金滿樓 (迎海薈) (已結業)

太差，簡直就是欺詐顧客！！本身今日很開心，夜晚想來試下金滿樓的晚餐，嗌左三個餸，明蝦球，168蚊，上來只有6個；蒜蓉菜心，148蚊，應該十根都沒；燒乾鱔，三百蚊，七塊。total七百幾蚊，全部都好似食其他人食剩下的。我哋去啲比較遲，啱啱order左就話很快收工，要收錢先，咁入來個陣又唔話…..真係好嬲⋯⋯返屋企睇openrice发现我哋睇的menu同其他人都唔同，我睇個本好少餸，每一個都超貴，真心覺得係俾人呃左，非常無比噁心🤮🤮🤮好失望！！之後都唔會再光顧！！！

這間餐廳晚餐會中伏，請大家謹慎。個人建議係，千祈無去 除非冇選擇。首先，去食晚餐，差唔多九點鐘，兩個人嗌左三個餸，每一個餸份量都超級少，兩個人完全食唔飽。同埋價錢非常唔合理 以咁樣嘅份量黎講可以話貴得離譜，不如一份普通嘅炒鱔 total得七塊 如下圖所示，但個價錢要成$300 比較返嘅份量 唔知嘅仲以為自己食緊乜珍饈海味。青菜都係得幾條（下圖所示嘅青菜係我啲食左幾啖之後的情況 所以不予參考 不過我保證total唔超過10條）。三個餸收左我啲$700 覺得自己唔單止中伏 簡直就係俾人呃！！！其他仲有，明明當時得我啲一張枱，上菜速度仍然好慢。碗同杯都唔乾淨，有個杯仲有殘留茶漬。同埋完全未見到有咩服務，仲收緊我啲$50服務費，請問良心係邊？？！？！列清以上罪狀之後，再客觀講兩個可取之處：味道尚可，環境尚可。

依間野嘅片皮鴨已經買過幾次但係一次比一次差。今日初二打算買一隻返屋企同屋企人食結果打開見到隻鴨好似冇乜片過咁好求其就放咗入去。以前幾次都片得靚嘅就係最近幾次越來越差，仲要有一次冇比返隻鴨架我地🤷🏻‍♂️

今晚一家三口到樓下迎海薈的金滿樓食飯,喺門口見佢有個套餐自選三個小菜共$258, 好似幾抵食,就入去幫襯,入到去只有三枱客,真係戥老闆悽涼。最後叫咗個蟹籽粟米海鮮羹,干煸蝦干粉絲煲,酸菜魚頭煲,黑松露蝦腰炒滑蛋。粟米羹,好多,食咗好多碗,味道OK,不過海鮮麻麻地新鮮,無海鮮應有的甜味。粉絲煲,唔得,無乜料。魚頭煲,酸菜夠惹味,魚頭新鮮無腥味,無泥味,呢個得。炒滑蛋,蛋唔夠滑,炒得過火,蝦無蝦味.有好多進步空間。

平時去開隔離果間 釣魚翁，不過佢啲嘢越來越差，今次試下依間燉雞湯非常夠火候，啲骨都軟晒，好好飲😋酸菜魚都好正，桂花魚肉少少爽口，冇骨，配料都好足，有少少辣，剛剛好鮑魚都好夠味 (平時新鮮鮑魚都冇乜味)蟶子米粉底，蟶子都OK，最正係啲米粉底，外脆內軟，連埋蟶子汁超好食🤤花膠豬肚湯，食完上面果啲已經好飽，飲左幾啖，都正正常常的之前在 依度 試過搵依間食肆，大家個評論都好差，有時真係要自己試過，先知正唔正😜

點心好唔掂，重未試過食點心覺得難食，兩公婆點了6個點心，5個難食，1個正常普通，點心應是中央工場工廠做出，送酒樓，可能已放半日，完全唔新鮮，唔會再幫襯點心，或會晚上試小菜。

今日入馬鞍山探朋友仔，朋友仔帶左我去烏溪沙飲茶，去咗金門樓，這裏的點心非常精緻，賣相一流，相機食先😋😋😋😋😋😋其中我最鍾意食陳皮叉燒酥，焗得非常酥脆，陳皮香，叉燒切得大小均勻。金滿燒賣皇，大大粒，足料👍👍👍👍👍性價比高，又平又好食😋😋😋😋

埋單真係要睇單。d 收費好陰濕。1年前飲茶會有2張點心紙。其中一張話係優惠d。點知埋單都係收返正價。一係就假日收多$1。$1唔係大數，但係d字係點心紙最底+d 字細到離譜。好明顯陰人睇唔到。同收銀亞姐對單，就黑晒口面。我已經唔過會再去。唔想再被黑點當傻仔

星期日飲茶🫖都唔係太多人，不過等食物真係需時，落單後等半小時左右先有一碟小食😅坐入房之網絡非常差，有wifi都無用😒食物品質尚可以，小伙記難搵人🥲門口掃描針卡，成日都紅碼響警報嚇走人😳午市套餐$228可於6款選1款小食+12款選3款點心10款選1款飯、麵，尚算抵食😗海蜇青瓜（小食）潮州粉果，皮薄。晶瑩剔透桂林蒸鳳爪陳皮牛肉球濃湯鮮茄斑球湯米線（窩）黃金四季豆（小食）$48茗茶$12/位

昨天放假去這間酒家飲下午茶，好多都話無，所以最後叫左4樣野，XO醬炒腸粉，牛柏業，蝦餃，燒賣，其實味道係唔差，但佢d收費真係好奇怪，先頭張單我見到腸粉係88蚊，之後我同佢講係咪攪錯左，佢最後收68蚊，但其實個餐牌係58元，大家覺得XO醬炒腸粉係屬於炒粉麵飯果類嗎？我飲咁耐茶第一次聽到佢屬於炒粉麵飯囉，其他點心個收費都好奇怪，仲知我感覺佢地的價錢係佢地想收幾多就收幾多咁囉。其實你一早標明價錢我覺得係無問題，但咁樣老屈我覺得好唔啱囉。。。結論，大家下次幫襯記住問清楚佢點收費和睇清楚賬單先好比呀。。。

講起酒樓最怕係嘈嘈閉咁！但呢間都入到去都有D高貴優雅氣質，個人都好似貴氣左。咁廢話少講，食物質素係有驚為天人！佢地既燒味方面係高水準，同時叫下青瓜海蜇呢D小意思野，都唔苟且!係食到我巧Kai鮮！特別推薦沙薑豬腳、雞腳，係去骨同埋好好味！我來兩次兩次都有叫，食完會再嗌第二碟。你以為貢就算？無咁簡單啦！叫左個籠仔龍躉蒸飯，簡直一試難忘！平復唔到心情，好食到唔敢出聲，拿拿聲食完快來第二碗，唔係驚爭唔切，總之自己試下就知啦！

第一印象：雄雞圖案茶具，少見，頗有氣派。環境闊落、靜因人少（老闆唔like😬）。聽聞由米芝連一星主廚負責食物：·普洱茶夠濃、前菜花生香脆不鹹。·龍躉仔夠秤、蒸得啱啱熟、肉剛離骨。·蝦籽柚皮鵝掌有改善空間，鵝掌少肉，柚皮易爛，賣相一般。·涼瓜剪蛋好食，煎得靚，瓜脆蛋香，瓜少蛋多，比例啱啱好！·米飯好味，有飯味、有咬口、水米比例啱啱好！·送糖水（紅豆沙或喳喳！）而家酒樓少有這樣安排！紅豆沙冇陳皮（當然，免費噃）加了生粉，影響口感，可以改善一下。）服務：經理友善，更樂意分享他們的員工餐，花款多多也好食，反映老板對員工不錯！惟執枱員工稍欠培訓，不大衞生！價錢：3餸加2碗白飯，埋單$443/3位，每人唔駛百五蚊，實惠！100分滿分的話這頓晚餐可得90分，值得推薦! 減的10分在鵝掌柚皮、糖水、執枱員工的培訓！希望酒樓繼續努力！P.S. 重有免費泊車優惠！

只係普通一個星期日晚，唔係咩大時大節，安排都極度混亂。我點左菜等左30mins先攞張單嚟話叫我地對下 ，發現錯晒，原來同隔離枱撈亂左，再等15mins先話我地叫嘅片皮鴨賣晒叫我地揀另一味。好啦揀完再等，轉頭又話有番，但番張單出嚟又係錯嘅，我地要自己行出收銀check單。擾擾攘攘最終都係要取消order走人。出到櫃面同時都有幾枱客嘈緊。最犀利係當我同個高級經理投訴，佢完全冇理過我，一副“係咁㗎喇”嘅咀臉。成餐飯食到一肚氣，最慘係我阿爸生日飯

上星期日 到二姐家吃晚餐 每次由港島 去到烏溪沙 總想先吃個點心下午茶 才參與聚會 這裡選擇不算多 商場有幾間餐廳 及兩間酒家 其中一家便是 金滿樓 🫖🫖還記得曾於這間酒家 吃過下午茶 當時給我的印象是 員工服務態度 非常好 因為疫情初期關係 我們有7人 替我們安排分四張枱 很用心 食物質素亦相當好 所以今次亦再來品嚐 😋😋這趟只有我和媽二人 點了幾款喜歡吃的 牛仔骨陳村粉 🐂🐂牛仔骨入味 醬汁浸透陳村粉 很滋味 之前也沒吃過薑味雞包仔 潮州粉果 北菇棉花雞 🐔🐔標準水平 亦沒有蒸過久 味道達標咖哩蒸土魷 🦑🦑味道出色 咖哩亦入味 只是份量太少了 機乎和墊底蘿蔔份量相約 🤪🤪讚一下店家的茶 味道香濃 加水幾次亦沒有變很淡侍應的服務依然 很棒 作為街坊酒家 算不錯了 🥢🥢

難得放假同屋企人去樓下飲茶，試金滿樓，點知好L失望！除點心以外，所有野嘅份量極少。點心無樣係熱辣辣嘅，其他野份量少得可憐。最離譜係$168乳豬例牌，少到得8片，仲要唔熱！同職員講，職員仲要反駁：「係咁架啦！脆就代表即燒架啦！」我已經表達咗唔熱，根本唔係即燒，個職員仲要話係咁嘅啦，我都費事再吵。跟住見到隔離檯叫咗$60乳豬飯，有成5-6舊乳豬，我真心唔明白乳豬例牌點解可以少得咁緊要！點心蝦餃同炸兩都唔熱！好失望，大家真係唔好再食！幫襯一次係咁多！