影片
港鐵會展站B2出口, 步行約10分鐘
繼續閱讀
開飯介紹
現由米芝蓮推介食府所負責的「生記餐廳集團」營運，以傳統手藝把本地食材及時令海鮮，製成精美又富創意的粵菜。
繼續閱讀
附加資料
獎項殊榮: 《香港澳門米芝蓮指南》餐廳2022, 2024
營業時間
星期一至日
11:30 - 15:30
18:00 - 23:00
以上資料只供參考, 請與餐廳確認詳情
1263 瀏覽
生記飯店呢個招牌應該好多愛吃嘅人都會有認識，自1976年創立以嚟，一直主打傳統粵菜，幾年前金紫荊旁香港會議展覽中心嘅生記粵菜廳，更加係商務食客必到嘅好地方。上次食飯，由於朋友要搞局招呼大部份未食過嘅食客，冇咗佢哋可以試到大部份嘅招牌，佢叫洪師傅精心挑選咗八道最受歡迎嘅佳餚，咁你唔會錯過任何嘅好菜式。「焦糖伊比利亞黑毛豬叉燒」係其中一個必試嘅菜式，佢選用西班牙黑毛豬嘅最佳部位，外表烤至紅褐色，還要用明火炙燒，出嚟嘅叉燒烘托出一種焦香四溢嘅香味。食落去實在柔軟多汁，脂香濃郁，層次感好豐富，當你咬下去嘅時候，嗰種甜中帶鹹嘅滋味真係令人想不停回味。接下來的「香蔥海鹽煎馬友」，就係用咗一啲小心思，馬友魚首先人手去骨，然後浸泡入味，最後用蔥油慢煎至金黃色。咬下去外皮先係香脆，然後再嚐到魚肉的鹹香和鮮嫩，特別搭配細蔥一齊食，送飯一流。「柚子黑醋脆皮百花釀遼參」，外面脆皮包住鮮甜嘅蝦膠，加上柚子黑醋汁，實在係個味覺盛宴。每一口咬落去都能感受到脆、嫩、甜、酸的多重味道，絕對係不得不試嘅一款。「蜜餞火方玻璃明蝦球」，呢個明蝦球真係大得驚人，遠睇差唔多一個雞包咁大，食落去感覺鮮嫩而且與蜜餞火方一齊食時，嗰種甜中帶鹹嘅滋味好夾，絕對令人難以忘懷。「花雕雞油鮮拆澳洲龍蝦配陳村粉」就更是驚喜嘅一款，雞油同花雕酒蒸出來的陳村粉，每一口都吸滿酒香，加上新鮮嘅澳洲龍蝦肉，同之前喺嬌姐食到嘅各有千秋。「玻璃脆皮貴妃雞」，雞肉用火腿、瑤柱同蝦米咁熬製出來，味道已經很不錯，最特別就係上桌前用熱油淋上去，令到雞皮薄如紙、脆如玻璃，口感層次非常豐富，真係好嫩滑。至於「招牌火焰鹽焗雞」，呢道菜就係深受食客熱愛，雞肉浸過粗海鹽，然後用牛油紙包裹，最後上桌前用白酒點火，嗰陣香氣真係令人食指大動。撬開洩出嘅鹽層，你會發現雞肉嫩滑，仲有多咗一份獨特嘅濃郁滋味，最正嘅係好玩又好睇。最後，「焗鮮拆蟹砵」用上膏蟹蒸熟拆肉，蟹殼用來熬湯，加上各種食材，真係唔浪費任何材料。不過，火侯有啲過左少少，如果時間掌握好一啲，可以更輕盈就更加完美。
繼續閱讀
帶左客人去咗位於灣仔嘅金紫荊生記粤菜廳，真係一個唔錯嘅選擇！呢間餐廳位於香港會議展覽中心博覽商場，環境優雅，餐廳內部裝潢典雅，燈光柔和，氣氛輕鬆自在。服務員態度友善，令我哋感覺好受歡迎，等位時亦唔覺得煩躁。招牌菜介紹今次我哋冇選擇套餐，而係挑選咗幾款招牌菜來試：🍴蜜汁叉燒 - 叉燒外皮微焦，肉質鮮嫩多汁，蜜汁醬汁甜而不膩，真係一絕！每一口都令人回味無窮，搭配白飯更係完美。🍴蒸蝦餃 - 蝦餃皮薄餡多，裡面嘅蝦肉鮮甜可口，咬下去仲可以感受到蝦肉嘅彈性，真係非常好食。🍴豉汁蒸排骨 - 排骨蒸得剛好，肉質軟嫩，豉汁味道濃郁，配上白飯食，簡直係無法抵擋。🍴芝麻卷 - 作為甜品，芝麻香味濃郁，口感獨特，甜度適中，真係一個完美嘅結尾。如果你想試下正宗嘅粤菜，依度服務態度都好出色，帶客過黎唔會失禮，絕對可以放心！#金紫荊生記 #灣仔 #粤菜 #香港美食 #食評
繼續閱讀
今天到了金紫荊廣場前的博覽商塲內的米芝連粵菜廳午膳，無論是進食環境、員工服務和食物質素都非常理想，真教人滿足。～前菜：焦糖伊比利亞黑毛豬叉燒、龍井煙燻素鵝、話梅聖女果車厘茄子甜甜酸酸，頓時打開了味蕾。焦香叉燒腍滑惹味；素鵝煙燻味突出、木耳蔬菜𢇁爽口。～精選老火靚湯粉葛骨湯清甜可口，清熱祛濕；既健康又味美。～點心：手工切肉燒賣、黑松露水晶餃燒賣彈牙味鮮，水晶餃黑松露味突出。～蔥燒鱈魚柳鱈魚白滑厚肉，皮亦煎得脆口，味道鮮美，令人一試難忘。～芒蝦紫菜湯雲吞四大隻雲吞包得結實，爽口彈牙；湯底加入了蝦皮和紫菜，清新甜美。～精美甜品紫米露不會過甜，粒粒紫米煮得恰到好處，既有咬口又淋滑。這店果然不會令食客失望。食物選材、烹調方法和擺碟都是一流，令人食慾大增。不可不提這店員工殷勤的招待，令食客有賓至如歸的感覺。
繼續閱讀
米芝蓮推介餐廳🌟金紫荊生記粤菜廳🌟位於香港會議展覽中心，喺正🌷金紫荊廣場隔籬！餐廳裝修富麗典雅✨，外望海景🌃，環境一流👍🏻！🌟傳承美饌套餐 $988/4位用🥟筍尖蝦餃皇新鮮大蝦配筍尖，爽口美味！🥟黑松露水晶餃外皮軟糯，內餡帶少少黑松露嘅香氣！🐓XO醬蒸鳳爪加入XO醬，味道更為濃郁！🧡羅漢腐皮卷口感極為酥脆，十分可口！🍲木瓜雪耳煲唐排足料靚湯清甜好喝又夠滋潤！🦞鮮拆龍蝦球粉絲煲約一斤嘅澳洲鮮活龍蝦，起成龍蝦球，粒粒爽彈甜美！🐓玻璃脆皮貴妃雞層皮真係做到好似玻璃咁，透出光澤而且脆口！雞肉亦頗為嫩滑，正！💜紫米露｜🖤芝麻卷粵式酒家傳統嘅甜品芝麻卷，同埋紫米露，甜度啱啱好！
繼續閱讀
位於會展新翼嘅🌹金紫荊生記粤菜廳，係一家榮獲🌟米芝蓮推介嘅食府，供應精美又富創意嘅粵菜！🦞傳承美饌套餐 $988/4位用🥟精心四式點心筍尖蝦餃皇 - 蝦肉爽彈，皮薄餡靚！黑松露水晶餃 - 帶少少黑松露香，外皮煙靭！XO醬蒸鳳爪 - 軟糯入味，醬香濃郁！羅漢腐皮卷 - 酥脆嘅口感真係好正！♨️時令足料靚湯時令湯水為木瓜雪耳煲唐排，清甜好喝！🦞鮮拆龍蝦球粉絲煲套餐主打嘅菜式，採用約一斤重嘅鮮活澳洲龍蝦！龍蝦球爽口鮮美，粉絲索滿醬汁同埋龍蝦嘅精華，好睇又好食！🐓玻璃脆皮貴妃雞雞皮香脆，雞肉幼嫩，連胸位都係軟淋可口，水準極高！🫘完美甜品配精美糕點甜甜哋嘅紫米露，配傳統手工甜品芝麻卷，唔錯！
繼續閱讀