金撈老鴨湯刺身火鍋專門店 (已結業)

樣樣都好好味，個湯用左幾個幾個鐘煲，好清！飲左幾碗，唔油，又有個祕製醬，少少辣，好正！牛嘅部位又特別。第二度無。又唔貴，樣樣都正，好有heart，服務又好。活魚又正，真係生猛嘅，又可以加錢椒鹽，好正！然後，份量好大，食唔晒，脆鯇又新鮮。又有鴨血，又多特別嘢，日本水晶寬粉。揸車黎都方便，附近都易泊車

難忘一日同女友去嘗試老鴨湯😍😍。依間個湯屈哂機 又濃又保身。條魚又鮮 份糧又大😍😍😍 好抵食。但飲哂個湯 再加普通既湯 打邊爐 😐就無味啦。🙌🙌🙌🙌🙌 服務員好好 唯一太推銷感覺唔好。

4個人，叫左7樣，有牛頸脊，牛舌芯，金菇，椒鹽粟米，鴨下巴，冰黑豆腐，響鈴，活魚刺生是老闆送的，啱啱好唔洗食七全部都好好味🤤，魚生好新鮮，條魚比我地睇仲扎扎跳，食落鮮甜彈牙，係活魚先食到咁彈牙嘅咬感，仲帶少少魚油香，牛頸脊好味就唔洗講啦，牛舌芯都好正，但一定唔可以滾太耐，轉左色就好食，超爽口同牛油香，椒鹽粟米夠香辣，鴨下巴又幾好食，損下損下咁😂😂😂冰豆腐索哂湯汁好正，不過冇乜豆香味🤭最後不得不讚嘅就係服務，好貼心周到，一開頭點嘢食好用心介紹啲特別同推介嘢食，基本嘢消毒量體溫1.5米做足哂，仲經常幫我地換碟同收走垃圾，一開頭又幫我地每人筆定碗湯先，嘢飲見到我地飲完又幫我地refill, 今餐開心滿足，幾個人傾計又舒服，價錢我覺得合理過好多邊爐餐廳，下次再黎過🤤

今日去試咗金撈老鴨湯刺身火鍋專門店，試左佢個富貴鴨湯，好清好香。首先店員叫左飲湯先，仲會幫你分埋鴨☺️我地仲叫左象拔蚌刺身，赤貝刺身同魚刺身，好新鮮，而且象拔蚌唔算切得好薄比較有咬口。另外仲叫咗個炸新鮮響鈴，紫淮山，鴨血，蘿蔔同牛三星（有本地牛頸脊，牛肉粒，牛胸爽，牛舌芯）牛舌芯好好食，可以一試，其他餸都普通正常發揮。所以嚟呢度可以主力食個鴨鍋同刺身。另外一提，服務員嘅服務態度都好好，會不停幫你手處理枱面上嘅問題。有機會經可以一食。

抗疫期間忍唔住鋪打邊爐隱，黎左呢間衛生情況好好既金撈刺身火鍋專門店。平時book房有最低消費，要3500。係呢個大家擔心衛生情况底下，唔需要要求，自動安排問房畀我地。抵讚。火鍋店提供消毒濕紙巾....等。厠所洗液竟然係有牌子架，唔係自己refill果啲雜牌。服務員好好，會介紹新鮮食物，所有介紹既野都好好味。有椒鹽粟米，新鮮刺身，牛肉刺身，應有盡有。你有任何要求，服務員都盡力滿足你。總括黎講，食物，環境，服務都一流。如果大家忍唔住想打邊爐，呢間值得一試。最緊要係食得放心

為咗支持黃色經濟圈又忍唔住要打邊爐，嚴選之下黎到之前未黎過既金撈老鴨湯。試咗招牌富貴老鴨湯，足料味濃！蟶子皇扇貝鮮味，赤貝同活魚刺身夠新鮮！另外叫咗牛三星，牛胸爽超爽，又有牛味，強烈推薦！

呢度係我第三次來這家火鍋店，這次特地帶我朋友過來吃。哩間佢D招牌富貴湯特別正丫，湯底有鴨仔，蟲草花，酸羅卜等等。他們家的牛肉特別靚，海鮮方面最主是很新鮮，響鈴酥脆，蝦滑是他們家自己打的-特別爽口，彈牙。刺身新鮮價錢公道，值得推薦畀所有的食家。 還有最重要的我忘了提，哪就是他們家自己做的辣椒醬。是青色的用來沾他們的鴨肉簡直就是絕配。佢哋位置交通方便，下午三點開至零晨兩點。所以要過來吃宵夜的朋友也是可以過來試一試

之前見一路要排隊 就懶得過黎，今日早左放工就同個兄弟黎試下！ 6點鐘到果然唔駛排隊🌚 叫左招牌湯底：正！ 待應介紹花竹蝦刺身，1隻先108，2隻thx 炸午餐肉本地牛，其他菜式都唔貴而且都抵食，小弟比較懶，影左幾張相唔見得影花竹蝦（因為一上即掃哂忘記左要影相） 鐘意港式火鍋既朋友可以一試

地方寬敞，員工超有禮貌。老鴨湯底超入味，真材實料。鵝腸新鮮多勁多膏😋。煎午餐肉脆卜卜。仲送埋刺身！超抵呀味道💡💡💡💡環境💡💡💡💡💡價錢💡💡💡💡

店員服務一流，十分貼心，環境衛生好，一座下便遞上洗手液店員推介招牌富貴火鴨湯底，味道鮮甜，一開始就有湯飲，店員更招呼到底，為我們拆肉，細心體貼，隨時都在附近，即時服務，店舖開至凌晨2點，收工過去一流，仲有屬於香港人的歌聽食物新鮮，小食選擇多，價錢合理，可惜龍蝦刺身要預訂今次試唔到，好可惜，但因為感謝祭送上魚刺身，而且絕對不馬虎，到枱時魚仍跳動付款時再一次給我們驚喜，每人都有珍寶珠做甜品，下次都要再黎

終於齊腳到這火鍋店試他們的鴨湯火鍋，果然冇介紹錯！湯一上枱，短短時間就馬上飲到煲底朝天！大家都係少飲湯水的人再來的火鍋料，又新鮮、又特別。紫淮山、冰黑豆腐。。。叫得太多都忘了影相驚喜位係店家送的活魚刺身，咁嘅食物水平服務，唔怪得咁多回頭客

初嚐金撈老鴨湯，一試難忘，火候十足，味道清甜，先飲湯再食鴨肉，點上特製醬料，將鴨肉味道提鮮，配上火鍋料，牛頸脊，花膠，紫淮山，滋味無比，不燥不肥膩，喜歡打邊爐嘅朋友一定要來試這個湯底，且店內火鍋料豐富十足，喜歡吃新鮮海鮮的朋友千萬不要錯過❤️❤️❤️我同我honey最喜歡就是那條充滿驚喜的原條活魚刺身，上邊仲要有金箔㗎，入口鮮甜彈牙！

同朋友一齊試新野，地方唔係特別就腳，事前都冇期望，但坐低食落有啲驚喜。一坐低職員姐姐已經唧搓手液俾我地消毒，咁啱做緊promo送咗個活魚刺身，唔好以為送就唔好，成條拎過來睇左先劏。之後姐姐仲清楚講解加拿大象拔蚌同平時魚缸見到水蚌嘅分別，事實真係加拿大的好甜好爽。。但係唔開心嘅係好多刺身都因為疫情飛唔到嚟香港。只剩象拔蚌及赤貝可供選擇，咁人少少就只是叫左一樣囉。主打係佢個鴨湯窩，特別既係跟左個鴨醬,少少鹹但又夾到D鴨肉喎。總體而言，如果唔係疫情，呢度應該無乜機會 walk-in 囉。

之前網上見到有花膠雞湯底已經好想試。今日第一次去到竟然比佢個皇牌鴨湯湯底吸引住，因為一入店就聞到好香既鴨湯味。試完真係好正，好清甜，打邊爐湯底真係好緊要。店員勁nice, 飲品推仲竹蔗茅根，好足料！

先講湯底， 老鴨湯你飲完即刻會feel 到個人滾，個個紛紛除外套🧥～足料，去完即清甜到不得了！絕對好飲👍飲完湯仲可以食埋鴨肉，碗佢個泡椒醬好正！跟住佢個炸響鈴，係即炸咖！豆味十足，超香脆！食法最好係夾住係碗，再用匙羹澆少少湯上去，唔好整到淋哂！牛方面，我覺得正常啦～合理價錢合理quality ~特別推薦牛胸爽，加佢個泡椒醬實在不得了！然而我兩個朋友大大力推薦係佢地既餃～實在係手工餃，係好食既！另一推介係佢既黑凍豆腐，最後入哂味，豆香又濃，勁好食！而佢既小食酸梅青瓜都幾正，清一清個口～無咁膩～到最後，佢地會比支珍寶豬添～係咁既環境下，去依度食一餐，真係好爽！