金邊粉泰國菜

營業中

休息中

呢間店喺聯和墟屹立咗好耐,而且成日都有人等位,所以味道一定係唔錯~不過我通常嚟呢度都係食晏,一係食海南雞飯,一係食燒豬頸肉飯,兩款都覺得唔錯~佢嘅海南雞飯有分有骨無骨,個人覺得有骨都OK,無骨嘅感覺份量偏少~而佢嘅海南雞做得幾滑,雞唔會太肥,而且佢個汁都幾香~今次無叫到燒豬頸肉飯,佢嘅豬頸肉飯燒得好香~不過一時時可能會燒得有點乾~今次叫嘅係香芋炒飯,估唔到又幾夠鑊氣幾香口~炒飯食到入面粒粒芋頭,雞肉粒等等~上面仲有啲炸脆嘅香芋條,味道唔錯~呢度加凍飲嘅錢同轉特飲其實差不多,所以我覺得轉特飲都幾抵~除咗最穩陣嘅青檸冰,大話冰之外,佢嘅珍多冰亦唔錯~

帶屋企人尼食過，同老公都尼過幾次，本身都想試下粉嶺其他泰國餐廳，但都係對呢間比較有興趣，每次食都冇令人失望！今次同老公兩個再去撐枱腳，叫左一個2人餐-$178，雖然話套餐包兩杯野飲，但都係要加錢既😳😳呢個令我有少少意外，食左幾次我今次先知…每杯都要+$6，都唔緊要啦，同老公叫左兩杯普通野飲；不過佢地幾好既，有免費例湯飲，都係足料好味！另外再叫左份薄餅+咖哩焗軟殼蟹，每次必食既！薄餅係我鍾意食，軟殼蟹係老公鍾意食！份2人套餐都夠2個人食，我地最後食唔哂，要打包拎走份軟殼蟹同薄餅，冇計，真係想食，就打包埋比屋企人一齊食👍🏼整個上菜速度都係快既，我諗點完餸等左大概15分鐘左右，都陸陸續續上台👍🏼Total成餐食左4道餸+份薄餅=$375（連埋兩個外賣盒）

今日與友人們 到粉嶺同狗仔玩，沖涼搞掂晒已經好肚餓，我哋都不忘 坐返車到呢間泰國菜館 食返餐 疫情至今已經三個幾月冇得出去食晚飯 一開返即刻去食咖喱蟹先得！木瓜沙律 配料有豆角，雪耳，蕃茄，辣椒絲，木瓜絲醬汁清爽酸甜同吃開胃不過我覺得啲木瓜絲今次略嫌硬左小小 馬拉盞椰菜苗 食落味道咸香，不過椰菜苗也略嫌硬咗少少咖喱蟹 我哋揀咗中辣 醬汁非常惹味香甜 即刻加返份薄餅😋而且中辣對我哋來講已經夠辣，肉蟹啖啖肉 正泰式生蝦都係必食 肉質爽厚彈牙 yummy!串燒我哋揀咗雞肉同豬肉我哋食咗雞肉 燒得唔會太乾無哂肉汁沙嗲醬 入邊有碎花生 增加香氣同咬口最後送酒唔夠喉，叫多咗一碟椒鹽豆腐其實黎到有驚喜 因為我哋都好鍾意食玉子豆腐外脆內軟 加埋啲蔥蒜 香氣十足！期待下一次再與朋友們試多幾款🍲

好好味嘅嘢梗係再食啦，今日食午餐其實佢啲下午茶都非常抵食價錢平但係份量好足，絕對唔會因為價錢平咗而減細個份量抵讚凍飲🥤熱飲都係加$6，知佢咩料啦！下午茶餐的海南雞飯$38係有骨嘅🦴如果要無骨就要正價$55咁我叫下午茶都係想優惠，咁就食有骨啦下次再戰佢個無骨海南雞飯再同大家報告佢個汁都好好味姜蓉有少少酸又帶點辣好有層次不錯👍油飯，上次都提及過冇味冇咩油但係總好過食白飯，感覺良好啲香辣肉碎炒飯呢個好有鑊氣🔥🔥🔥其實佢嘅所有炒粉麵飯都非常之有鑊氣聞得出食又食得出呢個係帶辣嘅但係絕對接受得到

我要務求食晒Menu上面嘅菜式今次已經係第三次嚟食午餐例湯今次有啦⋯⋯青紅蘿蔔煲雞腳好足料好好飲，有冇味精就唔知啦朋友叫咗杯生啤$68冇得去酒吧就俾佢叫啦今日擺明係想食豬頸肉呢啲肥野但係食白飯我又覺得好寡，問吓姐姐有冇計姐姐話可以轉油飯（唔使另外加錢）咁我梗係轉啦，可惜好失望啲色同白飯一樣油又唔重又唔香又冇乜味好在唔使加錢如果要加錢我應該想打人豬頸肉唔算好入味但係燒得好香，份量都夠，肉質淋林，唔會好煙韌我又食食吓先記得影豬手飯豬手皮好淋好膠原好QQ汁水大路（佢都唔執輸跟我轉油飯好可惜一個唔挑食嘅人都覺得好似只係普通白飯加咗少少油咁樣)但冇投訴 真心唔駛加錢想點 加分啦冇得去泰國叫過冬陰功湯止下癮都唔係好過分啫偏酸，唔係香港人口味，有四隻大蝦都算爽口，唔會肉爛同霉。好足料性價比極高難怪坐滿晒人不過疫情下盡量都係嗌外賣啦

依家成日自煮 煮到冇嘢好煮只好出去食歌遲來的下午茶見呢間舖頭人頭湧湧我又試吓先揀咗下午茶你唔好以為佢好細分都好足份量絕對對得住個價錢冇揸流攤揀咗A3勁有鑊氣，好惹味又夠大碟簡直係值回票價簡直聞到聞到出嚟的鑊氣餡料又足，唯獨是重口味嘅朋友覺得佢唔夠味要求加咗啲魚露泰式炒粉絲就有啲曳啦味道係好嘅，但係個肉係無味，入邊有銀牙加分，不過我覺得太濕炒埋一舊唔會encore叫咗個春卷做小食又係好跩擺明係交貨嚟嘅，蒜蓉包就不過不失，春卷大家都係唔好叫啦泰式奶茶正路啤酒係相生啤值得加分

📍粉嶺 金邊粉泰國菜呢間泰國餐廳係聯和墟開咗幾年，一直深受街坊歡迎。今次一行三人叫咗一個二人套餐，再加多2樣小食。二人套餐 $178𓇠 泰式炸蝦餅 𓇠好細心剪開咗8塊，蝦餅厚身🦐炸到金黃香脆，同泰式酸辣醬係最佳組合！𓇠 馬拉盞炒通菜 𓇠醬汁惹味，帶少少辣，唔會太鹹，但炒得唔夠鑊氣𓇠 全隻菠蘿炒飯 𓇠賣相好靚！雖然唔係用真菠蘿蓋而係用咗菠蘿碗上枱🍍用咗好多配料炒，青口、臘腸、菠蘿、提子乾、蟹柳、紅蘿蔔、青瓜、肉鬆同青豆，但飯炒得唔夠乾身。𓇠 泰式炭燒豬頸肉 $88 𓇠薄切上，醃得好入味，燒焦邊好香口，配埋酸辣汁食可以減低油膩感，最推介呢樣，必食😋𓇠 椰汁青咖喱雞配薄餅 $78+$25 𓇠青咖喱有啲似冬陰功酸酸地，唔太辣，用豆角、香葉、辣椒🌶️香茅同青檸煮成，雞肉份量算多。我地叫咗薄餅點咖喱食，有2大塊，薄餅鬆脆，但有少少油。個人比較鍾意厚身薄餅，煙韌啲同可以點多啲咖喱🍛 𓇠 椰汁珍多冰 $10 𓇠食泰國菜點可以唔飲珍多冰！有幾片椰子肉同珍多，有口感，甜度適中，椰汁味濃🥥套餐加$10好抵飲🤩▪️類別：#yinkifoodie_🇹🇭🔺味道：3.5/5🔹服務：3/5🔸環境：3.5/5

幾好味都冇下一次，何況食物環境都好一般。好唔好彩，上菜之前我借用佢哋嘅洗手間，搵廁所既路途中唔覺意望咗入去佢哋廚房，恐怖既事就出現啦……發現廚房入邊嘅員工冇一個戴口罩，講緊人數最少有六至七個人，見到之後當下冇哂食慾，懷疑眼睛，心諗到底呢個只係冰山一角？定係其實只係我後知後覺，普遍食肆都係咁嘅呢？其實開住廚房門，食客經過會見到，而且當時都係冬天，都咁樣煮野食，咁夏天呢？萬一其中一個有確診左，哈哈哈我地真係多謝你😊所以我好肯定：請我都唔會再食呢間黑心垃圾🤡🤡🤡

粉嶺·金邊粉泰國菜泰國🇹🇭依間第一次夜晚去太多人要等好耐 冇食到今次第二次lunch 同樣都係甘多人 都係要等位 但因為好想知佢有咩特別 決定留低等位食今次Lunch 午餐$40我覺得係勁抵既👍🏻我地今次叫左海南雞飯 比左雞脾😍佢既雞皮係爽口同滑 都算唔錯 但個飯就冇油香 依到扣左小小分另外仲叫左個香辣肉辣炒金邊粉 依個勁有鑊氣 好香同熱辣辣 👍🏻👍🏻👍🏻👍🏻仲係勁大碟 $40 係勁抵至於飲品方面 就叫左珍多冰 +$10 都係好飲而且勁大杯🤭🤭🤭依間長期Full 都真係抵食同好食😋下次可以試埋啲泰國小菜🇹🇭地址：金邊粉泰國菜 (粉嶺)粉嶺聯和墟聯和路13號地舖#粉嶺美食 #粉嶺聯和墟 #香港必食 #香港美食 #foodie

•除咗九龍城有好多泰國餐廳 新界區嘅話 聯和墟都有幾間平靚正泰式小店㗎（超抵食)四人餐 HKD408•冬蔭大頭蝦湯 好足料有4-5隻大頭蝦 大量菇菌 味道微酸 好開胃•半隻海南雞 已經去骨 食落好嫩滑 啖啖肉 •泰式金邊粉 食落似小朋友口味嘅茄汁炒粉 料就得蛋絲 雞肉粒 味道少怪 食咗兩啖就放棄•海鮮炒飯 加咗蟹柳同蝦仁嘅三色豆炒飯 面頭純粹用咗兩隻青口點綴•另外仲有西蘭花炒肉片 同 鹽焗烏頭以呢個價錢嚟講絕對餵得飽四個人 不過味道只屬於普普通通啦🤏🏻🚩金邊粉泰國菜 粉嶺聯和墟聯和路13號地舖

四個人叫左個三人套餐食，三人套餐有飯、豬頸肉、咖哩、蝦餅、菜，都只係$278，加野飲都只係加$10一杯。🔸火車頭炒飯唔會炒得太乾，濕濕地易入口，同埋有好多配菜一齊炒。🔹豬頸肉套餐黎講份量算多，仲以為會得好少，醃得唔錯。🔸青咖喱雞好多咖哩汁，最後決定加個薄餅點咖哩汁👍🏻🔹蝦餅好貼心剪左8件。🔸炒通菜好大碟👍🏻🔹薄餅 $25就算唔點咖哩汁，就咁食都覺得好脆好好味。🔸青檸梳打 (跟餐+$10)🔹大話七喜 (跟餐+$10)

呢日嚟到粉嶺呢邊行山，上次已經想食呢間泰國野點知冇開門，今次終於試到啦。去到都幾多人，滿座，等左5分鐘左右就有得入。乜都未叫就先送上兩碗湯，湯ok的叫野食主要係叫黑板上的lunch menu，有四五個餐可以揀，野飲需要加錢。加左凍奶茶凍檸茶，奶茶唔錯，檸檬茶就一般，飲完仲有d肚痛叫左兩個午餐泰式炒金邊粉一睇個名已經預左冇料，得椰菜同金邊粉，不過$40可以接受，主要都係想試金邊粉炒得好唔好食，個粉唔錯，夠乾身，又唔會硬晒，入面仲有兩三塊豬肉片，係驚喜豬頸肉飯豬頸肉望落好似燒得唔夠。不過食落都ok，睇落有d肥但食落又ok，唔錯，不過唔係好熱總結份量正常，價錢唔貴，$50有交易，味道亦ok

🇹🇭外賣自取泰式晚餐 @ 金邊粉泰國菜 （含五辛、蛋）🇹🇭·今日屋企話叫外賣，呢間金邊粉泰國菜係聯和墟區內出名價錢合理、份量都幾大份同水準 OK嘅泰國餐廳。加上佢算係比較易搵位泊車，所以成日都好多人。佢本身並非素餐廳，不過你話佢知食素，好多款菜式都願意走肉，都算係一個選擇。我就叫咗：泰式素春卷泰式炒金邊粉 （走肉走蝦、有蛋）蒜蓉炒椰菜苗······························

難得屋企人話想食泰國菜，終於可以轉下口味啦💃💃喺聯和墟附近見到有呢間就入去試吓，估唔到出奇地好味😋叫左5個餸，加2杯野飲埋單都唔洗$500🤪🤪好抵食叫左兩杯椰汁冰，生菜包，蝦醬炒飯，炸蝦餅，炒雜菜同明爐烏頭魚😋😋😋要特別推介明爐烏頭魚🐟🐟超級大煲🙈🙈條烏頭好大條！配菜都好足料，仲有粉絲底，味道唔錯，食得出泰國嘅味道，唔太鹹又有少少酸，好味😋👍🏽其實佢全部食物都好大兜，而且唔貴😬性價比極高🥳所以有時間會再去😎下次我一定要食軟殼蟹咖喱包😏因為見到隔離枱叫咗好似好好味咁🤪🤪可惜我哋已經食唔落，所以下次先食啦！😝

聯和墟尼渡好多嘢餐廳選擇！在OpenRice 見尼間嘅食評唔差！一于試吓 最後選擇二人套餐$168 加$6包餐飲！最後選擇N1～泰式炸蝦餅馬拉盞炒通菜！夠熱！好味泰式菠蘿海鮮炒飯～足料