金滿庭京川滬菜館 (荷里活廣場)

營業中

休息中

📍 金滿庭 鑽石山荷李活廣場💰 人均 150 節假日餐廳還沒有開門就大排長龍，一般都是一家老小一起來吃，我們也一起加入了隊伍，但是非常不幸，但我們這裡，餐廳的第一round已經full 了，我們只能等到1點多快2點才吃到！雖然不是什麼無比好吃的餐廳吧，但是荷李活廣場是在選不出其他吃的，於是只能等待T_T 小籠包是還不錯，中規中矩，裡面也是滿含湯汁～至於榨菜肉末，我覺得還挺好吃的，尤其是配的餅薄薄一張，我覺得這種餅很正！捲起來吃超級好吃～甜品要了酒釀圓子～桂花味滿滿 這家餐廳不是很難吃，但是稱不上驚艷，如果想吃中菜又恰巧在荷李活廣場可以考慮過來試下！

環境坐得舒服，食物質素好👌🏻，又多款選擇，但係價錢偏貴咗小小，之前加咗價就冇成日幫襯了✨✨(*☻-☻*)★彡擔擔麵一時好食，一時麻麻地，可能係唔同嘅廚房師傅煮法不同，比較鐘意濃味嘅擔擔麵✨✨❤️甜酸松子炸魚就非常好味😋✨，甜酸醬汁調校得好好👍🏻，又夠脆口✨鐵板牛肉好有鑊氣，上菜時香噴噴，牛肉好入味✨🤩(*≧ω≦)小籠包多汁✨✨👍🏻生炒骨✨叉子芝麻味好香好好味😋，夾住肉入面好香口。✨✨😋中式甜品都不錯✨✨，豆沙沙翁好正✨❤️

一家三口食晚飯。肉絲兩面黃：滿滿梘水味，d麵一忽忽。鍋塔豆腐：成碟野無咩生氣，無之前咁野味，可以話淡淡地健康d。脆皮牛肉：諗住試下新野，but d 牛肉都幾難咬得開。燻魚+醉雞 : 醉雞ok, 但d燻魚炸到過哂龍。總括：好失望，唔再食。

最近疫情稍為好轉，市道開始再旺盛，約了好友在荷里活廣場的金滿庭晚膳，6時半入座，8時半便要交枱，点了冷盆雞𢇁粉皮，尚算合格，螞蟻上樹的味道偏重太咸，唯有多喝幾杯水，雜菜煲平平無奇，有點像剩下的菜全放煲內，松子黃魚賣相吸引，而且微酸的味道將先前的咸味冲淡一吓，算是挽回一點好感。8:15分己被叫結賬，但當職員知道要用電子結賬並想享用Openrice的優惠時，態度便變得非常惡劣，甚至呼喝客人出櫃位付款。 是因為電子結賬只會將賬單總數支付，無法向客人收取小費？ 抑或是Openrice對食店扣賬太深？ 還是因為市道開始復甦，生意太好了嗎？一定不會再光顧!

星期日下午荷里活廣場間間食肆都要等, 其實屯馬開通真的不興奮, 算好彩大概15分鐘有位, 4個人坐卡位, 位都可以, 都唔迫,  好耐無嚟, 原來茶包係放自己茶杯唔係放茶壺, 即4個人可以有4款茶, 又幾好👍。唔想煩叫餐算, 4人餐, 500幾蚊, 有以下食物1.海蜇2.醉雞海蜇好少, 我一條都分唔倒, 唔知咩情況😑醉雞幾入味, 不過肉少的, 應該係細雞, 唔係大雞雜菜煲栗米, 白菜, 木耳.... 個湯一般般梅子骨呢個幾好, 幾惹味, 不過份量偏細主菜呢個炒野痴埋一堆咁，又無乜配料，一般般然後每人一個擔擔麵, 可辣可唔辣最後糖水係紫米, 無乜味既。埋單一共603

記得多年前去奧海城分店食，都幾唔錯，最近經過開荷里活廣場唔知食乜就去試下，點知出事🌚💙生煎包 $58😋😋室温兼無汁的肉包💙嫩雞煨麵 $79😋😋😛正常發揮💙香葱餅 $42見到個樣都唔想食，薄到咁😨屋企人食完話唔夠葱味，而我就覺得件野個樣太伏，直頭無放落口😂💙雪菜肉絲湯年糕 $78😋😋d年糕煮到太淋，無曬煙韌感😞而且d湯都比佢整到杰曬。。。💙花雕醉雞睇個樣都覺得唔係好掂😂 好心就攞幾粒杞子點綴下😂 當日因為食緊藥就冇試到 所以味道上就未能comment😅

又到清明，又係做孝子賢孫嘅時候，同屋企人去咗拜親人⛪️同時當係同屋企人聚下，疫情之下大家都見得少咗🌙要聚當然要食飯啦！我哋一行8人，一早打電話去訂枱，分兩枱連住嘅座位，都算勉強傾到計😊👏🏻💜小籠包（八隻）💜紫薯上湯浸莧菜💜甜酸玫瑰骨食後分享：1️⃣食物水平算正常，價錢唔算實惠，但亦都唔算貴😊2️⃣侍應斟茶、加水、上菜收碟速度都非常迅速，感覺都幾唔錯，值得一讚！🎈👏🏻3️⃣餐廳枱與枱之間距離比較近，而且食客可能講嘢比較大聲，感覺就有啲嘈😅

趁住仲未係好熱，相約朋友行西貢清水灣一帶。行畢，坐九巴91號出鑽石山順便食個下午茶先返歸。星期六下午3點左右，有幾間比較想去嘅餐廳都要等位。於是去咗呢間唔使等位嘅，始終行完山同做完運動都係一樣咁肚餓，唔係好想等。待應畀咗個下午茶餐牌我哋，我哋兩個人一人叫一個餐再share嚟食。我叫咗排骨(即係豬扒)麵，配玄米茶；朋友叫麻辣水餃，配人蔘烏龍茶。兩款主食味道都唔錯，麻辣湯底有少少麻、唔太辣，唔會搶走雲吞餡嘅味道；排骨絛即炸，粉漿好脆唔油膩，麵就反而食唔倒麵粉味。不過每個餐都係$40左右，坐得舒服又唔迫，今時今日真係唔好有太多要求。

好耐好耐冇出街食晚飯啦🥢放寛嘅第一晚梗係即刻出去食啦🤣第一次去金滿庭食飯😝感覺服務周到👍🏻可能第一晚恢復晚市都比較多人😆侍應都忙到停唔到👯‍♀️👯‍♂️依道係可以揀烏龍茶 玄米茶 或者 普洱茶侍應會夾茶包係個杯 客人再斟熱水🍵而唔會平時咁開一壺壺嘅茶🫖一口小籠包 8隻（$79）薄薄嘅皮包住滿滿嘅湯汁🥄夾起都冇穿🤤點埋醋一啖食晒😆😆大滿足川式酸菜桂魚片（$192）大大片魚肉煮得啱啱好冇過熟🤩桂魚冧滑👍🏻啖啖肉食落冇骨配埋酸菜 粉絲 香菇 荀片🥢好好送飯花香玫瑰骨（$118）排骨份量多😆啱哂食肉獸可惜食落略欠玫瑰味🥀菠蘿嘅酸甜味更重🍍亦都係送飯之選傻佬炒飯（$128）炒飯乾身🔥粒粒分明✨碟冇過多嘅油飯粒上色均勻🤩加埋肉鬆 蝦米 蝦肉粒 蛋絲 蔥花香口惹味😝😝食一碗唔夠

星期六行完山，來食個下午茶下午茶好多選擇免茶芥及加一好抵食！這點的茶是每位杯里放一茶包的各自可選自己飲的特別的茶是人蔘烏龍人蔘味是淡淡的一行五人點了三個一人餐兩個餸，一齊食！儍佬炒飯不油膩，炒得不錯，好食！松子魚香口，魚肉一般紅油抄手皮薄，肉滿👍🏻👍🏻一人餐，小食另加錢水晶肴肉水晶似啫喱京醬肉絲味道可以肉絲過粗，好難放入叉子燒餅⭕️全店職員戴上口罩 ⭕️進店前量度體溫 ⭕️提供酒精搓手液 ✅提供放口罩信封

星期日放假天，一睡睡到下午來，醒來感到肚子餓啦，快啲出外搵食先😁😁由屋企出發，經過蒲崗村道單車公園旁一條清靜小路可直通到荷里活商場，商場很多人，想想今午食什麼🤔⋯⋯上海菜$36 老北京炸醬麵，麵條🍝煙銀、炸醬加青瓜絲再配上清雞湯👍$56 四季牛鬆炒飯，炒飯粒粒分明、炒得好乾身、不會有油膩感😋😋$19 四喜烤夫、傳統冷盤不可少、甜甜麵筋，好味😋$22 醉雞翼、香醇酒味令雞翼更滑溜👏🏻👏🏻另外，套歺已包茶介，每位可揀選自己喜愛飲的茶：人參烏龍、玄米茶、普洱都可以## 不過要提提大家下午茶時段由兩點半到四點半，要試就找緊時間😁😁##

在荷李活廣場看完電影，已經2點半，是時候醫肚。見金滿庭下午茶幾抵，便試試。這間店舖燈光光猛，座位間隔寬敞，坐得舒服。下午茶選擇多，由$36元起跳。我們選了一個上海菜肉雲吞（$36）丶儍佬炒飯（$46）丶及加一小點水晶肴肉（$22）。肴肉先上，只有四片，有點失望，以為會多一點點。但食落味道很好，水晶部份滑溜，底部的豬肉又香又腍，绝對是水凖之作。👍🏻👍🏻👍🏻菜肉雲吞有六粒，正如餐牌所示一樣。雖然是清湯，也加有蛋絲及蔥花，樣子冇咁單調。雲吞皮很滑，比廣東雲吞皮厚少少，食落飽肚又美味。餡料豐富，有豬肉及白菜，調味恰當，健康之選。👍🏻👍🏻👍🏻闊老炒飯完全是正常size，無因為是下午茶而減份量。雖然其貌不揚，但用了豐富，有蝦仁丶蝦米丶雜菜粒及肉鬆。炒嘅時候還加有有鹹蛋黃及甜豉油，食起嚟又香又甜，絕對超值。😍😍😍金滿庭的茶是逐位上，各人可按自己喜好挑選茶葉，我選了玄米茶，十分之香口，值得一讚。

今日同屋企人嚟咗鑽石山食嘢 見到呢間中菜就黎開 咁岩唔洗排隊 就攞籌一齊試下一坐低 茶包係自選既 我自己選左人參烏龍茶 屋企人選左普洱茶玄米茶 人參烏龍茶人參味一般 但係易入口 有清香😌其實一枱人未必想飲同一壺茶 咁樣感覺幾好醋雲耳係入枱既冷盤 但係唔係好啱食同經理提一提之後換左醉雞翼 貼心既 但係醉雞翼都冇咩味道 醃得唔夠入味😟賽螃蟹 炒得好重油香 蛋白好滑 但係淡口左啲 落醋提一提味會醒胃啲 叫多左碗白飯去撈🤤招牌松子魚 我同屋企人最鍾意食 條魚都幾大條同入味 同埋松子都幾足料 但係條魚可能唔係啱啱炸好 口感比較一般炸豬排蛋炒飯 $78 係特價食品 炸豬扒大大件 碟飯亦好夠食 係抵食既 不過質素就普通啦 乾煸四季豆 唔夠油香 調味亦好一般 唔得質素唔深刻 回頭率就麻麻架啦😒😒

前菜是醉雞翼，但雞翼無酒味的。份量當然都不多。咕嚕肉 （👆🏼侍應送來時的份量）咕嚕肉是全日特價菜式，雖然是特價菜式，但都成為$87。但份量實在少得驚人。又要做特價，又要減份量，將貨就價！那麼不如不要做特價了，現在這樣的份量實在令人反感！而且肉質霉，淡而無味，像是沒有醃製。照片果然是照騙 小籠包5粒小龍包多汁，沒有穿皮。但皮不夠軟滑，豬肉有渣，口感不佳。生煎包生煎包除了夠熱，並無其他是處，包內的豬肉跟小龍包的一樣，有渣的！總結：不會再來光顧了！

今日來到鑽石山逛街，無目的咁搵嘢食。經過這間餐廳，見內裡坐滿人，在問外看過下午茶時段的餐牌，就決定嘗試。入座後，職員會詢問每位客人喝那種茶。有普洱、玄米茶、烏龍茶，三種茶選擇。茶葉已放在茶包裡，職員會將客人選擇的一個茶包放入每位客人茶杯裡。點餐後，很快就有食物送到枱上。酸辣湯用料算很足，但食落好像有很多芡，感覺不太良好。 而蔥油海蜇，完全沒有任何味道，連基本的蔥油味也品嚐不到。上海粗炒，除了麵和菜，就沒有其他配料。食落很鹹，食一啖，就要飲一啖茶。一口小籠包，皮不算太薄，內裡湯汁不夠多。紅油抄手，皮薄，內裡材料很多。但辣汁還差一點點。總括來說，食物水準很差的餐廳，不會有下次。