金裝燉奶佬餐廳 (華都商場) (已結業)

時間過得很快，又到午餐🥣時間，肚餓啦！閃😀 不如去屯門華都花園商場（金裝燉奶佬餐廳）一般茶餐廳🍴 簡單裝潢，都ok 😊舒服繁忙時間，客人多多，被安排了小小卡位坐下來午市精選/精選午餐 $50 起 ，自由配搭餐 $59飯、麵、意粉、米線、… 等等奉送糖水或熱飲瑞士雞翼 叉燒撈一丁 $50三隻雞中翼，甜甜瑞士汁，夠入味瘦瘦叉燒，有咬口🤗 兩條嫩綠菜心😀丁麵口感，軟硬適中滋潤糖水： 大大隻雞蛋🥚、腐竹、薏米味道唔錯

今日遲咗起身，出到街都已經好晏，所以直接食下午茶就算數去到見到下午茶嘅價錢都係正常價，一於就試吓，都幾多唔同嘅選擇同配搭😀T4 吉列魚柳配薯條$39+沙嗲牛肉通粉$9配熱檸茶沙嗲牛肉都唔係話好多正常啦，牛肉都夠淋，沙嗲係有花生碎嘅薯條炸得唔錯，都幾多同埋幾長，不過用嗰塊生菜薦底有啲奇怪，襯碟唔係太好睇，魚柳都揸得幾好幾厚肉，好食嘅👍🏻👍🏻檸茶冇乜特別總結：下午茶都可以食下嘅，所有嘢都係正常水平

首先啦落單嘅時間員工有少少怠慢啦，但都體諒嘅始終朝頭早。早餐到啦個賣相都算好睇～點佢魚柳呢就唔係話好熱嘅，禁佢雖然大塊，就好滑唔係一絲絲既感覺岩岩熟個種。但係塊面包就真係垃_圾！！雖然有烘過既痕跡，但唔熱得來仲要噌噌啊！完全隔夜包禁～（後來，有啲疑似熟客就落單個時話塊包要熱啲啊）所以咬咗兩啖就無食落去啦。⋯⋯🙃

千祈唔好去幫襯，員工超懶，除咗你遞手佢唔理你之外，已經自己出咗去收銀落單，收銀員已經叫員工幫我落單，幾個員工一直都不肯去，堅持要傾偈。簡直神級茶餐廳，你老闆應該寫明員工只可以傾偈不可以工作。唔好諗住幫襯，嘢食又唔係好食，只不過價錢比較平民化。

員工超級懶，幾個員工係度傾計都唔肯落單，我已經走出去收銀枱，收銀員都叫一個整緊單嘅去落，再加多句你去落左單先，死都唔肯，唔知道點解要請甘多人返黎傾計？如果客人多都可以原諒，但係又唔係多人。我自己已經走左出去兩次，一次係唔知枱號，另外一次又話冇D乜，結果我嬲到走左。係個走個刻，D員工至走黎。唔想做就直接close 左佢，再唔係就搞自助落單。甘員工們咪可以繼續傾偈，再唔係請多幾個幫佢地，唔駛做埋啲趕客嘅嘢。雖然係平，但係都唔好甘，

乾炒牛河 帶甜 問有冇豉油 答：有 甜豉油同佢講已經甜仲落甜豉油🤔答：等一陣 之後係冇其他豉油 再沒有其他答案 冇人再理你😓其他食物唔想再多講只可以講一句相片只供參考 預咗但係估唔到真係差咁遠

芝士蕃茄波蘿焗豬扒飯 +咖啡$58都ok既芝士唔係好濃豬扒都夠大塊 有少少肥豬肉 但都幾好食嘅蕃茄菠蘿嘅配菜都係正常份量如果講連鎖餐廳好味嘅話我都係會揀返大家樂外賣再有八八折 最後係$52

今朝無所事事，去左華都行下。呢間餐廳真係童年回憶，已經好耐歷史， 以前好鍾意黎食lunch， 但係而家越嚟越多餐廳嘅時候， 就唔記得咗呢間。 因為食物質素真係一般。好啦，今日就再試下佢既早餐，order 左 歐陸式早餐， 有魚柳餐包沙律 都好豐富， 價錢係$41 ， 都算正常。魚柳炸得幾香脆， 餐包就鬆軟 ，不過唔夠熱， 好耐冇食過沙律，所以覺得 沙律都幾好食。 整體感覺都唔太差。不過可能始終都係華都商場裏面， 衛生環境就一般， 同埋啲位好窄 ，坐得唔係好舒服。 不過呢啲舊式嘅餐廳 ，大部分都係咁上下。

做茶餐廳做到連鎖其實好難，維持到食物質素更難。今次食呢間連鎖餐廳主要活躍係屯門，同主流連續快餐店翠X、敏X 唔同檔次，不過同翠X 好相似，就係佢份餐牌竟然唔轉，每日一樣，同我食開既茶餐廳唔同。餐牌雖然顯示好多選擇，實際上不多。最後揀平時比較少食到既鐵板XO豬扒炒公仔麵，比起朋友個精選午餐遲上，令我相信係即叫即炒，但係上碟個時，待應唔該無聲，一碟嘢車過黎，靠我閃避，到佢離開都無講過任何一句說話。我唔明點解空間咁充裕，佢會選擇係人同人中間上菜，而且唔出聲咁上。鐵板XO豬扒炒公仔麵用鐵板上理論上係無得輸，因為鐵板令到個麵夠乾身，只不過成個麵係偏鹹，大打折扣。XO醬偏少，我食到落底都感覺唔到有XO醬既存在，直至見到一小隻蝦乾……豬扒既質感比較奇怪，好似有兩截色咁，我唔識形容，只能講唔會首選呢間餐廳。餐飲奶茶飲到維他奶味，仲要幾重，雖然知道近排有飲品店同維他奶合作，但無理由隻味咁出，而無茶味……

昨晚我倆在屯門店食完糖水。我們叫了兩個糖水和一個魚餅蝦。餐牌寫着「惠顧任何正價食品可優惠加配以下食品」。而餐牌每樣小食或糖水都有表明「正價」和「追加價」。理論上買一碗正價糖水，就應該第二碗係追加價錢。但那店職員居然喺張單度自動加錢「外賣附加$12」，她說我們沒有叫餐所以要全單正價。第一我哋係堂食(沒有外賣），第二係我哋第一碗係用正價價錢買嘅，第二碗應該係追加價。而參考其他餐牌，其他優惠係會講明話「跟餐」，但這個不是。實在是怪怪的。😂😂😂

今日放假，自己行下街，肚餓，想醫肚，甘啱行到去華都商場見到燉奶佬冇咩人，所以走左入去食，佢既下午茶都幾多款，但我叫左個東南亞野食，因為我好耐冇食過喇，味道ok,但野飲要加錢，因為冇set，海南雞喇沙米線🍜，$50,價錢吾系太便，但可以接受

逛逛，想了很久，食咩好呀😀，路過燉奶佬餐廳，很久沒來，就這樣吧，環境都幾好啦，舒服嘅！職員招呼客人，找個小雅座，行到盡頭... 坐低，看看餐牌，精選午餐，今天有飯、米線、可選擇，奉送熱飲，轉配糖水$12蜜味叉燒煎雙蛋飯 （蔥油汁） $49甜蜜叉燒，夠咬口，嫌有啲硬兩隻煎蛋，弄穿 黃 流出來 撈飯吃，好味😋仍有椰菜、粟米粒汁 ... 差不多就是甜豉油啊🤗餐飲： 熱奶茶，味道 ok 可以食飽飽，仍有時間，再八吓，然後返工

餐廳嘅上碟速度好快，大約等左5分鐘就有得食乾炒牛河幾大碟，而且色水都可以👌牛肉嘅份量足夠，但XO醬嘅味道略嫌唔夠突出整體來講味道唔錯，但48蚊就好似有點點貴～

附近基本上都係連鎖快餐店，早餐來來去去都係幾款，所以今日試新嘢，中規中矩。意式茄蓉火腿通：鍾意冇坑紋嘅通粉，感覺彈牙d，呢個茄蓉有鮮茄粒，酸酸地，係開胃嘅。煎蛋+餐包：餐包有烘過，估唔到會俾雙蛋，正！熱咖啡：最驚飲茶記咖啡飲到心跳加速或者失眠，不過呢個ok，易入口。

廚房員工口罩都唔識帶，現在肺炎疫情嚴重，好大機會有口水飛沫接觸到食物，食物質數已經差，本人叫了雞扒腸仔炒蛋餐包，只有炒蛋係熱其它都係唔熱、，質數同坐上客都唔多同差，希望貴公司可以跟進，香港人加油！