金裝燉奶佬餐廳 (華都商場) (已結業)

有時發現連鎖餐廣廳的成功之道是懂得求變。星期日，一家人到屯門英皇看戲，在華都商場吃燉奶佬吃早餐，原來叫早餐加$，可以有黎麥麥皮，我叫的是雞扒腸蛋餐包，加$要黎麥麥皮，阿女要冬菇魚餅米線，加$要多碗粟米火腿通粉，其實加$叫多樣野，很不錯，因那日早上，我不算太餓，兩個餐加$叫多款，便成了3人早餐，不用叫三個早餐，吃不下成了浪費。早餐齊齊分享，黎麥麥皮好滑，少少奶，少少糖，好好食，高纖又健康。我的餐包是熱的，有誠意，荷包蛋好食，雞扒和腸也好食，但係份量細了點，有埋沙律配不錯。冬菇魚餅米線都幾大碗，塊魚餅有香茅，幾好味，米線也滑。至於奶茶夠香滑，提神，服務OK。高纖黎麥麥皮餐，我BUY!

服務員太差，沒有禮貌。😡肉燥飯的肉燥太咸😖😤🤮d飯又放太多水太軟，總之整理感覺都非常差，今時今日今噶水平係唔得噶，希望以後會有所改善🤕🤕🤐🙏🏻🙏🏻

每星期有幾天都來光顧下午茶，但有位髮髻阿姐服務態度超差，當住佢面兩次要求杯水也可零反應，而且不是一天半天的事，如果她是聾啞人士請不要再做樓面，其實害群之馬只得這髮髻女人，所以才繼續去吃這餐廳。

和朋友去屯門華都廣場簡簡單單食過午餐 點知揀咗一間垃圾嘅餐廳燉奶佬，不知所謂…… 間餐廳冇乜人幫襯得幾枱客諗住入去坐得舒服啲呀點知係一間咁差咁差嘅餐廳 下次一定唔會再幫襯佢。 兩個人都係揀咗嗰個午餐叫做豬扒雞扒黑椒意粉 啲餐一上枱 啲意粉一望，、 剛曬食落口暖嘅， 冇乜味 豬扒雞扒煎到乾爭爭少少黑椒汁冇味 係費事出聲兩個咋咋淋食完就算啦但係估唔到燉奶佬差得咁緊要， 明白到點解間餐廳午餐時間得幾枱客幫襯原來啲嘢係差得咁搞要啲街坊梗係唔幫襯啦，呢間餐廳唔改善下執咗佢啦……

今日行開屯門，念緊晚餐食咩好既時候，就比我見到燉奶佬有個麻辣雞煲，最近愛上食麻辣野既我決定去試下。d雞肉都算嫩滑，麻辣味適中，好香跟餐送一杯青檸特飲，好清涼，岩曬配埋麻辣雞煲飲加4蚊重有滋潤糖水添，係我最中意食既椰汁紫米露

經開屯門市廣場呢頭買野，因為方便就脚既關系，所就諗住系呢邊食。呢間餐廳晚市主打鐵板套餐。太多肉的關系，最後選佐精選晚餐星州蝦仁炒貴刁。聽個名就知道好似好正。講返只刁，真系層次分明，咖哩粉同啲河粉食落口系粉味一邊，河粉一邊。請留意啲河粉系碎得太過份，太過濕！簡單講系中伏的晚餐！

好耐無嚟食啦，見到佢有新套餐（可能都新咗好耐）忍不住又試下今日嚟食野都已經8點幾，不過唔多人仲有好多吉位，相比以往要拎籌淡靜咗就係係門口見到呢個好似好豐富嘅餐真身嚟啦，有2個小菜仔，真係好細，係裝調味料嘅碟仔，2個前菜都係凍嘅，一個係泡菜，唔算好辣，酸酸地，好爽脆，忍唔住一口氣食晒而碟木耳都好爽，不過略嫌酸咗少少，同埋有少少油，可能平時食嗰啲木耳都有落辣椒🌶️吊味，呢個就無，覺得有少少唔夠味到個主角啦，肉躁雞扒飯，個雞煎嘅，皮煎到香，雞肉都仲keep到滑溜，唔鞋，點埋啲燒汁，仲好味個飯呢熱辣辣，篤穿埋個半生熟蛋，等個飯啲熱力整熟啲蛋黃，連埋啲肉躁撈均，本以為好油嘅肉躁，撈完之後又出奇哋無咁油，平時啲茶餐廳連最基本嘅白飯都煮到唔熟咁，呢到相對地已經叫唔錯個湯呢，係食晒啲前菜同飯之後，其實都好飽，只係輕嚐咗啖，唔，唔重味精嘅味精湯星期日晚餐嚟講，$58食到一個餐，抵丫

午飯去咗屯門金裝燉奶佬食，食滑蛋海鮮炒河一碟，非常可口惹味。除有少許咖哩汁濕炒河及滑蛋芡汁外，其主要海鮮餸料如有蝦仁、魷魚塊、蠔蜆、斑腩塊及其他魚肉碎等，當然還有其他如洋蔥及菇類粒作配料等，成碟炒河鑊氣呵成十足。

今日嚟屯門華都分店食下午茶。原本叫台式肉燥吉列魚柳大碗飯，職員落單落錯咗台式肉燥雞扒大碗飯，算照食！食落初頭因為肉燥送飯，無咩特別。食到咁上下肉燥無哂，飯好硬囉。返到屋企竟然開始肚瘑，不是1次喎，瘑咗起碼5次！相信暫時都唔會再去食！

今日，29/8/17, 係屯門揾食，其實都好多選擇，但趕時間就求其d, 去左燉奶佬食個lunch衣肚。入到去，地方都好大，好多座位，坐落都好舒適，唔錯。我叫了黑椒牛肉炒意粉 $55 + 熱咖啡加 $3, 介錢尚可。個餐黎到，賣相色水都ok, 但食落成碟意粉好乾(似番叮) ，又少意粉，反而配料就好多(勁多洋葱) ，牛肉都好多都有成10 件(唔係好好食架) ，味道係好食嘅，但鹹左d同太乾了，又似番叮咁，所以覺得麻麻。

每逢星期日大多都是我躲在家裡休息的日子，但偶爾也會跟家人外出用膳。今次跟平時有所不同，星期日我也要外出辦事，而母親大人則早早出外探望姨媽。到了吃晚飯的時候我們便相約一起用膳，可是到處都是長長的人龍，害怕排長龍的我們便選了到沒有湧現人龍的金裝燉奶佬餐廳用膳。母親大人跟姨媽都比較喜歡中菜，所以她們點了個中式二人套餐，愛它配有餐前小食、餸、湯、飯和飲品或糖水。而我比較喜歡單點的食物，所以點了個沙律和三文治。這裡都跟一般茶餐廳無異，上菜前他們都給我們送上暖水一杯。而問題就由這杯暖水開始，一喝便喝到這杯溫水有種怪味，這「怪味」像是塑膠所帶來那種令人難以接受的味道。而這種怪味不只是單單來自我這杯暖水，就連她們的也有。因此姨媽向他們其中一位侍應示意要更換我們的暖水，但這位侍應立刻有種不快的感覺，還即時對我們「黑面」。「黑面」與「怪味」的暖水已在我們心中留下不良的印像與不暢快的感覺。雖然如此，我們心知不能改變這種感覺，所以我們只想要一杯沒有「怪味」的暖水。可惜暖水換了以後，怪味依然，所以我們唯有放棄，將希望延至他們的食物上。黑木耳 (二人套餐 $129  – 餐前小食)「黑面」與「怪味」暖水的事件擾攘

最近午餐時間多了去燉奶佬，屯市附近餐廳基本上已經去過曬了，茶餐廳以前平民化食店,而家香港茶餐廳已經不是平民化,現在閒閒地吃午餐，起碼要50元左右，燉奶佬間中都會去吃下午餐，今次吃水餃米線+凍檸檬茶(44元),它的水餃算是不錯呀，水餃個皮比較厚，味道就不過不失,米線亦不是太淋,我覺得味道還可以，並不是太難吃,個湯十分清淡，凍檸檬茶亦都OK ，檸檬茶夠茶味亦不是太甜，服務就都OK,環境亦適中，亦坐得舒適味道水餃米線，水餃味道還可以，個皮比較厚，湯底十分清淡服務我覺得都OK ,茶記不能預它好似高級餐廳有好服務環境地方十分適中價錢44元贵咗些小

今天下午3時左右我和男友去市中心逛街，看見燉奶佬的下午茶餐十分吸引，而且又沒有甚麼人排隊，於是我們便進去吃了。環境方面，由於不是繁忙時間，我們坐了4人卡位，十分舒服^_^我們叫了T5茶餐(韓式炸雞沙律)和T9茶餐(炸雞脾+咖吔西多士)，另外我叫了熱蛋白燉奶。飲品我叫了凍檸茶(少冰)，我男友飲品轉了凍木耳糖水。韓式炸雞沙律方面，炸雞只得4件，而且炸得十分燶！另外炸雞很細粒，皮多過肉，十分失望！沙律十分難吃！這個餐收取$40完全不值得！炸雞脾+咖吔西多士方面，雞脾份量太少，太細隻！而且炸雞脾炸得太久，十分燶！另外雞脾炸得十分油！由於炸得太久，肉質不太嫩滑，而且有點乾。咖吔西多士方面，西多士內的醬味道有點怪，又不像花生醬。另外西多士炸得太久，吃上去有點乾。熱蛋白燉奶方面，燉奶只是暖和而已，而且燉奶沒有什麼奶味，奶味太淡，好像只用很少牛奶製成，十分失望！凍木耳糖水方面，普普通通的味道。凍檸茶(少冰)方面，凍檸茶真的是少冰，而且幾好喝。價錢方面，這間雖然是茶餐廳，但價錢一點也不便宜，韓式炸雞沙律$40，炸雞脾+咖吔西多士$38，熱蛋白燉奶$19，凍木耳糖水跟餐免費，凍檸茶+$3，茶餐廳不設加一服

讀書年代之後都未幫襯過, 次次行過都好想入去試下佢地d 下午茶, 岩岩星期日打風無野做就過左去市中心行下, 經過燉奶佬就比佢個下午茶餐牌吸引左入去啦炸雞脾係下午茶必選之一, 仲要配埋件西多士喎($38), 唔叫唔得啦呢度既上菜速度簡直係極速呀, 岩岩叫完d 野食就到啦炸雞脾係暖既, 無味 西多士我配左練奶, 只有練奶味炸魚柳包($38)凍既. . . 食左一啖已經唔想食啦. . 加$6 可跟個雪菜肉絲米粉, 竟然係全餐最好味既. . 好感動餐飲叫左熱咖啡, 另外一杯轉左做椰汁涼粉, 涼粉普普通通啦估唔到咁多年之後再黎d 野食差左咁多. . .不過d 侍應服務態度好好, 野食方面真係要加陪努力啦~

屯門分店間中都來光顧,屯門市廣場附近餐廳幾乎去過曬了,我在屯門返工主要在屯門市廣場吃午餐為主，甚少去置樂/新墟個邊，今日又一個人吃午餐，一個人好易揾到位，以往和同事只去華都地下,個度已經是市中心最平啦，想起好耐冇去燉奶佬，決定去燉奶佬吃午餐，只有一個人吃午餐，好易揾到坐,我坐下之後立即叫店員落單,我叫了菜遠牛肉河,我忘記咗叫少油,店員態度有些小差 ，最近2次來時候，廚房係唔係唔夠人手,等1個午餐要30分鐘，仲要催幾次才到,平時覺得呢間都ok,今次覺得差咗好多，油份量好似不用錢，成碟多油到嚇死人,味道好咸,咸到吃了一半不想再吃,涷奶茶又是唔好飲,冇茶味又好甜,我光顧這間分店咁耐,最難吃是今次這個