金仔米線

營業中

休息中

其實所有有茶水供應嘅地方，大家都知所有飲品係唔會比滿一杯比你，但係這間金仔米線就特别少，通常望落去都係離個杯頂2cm，曾經同樓面反映過，佢地衹係講聲唔好意思，跟住投訴接受，態度照舊，如果此店舖嘅有關同事見到，希望能同水吧同事講聲，沖番杯正常啲嘅飲品比啲客，同老細慳錢唔使咁做嘅，希望有所改善啦，唔使我影相放上嚟

今日黎到呢間金仔米線食晚餐 十分滿意呢間餐廳既美食 好多餸可以選擇 我今次叫左4個餸 獅子狗 芝士腸 肥牛 同埋芝心丸 好好食 配上香濃既沙嗲湯底 真係一流 價值唔算好貴 只需60蚊左右 服務態度幾好 環境乾淨 食得好滿足

食過其他分店的鷄煲和烤魚，今次試這間分店。食物味道和份量合理，不過食開鷄煲都係逐少加水，避免過度冲淡味道，絕大部份職員都正常有禮，當客人叫停，就會停止加水，唯獨一位名姓高的女職員例外。可能這位職員不想來來回回替客人加水，我們叫停時，當時瓶內仍有七成水左右，佢答「喔」後，突然暴灌式把合共九成的水倒進鷄煲內，然後轉身就走。我們相當無奈，立即將米線加入吸些水份也於是無補，味道變得難食。唯有安慰自己，出嚟俾錢食飯預咗要受氣，食店員工貪方便玩客人絕對有道理，咪自己去第二度食囉，係咪～？本想提供相片俾各位參考，但新手未能加相

而家越開越多米線舖頭，但係有啲食落真係好伏啲米線會漲晒，湯底又難食。不過呢間喺屋 邨商場嘅米線舖頭，真係幾有驚喜。晚市時間，都幾多人食佢啲烤魚或者雞煲，但係我哋就嚟食米線。佢價錢合理，都幾多湯底揀，我哋就叫咗一個自選米線同埋一個豬事家族套餐佢仲連埋蒜泥白肉。先講蒜泥白肉，同平時食開嗰啲好唔同，佢好薄但係都唔係好肥唔使特登揀黎食，唔錯。而米線，我哋都揀咗酸辣湯底，佢嗰個酸同辣都幾balance，啱晒我呢啲咁重口味嘅人

下晝食lunch去咗見到好想食啲米線食物，就諗起間餐廳，見裏便人唔係好多就入去食啦。環境都OK嘅枱同枱之間都有一定距離唔算好迫。但係侍應就唔係好夠，要等好耐都冇人理落單，同埋啲姐姐態度都一般。食物質素，我叫咗個口水雞飯，都幾好食，但略嫌份量細咗少少，男人應該唔夠飽，我叫咗小辣，但到最後發洞悉到落去。平時自己都叫做食得辣，但呢個真係太啦，食完連個嘴都腫埋。下次都可以去試吓佢嘅米線聽講都話OK，唔好太高期望當lunch time食一餐嘅話都可以接受嘅。

又貴又唔好食咁啱行過見門面都幾光鮮，於事買個午餐外賣啦, 咁就中計了... 呢個海南雞飯成 $43，個飯就好大碗, 但得5舊雞... 冇湯冇野飲!!! 先講舊雞， 淡而無味， 全部雞背脊， 冇肉得塊皮都算, 仲要冇味！ 到 d 汁.. 又係冇味嘅.. 所有野好似唔記得落鹽咁到下面嗰幾條芽菜，又淋又變曬色， 都唔知放左幾耐.. 個飯就夠大， 但唔係有油飯， 係白飯， 仲要凍嘅... $43 其實都唔平， 點解水準可以咁差？ 好失望、下次一定唔會去！

今天完成了寫生活動，13:40來到金仔記吃米線，因為金仔記的下午茶 13:30已經開始，所以就選擇幫襯了！我的米線有墨魚丸、肥牛、芽菜、腐皮、蟹柳、連餐茶~~熱奶茶$37。我的同學他選擇了豬扒米線（豬骨湯底）$25， 沒有餐茶，相對地一分價錢一份份量吧！我的沙嗲湯底米線份量份量系是相比豬扒米線多， 而且多了杯餐飲，但同學的豬扒米線看來也不俗，我的沙嗲湯底米線味道上，我覺得佢似麻辣多過沙嗲，因為他缺乏咗沙嗲的香味，儘管我是吃到少許少許的花生碎粒，墨魚丸是很彈牙，味道湯底味道比較偏咸！總結而言都算是抵食！

岩岩去完威爾斯到探親戚，所以就搭一個站去沙角村諗住有多d 餐廳選擇。記得以前黎沙角村既時候，東菇亭既大排檔仲仍然人來人往，口水橫飛，當年呢到都係讀U個陣成日黎Re-U 既地方。可惜而家都已經拆曬，變做左一條美食街food court。今次叫左個烤魚套餐配麻辣湯底，侍應呀姐提我地小辣已經夠辣點知一食就知道仲弱過譚仔既二小辣🤡。條魚係夠大條同埋肉夠滑，配料方面就基本野啦，不過不失。反而我覺得佢既小食係幾唔錯，今次個餐有包蒜泥白肉然後我自己就追加個粉皮（麻醬夠曬濃）😋。如果同烤魚餐廳比味道當然能分得出高下啦但係勝在食完唔會個口渴到想死。

每次返工前都會係呢度食早餐，食物係OK嘅，但d侍應態度真係差到不得了，連續兩日係呢度食早餐，兩次都係食肉丁米，第一日係落左肉丁麵我都算數，第二日係變左沙爹米，上菜個侍應仲問我要唔要沙爹米，我話梗係唔要啦！憑咩你地侍應落錯單要逼我食一個唔係我要嘅早餐，況且對唔住都無句，咁可唔可以認真小小落單呢！我每次都係叫一個早餐姐，如果有三四個早餐咪搞唔掂！

This area does not have many food choices. Been here for both noodles and fish pot. In general, the noodles is better than the fish/chicken pot. Afternoon set meal is a great affordable choice for a bowl of noodles. I usually order 麻辣湯. Tired 酸辣湯 沙嗲湯 still like the 麻辣 one better. Compared to 譚仔 this store is less spicy in general so I usually get the most spicy one. The price is similar to 譚仔. I don’t like its 紅薯粉- it’s not the type I usually get from other places, taste kinda weird. For fish po

雖然呢間舖頭主要係食米線，但係其實喺佢度打邊爐性價比甚高，當中我個人覺得最抵係佢地嘅雞煲，因為如果唔係超大食，叫一個雞煲，再加少少配料已經好夠飽，我試過走辣同微辣，似乎食雞煲都係要食辣，會香好多。佢d配料亦算新鮮，碟牛都算靚；至於烤魚鍋，條魚都新鮮，不過成日賣晒，d阿姐話想食烤魚鍋最好預訂，因為為咗想d魚新鮮d，所以舖頭唔會訂咁多魚，呢個真心值得一讚！雖然附近大排檔有超值任飲任食火鍋/燒烤，不過大熱天時，似中商場舖嘅冷氣會夠d。

因為附近冇譚仔所以成日黎呢間食下午茶叫左個玉子豆腐腩肉腸仔米線佢嘅酸辣湯底係我嘅至愛有酸有辣有麻味其實我覺得仲好食過譚仔下午菜有5，6款選擇唔想食米線，食飯又得佢好似仲出左個新湯底唔記得係未叫酸麻(齋麻唔辣?)幾抵食，又可以睇住個電視黎食正

約了朋友在沙田見面，因為時間尚早又有點肚餓，見到呢間金仔米線嘅餐牌價錢好吸引，於是入去試一試。叫了一碗31蚊嘅豚腩片玉子豆腐紅腸米線，加2蚊飲熱檸蜜，非常便宜。呢碗米線份量適中，豚腩片唔多，玉子豆腐，紅腸和其他芽菜韮菜腐皮配料都正常，湯底係豬骨濃湯底但唔係好濃，味道都ok; 熱檸蜜好飲，成份餐只需$33 好抵。

近來天凍凍地，經常想吃一些和暖和辛辣的食物條暖，這天晚上選擇了吃金仔米線。餐廳在秋冬季節的晚市有提供烤魚及雞煲火鍋，但只有一人吃的話還是選擇米線較適合。這天點了豬軟骨牛丸酸辣米線，每碗米線都有少許腐竹，如點酸辣的還有一些酸菜配送。這個米線的湯底酸味足，很開胃。豬軟骨以紅燒汁炆得又軟又冧，非常入味。牛丸則欠爽口，有待改善。餐廳的自選米線配餸種類都頗多，還可以用優惠價加享小食。另外餐廳亦有假類供應，米線餐廳也很多元化。

肚餓諗住買個外賣返屋企因為第一次食這間米線收銀問多兩句都唔願意答返到屋企一打開碗米線差到不得了價錢四十幾$50一碗啲餸呀每款得個兩舊價錢貴不特止仲衰過譚仔米線譚仔米線起碼份量多啲依家米線食一次不會再食超級差