金屋泰國菜館

之前行過荃灣，無意中發現咗一間泰式餐廳—金屋，今晚收工就同朋友一齊去金屋食泰國菜泰菜好正宗，我地叫左好幾樣，點知一試就停唔到口，食咗成餐從前菜到甜品都好滿足(˶‾᷄ ⁻̫ ‾᷅˵)♡ 🦐 生蝦刺身蝦肉新鮮爽甜，冰凍得宜，配上酸辣魚露醬汁，入口即爆汁，酸香刺激味蕾，係泰式刺身中嘅高水準之作🍲 冬陰功大蝦湯（小）雖然係細份，但湯底濃郁，酸辣平衡得好，大蝦夠鮮🦐，仲有不少海鮮，湯入面仲有香茅、南薑、辣椒等香料，飲落暖胃又開胃🐷 泰式燒豬頸肉外層微焦，內裡油脂分佈平均，肉質煙韌唔鞋口，配埋酸辣醬汁一齊食，真係惹味到唔捨得停口，係全場最搶鏡嘅主菜之一🍧 芒果沙冰芒果味濃郁，冰沙細滑，唔會太甜，食落清爽又解暑，係炎炎夏日嘅完美選擇🥥 椰汁珍多冰椰香十足，珍多條爽口彈牙，甜度啱啱好，飲落有種喺泰國街頭嘆返杯冰飲嘅感覺，好有風味🥭 芒果糯米飯堂食價只係$38，必叫推薦‼️芒果新鮮香甜，有黑糯米及糯米兩種，煙韌唔黏牙，椰汁香濃但唔膩，甜品收尾非常完美，食完有種幸福感💕價錢合理，以荃灣區嚟講，性價比高，食得飽又唔傷荷包氣氛舒適，環境乾淨，坐得舒服，適合朋友聚餐或輕鬆一餐…查看更多

今日行經荃灣，想試泰國菜。喺網上見到貼評論話呢間係由泰國人主理，食物夠地道，而且性價比幾高，就嚟試吓啦。鮮菠蘿海鮮炒飯$98 🍍🍍🍍菠蘿炒飯係小編細個去親泰國餐廳都會叫嘅菜式！不過呢幾年菠蘿炒飯叫價越來越高，閑閑地都百幾蚊。估唔到呢度$98就食到，而且份量都唔少，有蝦、青口、魷魚等等嘅海鮮，飯粒乾爽，粒粒分明，唔會過分油膩，而且好香薑黃嘅味道，間唔中仲會食到提子乾酸甜嘅味道，係個物超所值嘅菜式。泰式炒通菜$72 🌶️🌶️呢個絕對係惹味濃郁嘅代表，通菜爽口，調味鹹香，辣椒嘅味道都幾突出。平時食開10小辣嘅小編覺得辣咗少少，但一樣忍唔住嚟食證明佢有幾惹味！泰式燒豬頸肉$88🐷🐷豬頸肉外邊脆脆地，肉質爽口，調味唔會過重，主要係靠醬料甜辣嘅味道大喜。不過就略嫌又香少咗啲，再邪惡啲應該會更好食。肉碎生菜包$88🐖🐖份量好多好夠，絕對夠一大班人分享嚟食，碎嘅調味係偏酸，有明顯嘅青檸汁味，帶少少甜辣嘅味道。配合生菜，小編覺得係個幾清新開胃嘅菜式。原個鮮椰青$35 🥥🥥🌴泰國椰青絕對冇死，味道香甜，而且餐廳好貼心，開咗一個大窿，方便我哋挖啲椰青肉嚟食。…查看更多

今日就同朋友去左金屋泰國菜館餐廳好有泰國風情，菜式選擇繁多鮮蝦扎肉米子卷米紙晶瑩剔透，包住鮮甜彈牙既鮮蝦，生菜爽脆鮮甜，再點上酸酸甜甜既醬汁，清新開胃椰皇焗海鮮飯用咗椰皇裝住焗飯，堆到超滿, 飯粒粒分明，帶有淡淡的椰香，仲有大量海鮮配料，同面頭嘅腰果增加層次感冬陰功海鮮湯河粉海鮮配料豐富 ，有齊鮮魷，青口，大蝦等，河粉索滿酸辣香濃嘅冬陰功，口感滑溜彈牙馬拉盞炒通菜通菜索滿馬拉盞既鹹香，加上辣椒，味道微辣，鑊氣十足芒果糯米飯芒果香甜，糯米飯有齊紫米，同糯米，口感軟糯，淋上濃郁的椰漿，經典獨特…查看更多

金屋泰國菜館由泰國人主理，菜式大大碟而且價錢親民，適合同家人聚餐分享👍🏻 晚市人均$150，難怪深受附近街坊歡迎。🦐生蝦刺身蝦肉晶瑩剔透、新鮮爽口；配上泰式酸辣醬汁，刺激味蕾。🍍鮮菠蘿海鮮炒飯菠蘿香甜，飯粒乾爽不油膩；海鮮如蝦仁、魷魚份量足，色香味俱全。🥬 碎肉生菜包肉碎炒香入味，配上爽脆生菜，減輕油膩感。🍤冬陰功大蝦湯湯底酸辣平衡，味道濃郁，愈飲愈開胃。🥭芒果糯米飯糯米軟糯，椰漿香濃，芒果香甜。…查看更多

荃灣抵食正宗泰菜小館這家泰國菜館以其實惠的價格和地道的口味受到食客的喜愛，無論是家庭聚餐還是朋友聚會，都是不錯的選擇。泰式拼盤 $138這道拼盤包含炸蝦餅、炸魚餅、春卷和串燒，各兩串，色香味俱全。炸蝦餅外酥內嫩，魚餅鮮美，春卷脆皮包裹著豐富的餡料，串燒則選用新鮮食材，讓每一口都有不同的驚喜。酸辣檸檬汁蒸爐魚 $158魚肉鮮嫩，搭配大量的青檸、辣椒、洋蔥和蒜頭碎，味道酸辣開胃。底部的菜墊不僅防止魚黏底，還讓酸辣汁更好地滲透到魚肉中，讓整道菜更具層次感。馬拉盞炒通菜 $72通菜炒得恰到好處，鮮脆可口，上面撒滿了香脆的炸蒜，增添了香氣和口感，讓人一吃難忘。菠蘿沙冰 $30這杯沙冰十分大杯，堆得高高的，菠蘿的清甜搭配冰沙，特別適合夏天消暑。芒果沙冰 $30同樣是大份量，芒果的香甜與冰沙的清涼結合，讓人感受到濃濃的熱帶風情。加一服務費📍 金屋泰國菜館 (荃灣)荃灣楊屋道69-71號地舖…查看更多