金象泰小館 德士古道

營業中

休息中

之前幫親過一次外賣全隻海南雞其實味道唔錯足料，今日父親節決定幫襯多一次，今次買半隻，點知返到屋企先發現半隻雞但無雞脾，可能生意太好吧，每隻雞偷一兩件切多隻雞野出來，可以賣多一份，唔足料，無下次

海南雞飯醬汁很特別，雞的肉質也是還不錯，米飯的質感也香，整體也是新鮮的感覺。另一碟炒金邊粉的賣相也是相當惹味，與碟子的配搭相襯，令人食慾大增，香味也是挺足夠！！

抵食的一間泰國菜，但唔會再堂食……外賣可以繼續！餐牌選擇唔算多但基本平日要食嘅嘢……佢都會有……所有食物都正正常常，而價錢就偏平……所以值得幫襯！可惜的是……一班年輕樓面……不斷再大聲嬉笑，自己喺度玩……鋪面唔係大，佢哋入門口玩到入廚房雖然氣氛歡樂……但是，就讓人很不自在下次嗌外賣，還是可以繼續幫襯！.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

由第一次食過去之後，佢嘅海南雞令我留下好深嘅印象，係成個大窩口嚟講，我覺得佢嘅海南雞算係做得最好，差唔多每個星期都食一次，佢隻雞係做到嫩滑既，同埋佢個油飯都做得幾好。

今日收工約了友人在德士古道金象泰小館吃晚飯。 餐廳舖面面積不大但居然有閣樓層，在如今都算是少見的了，入到餐廳裏面都是泰式裝飾和擺設，令到進餐時感到少許泰國的風味。今日叫了一個冬陰公海蝦球湯粉和泰式滷水豬手飯。冬陰公湯粉的湯底色澤都夠濃， 在綠色的香草襯托下的確色彩奪目，而且湯底亦熱辣辣;不過遺憾的是湯味就覺得很淡，少了冬陰公那種獨特的辣鹹味。蝦球都算大隻而且蝦肉亦很結實且的感覺，但河粉就煮得太過腍，沒有了河粉的那種咬口感，而且分量相對較少了些。另外的滷水豬手飯賣相就很吸引，首先聞到濃濃的滷水醬汁散發出來的香味，豬手滷得很入味並且亦炆得夠腍，連豬手的皮咬落亦不會有那種韌的感覺。醮上酸甜汁來吃，在這炎熱的夏季真的是十分醒胃的一味菜式。今晚的一餐都可算是十分經濟， 餐廳又沒有加一收費，喜歡泰式風味的朋友可去一試。

豬手飯$52滷水豬手都好林，份量足夠，偏鹹，味道好似只係食到鹹味，所以點少少佢附送嘅泰式辣醬，味道會豐富啲。冬陰功海南雞河粉$50湯底幾濃郁，非常有泰式風味，河粉份量都幾足，湯汁比較少要盡快食，唔係就會索晒啲湯。雞肉質嫩滑，辣度適中，適合香港人口味。

見網上話哩間評價都唔錯，就去咗哩間泰國菜試吓！結果真係值得回頭，重點係好抵啊！去嗰陣係晚市，所以都幾多人排隊海南雞有啫喱！雞肉好滑好嫩😋咖哩包係重口味之選，脆包好好味！

無所事事.突然想去嘆一個下午茶餐.於是兩公婆就在同區嘅泰式餐廳.金象泰小廚品嚐美味下午茶.此店開業已經一段日子.好多時我哋都在門前走過.此餐廳.下午茶時段顧客唔算好多.午飯時段比較多人要排隊.無骨海南雞飯是招牌作品.點餐如下：下午茶（A)餐 無骨海南雞飯配秘製雞醬.包熱飲：選熱檸茶一杯。下午茶 （B) 餐 泰式滷水豬手飯配滷水醬汁.包熱飲；選積磨咖啡一杯。（A)餐 無骨海南雞飯.上枱賣相美觀.雞件大件.雞皮呈現黃色.皮脆肉滑.有肉汁.配以雞將進食美味大增.米飯應與雞湯同煲.啲飯有少少雞味.唔喊好食！ （B) 餐 泰式滷水豬手飯. 上枱配置滷水汁一碟. 賣相美觀大碟.美味豬手有好多件.還有半邊滷水蛋及潮州鹹菜超級好味！餐飲如下：熱檸檬茶一杯.有三片檸檬.茶清香檸檬唔會有苦澀味！熱即磨咖啡.咖啡香濃.配備一小杯花奶.舔舔脷之作！備：所有熱飲轉凍飲要加三元。食評：CP值極高.價廉物美.👍👍👍👍👍

星期日的下午，不想煮，就同老公去金象食下午茶。今次係第二次食下午茶了，二次都係要問先會比下午茶的meun. 另外依間下午茶係230先開始，有時會不小心記錯。下午茶A-招牌無骨海南雞飯配秘製雞醬($42)先說飯，照片可能看不太出來，它的飯是有味飯，有淡淡的雞湯味，好味。雞不算太多，但夠飽，雞皮好滑，可惜的是雞肉本身有D"鞋"﹐點雞醬整體幾好味。不過想提一提的是，佢寫明係無骨海南雞，可惜我食時發現有二小塊骨頭了。如果俾老人或小朋友食最好注意一下。下午茶B-泰式滷水豬手飯($42)豬手有D肥，量不多，但老公一個大男人都夠飽。配菜有蛋同小許菜，感覺加分另外佢配有一個醬，醬有點辣，同豬手不太夾，老公不喜歡。熱檸水(餐飲+$0)茶太澀了！加左糖都無用，飲不下。凍檸水(餐飲+$3)凍檸水好d﹐最小老公飲完了。店內裝飾得幾有心思，幾舒服應該有二樓，可惜我未上過去，有機會去睇下。

復活節假期度度都喺人山人海無開關 無旅行🥲唯有去啲平日少去嘅地方我哋琴日入咗荃灣發現荃灣大霸街有好多餐廳😍琴日喺復活節假期竟然都仲有下午茶餐所以就揀咗呢間試試海南雞飯1叫即到 應該喺1早整好哂雞肉嫩滑無骨 略微肥咗啲飯配個汁 都唔錯豬頸肉炒河熱鬧鬧有鍋氣 味道都夠豬頸肉較厚身 有口感下午茶份量唔算多但夠飽2杯凍奶茶少甜正常水準 雖然少甜都偏甜2個餐都喺$93檯同檯之間都無乜空位 較逼整體嚟講 都幾抵食 大家順路都可以試試

菠蘿海鮮炒飯同豬頸肉炒河，叫完一分鐘就上枱，唔夠熱，緊係一早炒定，海鮮炒飯嘅海鮮就係得兩隻淡茂茂冇味嘅蝦肉，炒河嘅豬頸肉少得可憐，仲有兩件係全肥嘅食唔到。跟餐加配兩隻香茅雞翼同兩串沙嗲豬肉冇乜特別，龍眼冰太甜，菠蘿梳打完全冇甜味，菠蘿蓉冇味。整體食物似普通茶餐廳，全冇泰式口味，店員態度麻麻，落單講嘢冇尾音，上菜大大力放落枱。冇下次。

喺openrice見到呢間泰國菜館有好多負評，但今次有荃灣朋友話睇落唔係咁差啫，所以決定一試🤣 試完都要幫佢平反下，唔算好好食，但都無其他負評咁差喎🤣我地今日係黎食下午茶，2:30pm就有，menu其實同lunch一樣，不過就平大概$10。我叫左個海南雞飯，OK standard啦，個油飯淡左d，無乜雞油香味，似淺黃色嘅白飯😂 不過個雞就整得幾滑，鹹鹹地都幾好食，而且佢有個自家調配sauce，撈埋個飯食就啱啱好。另外我哋仲叫咗一個豬頸肉炒河粉，不過佢哋話炒野要等15分鐘，我哋等到個海南雞飯食晒個河粉都未嚟，一嚟已經急不及待食晒佢，所以冇影相😂😂😂 都係一般貨色啦， Standard嘢唔難食👌🏻Overall來講係一個不過不失嘅泰國菜館，不過價錢都算親民，下午茶40幾蚊，午餐就50幾蚊，包熱飲，中規中矩啦

人少少去咗呢間金象泰國小館食晚飯。 呢間平民泰國小館價錢都相當合理。 兩個人唔係食得太多嘢, 一人叫咗一碟炒粉麵飯, 再加咗個酸辣鳳爪。呢個係泰式冬陰功豬扒湯河, 呢個冬陰功湯底酸酸辣辣, 唔算好辣, 有泰北嘅味道! 泰式海鮮炒河, 味道都唔錯 其實之前嚟過已經食過生菜包, 咖哩麵包海鮮, 同埋拉盞通菜, 味道都唔錯! 平時晏晝仲有下午茶食, 下午茶價錢$40至$50左右, 都係一個唔錯嘅選擇!

疫情下無晚晚市堂食，只可外賣返屋企。今次買咗例牌豬髀同埋炸蝦餅，電話落單職員態度有禮貌，出品時間亦都非常之快。豬脾例牌非常大份，好林味道好好，配上泰式辣醬味道一流。炸蝦餅非常鬆脆就算外賣回家都保持香脆可口。價錢外賣$140，性價比非常高絕對值得再次幫襯，店內新裝修非常乾淨同雅致，我甚至打算下一次晚市堂食。店內可使用現金外，又可以選擇其他電子支付工具，結帳10分方便。不明白之前的食評為何會大多是負評。

入座2個人必須打對面坐，明明當時已經夜晚7:45，全間餐廳有一半吉位叫左泰式滷水豬手,黎到豬手有毛嘅，長到呢勁核突，即時無哂心機食，明明有侍應聽到我哋評論隻豬手好多毛，但都可以扮聽唔到咁算啦，唯有照食無毛嘅部分點知食落又淡，完全食唔到滷水味其他食物平平無其，又淡食完即刻收碟清走哂所有野，坐多陣都唔得，趕客走咁，問題係無客等緊食完無下次，今次2位加埋都接近4百蚊，但啲咁嘅服務態度，食物質素一啲都唔值呢個價錢，食到一肚氣