金苑酒家

營業中

休息中

家人生日，看報紙廣告，去試試，坐低已經發現杯同飯碗非常污糟，睇埋餐牌，奶野，算啦，貴小小唔緊要，只要質素OK便補分，叫咗長腳蟹拼乳豬嗰餐，另外再散叫脆爆鱔球煲，片皮鴨一隻加錢生菜鴨鬆包，海鮮上湯雜菜煲，兩白飯，1支啤酒，埋單$2200！廣告話約4斤一隻蟹，蟹上枱似4斤但竟然隻蟹係暖暖地唔係熱，一剪隻蟹腳，成灘水出黎，幾隻腳都係咁，肉都唔見，溶洒，隻長腳蟹非常不新鮮，我地黎食蟹肉，唔係蟹水呀！頂你！同部長講，佢叫我當面剪一隻蟹腳，我剪俾佢睇，一樣呀，佢話換，好，俾機會你，換另一隻黎到，size 完全冇3斤添，le次有蟹肉睇到囉，一樣有D梅梅地，算！鳝球煲，D鳝球微暖嘅，但配菜同個煲好熱，咩玩法？片皮鴨一樣衰，皮肉加埋冇14片，仲要硬硬地🤢，有冇攪錯呀！只有乳豬同雜菜煲正常D，鴨鬆包似油浸多D！以後都不會再去金苑酒家帮襯，真的不知所謂！