影片
以上資料只供參考, 請與餐廳確認詳情
又是中伏, 網上的推介也不能盡信. 適逢暴雨天, 小不點一行十人遠遠跑來石硤尾晚飯, 抱著品嚐美食之心, 結果普通再普通, 沒甚驚喜之作. 什麼胡椒豬肚湯浸蜆, 胡椒湯味完全不突出, 椒鹽鮮魷, 就是鹹到要退貨, 炸子雞只有皮脆, 沒有雞味. 倒是碌鵝, 小炒皇, 味道不錯, 稍有賣點. 涼拌雲耳魚皮, 豉汁蒸鱔, 腐乳通菜, 咕嚕豬頸肉 (猪頸肉存有很多毒素和激素, 是低價食材, 绝不建議多吃, 對身體百害而不利) , 以上菜式不過不失, 平凡小店, 大眾化的價錢, 但没有再來的衝動.
繼續閱讀
今日午餐時份就嚟到石硤尾南山邨覓食，店舖位於低層角落位，不是太好揾。店舖裡面乾淨企理，座位闊落舒適，找了個角落位坐下，睇下餐牌有什麼吸引，一睇就見到我最喜愛既什會飯，都唔使點諗就呢個啦！首先嚟個粟米蘿蔔例湯，唔錯，有d味道，跟住什會飯就到，都幾多汁，試下個汁先，略嫌偏淡，但都仲有d味道既。配料都唔錯，有豬肚，大蝦，叉燒，豬膶。整體算滿意。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚
繼續閱讀
南山邨乾淨企理嘅大排檔小炒！有傳統港式小菜，川菜湘菜都有。🔸湘式辣子雞 $168/半隻雞肉先炸後炒，外酥內嫩。第一啖辣度唔高，但後勁凌厲，而且花椒嘅麻香都幾出。🔸乾煸椰菜海味粉絲煲 $98店員形容係「人手一鍋」，果然冇誇張，好味到下次嚟都會encore。椰菜絲、粉絲（夠乾身！）、蛋碎吸收晒XO醬嘅味道，又香又惹味。撈飯超正！🔸椒鹽鮮魷 $118鮮魷全部大大件，口感爽脆彈牙。炸粉又薄又脆。🔸蒜蓉粉絲蒸扇貝 $98/2巨型扇貝，貝肉好厚身而且超級鮮甜。
繼續閱讀
位於石硤尾❣︎金華餐廳小廚❣︎係一間港式大排檔餐廳，深受街坊歡迎👏🏻我今晚來晚飯，幾乎全場full晒🤩認真厲害，呢到嘅食物款式相當多😋碟頭亦非常大碟👍🏻一入座仲即刻送例湯添，感覺非常暖心🫶🏻岩晒一家大細或者朋友飲酒晚飯聚會。❣︎奇味雞煲❣︎（半隻）$168用gags爐上，保證啲雞熱辣辣😋雞肉非常嫩滑，醬汁濃郁鹹鹹甜甜，配料仲有洋蔥，菇菌同芫荽。❣︎川辣回鍋肉❣︎$88炒得相當有穫氣😋👍🏻回鍋肉肥瘦適中，配料有椰菜，紅椒黃椒，洋蔥同蔥，望落去相當開胃，超好送飯。❣︎豉汁蒸黃花❣︎118麵豉醬汁非常香濃😋魚肉滑嫩清鮮。❣︎蒜蓉粉絲蒸開邊蝦❣︎時價開邊蝦鮮嫩又爽滑😋大量粉絲鋪底，粉絲索晒蝦汁精華，蒜蓉同豉油汁，真係超美味。
繼續閱讀
成日聽人講石峽尾好多好嘢食，今日同老公過嚟石峽尾睇下有咩好西食先，發現南山邨有間小炒價錢經濟實惠，二話不說試下先。 一坐低，職員即時送上例湯。 大漠湘式扇香骨： 扇香骨表面鋪上大量金蒜，非常香辣惹味 椒鹽鮮魷： 魷魚撲上一層薄生粉，炸至金黃。香脆可口，魷魚爽口鮮甜，椒鹽味道惹味，送啤酒一流。 馬拉盞通菜煲： 鹹香味十足，通菜爽甜翠綠，非常惹味。 鹹魚雞粒炒飯： 份量非常大碟，炒飯夠乾身，粒粒分明，有鹹香味。 滑蛋炒蝦仁： 炒蛋非常嫩滑， 配有香蔥嘅味道 ，蝦仁夠大隻，爽口又彈牙，送飯一流。
繼續閱讀