金仔米線

🍗 香煎雞扒飯配凍奶茶（地點：沙田） 🌟 必食指數： 🍗🍗🍗🍗🍗（5/5）茶餐廳界的靈魂之作！香煎雞扒外皮煎至焦香酥脆，肉質嫩滑多汁，一口咬下油香四溢，配上秘製蔥油醬，鹹香中帶點甘甜，簡直是味蕾的暴擊💥。半熟溏心蛋輕輕一戳，蛋黃緩緩流出，拌飯一流，幸福感瞬間爆棚！再來一杯冰凍奶茶，茶香濃郁、奶味順滑，冰涼解膩又提神，完美平衡整體口感。這份港式下午茶不止飽肚，更是心靈的慰藉，簡單卻令人回味無窮✨。📍香港金仔 打卡指數💯，味道更是值得專程一試！香港茶餐廳 #雞扒飯 #凍奶茶 #港式美食 #溏心蛋 #下午茶 #吃貨日常 #打卡美食 #香港味道…查看更多

平日星期二早上經過，記起朋友曾提及早餐麵食不錯，今早就試試吧。一般裝修，簡潔明亮衛生乾淨，地方大，座位充足，能樣食客隨意選擇位置，服務佳，價格相宜。食品應是下單後才開始製作，上枱時夠熱👍🏻。沙爹牛肉煎蛋螺螄粉，份量一般，但看隔鄰的即食麵分量頗多，螺螄粉軟硬度適中有咬口，我不大喜歡軟腍啲，湯底鹹度剛好，但對牛肉就有些失望，口感軟腍啲，可惜我覺調味過甜。 餐飲熱鹹檸檬水，其他茶餐廳冰室不常見，味道一般。…查看更多

今日喺沙田圍站行過去沙角商場，只係2分鐘路程，一入到去就見到金仔米線做緊推廣。花膠雲吞雞煲只係$168，當然要即刻試吓啦！呢個花膠雲吞雞煲真係令人眼前一亮。一上檯個樣已經好吸睛，個煲熱氣騰騰，聞落已經知好濃郁。舀起一碗湯，清甜濃郁嘅味道即刻撲鼻而來。雞肉嫩滑，保持住鮮味，花膠膠質都幾豐富，食落口感十足。雲吞餡料夠扎實，每一口都充滿驚喜，真係冬日嘅暖胃之選！餐廳仲有簡單嘅自助吧，辣椒醬、醋、醬油都有。不過我自己鍾意原汁原味，就冇用到啲醬料。但如果你鍾意其他口味，可以去拎嚟試吓，加少少喺湯煲或者米線度，可能會有驚喜嘅效果。另外，我哋仲叫咗牛肉丸同豚腩片。牛肉丸好 juicy，豚腩片嫩滑又唔會太膩。配埋米線食，每一條米線都吸滿咗濃郁嘅湯汁，真係食到好滿足，連湯都飲晒！…查看更多

今晚又來金仔買外賣，一直都覺得金仔無論堂食或外賣的性價比都高，所以我哋住唔近都來買外賣食，不過今次就真係差了很多，分別叫了一個自由選餸米線和一個招牌米線跟生菜套餐，那個招牌米線的腩肉，係我第一次見識到只有肥肉連皮，見到我都唔想食啦，超失望😞，以後可以唔去啦…查看更多

做左沙田街坊差唔多一年，重有好多街坊推介未去發掘。天氣時冷時熱，難得米線店有雞煲烤魚食要試試。海南椰子雞煲(半隻)$198推介:⭐️⭐️⭐️⭐️⭐️椰子雞係係內子必點一個湯底，湯底唔算係特濃驚喜，但勝在雞件好足料又吸湯，落埋其他料會混成甜甜地嘅湯底。如果香口嘅椰子件煲耐少少就更完美入味。炸魚皮$30推介:⭐️⭐️⭐️⭐️呢個要叫，比起酒樓嘅魚皮較香脆，落湯後就更自然容易吸收湯汁。美國肥牛 $75推介:⭐️⭐️⭐️雖然係最平價嘅基本肥牛款，但解凍算唔馬虎，浸一浸湯無耐就食得，兩人份量岩岩好，價錢ok。紅薯粉 $21推介:⭐️⭐️⭐️⭐️⭐️要食到椰子雞湯汁精華呢個一定要喺最尾加落湯到食。咸檸七 $20 + 玫瑰桂花鳥龍茶 $18下次要試下半價烤魚招牌菜嘅優惠💝追蹤@goldennoodles1668 送油菜/生菜另⁠加一蚊有無限添飲檸檬茶😱👍🏼另一推介就一定係攞得返屋企嘅金雞煲(4-5人份量)$538（原價$588） +$88 升級龍蝦🦞+另送時菜一包🥬*供應至年初十五金仔各區店舖地址- 沙田禾輋邨熟食亭地下1-4號舖- 沙田沙角邨商場2樓219號舖- 新蒲崗大有街3號曼迪廣場地下B號舖- 九龍長沙灣元州街303號九龍元州邨停車場地下8號舖…查看更多

成日都會去金仔食佢嘅下午茶抵食又好味剛好今日想食個early dinner 又剛好仲叫到下午茶喎咁就下午茶加晚餐一齊食啦因為實在太肚餓🤪🤪🤪下午茶叫咗個蒜泥白肉麻辣米線同肥牛豆卜酸辣米線 仲包埋飲品個蒜泥白肉好重蒜味 好味😌之後就到今日嘅重點美食 - 烤魚叫左個水煮味烤魚再加個鴨血烤魚原來有半價呀 仲可以加一蚊有無限添飲檸檬茶添😝烤魚係原爐咁上台我哋order 左鉗魚條魚好新鮮 肉質鮮美 唔會好多骨啖啖肉份量都幾多 有大半條水煮湯底加上洋蔥 大蔥 芽菜 仲有超多芫荽好入味配料有豆卜 吸晒啲湯汁 鴨血好爽口又彈牙食烤魚都真係要叫啲好吸湯汁嘅配料好正😋…查看更多

同仔仔行過想食米線，平時經過的沙田金仔唔多覺有烤魚，見到菜單推出半價烤魚優惠，套餐優惠有不同的組合，半價烤魚三個優惠：有一條半價烤魚，可以送油菜或生菜加一蚊無限添飲檸檬茶。心思思呢個不冷的冬天試一試都無所謂啦。去到選擇唔辣的烤魚，睇黎睇去只可以照顧仔仔的胃口，選擇了烤魚蔥燒味呢個優惠可以加1元無限添檸檬茶。烤魚並不好多骨，服務員說是鉗魚的一種，小朋友也可以放心食。出餐用時慢工細活，為了等烤魚入味，是等了些少時間的。呢個不辣的烤魚可以當是仔仔口感的一種鍛鍊，烤魚皮嫩。肉質算軟，湯汁不辣也可以淋在白飯上。再多啲香菜應該調味更香，本身裏面配菜有洋蔥，豆卜，芽菜，大蔥，榨菜。烤魚之後還可以小小打邊爐的過下過癮。湯汁同平時米線湯底無分別，出乎意料之外。沙田呢分店，附近都有一間，不過全九龍只有四間。之前未曾試過烤魚。金仔 米線。沙田沙角邨商場2樓219號舖…查看更多

係金仔叫外賣，等咗一陣阿姐先黎到櫃檯，一黎到就叫我行去隔離，俾後邊啲人俾錢先。做得服務業先來後到嘅道理明唔明，冇解釋俾我，態度咗要理所當然。點完餸後，態度好囂咁叫我出去等。咁嘅服務態度......…查看更多

早餐時段，沙爹牛肉麵套餐$35，一碗沙爹牛肉麵，炒蛋煎腸仔及多士，仲配有一奶茶，熱飲不用加錢沙爹牛肉麵，牛肉份量足，湯底有沙嗲味有微微辣，味道不錯炒蛋煎腸仔味道正常整體來講性價比不錯，可以一試…查看更多

準備掛8號風球既晚上 好多餐廳都已經嫩收左… 係禾輋既冬菇亭 食到非常出色既酥炸豬扒！ 香脆嫩滑 好鬆化 可encore！花雕醉雞米線 醉雞重酒味 雞既像質好滑米線清湯 如果可以有其他湯底揀就好了…查看更多

今次同大家介紹係一間米線店，晚餐見好多人會食烤魚打邊爐，睇落都幾正😜😜🍟 水煮魚米線 $58一上枱時真係嚇親小編🤣🤣冇預計會紅到咁！食落的確都幾辣下🤣不過小編冇叫野飲都食到既🤣不過係香濃既水煮味😋 同米線超夾！魚片有幾塊，唔腥，幾滑😙仲有木耳、芽菜同豆卜做配菜😝米線軟硬適中👍🏼👍🏼因為冇得揀辣度，小編係食得下辣先叫🤣🤣🤣🤣 建議唔食得辣既人就唔好叫了😹🔎 評分：值得一試💯…查看更多

晚餐去吃雞煲，性價比非常低，好貴，40蚊5粒丸，40蚊6粒餃子，或5隻魚皮餃，餃子完全無肉，俾人呃錢。肥牛叫左最靚的安格斯牛，$148，得幾塊，完全咬唔郁，d肉都碎濕濕甘，垃圾，以後都唔會去食。d阿姐見你食野都照喺隔離拖地，叫佢拎d熱水洗野佢叫你自己去拎，無野做5個阿姐圍埋傾計都唔會幫你拎野，叫佢收一收食完d碟又扮聽唔到走左去。都唔明點解有時出面見好多人食，養住呢班甘廢既阿姐，食品又差，揾埋d供應商都係一樣甘垃圾。…查看更多

裝修咗之後無以前咁好食⋯ 以前酸辣湯㡳惹味番濃，但而家一啲都唔酸⋯ （唔通比錯咗湯底？😨）叫米線要爽啲，但係淋到好似浸咗好耐咁😣 墨丸有雪味⋯ 唔怪之得午市都咁少人🫣…查看更多

點餐之後打錯單，就算啦，個個啊姐態度都好囂張，好似趕客咁。比錢都要同客吵，唔怪得D人唔中意北姑，聲大大好似個客都問題咁。比錢仲要等後面排隊D人買單先，因為我講左好多次八達通，最後要我比現金。我話我講左八達通窩。個阿姐同我講但係我開左櫃筒喔。咩道理啊？跟住叫我等？佢比人比錢先？咩世界啊？？？好心老細見到就教好D員工先出來丟人啦，唔會再去食。比錢羅氣受。12月2號中午2點…查看更多

今晚嚟到位於沙田沙角商場既金仔米線，試一試佢既椰子雞煲。今日是星期五金仔一早就爆晒棚，由於我比較早到所以食頭輪唔洗點等。我見有椰子雞煲，咁就點左佢先，再加一碟肥牛，牛丸，芝士腸，豆卜加埋唐生菜。由於人流都多等左10分鐘左右都先上左碟肥牛，咁得碟生既肥牛有得睇冇得食，再等多10分再一次過到晒雞煲同其他配菜。首先試左個椰子雞煲，椰子味足夠但可惜雞太鞋，同半隻雞係唔齊，不見雞翼部份。肥牛就好硬成條柴咁，無論你有少少粉紅或是全熟，結果是沒有變的。牛丸同芝士腸就非常好味，唐生菜都新鮮，不過最不滿意是樓面阿姐，叫都唔應大牌過d咩咩咁。…查看更多