金羅寶韓國料理

營業中

休息中

今次是第2次來吃韓燒, 都是因為他們的牛很棒, 食過都想再食。叫左個2人餐：燒牛肋骨及牛肉加海鮮鍋，　呢個餐係餐牌最後１板，得星期一到四先有。我地先食燒肉，每１塊都很好味，天堂的感覺。之後海鮮鍋出場，所有八爪魚，蝦，安康魚，蟹，帶子全沒味，連菜也不新鮮。基本上沒食過，。問待應，她說因這是套餐，在我們韓燒時就一早已煮定可能耐了才這樣。海鮮怎可這樣處理煮定先。心情真係好似玩過山車咁，好後悔叫套餐，以後點會再去。

原本計劃同三五知己去韓國.....點知遇上疫情.......大假就要照放.....但就冇得飛......唯有約回三五知己食韓國菜啦......今晚選了間較傳統既韓國菜.......安排了坐窗邊......2邊有隔板.....私隱度較高.....真適合傾計......點完餐會有8小碟......薯仔居然係熱架......除了泡菜.....仲有菠菜/大豆芽/魚仔/椰菜/粉絲/醃蘿蔔/醃青瓜......味道真的不錯.....可惜沒有得添加......可能見我地人多.....店員又拎了一碗泡菜同紫菜來.......冷湯麵.....夏天食韓國野都會叫.....清清涼涼.....酸酸地.....幾開胃.......好特別的......有蘋果片......幾清新......我覺得不用額外加醋都已夠酸了.....鹽燒什錦併盤......燒牛肋骨.....超好味.....成碟既主角.....雪花又夠.....燒完有油脂香.....有牛味又不鞋....燒2燒就食得.....口感軟腍.....牛舌.......薄切......切勿過火......輕燒至剛熟就可以......口感煙韌......牛西冷....

同友人相約係銅鑼灣食晚飯，佢介紹呢間金羅寶的韓國餐廳 話好好食。 所以我地就去試一試。晚上的餐牌都係以韓燒為主。 唔想食韓燒都有並其他韓國的野食。 因為太熱氣的關係我地就無叫到韓燒。 叫左細的人蔘雞湯 一個韓式海鮮烏冬。當然一貫韓國菜的作風 一入坐就俾了好多不同的前菜。每個小碟的味道都唔錯😍 而泡菜係辣中帶甜的 所以會更開胃。至於我地叫的人蔘雞湯 佢都係有半隻雞 侍應會幫我地剪成雞件易於盡食， 都好貼心。佢的味道係貼近係韓國食的味道， 雞裡面是有糯米， 食完會好暖胃。 而且都有幾條細的人蔘 所以都足料的。而呢個韓式海鮮烏冬就不過不失。 裡面係有好多海鮮的 有蝦 有蠔 有蜆 而辣度可接受。今次無試到佢的韓燒，下次一定要黎試試先。

嚟過呢間餐廳食過幾次午餐，都覺得幾好食，所以決定寫食評講下佢。金百利有好多食肆，呢間少人排隊，空間寬敞。午市套餐選擇繁多，仲送韓式伴菜、甜品。我地兩個人食送八小碟小食，有: 辣泡菜、醃黃蘿蔔、醃紫菜、薯仔、芽菜泡菜、茄子、豆腐卜同苦瓜。我中意薯仔，茄子同豆卜，味道冇咁辣同重口味，可以單獨當小菜食。甜品可以選擇熱紅棗茶同朱古力雪糕，我地揀紅棗茶，味道好甜、好味。豬肉石鍋雜錦飯$83- 我真係好鍾意石頭鍋飯，大推介！石鍋熱到可以即場炒飯，侍應幫我地落韓式辣醬同撈勻。味道惹味可口，加埋伴菜一齊食好有口感。辣醬份量啱啱好，食一啖飯，飲一啖牛肉白蘿蔔湯，好滿足！下次一定會再點！豆腐煲$83- 個湯勁辣！！不過豆腐超級滑好好送飯，其他配料份量好足夠，如果可以自選辣度就好喇。

放假難得約埋家姐出去走走，唔食澱粉質嘅我就即時唸到食韓燒，銅鑼灣都好多韓燒選擇，我揀金羅係鐘意佢地方大又好正宗😚一入餐廳就有幾位店員係門口量體溫同安排入座，我地得兩個人不過都安排到四-六人窗邊卡座，好鬆動👍🏻👍🏻嚟度實在太多韓食選擇啦，睇咗大輪心多多嘅我揀咗鹽燒烤肉拼盤同雜菜豆醬用嚟包肉食🤤叫完嘢食，職員好快就上咗好多前菜比我地食住先，老闆娘佢同我地講全部前菜都係自家製叫我地慢慢食唔夠前菜可以隨時同佢講😍😍太窩心了🌹🌹烤肉到啦，真係好多款式又新鮮，一邊燒一邊老闆又送上熱牛肉湯同另一款自家製泡菜，嚟款泡菜真係不得了，一啲都唔酸又唔太咸小小辣好正呀👍🏻老闆娘話嚟款泡菜係用係泡菜餅到，唔同之前比我地嗰款🥳烤肉足足食咗我地兩小時，全盤洗哂好滿足，食飯期間完全感受唔到想趕我地走，仲主動換咗好多次烤盤Tim，服務周到食物水準亦一流，完全係會再返兜。誠意推薦比大家，如果行街攰攰地上嚟幫襯下啦😎

外賣收費取巧，電梯大堂大大隻字寫外賣八五折，呃人上去，上到去買外賣，我買咗個牛肉鐵板午餐，收錢嘅時候，原來要收加一，之後先八五折，張單計埋盒錢之後減得一蚊,我問點解外賣都要收加一，佢話公司係咁收費，員工態度惡劣，奸商特別多，買外賣冇前菜冇甜品但價錢同堂食差唔多，大家千祈唔好去，咁嘅時間仲呃人錢，無良商人我要求要牛肉，最後冇理到我，俾咗雜錦牛肉雞肉豬肉俾我，返到屋企先知道，好無奈，咁嘅無良商人我以後都唔會去。

每年生日都會吃傳統韓國燒烤， 因為傳統韓國菜陣容鼎盛，好多一小碟一小碟前菜，好治癒的晚餐:今晚情人節， 未夠六點人唔算多。金羅寶嘅泡菜好味程度數一數二， 仲有八小碟，款款都有特色， 所以唔係免費任添～特级牛排骨每次來都要吃， 比較推介有調味的一款， 微甜的醃味帶出牛排骨肉味更香濃， 咬落鬆軟肉汁澎湃，美味難忘！牛尾湯雪白嘅牛尾湯， 冇味精添加， 肉味香濃， 熱辣辣上枱， 絕對是寒冬之選:每款燒烤都送一碗白米飯， 香軟甘香like::有些驚喜～ 今晚店員還加送紫菜和肉湯:燒烤豬:微微的韓式辣度，好惹味。大蝦已去殼 ，好大隻！ 鮮甜彈牙， 又唔需要燒太耐yummy::燒多春魚香口惹味，好肥美， 好多魚春 ，小朋友好喜歡吃～:

金羅寶韓國料理 #銅鑼灣呢間位於金百利廣場嘅韓國餐廳屹立多年，入面嘅職員大部份都係韓國人🇰🇷🇰🇷🇰🇷 ，應該係我人生第一間食嘅韓國餐廳，之後陸陸續續都食過好多韓國餐廳，但冇一間比得上呢間。雖然定價唔低，但係的確好好食。落左單之後店員會捧上好多好多碟前菜，係我so far食過最多前菜嘅一間韓國餐廳，而且仲要有好多唔同款式🥰！除咗基本嘅泡菜之外，仲有超級好味嘅醃薯仔、魚餅、魚乾、粉絲、菠菜、芽菜等等🥬🥔🥙🥘，真係淨係食前菜都已經飽咗一半！不過留意前菜唔係任食，想要多啲嘅話，每碟要加$10。細細個每次黎親食都會嗌韓燒，呢一度嘅肉真係好好味，腌製得好好之餘啲肉仲非常淋。今次嗌左個調味雜錦拼盤$398🥩🥩🥩，有🐮有🐷有🐔，而且非常大碟！味道: 4.4/5性價比: 4/5當日好想食醬油蟹，嗌咗兩隻醬油蟹$240/1 $460/2🦀🦀，講真的確唔平，但係都幾鮮甜、超多蟹膏，我覺得兩個人食一隻都夠。食醬油蟹最緊要要嗌埋白飯🍚，記住將啲醬油撈埋白飯一齊食✨！不過二百幾蚊一隻蟹我都係覺得有少少貴嘅，如果嗰日budget唔多，建議食韓燒多過佢嘅醬油蟹。味道: 4/5性價比: 3.5/5紅炆牛肋骨煲🍲 $19

想起很久沒食過韓燒了，而朋友就推介這間在銅鑼灣金百利樓上的韓燒店，就訂了今晚的位來食。餐廳環境寬落舒適，還有卡位，而且沒有油煙味，是聚會聊天的好地方。一坐低後職員就先端上8款前菜，有泡菜，芽菜，醃蓮藕，薯仔，魚仔等，鮮甜爽脆，香甜惹味，帶有少少微辣，是開胃之選。牛舌，份量好大碟，顏色呈嫩粉紅色，切得夠厚身，鮮甜嫩滑，煎幾秒就熟，多汁鮮甜，肉質爽口脆滑，牛肉味濃郁。豚肉是必點之選，豚肉上菜時擺放整齊，與洋蔥一起燒更是香噴噴，咬落質感嫩滑有口感，亦滑而不漏，令們吃不停口，一件都不放過。泡菜抄飯抄得金黃，配以雞蛋在上面，令賣相更吸引，我們選擇的是全熟蛋，加上紫菜碎，剛好能中和飯本身的辣味，非常適合怕辣，又相挑戰辣度的我們，值得推薦。紫菜可以選擇包飯或肉一起吃，很配合，更能帶出食物的味道。韓式炒粉絲，熱騰騰，配料多，有蘿蔔絲，椰菜絲等，口感味道豐富，粉絲炒得入味而彈牙爽滑，入口滑而不膩。總體而言，餐廳的食物款式多選擇，味道同食材都佳，價錢合理，下次再來食下其他菜式。

天氣寒冷除了打邊爐外，首選就是韓式食品，韓國料理最重要夠辣夠熱夠好味道夠多泡菜夠多辣椒醬夠新鮮，這樣先稱之為韓得起。韓國料理最主要的就是泡菜，這裏有八款泡菜的，比一般店也多。高麗人蔘雞湯，蔘味濃，甘甘甜甜回味非常，而且雞肉亦都很軟滑。牛肉石鍋雜錦飯，這個是我冬天至愛，因石鍋的熱力可以令到成碗飯由開始到吃完都是熱辣辣的，還有飯焦是這個的重點。韓式煎餃子，是我第一次在韓國餐廳吃煎餃子的，餃子除了有泡菜香味外，這裏的餃子是煎得外皮香脆內裏軟滑適中，好吃。味道: 就是好味道環境: 舒適衛生: 企理服務: 周到抵食: 食物質素跟價錢成正比

很久沒有去韓國，有點掛念燒肉的味道，今晚和媽媽去金羅寶韓國料理止一止癢。餐廳座位寬敞，服務員有禮，有些是韓國人。我們點了調味牛肋骨肉，調味牛肉和飛魚卵雜錦飯。點完菜之後侍應立刻給我們上了10道韓式小吃，小吃種類多又美味，絕對精心製作。我尤其愛吃蓮藕，而泡菜，醃豆芽，菠菜亦合香港人口味，不會太辣。小碟辣魚乾，非常香脆。薯仔，辣腐皮，西蘭花，全是健康食材。調味牛肋骨，肉質很腍，一點也不韌，肥瘦均勻，份量亦不少，是必吃之一。調味牛肉，也不輸蝕，肉質像是肥牛，也不韌，當然要求高的朋友會喜歡牛肋骨肉多一點。飛魚卵雜錦飯，侍應幫我們拌好，辣醬則隨意添加，加一點加惹味，飛魚卵提升飯的口感，飯量多，亦很飽肚。最後還送上甜品，可選曲奇雪糕，或熱紅棗茶，特別推介紅棗茶，應該挺受女士歡迎，補血香濃，足料又夠味。

今日同朋友出咗銅鑼灣食午餐，揀咗位於金百利廣場6樓嘅金羅寶韓國料理，由港鐵銅鑼灣站E出口，行1分鐘就到，非常咁方便一上到餐廳門口，已經感覺到一種好正宗韓國餐廳嘅感覺，睇完餐牌之後，同朋友兩個人點咗燒鰻魚石鍋蓋飯 及 牛肉刺身什錦飯去韓國餐廳點少得餐前小食，同朋友兩個人共有八款嘅小食，款款都好有特色，好傳統，作為前菜最適合不過燒鰻魚石鍋蓋飯- 去到餐廳食鰻魚，最怕有好多細骨，但今次佢哋嘅燒鰻魚飯完全冇咁嘅問題，燒得香嫩彈牙嘅鰻魚，配合石鍋送上，絕對熱辣辣香噴噴牛肉刺身什錦飯 - 人生第一次食牛刺身，感覺非常新鮮，賣相一流嘅牛刺身飯，店員會為你加入專用醬汁，再撈勻，務求每一啖都食到牛刺身，第一次食牛刺身嘅感覺係非常咁鮮甜，有啲似食緊吞拿魚，絕對值得再試

而間韓國餐廳真係極力推薦因為公司係附近 所以都會成日黎聚餐平時lunch當然抵食過晚餐啦同埋佢既配菜真係好食又多款佢既主廚同待應都係韓國人所以以真係好正宗同去韓國食既味道一模一樣 燒肉好食 一食就知牛係靚既好食 油脂分佈得好平均唔會話太油另外豬手都好推薦唔油 皮都好有咬口食落唔會話好似食佐肥肉甘包生菜食又另一個味道 好清爽👍🏻另外佢既豆腐海鮮湯同泡菜豬肉湯都好好飲可以試一試 配埋飯食一流👍🏻👍🏻價錢一人晚市大約300-500左右睇下你會唔會食燒肉同醬油蟹個d

內地朋友來銅鑼灣開會，順便找我吃飯，為了方便待會去在附近購物，加上朋友很喜歡吃韓國料理，於是找到這家樓上韓國料理。點完菜，服務員先端上8小碟小菜，想不到再來一大碗泡菜和紫菜，看到這十碟前菜已經很開心了，也很開胃，直接給我們上碗白飯也不錯😁😁。什錦海鮮湯：湯底足料，有大蝦，大青口，蜆肉，八爪魚等等，所以湯底才那麼鮮甜美味。韓式什錦炒粉絲：粉絲是圓條的，做得晶瑩剔透，口感還有些QQ，再配上雜菜，肉類可以選擇牛肉和豬肉。辣泡菜餅：表面顏色看起來好像很辣，但吃起來並不是想象中的辣，就是微微辣而已。最後還奉送甜品，久違的豆腐冰淇淋，好想再來一球。總結來說：意想不到的大份量和10款前菜，讓我們飽腹滿意。

與同事在銅鑼灣開會，散會後決定先吃飯，再回公司整理文件。同事想韓國菜，就到金羅寶韓國料理開餐。一坐下，待應已經送上10款前菜給我們，款式多，薯仔、白蘿蔔、豆芽，各式各樣，應有盡有。燒銀鱈魚賣相不錯，銀鱈魚口感超細滑，魚油豐富，脂香味濃，吃時點上沙律醬，甜甜酸酸的，令人越食越開胃。牛肋骨湯牛肋骨份量極多，大大件，口感軟腍，牛肉味濃，而湯底是蛋花湯，清清的帶有淡淡牛羶味，推介。飯後餐廳奉送甜品，有雪糕或紅棗，我們點了紅棗茶，紅棗味極濃厚，味道香甜，喝後整個人都感到暖暖的。