金屋泰國菜館

荃灣泰國菜餐廳選擇多.今次我試咗近Citywalk嘅依間餐廳, 真心唔錯!菜單超豐富.串燒、炒菜、河粉、海鮮、甜品, 應有盡有.而且價錢親民, 性價比高.令我忍唔住叫多幾款嚟試.泰式濕炒豬肉河粉 (HK$78)可揀乾炒或濕炒.肉類方面, 有豬、牛、雞揀.今次我就揀咗個平時少食嘅濕炒豬河.濕炒河芡汁會比較多.河粉幼身, 口感煙韌.係用豆瓣醬炒, 好香, 好有鑊氣.除咗有豬肉片, 仲有菜同埋菇.調味適中, 食落唔會好鹹.沙嗲串燒雞肉 (HK$88/6串)我覺得沙嗲配雞肉係最好食, 所以揀咗雞串燒.依個雞肉燒得乾身咗啲.不過點埋濃郁嘅沙嗲醬食都幾惹味.馬拉盞炒鮮魷通菜 (HK$88）炒通菜都有兩款.我揀咗有魷魚嗰款.魷魚爽脆.通菜微辣.我覺得用嚟餸飯應該幾啱.芒果糯米飯 (HK$38)白色嗰隻硬身啲.紫色嗰隻軟糯啲.芒果超甜.落咗椰奶嘅糯米飯甜甜地鹹鹹地咁, 我覺得好好食.原個鮮椰青 (HK$35)椰青好大個.椰青水好清甜.菠蘿沙冰 (HK$30)夠晒冰.唔係好甜.飲完好爽.整體嚟講, 呢間泰國菜味道地道, 選擇多, 抵食又滿足.鍾意食泰國菜嘅朋友, 值得一試!…查看更多

之前行過荃灣，無意中發現咗一間泰式餐廳—金屋，今晚收工就同朋友一齊去金屋食泰國菜泰菜好正宗，我地叫左好幾樣，點知一試就停唔到口，食咗成餐從前菜到甜品都好滿足(˶‾᷄ ⁻̫ ‾᷅˵)♡ 🦐 生蝦刺身蝦肉新鮮爽甜，冰凍得宜，配上酸辣魚露醬汁，入口即爆汁，酸香刺激味蕾，係泰式刺身中嘅高水準之作🍲 冬陰功大蝦湯（小）雖然係細份，但湯底濃郁，酸辣平衡得好，大蝦夠鮮🦐，仲有不少海鮮，湯入面仲有香茅、南薑、辣椒等香料，飲落暖胃又開胃🐷 泰式燒豬頸肉外層微焦，內裡油脂分佈平均，肉質煙韌唔鞋口，配埋酸辣醬汁一齊食，真係惹味到唔捨得停口，係全場最搶鏡嘅主菜之一🍧 芒果沙冰芒果味濃郁，冰沙細滑，唔會太甜，食落清爽又解暑，係炎炎夏日嘅完美選擇🥥 椰汁珍多冰椰香十足，珍多條爽口彈牙，甜度啱啱好，飲落有種喺泰國街頭嘆返杯冰飲嘅感覺，好有風味🥭 芒果糯米飯堂食價只係$38，必叫推薦‼️芒果新鮮香甜，有黑糯米及糯米兩種，煙韌唔黏牙，椰汁香濃但唔膩，甜品收尾非常完美，食完有種幸福感💕價錢合理，以荃灣區嚟講，性價比高，食得飽又唔傷荷包氣氛舒適，環境乾淨，坐得舒服，適合朋友聚餐或輕鬆一餐…查看更多

今晚嚟到荃灣食咗一間款式又多又地道又價錢親民嘅泰國菜 唔怪得咁多街坊都幫襯 🤩🐟 泰式鹽燒鱸魚條魚大大條 鹽香滲透魚肉 魚肉都好實淨 蘸上酸辣醬 超級好開胃~🦐 泰式燒大蝦全晚既highlight! 十分推介！比手掌還長的開邊大蝦 蝦肉非常爽口彈牙 送啤酒一流🍢 泰式拼盤超抵食拼盤 咁豐富都係得138 集結雞串、炸春卷、魚餅同蝦餅！雞肉串燒到微焦 炸春卷卜卜脆 餡料熱辣辣 魚餅蝦餅都十分彈牙🦑 馬拉盞炒魷魚通菜鑊氣十足！通菜翠綠爽脆 魷魚圈Q彈鮮美 馬拉盞鹹香惹味中辣辣地金屋泰國菜館 (荃灣)荃灣楊屋道69-71號地舖…查看更多

冬陰功海鮮湯（小）兩人選細份剛剛好 每人都有兩碗多湯底酸辣平衡得好 不會太辣 有不少海鮮 挺新鮮泰式炒椰菜苗炒得剛剛好 挺入味 有鑊氣火山骨份量好多 不過我們選了走辣相對有點失色 所以推薦大家怎樣都要選一點辣但有得選走辣是很好 因為在泰國吃真的太辣店員姨姨好熱心 見我們來不及吃 主動幫我們加熱酸辣鳳爪沙律酸酸辣辣好開胃 小食拼盤有春卷、串燒、蝦餅、魚餅蝦餅魚餅彈牙香口 沙嗲配雞肉好好食 沙嗲醬濃郁好惹味配埋椰青 完美唯一差了個甜品 實在太飽 吃不下去環境乾淨 座位挺多…查看更多

諗住去楊屋道買餸嘅時候經過見到呢間泰國菜，就決定今晚唔買餸試下佢！餐廳上菜速度好快，環境幾闊落，仲有啲大檯坐得落一班frd🥬碎肉生菜包 $88肉碎好香檸檬葉味，夠酸好開胃，唔算太辣而且唔油🦑濕炒海鮮河粉 $82河粉份量好多，落咗唔同海鮮一齊炒，有蝦球、魷魚、青口等等🐟泰式鹽燒鯽魚 $128鯽魚勁大條，打開塊魚皮入面熱辣辣出晒煙，魚肚放咗香茅等香料一齊燒，完全唔會腥，點埋個泰式醬一齊食好夾呀！🥭芒果糯米飯 $38做緊特價$38幾抵食，糯米飯熱辣辣，芒果新鮮，有紫糯米同白糯米，椰汁自己淋上去，甜品做結尾真係一流！🥥原個鮮椰青 $35🍹椰汁三色冰 $30…查看更多