金屋泰國菜館

營業中

休息中

今年5月10日本來是開心的日子，大家也想慶祝母親節。我們一家人今年就想留家叫外賣，所以就特意選用網上外賣平台，在「金屋泰國菜館」點菜，一家人本想開開心心吃飯，豈料卻遇上極愉快的經歷……我的家人當天下午五時左右便在網上外賣平台下單叫外賣，預約送達的時間是晚上七時正左右，誰知道等到7:00pm外賣仍未送到，我們心想母親節可能多人叫外賣，送餐遲一點也是正常，所以我們便繼續耐心等候。結果一等已經是八時有多，我們便覺得奇怪，沒理由遲了一個小時也沒有動靜，而我們發現網上外賣平台發訊息來「聲稱」正在派遞途中，而Apps顯示為「Delivered」，即是已送出外賣。但我們已經等不下去了，便直接打電話到「金屋泰國菜館」，我們只是想詢問外賣是否已經送出，接線的侍應生諸多推搪，竟然叫我們自己打去網上外賣平台詢問，卻不肯回答外賣是否已經送出。我們惟有依著打電話去網上外賣平台查詢，換來的是多次的線路繁忙，沒有客戶服務生接聽，即是求助無門。如是者，我們繼續等待，只是盼望外賣會儘快送到，可惜等到8:30pm，實在等不下去了，家人惟有再次打電話去「金屋泰國菜館」詢問，查問的只是外賣是否已經做好和送出！在多番催促下，他

周日好友即興要來個泰好味，落荃灣西坐底左，先嘆碗靚翅，再咬下串燒，內外香軟有肉汁不會太乾太熱氣果種，叫左泰式大碟炒飯，老友至愛關系，碟清到一粒不剩，蒸烏頭配料份量充足，仲食到有梅子，魚屬中上尺寸，生菜包肉碎夠香辣，此店必食之選，另外燒豬頸肉同燒雞都系惹味肉質鮮嫩，追加甜品雙色芒果糯米飯勁新鮮，飯仲系暖暖的，芒果剛熟不會太爛，全店食品水準穩定味道又地道，至於裝修又骨子乾浄，地鋪來講屬非常企理，有如遊泰國嚐泰菜風味，阿來麥麥

每個星期六，老豆一定要我地出去搵食!唔係放題就自助餐，一家人就來變金🐷。有次老豆唔知講咩金屋，以為佢做咩出口成詩，原來佢話想試下荃新天地二期對面馬路有間叫金屋既泰國野，咁上星期六就走左去試食。雖然而家話無咩人出街，咁都係打去book位穩陣，點知聽電話姐姐話唔使book來到會有位😧咁食飯時間730就入座，入到去眼見都有8成人幫襯，仲以為真係無咩生意所以心諗唔通好好食🙏點左野食如下，10分為滿分🤤，餸名唔係好記得大約咁上下呀~1)大蝦柚子沙律-好味10分，有好多柚子，又夠香甜，其他配料夠香又辣，蝦夠爽。2)沙嗲串燒，雞豬，得兩款沒有牛，不過兩個味道都唔錯，有8分!3)蒜蓉包一份6件-8分，我地有encore多次!好食!4)炒椰菜苗-6分，有扣分，其實味道ok,第一次出時生左少少未煮熟透，所以叫廚房再炒多次出來就剛剛好。5)明爐烏頭魚-6分，本身唔太好魚，所以6分係老豆俾，佢話條魚有些"梅"，佢專家信佢6)咖哩牛腩-5分，咖哩汁底ok,薯仔煮法好食，但混左d煮耐定唔靚既薯仔落去，牛腩乾身同瘦，整體麻麻！7) 薄餅-5分，叫來試下，因為咖哩汁多左，但失望因為有陣油味同唔夠鬆化。。8) 海南雞半

老婆同我講今晚好想食泰國野⋯⋯其實荃灣好食既都冇咩邊幾間咁岩之前經過尼間又冇試過、所以今晚就試下。先講講門口位 有個買糕點counter, 泰式糕點，同埋有蝦片（但係冇試到，應該下次試）7點半鐘入去都叫坐左8成滿。坐既位都舒適呀。望下menu 都叫多選擇，價錢比起路德圍個D都平同抵食。咁就叫左個蒜容包、咸魚炒芥蘭、海南雞半隻、炒金邊粉，同一杯清檸梳打。首先講蒜容包！好食，個包好脆口，中心軟熟。如果個蒜容味再重dd就更好。不過整體黎講，質地係完美。唔乾！先講杯野飲清檸梳打，唔太推介啦。如果係原支梳打水上，會更加好。宜家一杯溝好晒，28蚊唔抵飲。味道似清熱酷咁！所以唔推介飲！海南雞，份量都好多！雞好滑，仲有黃油！雞肉都叫有雞味！如果有海南雞飯，應該更加好！醬汁唔差，係薑蓉較淡味！ 整體黎講 驚喜！另外咸魚炒芥蘭，好香咸魚味！成碟都多咸魚，唔似其他得幾粒。所以成碟都好香好惹味。（好想食白飯）泰式金邊粉，炒得好，夠獲氣！酸味剛好，唔會蓋過食物本身原有味。冇燶味，同埋乾身。豆干加皮加大蝦，好食！好滿意尼一餐！應該會再黎試其他野！希望尼間泰國茶 繼續做落去，支持下！PS: 食完唔口渴 最驚係味精重

呢間新開既泰國菜想試左好耐，今次趁星期六中午黎試下先。呢度裝修都幾華麗，而且位置都好闊落午餐大概50蚊一份，價錢都ok！不過要留意就係午餐都要加一服務費，圍起來其實要55-60蚊一份架啦。午餐係包檸茶檸水既，但唔知點解奶茶要加8蚊🙈🤔我地叫左香葉辣椒肉碎煎蛋飯同炒金邊粉，兩個都唔錯，幾好食，但未到超級好食，如果平平地都可以再黎幫襯。就係凍檸茶有d失望，完全冇茶味，飲落好淡呢....！🙈🙈🙈🙈

大班人行山後隨意的決策，走進店裡感覺以曾相識的裝修😆午市套餐價錢合理，4個人點了4個餐再加點小食甜品。天氣熱，大家先來個椰青，冰涼清甜炒貴叼賣相不錯，個人口味覺得稍偏甜、肉碎飯，肉炒出來香也不太乾好下飯、生菜包，個人最愛，肉炒得很香，辣度容易接受，生菜小小的，方面進食也很新鮮、雜錦撈檬，這個有點失色，配料是可以的，但檬粉有點乾不夠柔軟、泰式鳳爪，汁的味道也ok，配菜非常新鮮、炒通菜，這個也是可以的。👍🏻👍🏻最後也點了些甜品，紅豆糕品道好的，但豆有點硬、桂花糕不太突出、椰汁糕很香，覺得椰汁份量很足的。👍🏻另外買了一包蝦片回家吃，過了一天也非常脆而且味道很好，這個食到停不了口😂

喺荃灣食晏想食泰式食物又價錢合理嘅真係可試「金屋」。午市套餐有成23 款可以選擇，緊有一款適合你。套餐仲包埋飲品，凍飲仲唔使加錢，真係化算。今日午餐當然食招牌泰式海南雞飯，包埋湯。湯粉及撈檬共有12款。飯及炒野類都有11款。冬瓜湯夠味，仲送埋雞腳泰式海南雞，除雞翼外，全走骨，夠細心。另油飯夠香，加上雞下有菜，夠晒健康。開業至今，定期都會幫襯午市套餐，水準一直保，值得一讚係伙記好有禮貌，落單後又多謝，離座後又多謝，當然結賬時又再多謝

晚飯時間，本來想去附近的西餐廳，但普通一個海鮮炒飯也要兩舊水，咁就太貴了。所以臨時轉到此泰國餐廳，其實係見人多，就入左去。是次二人進餐，點了三個餸一個湯，其實三個餸都好夠了。後加的冬蔭公湯每人只有兩小碗，大蝦有一隻，總覺得蝕左，雖然味道是正常的。軟殼蟹紙米卷是足料的，脆脆的軟殻蟹有清新的生菜做配料，不會有油浸浸的感覺。點了三串雞、三串牛，味道也很不錯，充滿燒烤的味道，點一點個沙嗲醬，更是錦上天花。馬拉盞鮮魷通菜好似不是馬拉盞，唔知係咪落錯單，差點野味。

今日中午同同事去試食新餐廳。係一間泰國餐廳黎。咁一入到去，我已經嚇親，因為佢裝修得好靚，好有泰國既感覺。佢既裝修令有有一種好金碧輝煌既感覺，因為佢用黃色同米白色做主要的色調。我同同事叫左兩個飯SHARE黎食，叫左一個金屋特色炒飯，同埋一個豬頸肉撈檬。個特色炒飯，我覺得都食落都唔錯，佢唔會太油，但個味道有d淡，所以如果鍾意重口味既話，就應該唔太岩你口味，但想清清地既話都ok既。另外豬頸肉撈檬，我覺得都唔錯，佢既配菜都新鮮，而豬頸肉撈檬燒得好脆好香。但佢既汁係偏甜，所以都幾岩我口味。

平時係荃灣好，荃灣西好，食黎食去都係個幾間，although 好好食，食都無厭。但吾記得果日咩原因，番荃灣西食，但又吾係好早，好多野都close 哂，無咩選擇，行下行下，見到有間新開又未close gei 泰國餐廳，膽粗粗入去食。結果出人意表地甘好食，叫左一個明爐魚，one of my favourite Thailand food, must order every time la, 之後叫左個咖哩炒蝦，好新鮮，好入味，拎黎送飯，簡直係絕配。絕對值得一試！

個晚番到荃灣已經接近10點，好多平時食開嘅野都關左門，大鴻輝一定未關嘅，但又唔太想食放題同打邊爐，所以就周圍隨便行行，睇下有咩可以食。醒起馬路旁邊有間新開泰國野，就走左過去睇睇！點知真係未關，11:30先收！之後點左泰國野必食嘅明爐魚，最愛魚！再加一個咖哩大蝦同薄餅！不過環境係感覺有啲唔夠乾淨嘅，好似一直有蚊咬！先黎左咖哩大蝦，隻蝦真心大隻，咖哩係我最中意個種有蛋嘅咖哩，好好味！魚都係出色嘅，好滑，啲湯又好入味！無諗過發現到呢間好味嘅小店🤣

平日搭巴士都會經過開呢間泰國菜, 但見佢openrice一篇食評都好，起初唔敢去食，但今日真係好想食泰國嘢, 咁啱又經過開, 見到店內都有一半人幫襯，就膽粗粗入去一試.叫左個午餐～～海鮮炒金邊粉, 估唔到唔洗$50, 都幾大碟, 仲有飲品跟, 加$8可以轉特飲.味道唔錯，但旁邊的辣粉比我想像中更辣，個人建議，同我一樣唔食得辣的人可以唔好試！通菜, 大碟, 抵食, 不過都係比想像中更辣.如果可以有少辣或唔辣揀, 應該會更好.

屋企附近有間新開嘅泰國菜， 今日試下食個下午茶先。 價錢唔貴， 仲有飲品選擇。 叫咗個海南雞飯， 賣相唔錯， 味道又幾好，雞肉嫩同埋泰汁好惹味，正。 因為新開的，所以裝修都好新淨， 環境好舒服！ 下次可以試下食晚餐。