金苑酒家

營業中

休息中

朋友突然講起呢間酒家宵夜小菜好抵食，即興來試試，上菜速度好快，而且好有獲氣！豉油王炒麵$88比起其他餸唔算最抵食，不過好好味，麵質彈牙 ，份量唔小，我地6個人都夠食白鱔，我冇食，但朋友食完話好出色馬拉盞炒雜菜 $48超抵食，份量足夠， 好惹味，我朋友平時唔食菜都不停食😋紅燒豆腐煲$68熱辣辣，好多汁七味炸雞翼$38沙巴清蒸龍躉仔$128肉質鮮味沙薑雞翼客家小炒王勁多魷魚， 又夠淋 ，好足料，我地食完再order所以小菜我地都好滿足，夠哂惹味，份量十足，抵食(9點後時段）服務方面：唔夠人手，但明白酒家時間長工作辛苦，難請人，長期缺人，所以會體諒，但睇得出待應們已盡力做，服務態度都幾好！

家人生日，看報紙廣告，去試試，坐低已經發現杯同飯碗非常污糟，睇埋餐牌，奶野，算啦，貴小小唔緊要，只要質素OK便補分，叫咗長腳蟹拼乳豬嗰餐，另外再散叫脆爆鱔球煲，片皮鴨一隻加錢生菜鴨鬆包，海鮮上湯雜菜煲，兩白飯，1支啤酒，埋單$2200！廣告話約4斤一隻蟹，蟹上枱似4斤但竟然隻蟹係暖暖地唔係熱，一剪隻蟹腳，成灘水出黎，幾隻腳都係咁，肉都唔見，溶洒，隻長腳蟹非常不新鮮，我地黎食蟹肉，唔係蟹水呀！頂你！同部長講，佢叫我當面剪一隻蟹腳，我剪俾佢睇，一樣呀，佢話換，好，俾機會你，換另一隻黎到，size 完全冇3斤添，le次有蟹肉睇到囉，一樣有D梅梅地，算！鳝球煲，D鳝球微暖嘅，但配菜同個煲好熱，咩玩法？片皮鴨一樣衰，皮肉加埋冇14片，仲要硬硬地🤢，有冇攪錯呀！只有乳豬同雜菜煲正常D，鴨鬆包似油浸多D！以後都不會再去金苑酒家帮襯，真的不知所謂！

見佢成日賣廣告，又話有套餐好似好抵咁同朋友試吓，一行四人去到都覺得伏味濃，啲枱又迫又細啲侍應係唔理人，坐勁耐都冇人落單咁嘅什菜煲都要$178，份量係好大嘅，但偏咸黃金南瓜蝦球$198，上到嚟熱辣辣係好食嘅點知光速咁全部上齊，枱又勁細，無位擺片皮鴨完全唔掂，份量又少蟹同其他食評所講一樣，唔新鮮，有水出而且又細隻又少肉！勁失望！呢個鴨鬆得沙葛居多食物質素一般，但價錢偏貴坐得又唔舒服服務超差勁後悔冇睇食評就去咗幫襯

當日大約1：45左右到酒樓，一入去，黑衫女職員(應該部長或經理級)就話啲枱執拾緊準備2點下午茶，叫我地係出面等幾分鐘先，當時都有陸續叫人等，我地覺得都合理，點知過左5分鐘左右突然有幾個人又可以直接入去，再過幾分鐘又有幾個人入左去，然後我地好乖等位既過左15分鐘，完全無人出黎理我地，個個人開始唔理咁多，直接入去，啲職員居然由佢地自己揀枱，而一早俾佢"要求"係出面等既全部變左最後，仲係自己行入去，無職員安排早到又排隊既入座，然後有人問點解遲左既可以早啲入，個黑衫女職員仲聲大大又無禮貌咁話:人地食午市架!但係轉頭居然有職員識得夠鐘既時候主動攞張下午茶紙俾佢地，仲好高調咁傾閒計，講旅行經，擺到明係識得，原來呢間公司既做法係識得既就可以坐住等下午茶，唔識既就直接連入座都唔安排，感覺完全係唔識既連入座既安排都無人會處理，第一次聽到有酒樓係有職員叫人出返去等，然後又唔安排返人地入去!個女職員詢私到出晒面之餘，仲全程無做過野，個個職員都好忙，但係佢居然全程企左係門口收銀位置，但係唔係做野，全程只係手踭"long"係櫃檯，然後望住個門口，又唔帶位，未見過詢私到咁明顯既酒樓同咁趕客既職員不如酒店貼張紙寫清

本人個同事係一個假道士，本身佢話想去降魔伏蟹妖，點知俾人行降返轉頭.. 哈哈哈…價錢超貴，未試過去啲咁嘅地方19酒樓，都感覺好似俾人劏，只係個套餐吸引，其他價錢完全唔符合，一份例湯都要$268個姐姐仲要講咗話隔離房煲多咗，笑咗！價錢貴不特止，洒樓標準野食都可以整到咁難食，又要無服務，16蚊一位茶位，一人飲完一杯之後要佢斟水，點知幫我哋收埋個茶壺！洒樓從未試過6個人都仲要坐細台，啲餸來都冇位擺，感覺去咗旅行游客區俾人劏，超級中伏伏伏伏伏伏伏伏伏

超抵食，長腳蟹🦀一大班人最啱嘅選擇建議：首先要book位先，因為長期星期五六日都超full , 仲有地方淺窄。我經過見到附近有個超抵組合阿拉斯加長腳蟹+片皮鴨坐低即落單，洗完碗碟時間啱啱好隻蟹就到。蟹肉清甜多肉夠大隻。可惜片皮鴨得一細碟， 唔係好夠食。其實唔夠喉裏面啲肉質用來炒咗小菜，都不過不失幾香口。 片皮鴨只得青瓜，沒有大怱，稍為遜色。唔該晒所有。總結到係主要嚟食阿拉斯加長腳蟹，值得推介。其他小菜就未試過，下次可以試吓。

被所謂$998長腳蟹套餐吸引去食⋯套餐包三樣嘢：1/長腳蟹：味道尚算正常 但唔足両2/ 北京片皮鴨：配料得一啲好霉嘅青瓜 勁頹…鴨肉片得勁求其 味道好一般3/生菜包鴨鬆完全不知所謂 又凍又難食⋯食完諗住快快埋單轉場…然後有個態度好差嘅四眼肥男子同我哋講我哋個餐一定要至少order一個正價小菜…我哋話一開始入座無人同我地講過⋯佢勁串拎咗張廣告單張一野撻落我哋張枱度「我地廣告有寫架喎」原來嗰個所謂條款收埋咗喺個底排好細嘅字入面…然後佢嘅餐牌正價小菜最平都$148一個唐生菜⋯性價比極低真係完全感覺有被坤既感覺 完全中伏大伏真係千祈唔好比人呃左去試

Boxing day 後，最後衝刺食……食😋，好friend 底🥰🫂book 咗金苑酒家(旺角)超強孖寶抵食組合‘’阿拉斯加長腳蟹+有米脆皮皇子豬‘’大伙兒高高興興吃得非常滿足🦀阿拉斯加長腳蟹~大約有四斤重，原隻清蒸上碟好‘和’味👍，蟹腳‘’漲卜卜‘’非常足肉，肉質一絲絲鮮甜美味好juicy,最強勁就係蟹蓋勁爆膏 ，每一口都超creamy 好有滿足感。🐷有米脆皮皇子豬~乳豬頭略為遜色黑黑地，乳豬身就赤皮美觀，皮薄卜卜脆很酥化，香口不膩的肉。🦑酥炸魷魚~酥炸魷魚段薄薄脆漿裹住，脆口香酥，魷魚彈牙鮮美。

晚飯孖寶$998： 長腳蟹加片皮鴨…蟹有水倒出來，估計是雪藏的，又不夠熱…片皮鴨亦是不夠熱。 乾扁四季豆竟是用麻辣煮。孖寶加四季豆三味菜，加茶錢、前菜及加一，埋單一千四百幾，之前從沒寫食評，今次實在忍唔住…列入黑名單

第一次吃到咁差的蟹，失望，價錢也不便，無肉無膏得個空殼，吃完一肚火🔥，仲要強制性額外買多個菜，貴又不好味，花生米吃之前問過要收費，店員話免費，講咗免費點知埋單時收錢，+1茶水費都要二百幾，片皮鴨好求其，根本不夠一隻，都唔知有無半隻，幾塊青瓜都不夠，皮也不夠！體驗感極差，總之有今次無下次，感覺被人當水魚，一共埋單1480，吃了個寂寞，希望大家可以謹慎選擇呢間酒家，如果錢多對食物無要求可以試試，黑名單見，不再做水魚！

🏠同屋企人食飯，最岩就係食中菜！今次簡左係旺角胡社生行既金苑酒家～我地大幾6:30到 都坐左半場，食到8點埋單全場係坐滿🤣 好熱鬧🤭 不過枱與枱之間都幾迫夾😬我地order左$998 阿拉斯加長腳蟹套餐，有一隻長腳蟹🦀+片皮鴨🦆二食（片皮鴨&鴨肉粒生菜包)。🦀長腳蟹好大隻架 有驚喜😍😍 啲肉好實淨 多肉 好新鮮🫶🏻 片皮鴨就普普通通 不過不失 都幾抵食，腳長粗身 蟹身好靚 外殼都好靚，係新鮮蟹🤭 講真 平時出街食一隻蟹都唔止呢個價錢了🤑🤑另外再點左半隻有米皇子豬🐷$450，皮脆 唔算太肥，啲飯略嫌油左dd 不過整體都ok；海皇雜菜煲🦐🦑🥦🥬$188，雖然價錢唔平不過大大煲 又唔會覺得唔抵食既🫣Btw呢間酒家都好旺場，大家想食記得預早幾日book台啦🫶🏻。

有位朋友鍾情食長腳蟹，四年前有呢個套餐開始我們夾齊四個飯腳，每半一年來聚聚。交通是方便但座位迫衛生一般。由當年大大件好抵食幾百蚊四人套餐去到 $998另加正價小菜後埋單$1410。味道還可以，但北京填鴨只有一小碟，就相對扣分。可能係時候另覓新聚會處。

一家大小去到旺角金苑諗住食阿拉斯加長腳蟹+片皮鴨餐，一黎到片皮鴨好明顯唔係一隻，二食生菜包 9成都係粉葛加幾粒鴨肉，期望去到食長腳蟹，一剪開未食都已經知道係死蟹，聞落去係臭嘅，跟住叫個女人過黎告訴佢情況，佢話蟹係咁架，🙄🙄跟住叫左隻688乳豬，食落口都係臭臭地，咩料啊？仲叫左福建炒飯+四川毛血旺，毛血旺味道正常，不過得鴨血同魷魚牙菜🙄，我食過無數次毛血旺有（午餐肉+魷魚鬚+牛柏葉+豬皮豬大腸）埋單2378食埋啲垃圾，無下次囉

同朋友係呢間飲中午茶，佢地點心唔錯嘅。因為好耐無出去黎間飲茶，見到佢有三個套餐到底食。1.阿拉斯加蟹+片皮鸭$9982.上湯龍蝦伊麵+片皮鴨$4983.半隻脆皮乳豬$98咁我地去完街夜晚9點倒去食飯，跟住我地手點左上湯龍蝦加片皮鴨加多個炒菜。味道一流，但是晚上服務態度極差。

之前聽人家講 這間酒樓不算太好 今晚食過之後 覺得不錯 長腳蟹新鮮 乳豬好味 唯獨是扁皮鴨 用嚟包片皮鴨啲皮 黐到一塊塊 好難分開 長腳蟹加片皮鴨兩食 都係$998 但要叫多個小菜 但係小菜價錢好普通嘅小菜都要200蚊左右 所以就揀咗有米乳豬 半隻有米乳豬$338