金滿庭京川滬菜館 (荷里活廣場)

營業中

休息中

趁住仲未係好熱，相約朋友行西貢清水灣一帶。行畢，坐九巴91號出鑽石山順便食個下午茶先返歸。星期六下午3點左右，有幾間比較想去嘅餐廳都要等位。於是去咗呢間唔使等位嘅，始終行完山同做完運動都係一樣咁肚餓，唔係好想等。待應畀咗個下午茶餐牌我哋，我哋兩個人一人叫一個餐再share嚟食。我叫咗排骨(即係豬扒)麵，配玄米茶；朋友叫麻辣水餃，配人蔘烏龍茶。兩款主食味道都唔錯，麻辣湯底有少少麻、唔太辣，唔會搶走雲吞餡嘅味道；排骨絛即炸，粉漿好脆唔油膩，麵就反而食唔倒麵粉味。不過每個餐都係$40左右，坐得舒服又唔迫，今時今日真係唔好有太多要求。