金滿庭京川滬菜館 (荷里活廣場)

營業中

休息中

服务态度真的很差，叫到号也不让进去，又把我们叫出去等，说她们需要时间准备，服务员口气也特别不耐烦，需要时间准备为什么要叫号呢？终于让我们进去之后也不给冲洗杯子的热水，给别的桌菜单也不给我们，我们白白坐在门口十分钟不给菜单，却给了别桌，只上了一盘小菜服务员走来走去不知在干什么，服务实在是太差了！非常非常失望，本来是被别人推荐来的，还抱着很大期待，这下再也不会去了。真的不推荐，避雷！！！！！！！！！！！

由金滿庭第一間響奧海城嘅舖開始就捧場～ 曾經失望過嘅～尤其同佢老闆娘都傾過嗰杯鐵觀音😅 但係始終都會覺得佢嘅餸菜係保持到一定嘅水準！ 食下食下仲食多咗添😅招牌擔擔麵必叫小籠包～皮薄餡靚湯啱啱好配上子薑嘅水晶肴肉～我杯茶😋冰梅山楂骨～ 有啲失望～ 山楂骨味度不夠紮實砂鍋雲吞雞一貫嘅水準～紹菜真係好鬼正！加埋六粒雲吞同四分一隻雞～大滿足😋高力豆沙大滿足

做完野肚餓黎附近食野，兜左個圈唔係韓式就日式，見有間中式就入黎食，三人食叫4人餐，諗住會飽肚，點知前菜黎就知奶野，細碟仔兩樣前菜一個人都唔夠食，主菜兩碟少炒灣都份量少到爆，味度又唔係特別出色，鍾意中伏可以一試。建2人入黎可以叫四人餐，4人入黎可以叫兩set 4人餐，千祈唔好覺得食唔飽，咁叫包無錯，前題係你荷包夠豐富，唔怕浪費錢。都食唔飽可以落去m 記買多個包。點解講咁多廢話，因為要200字先劣評到，提你唔好中伏，你都要中咁我冇計。

3代同堂提早食母親節飯, 第一次食呢間中菜,唔book真係有排等, 可能節日近比較多人招牌菜-松子魚酸甜汁惹味,食到得番棚骨再黎個玫瑰骨,花香就唔覺,不過酸酸甜甜醒胃呢個好笑-傻佬炒飯炒飯夠乾身,足料,松子都唔少, 配埋豬肉鬆甜甜地口感好豐富個幾歲人仔,好味到食到4-5碗飯,小朋友唔識講大話(如果傻婆炒既係咪違反商品說明條例)有誠意既花膠養生湯時蔬,好多配料,花膠少養生同味道唔成正比好似係定律仲有個雪菜肉絲炒年糕同嫩雞煨麵唔記得影食得既講完不得不讚其中一個上左年紀既叔叔staff呀叔叔好nice,做野細心,奉叫必應, 勝過好多後生或者視力唔好既姐姐老人家睇menu慢,慢慢落柯打,叔叔一路好親切笑住,仲好有耐性咁介紹老細,抵請 而家比科技同疫情支配既世界人與人距離西隧咁闊所以我個人比較偏好有人情味同親切感既餐廳食野都格外加分同深刻即使食物好味,環境一流,但如果食到一肚氣,請我食我都唔食味道: 戰績係食晒所有野剩低棚魚骨,"年年有魚"環境: 普通中菜裝潢價錢:老人家開心盡興就值服務: 呀叔叔 ,YOU ARE THE BEST整體: 愉快既母親節聚餐

我都幾鍾意去金滿庭呢度坐得舒服，食物有質素，服務態度又好好。以下係幾款推介嘅小菜：-雙拼冷盤$89 x2：- 子薑水晶肴肉、四喜烤夫、川式涼拌青瓜、五香金錢展水準唔錯，份量少少哋，作為開胃前菜，等齊人開飯，非常理想。鮮肉小籠包$82皮薄但唔易穿，裏面包住濃濃嘅湯汁，必食之選。砂鍋雲吞雞（1/4隻）$136好多時候侍應會分埋俾我哋雞件會另上，點辣豉油食都唔錯肉絲兩面黃$106麵餅煎得脆口，我會另外再叫醋撈麵食。招牌擔擔面$53麵條煙靭好食，擔擔面湯底濃郁。可以請侍應幫手剪麵條，方便share食用。水煮桂魚片$192可以揀辣度，魚片好滑溜。香酥鴨（半隻）$136外皮煎得好脆，油脂感十足。巴蜀十三香雞（半隻）$148其中一個我最愛嘅菜式，雞肉保留肉汁。賽螃蟹$108蛋白火候適中，送飯一流👍🏻桂花糕甜品首選桂花糕，充滿桂花香味，又唔會太甜。我對金滿庭整體印象非常良好，好適合同親朋好友去食飯傾偈。👍🏻👍🏻👍🏻👍🏻👍🏻

鮮肉小籠包，水準一般，內裏很少湯汁。傻佬炒飯，比較濕，蝦霉，難吃。招牌松子魚，好酸，不好吃。巴蜀十三香雞，只有它好吃。整體水準欠佳，值一試，下次不會再來，也不會推薦他人。

位於酒店的金滿庭，環境較其他分店高檔，很適合進行商務進餐。 食物方面，小食有醉雞作前菜，主菜必叫砂鍋雲吞雞，雞湯清甜，而且有很多菜及雞肉，四分一隻剛好兩至三人吃。招牌菜小籠包不但肉汁鮮甜，仲要皮薄多汁，連肉汁落肚實在唔錯。佢個砂鍋雲吞雞，隻雞好入味，湯汁亦好鮮甜。

幾年冇食再去食下啦，突然想食。茶$9有三種茶包揀，普洱，玄米，人參烏龍，都算特別。一人一種味道。今日想食炒飯，見到有「闊佬炒飯」和「傻佬炒飯」，英文有寫有蛋白或咸蛋黃炒，但諗住試就試最有代表性的，就叫了「招牌炒飯」。話明招牌，就係特式，或者代表自己間舖。點知黎到碟飯，真係火都黎，勁頹勁垃圾，亂七八糟咁求其放上碟，得一匙假魚子/假蟹子都算，最重要是全碟只有蔥花和假蟹柳！別說肉，連蛋都冇條！茶餐廳食假蟹柳求其炒飯$40都算仲可以忍你。仲要是有加服務費的中菜館！仲要是全店最貴個飯，$138再加一的，呢碟垃圾$20都唔值呀！仲要唔夠熱又唔香又冇味，原來冇料就可以求其用個名叫「招牌」就可以求其炒，中文英文都冇寫有乜材料，又冇圖片証明，就可亂嚟，咁不如蒸碗白飯就話係招牌啦，到時仲可串返個客唔識貨！食到一肚火一肚子仲要冇冷氣，著短袖一件都焗，以後唔會再食！

金滿庭係食左好多年，最初喺大角咀食嘅時候排晒長龍，咁然後去到鑽石山就已經唔使排隊呀！當然知道師傅轉左，質素都下降左就食唔番最初嗰種震撼嘅感覺。都唔煮㗎小籠包、雞絲粉皮呢啲都係我嘅至愛，仲有擔擔面都係必食之選，咁佢仲有好多客返將要慢慢揀啦，邊啲係最好食呢，都真係唔知啦！不過有一樣嘢佢哋嘅茶係好多款可以揀以茶嘅質素都係上乘嘅另外服務方面都係要改下啦！

晚上七点左右去的，要排号，可能是因为这种中餐就餐时间比较长，等了很久，大概得等了二十分钟左右才进到店里，在等待的过程中，已经决定好吃什么了，就座后就立刻点餐，然后大概等了十分钟品菜才上来，这个时候已经很饿了，不过还好餐品都好好吃，不辜负这波漫长等待。

朋友約我下午茶，被安排坐張四人圓枱，坐位尚算舒適，但服務就麻麻，嗌咗好多次開茶無人應，見唔算太多人，唔知侍應忙乜？提供茶包有人參烏龍、玄米茶、普洱，我哋揀咗玄米茶包。小籠包皮唔算太厚, 裡面有湯汁，味道尚可。飯粒分明，炒得唔錯，得蟹柳加葱粒同紅蘿蔔粒夾些少魚籽舖面，價錢唔值。祇有兩粒雲吞，拉麵屬一般整體感覺食物未見特別出色，下午茶價錢唔算實惠，環境嘈吵，侍應欠主動，CP值不高！

中午係到叫左個傻佬抄飯13:06分落單，13:32分先送到。等咗15分鐘，開始催單，追左三次，淨係話幫我跟跟，但一啲表示都冇。等左半個鐘個飯先送到，份量係幾大嘅，品道就一般。

舖名真係冇改錯，平日晚市都輕易爆場。準5:30就去撳飛仔，6點零幾分即入，6:30已99%滿。所以去呢間嘢需要有部署。茶水夠熱，用嚟洗碗隔住碗都非常燙手。本身啲碗筷碟筷托都好乾淨，只係條件反射循例洗吓。唔知點解叫傻佬炒飯，與豬肉、蝦🦐乾、蝦仁、蛋、蔥同炒，但見有堆肉鬆灑喺炒飯面，炒得尚算乾身，撈埋肉鬆一齊食先明白應該係想用啲甜甜地嘅肉鬆嚟吊吓炒飯啲鹹。上次食過嘅京燒羊腩今次翻叮，可能係煎香油爆過嘅關係，有羊味得嚟唔勁羶，外皮脆內肉腍，再點埋孜然粉，又似啲新疆羊肉串咁惹味。小籠包都係爆到汁，不過唔算燙口嗰隻，味道未至於難忘，淪為配角。留意晚市第一輪枱係6-8點，7:45就要埋單，第二輪8點後。

同屋企人去黃大仙行完黃大仙廟之後又黎到每次例牌既金滿庭但第一次黎到位於鑽石山廣廣場既分店下午黎到居然唔洗排隊直入😉·♡ 鮮肉小籠包（$83/8個）每次必點既小湯包金滿庭既小籠包係最好食湯包皮薄而裡面滿滿湯汁肉湯鮮而唔會油膩頂端小一口再飲一啖湯汁加了薑同醋汁再成粒放入口成件事好完美♡ 生煎包（$58/3pcs)相對小籠包呢個失色好多生煎包外皮好厚肉餡好少而唔juicy但底部煎脆既焦香味十足♡ 擔擔麵（$54）第一次試呢度既擔擔麵湯底望落吸引濃郁而杰身拌勻既時候花生味湧出黎而底部亦有大量肉碎上海麵掛湯但食多左會膩♡ 鐵板京蔥炒牛肉呢個亦係每次既必點菜用鐵板上枱上枱一刻仲吱吱聲香氣十足誘人牛肉份量都多鮮嫩而不韌連爆炒過既京蔥一齊食無得彈🤤但略嫌咸左少少整體而言呢間分店調味比較重手少少但整體用餐體驗算唔錯

三四年前我係金滿庭既常客，佢地集團式營業，係香港有超過五家分店，可以話每一間都食過。 果時嘅下午茶同晚餐好難令人失望，可惜近年水準每況愈下， 疫情後更加係變左地區茶餐廳水準。松子魚：炸油不太新鮮， 酸味過於單調不過不失、勉強合格 6/10和尚戴帽拼燒餅：太鹹亦無蛋香 5/10 叉燒拼海蜇 炒飯 好難失敗既菜式 7/10雖然服務正常，但呢個價錢，我會選擇願去環境闊落啲的茶記。今次食完真係覺得大失所望，未必會再幫襯啦。