都好香鹹魚風味 熱辣辣脆卜卜非常惹味😊總括嚟講~食物質素 服務態度 我都非常滿意 希望快啲再有機會返嚟食💕📍金雞去骨海南雞專門店 (西貢)西貢福民路(食街)34號地舖#foodiehk #foodie #西貢 #西貢好去處 #海南雞#香港美食 #香港好去處 #香港必吃 #babykol #babygirl #jamie#ftm#ftmtransgender

去完西貢藝術節後，返到西貢市中心諗住食埋晚飯行入美食街就揀咗呢間餐廳睇過餐牌後，妹妹話好肚餓就揀咗金雞二人餐好快就上住家老火靚湯南瓜湯好足料，有雞殻、甘筍、玉米，味道清甜滋潤滷水西貢狀元碲(例牌)肉質肥腴多汁，食落軟滑但較膩招牌去骨海南雞(半隻)賣相不錯，外表光滑油潤，食落軟嫩爽口配埋三種醬汁提升層次👍🏻👍🏻套餐仲跟時菜、油飯及餐飲油飯中仲配有乾蒜片，食落好香又多份滋味整體非常豐富的一餐，食物味道不錯，值得再來下次要試下香煎肉餅～

諗住平平地求其搵啲嘢食下就算 經過門口見到好多明星都幫襯過就決定試下～店內係普通舊式鋪頭裝修 但見到餐牌上嘅食物相 個個都望落幾吸引😍.🐈.𝙎𝙪𝙢𝙢𝙖𝙧𝙮平時唔好海南雞飯嘅我都覺得好好味去骨真心正 啖啖肉 方便我呢啲懶人👍🏻👍🏻👍🏻經濟實惠 有飯有湯 好抵食💰.🐈.🌟去骨海南雞飯套餐(跟湯)🐣 - $57海南雞嫩滑滑溜 黃雞皮表面有光澤 皮薄爽口重點係去骨 啖啖肉 可惜雞中翼没有去骨🥺.附上三款醬可供配搭: 辣醬 甜豉油同薑蔥辣醬配原味海南雞好好食 夠辣又惹味個人認為比麻辣味出色🙊.🌟去骨麻辣雞飯套餐(跟湯)🌶 - $60加左唔算太辣嘅麻辣汁 有啲蓋住了原本嘅風味 建議都係食原味.◾️雞油飯飯比較軟腍 油香十足🤤唔止落雞油煮咁單調 店家仲落入左香蒜粒同乾葱 香口程度大幅提升 味道更加有層次 令人食慾大振😋.◽️南瓜粟米豬肉湯🎃中式南瓜湯 味道鮮甜 火喉十足 煲耐到有南瓜蓉 碗底仲有啲豬肉絲

去西貢諗唔到食咩就去食海南雞, 呢間餐廳去左幾年了, 次次去質素依然D雞皮好黃, 雞肉好滑鮮嫩, 有雞香味, 加埋啲醬味道更上一層樓, 中意食海南雞飯嘅人一定要試下南瓜湯都好飲，雞油飯都好香環境黎講都係茶餐廳嘅環境, 上菜時間好快, 預你食完就走食過其他餐廳嘅海南雞飯, 但呢間係我覺得最好食個, 雞嘅質素同醬都係比其他餐廳優勝, 都屬於性價比高嘅餐廳食物算係新鮮, 價錢係茶餐廳嘅價錢但食物質素比某啲自稱米芝蓮級種嘅海南雞飯好食👍

比朋友推薦嚟咗食，距離小巴站好近。店面唔係好大，上菜速度快，唔洗等好耐，超正👍🏻雞肉鮮嫩，食落好滑，份量都好足夠！米飯就麻麻地，不過明白雞先係重點，都可以接受！

山長水遠去西貢遊走，家人多年前食過金雞好食，於是一心去食這間，沿路見到其他泰式海南雞飯也沒有心動。飯沒有什麼香味，而且不熱，雞亦不嫩滑，湯亦普通，三款醬油也不覺得特別好食，黑鼓油偏甜，辣椒醬有生蒜味，薑蓉是生葱味，無一種合我口味。家人也極度失望，跟幾年前食不一樣，有一刻我懷疑，當日的廚師是否替工。

金雞🇹🇭夏天西貢水上活動🏖餵飽肚推介第二擊🤤馳名老字號海南雞飯🐣泰國人地道主理 快靚正 出餐超快嘅泰國菜😍﹎﹎﹎﹎﹎﹎﹎﹎﹎﹎﹎﹎﹎﹎﹎/去骨海南雞飯🐣 $57/海南雞嫩滑 黃雞皮好爽口 會有層薄薄嘅啫喱🐥無加錢轉脾位 但係都已經好滑 但係略嫌雞味可以再濃啲🍗附上三色醬:辣醬 豉油同薑蓉🤪最推薦辣汁好夠辣又惹味🌶油飯超驚喜🤩係秘製用雞油 雞湯 炸蒜同乾葱 超香口嘅飯又唔會油膩🍚秘清一粒飯都無剩😍/滷水西貢狀元碲飯🐖 $57/豬手滷得超稔身 基本上唔用牙都咬到🐖除上滿滿嘅豬皮同骨膠原 仲有少少肥膏位 所以食落好滿足🥰但係個滷水汁有啲偏杰身同鹹 輕身啲會再正啲🫙/南瓜湯🎃/免費跟餐送嘅中式南瓜湯 用埋紅蘿蔔🥕煲所以好鮮甜 煲耐到有南瓜🎃蓉

又難得走入嚟西貢，緊係要食好西啦！🤣Lunch time就搵間平平地嘅，見呢間海南雞都幾多人介紹就去試下啦平時我唔係好好海南雞飯，但呢間賣相吸引！價錢唔算好貴包埋湯再嚟佢係去骨嘅，岩哂我呢啲懶人！😂• 先講雞：真係好滑好滑！仲要好入味，重點冇骨真係一咬就啖啖肉，口感太豐富了！🤤• 再嚟飯：粒粒分明！仲要加咗乾蔥落去，成件事昇華咗！！好味+99999• 湯就正正常常啦～整體係入得西貢一定要嚟食！！性價比極高！

🌟金雞去骨海南雞專門店🌟⁡係西貢嘅某一小巷見到間唔太起眼但又好多雜誌食評嘅人氣熱店🔥就毫不猶豫決定試試係龍定鳳🤣⁡🎀 < 去骨海南雞飯套餐 (轉脾+$10) $67> ⁡海南雞肉質嫩滑🐔🐓去唒骨食好方便😋惟雞肉份量唔算多油飯好香加咗炸蒜更加香口令人食慾大振🤭聽隔離食客講豬蹄好正🐷下次再試試⁡🌠環境: 6.5/10👄味道: 7/10 💰價錢: 7/10 👍性價比指數: 7/10⁡*☼*―――*☼*―――*☼*―――*☼*―――*☼*金雞去骨海南雞專門店 (西貢)📍西貢福民路(食街)34號地舖📞 3488 9984⁡⁡⁡⁡⁡⁡

今日去西貢就係為左呢個海南雞飯而來。我地三個人share一個二人餐包以下食物：--招牌去骨海南雞（半隻）-滷水西貢壯元蹄（例牌）-滷水汁時菜-住家老火靚湯x2 -雞油飯x2 -餐飲x2 合共$188，非常抵食👍🏻👍🏻👍🏻👍🏻👍🏻海南雞非常嫩滑多汁，皮薄爽口。雖然雞皮係好肥，但係連皮食嘅海南雞非常美味。食到停唔到口。🤩滷水西貢壯元蹄滷得非常入味同淋身，淡淡骨膠原，正吖！😋雞油飯油香十足，配上蒜片，非常惹味。整體食物質素非常高質同好食😍服務員亦很親切，會主動問我地要唔要碗仔同埋辣醬，推介撈飯食一流。很有人情味呢！