金翠餐廳

營業中

休息中

The Lobster Sirloin Steak Pasta was a delightful experience. The lobster was cooked to perfection, tender and succulent, and the sirloin steak was juicy and flavorful. The pasta was al dente, just the way I like it, and the sauce complemented the dish well without overpowering the natural flavors of the lobster and steak. Overall, it was a well-balanced dish that left me satisfied and looking forward to my next visit.

全港嘅港式西式嘅鐵板牛扒都試過七七八八九九🤤。一心期待嚟試下新港式鐵板牛扒。又皆因啱IG 睇到ah Bob post ! 入到嚟裝修幾好夠香港風味。同好香嘅鐵板蒜蓉味。再加幾分期待。到落單。叫咗個$232肉眼扒餐五成熟。（下午時分3點）。服務員特意話牛扒無醃製過所以五成熟就好了。因為易熟。到上餐時落汁，咋一聲，不過。。好快手就無哂聲氣，覺得塊鐵板應該唔係好熱，咁我就嗱嗱臨將啲配菜同薯條放落另一隻碟度。等塊鐵板可以慢慢辣熟塊牛扒。因為怕太生加上我仔無謂食太生牛肉。到切牛扒嘅時候，心諗不妙，咁多筋嘅，舊肥膏已經佔咗塊牛扒五分一二，再加條筋喺正中間位。切剩肉只得一半。同服務員講，都係幫我落單嗰位。。佢同我講。先生，先前有同你講咗冇醃製過，係咁樣㗎。我笑咗。。我知你先前有講。但我係話，好多筋。得返一半嘅肉。 同塊牛扒有冇醃製過係兩回事。 佢就話。。你係咪先前無食開唔知呀？ 我即刻算數。。唔同佢繼續爭論。居然笑我未食過。咁好啦。。唯有喺度發表下我第一次嚟金翠嘅感想。。下次唔會再嚟。Bye

今日去食T 叫左隻生炸炸脾薯條，隻雞髀怪味不特只，雞脾背有啡血都正常，但有一粒粒一條條白色又有黏液(我唔肯定係乜），咪好聲好氣同佢樓面講有冇得換過隻，之後叫左收銀員大嬸過，黑口黑面話係咁架喎，水吧走哂啦喎5點落單而家先講（講個時係5點35分），無哂雞髀架啦比個牛油包你啦，我都同佢講,首先唔係時間問題下，你上得我食都幾個字啦，另外我食左一啖同你講，唔係呃你隻脾，我錢照比，只係話你知雞脾有問題（我係比足錢走的），其次之前食唔係呢隻味。點知個收銀大嬸話咁耐都係咁，今日賣左咁多隻都無事，我話唔係隻隻臭架下嘛，我切ge 姐無掂過，你試下啦，又唔肯，面個d 係乜又答唔出？係咁話無問題。。。。我有食薯條飲野我會比錢，有怪味同不明物體係上面的脾我就無食比左錢就走錢我預左比，個一百幾十，野食唔得就唔好死撐，態度差劣個大嬸 食到成肚氣，原本覺得呢間野都ok ，食左幾次，但經過呢次收銀個大嬸態度不知所謂，無下次

因為在家工作, 呢幾排都好少出街食飯, 今日要去開太子, 啱啱經過彌敦道, 發現呢間熟口熟面嘅餐, 當然第一時間衝入去啦!呢間餐廳以前讀書時成日去食, 估唔到搬咗新舖, 裝修靚咗好多, 仲好有特色, 冷氣又夠，啲位又唔逼。等位都算快（大概十分鐘), 好快就坐低咗。今次食豪啲, 叫咗個美國1855 頂級西冷, 滿足吓自己!湯當然係要紅湯啦, 回味兒時味道嘛! 仲有個超好食嘅餐包，夠熱又軟綿，配埋牛油，簡直一流。跟住係主角, 一個熱辣辣鐵板, 上枱後淋上秘製黑椒汁~~吱一聲, 之後係一陣充滿黑椒香味嘅煙, 散咗之後就見到塊好大嘅扒, 未食已經流晒口水~~好開心呀!估唔到時隔幾年, 個扒都仲 keep 到水準, 仲係好似以前一樣咁好味，牛味好濃, 肉夠林, 每一口都好滿足。對於食肉獸嘅我來講, 呢個什扒真係好滿足, 大過塊面, 配埋個熱辣辣嘅黑椒汁, 好香又有少少辣, 好惹味 。食完，加埋杯即磨咖啡,  以後有時間一定要多啲來!

茶餐廳質素都未去到牛Order 5成熟 > 1成羊冇得揀幾多成熟 > 流血凍檸茶淡到變凍檸水由餐包到甜品冇樣好食簡直係被扒房耽誤嘅M+讚嘅地方係，佢可以顯到其他平凡嘅餐廳更加出色

呢間金翠本身喺荔枝角道 但尤於業主加租 轉左黎太子 鐵格餐包既麵包好軟熟 仲有軟滑既忌廉湯同足料既羅考查湯揀🍴龍蝦拼肉眼牛扒 220 蚊🐲🐂龍蝦大大隻 半邊龍蝦 有芝士粟米撈埋 好入味 底層有薯條 菜同蘿蔔 肉眼軟熟 牛味適中 厚度夠 點黑椒汁好 match 🍴西班牙黑豚豬鞍扒 158 蚊🐷豬扒有兩件 應該係鞍近骨位 所以肥美既 爽口既同彈牙既肉都有分佈 配上燒汁好味 除左薯菜外 另外加左茄汁意粉 足料抵食#牛扒 #龍蝦 #黑椒汁 #燒汁 #羅宋湯 #忌廉湯 #薯條 #意粉 #豬鞍Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金翠餐廳太子彌敦道749 號地鋪~~~~~~~~~~~~

是, 再來試其它了.今次試原條龍脷柳餐: 味道可以的, 大大塊. 底部有薯條及少量菜.如果唔想食紅肉, 是唔錯選擇.紅湯與白湯比較, 我較喜歡白湯, 如餐包溫熱點更好.見佢中午繁忙時間都有實惠快餐選擇, 都是大大碟好低食.繁忙時間會搭枱, 但都坐得舒服的.

是兒時的味道及份量, 豬鞍扒餐: 啖啖肉又嫩超好味, 豬鞍扒下的薯菜份量充足, 燒汁又夠又好味, 再加$2蒜蓉. yummy yummy!餐包: 微溫, 如果可以熱點, 溶到牛油更好.白湯: 正常.熱檸水: 正常.甜品Jelly: 可以多花奶的, 開心.服務又好又有禮貌.

當日同男友黎到呢間專食扒既茶餐廳試試，餐廳環境係頗有特色，用了好多香港舊式裝飾，霓紅燈等等，望落有番到舊時香港既感覺，環境係唔錯，令人印象深刻。當日點了：❣️餐包包的質地軟熟，充滿麵包香❣️羅宋湯不會過酸，正常羅宋湯味道❣️牛柳 （熟度： 5成） 牛柳肉質係韌度滿分，肉質好多肥膏，亦好難切，不明為何係入口不軟嫩，整體是很差的牛柳賣相可以，但睇得唔食得 🥲❣️安格斯肉眼 （熟度：5成）肉眼肉質反而軟嫩，亦看落比較大塊；但脂肪亦都多，是很顯而易見的，但味道會較牛柳好吃❣️跟餐：凍檸茶 & 凍奶茶兩杯飲品正常發揮，不過不失❣️甜品：青檸果凍這不是跟餐的，而是侍應捧著甜品經過每張客人枱，詢問客人要不要，亦可自由選擇要不要加花奶；果凍的味道就好似羅拔臣啫喱，如加了花奶，會令個口感很滑～💠💠 💠💠 💠💠 💠💠 💠💠 💠💠 💠💠 💠💠總括來說，牛柳肉質真係唔得，令人覺得浪費了食既quota, 好失望而男友揀選的肉眼是可以的，但整體食物體驗本人是覺得很差的😞

今日第一次試呢間餐廳，點解去試？因為有人睇左呀Bob 的推介，話黎試一試。未去之前，我都search 下有咩食（我知係食扒），見到有食評話都係因為睇到Bob 介紹而黎。餐廳裝修成古舊的茶餐廳特色，我哋叫咗兩份扒，一份T骨，一份肉眼。我同意某個食評講，餐包唔係焗熱，似蒸，唔香口同唔夠熱，呢個希望改善一下兩份扒有驚喜，我係肉眼，大約1-1.5cm 厚，扒下面有啲菜同薯條（如果加飯/意粉另外加錢）。T骨好大塊，完全覆蓋左成個鐵板，肉質好淋，肉味夠，呀姐好好人，幫我地淋左d 汁又驚滿瀉，另外再用兜裝d 汁俾我哋自己加😆蘿宋湯有d 辣，如果多啲菜係入面我仲開心🥳最尾有餐茶同甜品，不過甜品我冇食，係傳統的布甸加花奶😁

上社交平台上面見到啲人喺佢哋嘅page打晒交咁，因為咁而充滿好奇心去試吓佢最基本嘅下午茶。奶油豬外層脆口裏面鬆軟，而且佢牛油同奶醬都多，唔係啲人講到咁差喎。而且啲侍應有傾有講，態度都冇野。佢下午茶其實都算多嘢食嘅，同埋如果你要凍檸樂果d,佢都會同你講要加多幾多錢,都幾公道。我諗過多一陣等胃口好啲嘅時候去試吓佢哋嘅扒餐，因為佢餐牌上面寫住大概$60就有扒餐其實係抵嘅，對於我呢啲冇辦法只食太多嘢嘅人嚟講，可以一試

去太子睇到依間門面好有香港風味～咁不如試吓店裏面嘅裝修都好有舊時港式風味～喺香港買少見少嘅茶餐廳叫咗個午餐～有：餐包、餐湯、主食、飲品～餐湯可以選擇白湯或者紅湯～白湯係忌廉蘑菇湯～勁咸味道奇怪餐包配牛油～餐包訂返嚟味道正常主食揀咗洋蔥汁牛扒意粉～洋蔥汁唔係好重洋蔥味～似西汁多D～牛扒係醃到好淋～顏色偏淺～冇乜牛肉味～反而重黑椒味～配水煮椰菜～汁同意粉份量都算可以～不過味道唔掂員工禮貌同服務都麻麻～呢個都係茶餐廳特色

【人氣平民扒房！傳統港式鐵板餐‧巨形T骨牛扒 · 仲大過塊鐵板！足料👍🏻】#MC帶你去太子見到有咁多明星撐場，阿BOB、麥玲玲、小肥、方力申咁，就決定試一試佢。. 🥩 巨形T骨牛扒Size方面，巨形T骨牛扒貨真價實，真喺大過塊鐵板，Size 嚟講無得輸。醬汁方面，係上完鐵板後，即場揀汁，由Staff同你倒汁，有黑椒汁或蒜蓉汁揀。肉質方面，T-bone牛扒喺食曬牛柳同埋西冷，一個價錢兩種享受。嗌咗5成熟，食落肉質厚但軟腍，建議食咗牛柳先（較細份個邊），因為牛柳太熟會好韌。🫕 餐湯（羅宋湯）今次餐湯有驚喜，大大條紅蘿蔔比埋你🥕仲有椰菜都幾多🥬相當足料。🥯 餐包餐包唔似係即叫即烘，可能用蒸，上枱時個包皮有啲濕💧略為失色。⚡ 選擇多樣化︰牛扒選擇都幾多，仲要每一款都有曬解釋、說明咁，平民牛扒都做到咁，唔多港式扒房會咁樣做一本Menu。⚡ 價位大眾化︰價位高中低都有，大家完全可以睇住銀包嗌野食，睇價錢做人，唔怕食完肉赤。.⭐整體︰8.0/10⭐食物︰7.5/10⭐環境︰8.0/10⭐價錢︰8.5/10.==============================📍 金翠餐廳（太子)地址：太子彌敦

以為花園餐廳已經係鋸扒界嘅代表嚟過都唔知道原來呢間亦不遑多讓🫤朋友話太子附近有間懷舊中菜，以為佢講嘅真係食小菜嗰啲，點知send俾我睇，原來係一間鋸扒嘅地方，其實我本人真係麻麻哋鋸扒啖啖肉，不過偶爾亦都要就下人嘅～難得佢有提議，又興致勃勃咁冇錯呀，佢裝修真係懷舊㗎，全部都係霓虹光管招牌大家都知而家出面見到嗰啲拆得就拆㗎啦😭夜晚九成九都係鋸扒套餐，二百幾蚊一份牛扒餐係大過你塊面㗎！可惜佢嘅肉質實在太恐怖，淋得黎好似霉咗嘅肉！我叫嘅豬扒好似好少少囉，佢有兩塊 食咗其中－塊已經唔係好想食。牛扒大塊到成塊鐵板都唔夠裝，不過大有鬼用咩咁難食😅配菜同薯條墊底 所以基本上啲薯條又點會脆呢😞餐包同餐湯都係一般野啦。甜品嘅青檸啫喱我都冇要到😞又嘥咗一餐嘅quota😒應該叫個海鮮餐，我諗點都好過啲肉類

朋友住太子，说如果想吃扒餐一定要去她家附近的金翠，出了名的港式地道！于是昨天特地过去探店~ 餐厅门面已经很有港风，一进门更是一股怀旧的香港味道非常有特色，也很适合拍照打卡~ 她家铁板扒餐有很多选择我们点了一份牛柳套餐和一份杂扒套餐，配有牛油餐包跟餐汤有罗宋汤和忌廉汤，我们都选了忌廉汤~然后冻饮选了冻柠檬茶~ 铁板够热，要小心一点，牛柳大块厚身，牛味浓郁非常鲜嫩，配上黑椒汁非常有惊喜！还配有流心煎蛋和培根，底下是薯条和时蔬口感营养丰富~值得一试！ 朋友的杂扒更是推荐，份量十足！比手掌还大的猪扒、鲜嫩多汁的鸡扒、美味的牛扒还有肠仔、薯条和时蔬一整个大满足，非常适合无肉不欢人士！ 🌟性价比满分，人均150左右就能吃到靓扒~服务员态度也很好，招呼周到~ 📍 金翠餐厅地址：太子弥敦道749号地铺（港铁太子站C1 出口, 步行约1分钟）营业时间：06:30-23:00