金撈老鴨湯刺身火鍋專門店 (已結業)

今日去試咗金撈老鴨湯刺身火鍋專門店，試左佢個富貴鴨湯，好清好香。首先店員叫左飲湯先，仲會幫你分埋鴨☺️我地仲叫左象拔蚌刺身，赤貝刺身同魚刺身，好新鮮，而且象拔蚌唔算切得好薄比較有咬口。另外仲叫咗個炸新鮮響鈴，紫淮山，鴨血，蘿蔔同牛三星（有本地牛頸脊，牛肉粒，牛胸爽，牛舌芯）牛舌芯好好食，可以一試，其他餸都普通正常發揮。所以嚟呢度可以主力食個鴨鍋同刺身。另外一提，服務員嘅服務態度都好好，會不停幫你手處理枱面上嘅問題。有機會經可以一食。