金泰燒烤

營業中

休息中

 星期日又係放鬆心情，同三五知己聚舊嘅好日子！夏日炎炎，當然係食泰國菜，咁先有泰國風情！老闆娘同埋佢兩位員工都係泰國人，雖然老闆娘識講廣東話，但佢地溝通會用泰文，唔講真係以為自己去左泰國！  舖位麻雀雖小，但勝在五臟俱全，燒烤、小炒、小食、沙律、甜品、凍飲，都應有盡有。不過大家要留意番，個到只有大約6張細摺枱，所以最好2-4人去食就唔駛等咁耐。  首先點個前菜先，豬肉生菜包。材料有豬肉碎、紫洋蔥、九層塔、蔥、辣椒、青檸汁。用新鮮嘅生菜包住肉碎，口感好豐富，感覺好清新。辣椒嘅香辣可以刺激味覺、青檸汁發揮到開胃嘅作用，作為一道頭盤，都能做到應有效果。  青檸沙冰。打到雪花綿綿嘅沙冰，青檸汁甜酸度剛剛好。口渴、解渴不二之選！食到熱辣辣，飲番杯凍飲最好不過。  紅咖哩牛肉炒飯。紅咖哩味道比較弱，而且炒得比較濕。我個人就不喜歡食過濕的炒飯，不過友人卻喜歡食濕的炒飯，所以話口味都是因人而異。如果當作普通炒飯，味道是很不錯，有泰國的香料味道。  海鮮炒金邊粉。這裡的Pad Thai特別之處就是用金邊粉而不是用河粉。材料分別有芽菜、葱、蛋、蝦、蜆。個人覺得麻麻，雖然有落到辣椒炒，但整碟P

夜媽媽，小小餓，香口野味的串燒是不錯的選擇。鴨腎＄10/串細細粒，很爽口偏硬，小咸，配泰式辣醬食比較夾。雞肉＄10/串雞肉夠滑，而且大大串，燒得剛好沒有過硬牛肉＄10/串肉夠多，算大份，肉味不夠出，很咸，很鞋和韌，燒得過老。豬肉＄10/串又是大大枝，份量是大份的，但也是偏咸。大火燒得很香口，配上泰式辣醬好野味！！除了至普通的豬牛雞，其實選擇都是好多的，門口有一玻璃櫃，裝滿林林種種的串燒是幾吸引的。香辣牛肉炒飯 ＄45這是我家大胃王必選之一，夠香辣，而且肉很多，也有夾口的豆角粒，炒得好有獲氣。

牛妹請食飯話幫我預祝生日，我見好耐冇食泰國菜，一行三人就衝去九龍城，牛妹同朋友試過話ok，但始终我同佢嘅年齢相差成三十幾個寒暑，都係抱住反正免費，不妨一試！ 店內裝修簡單，用不鏽鋼枱，有啲食堂feel。員工都似係泰國人，但都識聽同講廣東話。大食兵團點左嘅食物……6串串燒……雞翼（好入味），雞腎（爽！大塊啲仲好，豬頸肉（好一般），司華力腸(好大條） 生蝦……我怕敏感冇食，牛妹話正！夠厚肉，夠新鮮，有口感！蒜蓉包……有5件，有啲似用迷你熱狗包整，但夠鬆化，牛油味香濃。火車炒飯……我冇食，但佢地話普通，炒得唔夠亁爽，有啲漿口。泰式獅蚶……半生熟啱啱好，味道鮮甜，加左跟埋嘅酸辣汁，有另一種風味！泰式炒雜菜……份量同味道普通飲品…x妹啤酒2枝，龍眼冰(太甜)後來再encore左四串串燒，一個肉碎粉絲湯（味道可以，清清地，仲有好多粉絲同菜）。最後埋單五百幾元，估唔到三個小女子真係幾大食！不過最緊要係食得盡興啫！

永遠串燒人都係食唔厭 仲可以瘋狂食!!!同朋友一路係個邊行 睇到呢間係馬路邊 超級普通嘅串燒鋪都禁多人同賣朋友介紹話呢間好食 就要試試啦因為幾多人下 所以等左都一陣 一聞好香好惹味一食 就知佢好落力係個汁到先酸慢慢係好辣!!!!真係好惹味如果你係重口味少少 錦一直唔可以錯過!!

試過幾間泰式烤串，都係最愛佢。尤其辣汁。這店烤出的不會過熟“乾憎”。相反，熟得黎又保留應有的肉質。今次個椰青($35)又嫩又多椰子水，果肉如半熟蛋白般滑～～～~

由細到大係九龍城食完飯 食到幾飽都一定要過黎食串燒 即刻黎個 菠蘿/芒果沙冰($28/杯)都係用新鮮果肉無添加 芒果比較甜成杯飲會好漏推介菠蘿沙冰 唔會太甜堂食六串起 嗌咗雞翼,牛,豬頸肉 十幾蚊/串味道醃料普通 個醬先係重點呢到嘅串燒跟三個醬 最右邊個個係我大愛 辣椒汁馬拉盞通菜菜都算新鮮 炒得幾好 都夠味泰式炒金邊粉 完全係西炒飯味並較清淡 同期望嘅泰式味道有d的距離

每次來九龍城吃泰國菜，10次有9次都會來金泰， 金泰在九龍城中算是中上的泰國餐廳， 食物選擇蠻多，又有一定的水準。這個星期六晚上人流不算很多，無需等位便可以用餐了！ 我們點了雞腎、雞翼、豬肉、雞肉等串燒，配上酸辣醬，酸酸辣辣，十分開胃！每次來到這以我都會喝芒果沙冰，但奇怪的是芒果沙冰都很大杯，每次都快滿瀉，可是卻用那麼小的杯子，真的令人百思不得其解。這個泰式炒金邊粉沒有花生碎之餘，味道淡而無味，比以前差得遠了。至於豬肉生菜包，很惹味！而且分量也不少，只是每次吃完生菜，都剩下不少肉碎，份量有點不平均。至於燒側魚令我有點失望，肉質散而淋，吃起來不像燒出來的魚，而且沒有香料的味道，也沒有魚的鮮味。最後的是甜品芒果糯米飯，糯米飯玩是暖暖的，配上冰凍的椰汁，十分美味。每吃一口都有陣陣的椰香。至於芒果也十分甜，這道芒果糯米飯還是全晚最出色的一道菜了。這次來金泰，覺得沒有之前那麼好吃，水準有點下降，而且用料也沒有之前那麼新鮮，真的有點失望

原本諗住只是去另一間分店吃串燒外賣，不過天氣太熱，又唔想坐是公園度吃，所以去左里間堂吃。。1，蝦剌身$78，唔錯，幾爽口，醬汁我 覺得好咸，不過我朋友就話好辣。2，串燒，好野味，正。。3，蒜蓉包$28，有咬口，但蒜蓉味唔夠香。

九龍城泰國餐廳何其多，這次想介紹下我大愛的泰國餐廳....金泰燒烤！雖然有兩間鋪，一間超細，但因爲開放式，遠遠都聞到串燒香味引你埋去！！轉彎就係大d個間，但一般dinner time都好多人。美中不足係好似waitress唔多夠，同埋可能係分工，落單係某1，2個人，所以次次落單都要等一陣！好在落單後唔會話等好耐先有得食！平時一家人去食，通常都係哎4-5樣野到，今次難得10個人去，可以哎好多野！！叫得《金泰燒烤》，出名的當然係燒物！呢到最正的係全部都係即叫即燒！！碟碟上枱都熱辣辣！個人最愛: 燒雞翼！ （燒~雞翼~我中~意食~）下........居然無影到相！！！**最近去吃，如果要碎上居然要加錢！！搞什麽！！！串燒：叫左豬牛雞&雞肝雞腎最好食的係豬肉，juicy得黎又唔硬。其他的都好味！第二推介：燒大蜆成隻碗咁大啊！第三最愛：濕炒海鮮河，唔好以爲係海鮮芥蘭，有d河粉埋藏左係底。我覺得以前好d，最近d河粉少左，以前2個人齋食呢個都ok, 而家d粉唔多夠......又一最愛（好多最愛啊~）烤GARLIC BREAD都超好味，我中意就咁食，但用黎點咖哩都一流！咖哩雞，唔辣，有少少甜添，仲要打

某個周五晚上，冰獨個兒在九龍城。本想請男友過來金泰燒烤吃串燒，但商討過後，決定由冰購買外賣，以串燒為餸，主食則由男友負責。以下串燒外賣，共銀八十元：由左至右為泰國腸、煎蝦餅、燒雞翼、燒墨魚丸及燒豬頸肉。泰國腸可說是這個串燒餐當中，比較特別的食品。味道挺酸的，內裡有些肉粒，與一般香腸不盡相同。一串有兩條泰國腸，男友不習慣那種酸味，全數讓冰吃掉。煎蝦餅的味道與質感，和其他店舖提供的沒啥分別，不具特色，不試亦可。燒雞翼的火候恰到好處，愛吃雞翼的朋友可以一吃。冰建議蘸點其醬料，味道更佳。醬料有兩款，紅色的醬料挺辣，吃後的舌頭會感到其熱度。啡色的較甜，當中有些花生，香氣吸引，亦加添嚼勁。燒墨魚丸烤得很好，即使是煮妥後約四十五分鐘才進食，但仍保持著外脆內軟的狀態，香氣四溢，相信若在餐廳內享用，味道定當加倍吸引。燒豬頸肉亦是值得一吃的食物，皆因其肉質嫩滑，燒得香脆卻又軟硬適中，配以醬汁享用，更是非同凡響。大家有機會到九龍城的話，不妨一試這些串燒小吃喲。

蝦膏炒飯x2串燒x30生菜包蒜蓉包x2生蝦炒椰菜苗 (好食指數: 9/10)$1120今晚又去食泰國菜，真係好熱氣!今日去到九龍城區，出名多好野食既地頭試下朋友介紹既呢間個蝦膏炒飯有細蝦米好好食串燒好好食好雞腎豬頸肉好特別生菜包好多肉汁，一啖食個種辣停留係口好爽haha蒜蓉包係最好食既，包面烘得脆脆地，蒜蓉溶唒係面好好食

講起九龍城，你想起什麼，泰國菜，火鍋，魚蛋粉，甜品鋪還是那些茶記?說起這個地方，好多好吃的。今天在這裡見客，於是因利成便就買tea給同事吃，用四百蚊選了三間有名的東西給同事試試。第一站當然係這裡最出名的泰國菜。tea食泰國菜就當然係選最好的串燒，眾多串燒檔我就選了這間之前曾經有電視節目介紹過的。我不是因為有名人的飲食節目才過來這裡，我喜歡的是他們的泰式辣椒醬，那個味道就如帶了你到泰國的街頭一樣，選了幾個大路好吃的燒烤就如將泰國街頭帶回公司一樣。而且價錢相宜，買了十幾串也只是一百多。以下分享其味道。泰式燒牛肉($12)，燒得乾身了點，可能易熟的關係，但本身淹得入味。泰式燒雞肉($10)，很滑溜，可能是用了雞脾肉，很好吃。泰式燒豬肉($10)，繼雞肉之後好吃的，配合那些泰式燒汁一流。泰式燒珍寶腸($12)，平平無奇，不過加了那醬汁，味道立刻不同了。泰式蝦餅($12)，很有蝦的口感，就如吃蝦餅般，不過它的形狀是一粒粒的蝦餅。本來也叫了泰國腸($12)，可惜份量少同事都吃完了，他們都說很特別不錯，下次有機會再吃。另外，其實很想試其泰式燒烏頭，大大條也只是九十多，如果加上燒汁，應該會不錯，而且看

這一天，難得來到九龍城辦點事，事情辦妥後，路經這間「金泰燒烤」，雖然明知道快要吃晚飯，仍然忍不住嘴饞，買來兩串串燒外賣，就在附近的公園長櫈上把兩串串燒幹掉，才乘車回家。兩串串燒分別是「燒豬頸肉」和「燒雞腎」，一好一不好。好的是「燒豬頸肉」，雖然肉質不厚，但肥瘦適中，口感軟熟而充滿彈性，油份豐盈，吃來即使沒有要辣，味道也佳，是有水準的泰式串燒。但不好的是「燒雞腎」。它無疑是爽口的，但筋位部位韌得難以咀嚼咬開，而且容易黐牙，那藏在牙縫中但又沒有牙簽在身把它剔出來的感覺怪不舒服的，加上這雞腎沒有豬頸肉那麼夠味，我覺得它可是強差人意的。快快地吃過兩串串燒，滿足了自己的一張饞嘴之後，也是時候乘車回家正正式式的享受一頓老婆仔為自己準備的家常便飯了。

上星期六想來九龍城街市買野, 所以順帶在附近食個lunch. 原本係想去另一泰國餐廳食lunch, 門前既串燒吸引住, 所以我地就決定試下. 2個人叫左一串泰國腸, 一串蝦餅, 一串雞翼, 同一個醉猫炒雞肉河及一杯椰青沙冰. d串燒當中我最唔喜歡就係個腸, 唔知點解覺得有d酸酸地接受唔到...蝦餅都係一般唔係真係泰國既炸蝦餅, 反而個燒雞翼又真係做得唔錯. 另外個炒河都唔錯, 不過唔知點解要醉猫炒河一d都無酒味, 反而我覺得有勁重既美極味道, 勝在炒得香又唔油. 成餐最喜歡係個沙冰, 雖然覺得佢地應該唔係用真係既椰青反而係用上椰汁, 但都好香仲有少少椰肉都唔錯. 成餐2個人$100都唔洗, 味道都唔錯,下次都會再來.

今晚自家食，唔趕時間，慢慢行下九龍城，見到新開o既金泰美食，不禁令我諗起金泰o既串燒，幾翻思量，行唔行過去睇下呢？早幾年我都幾成日黎幫襯o家 , 事關以前住o個頭 ... 要夜晚先有串燒食放工口痕想食下午茶 , 又唔想同早餐撞左又食面包 , 就會行過黎金泰燒烤 , 整兩串黎醫肚 , 話時話都好耐無食喇 ...訛起佢個秘製辣汁 , 口水腺立刻奮力工作 ^v^小店仍然係由幾位泰籍女子打理 , 串燒細串左 , 價錢貴左 , 叫左一串牛 , 一串雞腎 , 一串蝦餅 , 要 $ 321. 牛肉~ 我一向唔太鍾意食牛 , 但呢間 d 牛肉真係醃得好正 , 好瘦但係一 d 都唔韌 , 軟熟得黎保留應有o趙口 2. 雞腎~ 超彈牙兼爽口 , 不過有 d 硬o既筋咬極都咬唔到3. 蝦餅~ 同魚餅一樣 , 係冷製品而唔係有新鮮蝦攪碎o個種蝦餅味道同煎熟左無乜分別 , 食唔到燒烤o既滋味 , 下次唔會再叫## 帶酸o既泰式辣汁非常美味 , 為 d 串燒加左唔少分數辣汁有好多香料 , 眼見o既有香茅 , 乾蔥 , 蒜頭等 , 絕對係自家製雖然係貴左 d , 不過呢種汁真係唔係咁易食到 ,食完呢次恐怕我會成日