金屋泰國菜館

營業中

休息中

首先要講一下呢間餐廳嘅裝修好有泰國feel 座位都好闊落 坐得舒服平時同朋友食泰國野都係會去九龍城無諗到嚟到荃灣都會有咁地道嘅泰國餐廳Menu選擇好多 基本上想要嘅泰國菜式都有揀左好耐最後叫左青木瓜沙律，香葉辣椒肉碎炒飯，泰式青咖喱雞同埋泰式薄餅芒果沙冰夏日炎炎 出面成三十幾度一坐底就叫左杯芒果沙冰消下暑杯沙冰清清甜甜 飲得出係用新鮮芒果整嘅 無額外加糖漿 飲到底仲有芒果肉青木瓜沙律去泰國餐廳我都必點嘅青木瓜沙律呢間嘅青木瓜沙律嘅汁味道較得好好酸酸辣辣 好開胃香葉辣椒肉碎炒飯炒飯好大碟肉碎好香辣 雖然有d辣 但係會想繼續食 上癮嘅辣 正同埋炒飯好有鑊氣好好食 不過唔食得辣嘅人可能會覺得太辣泰式青咖喱雞食落去椰香味好濃 青咖喱汁香甜 唔會太辣👍🏻啲雞都好大舊 同埋都好滑料都好多 仲有大大舊嘅茄子索哂啲青咖喱汁薄餅薄餅略嫌有少少唔夠鬆脆 不過要嚟送青咖喱汁一流👏🏻👏🏻甜品推薦椰汁千層糕椰汁味好香 同埋好鍾意個口感好煙韌整體黎講 食物質素不錯 價錢都合理推薦比荃灣街坊以後想食泰國野 唔洗去到九龍城咁遠 係荃灣都可以食到地道嘅泰國菜

放工時成日見到間泰國餐廳一直都好想試終於約到時間同同事放工食，去到餐廳一入門口 周圍環境都比你感覺置身於泰國🇹🇭同事叫左《泰國金柚子鮮蝦沙律》其實有點失預算，因冇expect 過原來係辣既沙律。但結果出乎好食，柚子清甜又帶點酸大蝦仲好爽口， 一啲都霉爛連唔食得辣既我都叫好味👍🏻係未坐低果陣已經諗定一定要係《鮮菠蘿海鮮炒飯》一黎本身已經好鍾意食 二黎都係店舖推介既一碟飯👍🏻👍🏻 估唔到 真係半個菠蘿咁裝住啲炒飯炒飯配上菠蘿魷魚青口提子乾肉鬆腰果等等……夾埋一齊 真係perfect match 我地仲叫左個小食《泰式炸蝦餅》香脆可口 蝦餅彈牙 大件夾抵食 簡直係食過返尋味 🤤🤤最後我地仲叫左個甜品 《椰汁千層糕》店員仲同我哋講$20/4件可以任拼但我同同事都好like 食千層糕所以嗌晒4件一樣😂😂😂總結黎講 係一間大件夾抵食既泰國野 食到泰國風味之餘 環境好唔錯 👍🏻

係荃灣西Donki買完野喺附近搵咗間泰國餐廳，食埋飯先返屋企！Menu上的選擇好多，揀到眼花撩亂🤣餐廳都坐得好舒服，呢日係平日，夜晚大約七點唔使等位。叫咗三樣嘢兩個人share，份量啱啱好。🔸青木瓜沙律呢個青木瓜沙律比起平時食嗰啲會辣少少，鍾意食辣嘅朋友可以揀呢個！！🔸泰式濕炒河粉(牛肉)濕炒河份量好多，夠晒兩個人分，配料相當豐富，除咗牛肉，仲有好多蔬菜、秀珍菇、西蘭花等等。河粉炒得好香，個汁唔會太傑，味道適中。🔸香茅香辣雞煲🐥揀咗個小菜，呢個雞煲好有驚喜，一上菜熱辣辣、出晒煙，雞件相當之多，我哋每人都食咗五六件。由於唔係太食得辣，特別同店員講想要小辣，味道好惹味！如果叫碗白飯，送飯就一流🤤

今日試食泰國菜 太耐無去旅行了😌😌蝦片新鮮炸 超級脆口 仲有落咗啲胡椒粉 辣辣哋👍🏻泰式拼盤炸魚餅 魚味濃郁 唔會腥👍🏻👍🏻 炸蝦餅 蝦膠綿滑蝦頭油鮮蝦炒飯啲蝦超級彈牙😻😻 啲飯炒到粒粒分明 食落每一啖都有好香嘅蝦油味 唔錯唔錯甜品椰汁千層糕、芒果大菜糕、紅豆糕同椰汁西米糕 芒果大菜糕咬落去有淡淡芒果香味 好清新 值得一讚的是椰汁千層糕好彈牙煙韌 食落仲有好濃郁嘅班蘭味🥰🥰 甜度剛剛好睇到店內廣告寫住原來依度所有廚師都係泰國人 咁就確保係正宗泰國菜🥳🥳鋪頭出面仲有好多唔同款式嘅甜品糕點 我仲買咗啲款返屋企同屋企人開心share😎😎

荃灣係一個鬧市 同時都係美食天堂今日去到荃灣街市附近搵食 見到有間門面幾地道泰國餐廳就去試吓 門口仲有兩個金銅像 入到去好似真係去咗泰國🇹🇭食野咁😅🤣泰式燒豬頸肉🐷$88講到食泰國嘢點可以唔叫豬頸肉呢 雖然你都份量唔係好多 但係每塊豬頸肉肥瘦分佈幾好亦 亦都燒得啱啱好 唔同一啲平價餐廳大大塊肥肉 每舊豬頸肉都燒得幾嫩口 咬落去唔會好柴👍🏻 送飯當小食都幾好泰式煎蠔餅🦪$88睇落去已經有好多蠔仔 🦪 蛋餅好足料冇溝到大量粉 有啲餐廳為咗減少成本會溝好多木薯粉糯米粉個的 減少雞蛋🥚用量 但係呢個蠔餅就食得出用咗好多嘅雞蛋 叫做對得住佢哋嘅價錢 用料幾足👌🏻鮮菠蘿海鮮炒飯🍍$98可以話係最值得一讚 見到唔少枱都有feel所以就嗌嚟試吓 首先炒飯炒得好有鑊氣 飯每一粒都係分開嘅 油色分配幾好另外就係炒飯用料非常足 咬落去幾乎每一啖都係海鮮例如係魷魚🦑蝦🦐等等 仲有好多菠蘿提子同埋肉鬆🤪 應該改名叫做海鮮菠蘿炒飯😋總括嚟講估唔到荃灣搵到一間食落去有風味有地道 加上用料好足嘅泰國餐廳！ 真係非常推介 下次都一定會去encore🤩

荃灣都有唔少泰國野食，呢到都幾正宗泰國人開同埋師傅全部都係泰國人。呢到就係楊屋道街市附近，好容易搵到睇個門口同環境都充滿住泰國風味食物款式都幾多，一般食開嘅泰菜款式都有齊，而且價錢唔貴碎肉生菜包🥬：肉碎都俾得幾多，好大碟，而且菜嘅份量都預得好好，啱啱好包得晒啲肉。入面加左九層塔、香茅同辣椒等等嘅香料，非常惹味又清新，用手包住黎食，口感十分豐富鮮菠蘿海鮮炒飯🍍：平時食泰國野必叫！呢到呢個菠蘿炒飯超足料，有青口、魷魚、大蝦滿滿咁放晒係個菠蘿上面，超抵食！絕對唔會出現蟹柳！飯加左黃薑粉炒到粒粒分明，顏色都好靚好均勻，配埋提子乾、腰果同埋肉鬆，食落有好多個層次。個飯成座山咁滿，兩個人都好夠食，推介原個鮮椰青🥥：椰青好大個，非常新鮮同夠凍！解渴一流芒果糯米飯🥭：呢個真係好好食！一定要嗌！啲飯整得夠熱，啲飯好軟糯，一半係紫糯米，一半白糯米。椰汁都煮得好香濃，甜而不膩，芒果亦都揀得好靚，好甜，兩個夾埋一齊真係一個好吸引嘅甜品，食完仲想再食整體黎講都好唔錯，員工都係即叫即到，上菜快，坐得舒服👍🏻

疫情關係，有排都未有得去旅行。為咗滿足去泰國嘅滋味，唯有同朋友食住泰國嘢啦。入到餐廳，就覺得好有泰國feel。空間感大，乾淨，泰式裝修，枱同櫈都好闊落，坐得舒服，以為真係去咗泰國。打開餐牌，樣樣吸引，樣樣都想食。最後我哋揀咗一個小食，炒粉，同埋一個泰式海鮮。先黎個小食，泰式炸素春卷，個樣就夠晒吸引，熱辣辣，咬落去脆卜卜，裏面有粉絲，紅蘿蔔，木耳，同菜等，好足料。味道淡淡，係素食之選。粉麵係泰式鮮蝦炒金邊粉。金邊粉炒得幾乾身，亦唔會炒到好碎，入口又唔會油冧冧，味道酸酸地，唔太鹹。裡面有四隻大蝦，豆腐乾，芽菜等配料。蝦都幾新鮮，食落去結實，夾埋芽菜一齊食就更爽口。同事就叫咗個泰式海鮮，泰式煎蠔仔，呢個我都係第一次食。呢個蠔餅煎得都幾香，啲蛋又唔會煎得太燶，蠔仔都幾多，粉底又唔算太厚，正常，最底仲有芽菜。食落香口又爽，仲有點埋旁邊辣醬仲好食。唔可以唔提嘅，就係呢度啲嘢真係好抵食，又大碟，食到好飽，朋友話下次要再黎。

夜晚同friend去咗食荃新天地2期對面嘅「金屋泰國菜館」，餐廳環境都幾整潔，價錢親民～鮮蝦扎肉米紙卷🦐賣相猶如一個小園圃，米紙非常煙韌，雖然餐牌冇寫到，但係原來入面加咗芒果，芒果令米紙卷更加香甜開胃👍鮮蝦炒金邊粉🦐食泰國菜經常會點炒金邊粉，金邊粉炒得乾爽唔會油淋淋，蝦肉爽口，味道不俗。泰式煎蠔餅🦪上菜嗰陣就聞到香噴噴嘅味道，蠔餅煎得金金黃黃，下面有啲芽菜仔，單睇表面就已經見到好多蠔仔，雖然唔係好大隻，但係勝在飽滿而且份量多，蠔餅都幾重蒜味🧄泰式甜品🇹🇭餐廳門口有一個甜品櫃，食緊嗰陣不時都見到有人嚟買甜品外賣，原來真係幾好食！我特別鍾意椰汁大菜糕，食落非常清爽，而且有真材實料嘅椰子肉，難怪有唔少人嚟買甜品，如果有機會經過都會再買嚟食！龍眼冰新鮮炸起嘅蝦片特別好食！

一向鍾情泰國菜😝定期就要食一次thai food😌(特別係而家無得去泰國😭）荃灣呢個位居然都開左間泰國菜館由荃新天地2行過黎，好方便！睇住openrice既地圖行過黎，好易搵！餐廳入面既佈置都充滿泰國風情😳我地被安排坐卡位，同其他座位有一定既距離，感覺好舒適～幾乎諗得到既泰菜呢度都有🤩有選擇困難症😂最後我地叫左：🇹🇭泰式鮮蝦炒金邊粉🇹🇭上菜時，金邊粉真係熱辣辣！鑊氣十足！味道甜甜酸酸，恰到好處，係我心目中既味道😝鮮蝦都好足料，又多肉😊推介啊！！🇹🇭泰式燒牛仔骨🇹🇭平時好少叫呢款菜式，點知有驚喜啊！首先係好大份💯（抵食之選！）食起黎好香口，肉質又淋身多汁，有泰式風味🤟🏼真係不妨一試！🇹🇭泰式青咖喱雞🇹🇭食落有椰奶味，容易入口😋但比較辣，食辣既人會中意☺️冇食開辣既就要注意喔⚠️好後悔冇叫個飯🥲用青咖喱汁撈飯一定好正！👇🏼男朋友嘗試用牛仔骨撈青咖喱，佢話個味道都夾😂😂新玩法甜品方面，叫左椰汁千層糕～好煙韌😇甜度剛剛好～👏🏻職員都好細心，會問我地甜品一齊上，定係食完主菜先上😊Overall 係一間值得推介既泰國餐廳味道好、坐得舒服、價錢合理😆🙌🏽

荃灣楊屋道附近有一間泰國餐廳，由荃灣西鐵站行過去，大約十分鐘左右，都非常方便。餐廳都好闊落，每張枱之間都有好多空間，而且有好隔板，防疫措施都做得好足。而且好多卡位，大家都坐得好舒服。餐廳既裝修充滿泰國風情，入到餐廳，好似置身於泰國一樣，疫情其間冇得去旅行，去下呢間餐廳食飯當去咗一次旅行😆泰式燒雞平時都好鍾意食燒雞，呢間餐廳既燒雞外脆內滑，份量都好足，加上泰式醬汁，味道一流馬拉盞鮮魷炒通菜馬拉盞炒通菜就食得多，呢個加持埋鮮魷，令整個菜加左鮮味椰汁西米糕食泰國嘢點少得泰式甜品，而椰汁西米糕簡直係泰式甜品既佼佼者，椰汁味濃，而且唔會好甜，正餐廳食物份量好足，而且每道菜都好味，值得再幫襯。

星期一放工後諗住食下泰國菜見楊屋道屋企附近有間泰式餐廳未食過就決定試一試入到去見到裝修都幾特別 有好多泰國的繪畫圖 打開餐牌 兩個人食得份量唔多 朋友想食咖哩 所以叫左個青咖啡菜 另外叫左個蠔仔蛋 同埋一個咸魚雞粒炒飯 等左大約十分鐘就有得食蠔仔餅上菜的時候仲好熱 影相都有煙如果冇配汁就清清地 要點d汁先好反而青咖喱我覺得有驚喜 係值得推介佢個青咖哩配埋椰汁味 幾夾最後食左個炒飯 份量足夠 咸魚味唔會太濃配埋青瓜食會清新返d每人平均百幾蚊 都可以一試

幾年沒來荃灣西，現在已經發展得有聲有色，也保持了新市鎮的綠化和廣闊視野。見這間餐廳的景觀很開揚，也有不少人幫襯，就坐了進去。自從去年食泰國菜飲過象啤就留下了很好的印象，加上年初有點尿酸過高戒了啤酒一段時間，最近安定了便破戒返次。難得破戒，叫夠2枝。店員都很知道食客需要，幫我分開上，不用放到暖了。果然入口冰凍，加上象啤獨有的清甜，食慾和精神都來了。最近也在減澱粉質，所以叫了雞肉串燒和青咖喱雜菜。串燒有6串，每串都有4粒，加起來差不多有2塊雞扒的份量。霑上花生味香濃的醬汁吃當然是最佳配搭，撈一點青咖喱吃也是很好的食法。青咖喱的味道香甜，有椰汁香味，而且不會很鹹和刺激，當濃一點的湯喝都可以。裡頭的雜菜都是很能吸收咖喱汁的款式，例如西蘭花。雜菌，還有切成鋸齒狀的紅蘿蔔，能沾上更多的咖喱汁。加埋泰式菜常見的九層塔，香味更多。真的可謂飲飽食醉，然後竟然店員送上特色甜品！芒果大菜糕和椰汁西米糕。芒果大菜糕口感爽脆，芒果味清甜，一點點酸味能消解飽肚感。椰汁西米糕更加出色，椰汁香味濃郁。最難得的是有額外驚喜這件事，為一餐加上一點甜，就好像姜濤的歌詞那樣，巧妙地花掉生活中的苦。

泰國嘢都係其中一款食極唔厭嘅選擇！所以今日約人食飯又係泰國嘢😆呢間間唔時經過都見到，但未食過！呢度入到去比想像中大，座位都好鬆動，好有安全距離👍🏻裝修都好有特色！炒到恰到好處嘅爽脆椰菜苗加埋有少少辣同較濃郁嘅馬拉盞，椰菜苗本身較硬身同埋有陣苦澀味，所以要濃味嘅汁先可以冚到，最夾之選！另外香口嘅炸蝦餅都係唔少得！即叫即炸！先最好食😋主食叫咗碟泰式炒河，第一次試，佢嘅河粉較中式河粉幼身，但都可以炒到好煙銀好有口感👍🏻真心估唔到咁正！不過配菜就淡咗少少😂另外天氣開始熱啦！當然唔少得叫杯凍飲降下溫✌🏻

這裡的份量比心目中多，在門口仲有炸蝦片$15包幾新鮮，一打開唔油又幾脆口好味道，我們餐廳都叫了3樣食物質錢都合理而且味不錯。 泰式蠔餅鐵板上，熱呼呼幾吸引，蠔幾大隻而且蛋香口，配辣醬最岩，底部仲有配菜幾豐富。2人最後決定要半隻泰式海南雞，$100都不用仲有份量最後都吃不完，雞肉幾嫩滑，啖啖肉，配上惹味泰式辣汁好味道。 這裡有麵飯選擇，但比這個鮮菠蘿海鮮炒飯吸引，菠蘿新鮮，汁液加上飯好清甜又有不少菠蘿粒和提子粒增加口感，海鮮不少有青口蝦和魷魚。因為這裡的熱食吸引，我們再叫了甜品椰汁西米糕，最喜歡不太甜，西米仲有少少口感不會太糊狀幾好。

四個人叫外賣，點左三個河粉、一個撈檬、一個通菜、一份串燒、三杯飲品。大約半個鐘至九個字到，時間可接受。河粉河同湯分開到，份量正常，味道唔錯，我食曬。不過個人係鍾意食泰菜。通菜偏辣，味道唔錯，偏泰式辣味。串燒有驚喜，四個人都喜歡。埋單 $680 除開一人 $150+，星期六黎講正常。整體來講幾好，會再光顧。檬粉嘅汁只送左半支益力多嘅份量黎，結果大家要五餅二魚比湯河嘅汁朋友，少少失望。另外食物到左先，飲品漏左，等左大約15-20分鐘到，可接受，不過講究嘅朋友就可留意下。