影片
電話號碼
96963999
營業時間
今日營業
10:30 - 00:00
星期一至六
10:30 - 00:00
星期日
全日休息
以上資料只供參考, 請與餐廳確認詳情
周圍試辣嘢有朋友推薦呢間，就去試試佢04.重慶紅燒肥腸（薯粉）張相嘅湯底都睇到好淺色一上黎我都覺得有啲似清水（驚伏 ）點知唔係喎我覺得係相對健康（非擺明味精味）個人覺得有少少唔夠酸整體嚟講都幾好幾抵食
繼續閱讀
卒之的起心肝試這間，因為本身行咗去新城市嗰邊都沒有什麼東西好吃，返回禾輋又吃都沒新意，於是終於衝入這家試一試。看見學生餐較多選擇，其他的單點就是紅燒牛腩或是肥腸，進店之後都看見阿姐處理豬大腸，但是之後單餸不夠過癮，於是我拿單點了個自選撈米線，配合三個餸，沒有飲料，但只需$38。貢丸、腩肉片撈米線小辣。好似叫了小辣，不過都算挺為香辣，辣到面紅耳赤，額頭出汗那一種。米線的份量都不算太少，不算極為彈牙，不過夠幼身，而且相當吸汁。因為沒有其他配料比較吸引，都勉強點了貢丸，亦都因為我點撈米線，因此貢丸吃起上來感覺比較求其；腩肉都算半肥瘦，有點脂肪的腩肉，縱使只得幾片，不過味道不錯，因此也總算不賴。不過這兒的辣味好像比較刺激，因此也不是常常來幫襯的好對象。
繼續閱讀
中學食到而家，學生餐都仲係$30！！！仲要送一包紙包飲品！味道正宗，啲料又多，真係十級推薦！！幫襯下小店！阿姨態度好而家搬左鋪位環境更加好！食得辣既可以叫中辣，好辣好麻！推薦羊肉 牛肉 肥腸 酸辣粉 擔擔麵！
繼續閱讀
街市裝修前已經宵夜成日去買～紅燒牛肉羊肉肥腸系列好好食！羊肉更出色！！街市裝修以為佢冇做～而家見番小店重新進駐禾輋…老闆話原來其間搬咗去瀝源街市～街坊熟客繼續支持！
繼續閱讀
和老公去附近買野，順便醫肚去到巴士站附近有一間小店食重慶粉麵。老闆娘一個人做晒成間鋪，都幾忙，同埋都陸續有人買外賣。雖然地痞小店環境欠奉，起碼有幾把大風扇夠涼，因為我哋烈日行咗成二十分鐘所以入到黎簡直如飲甘露。叫咗一個重慶酸辣粉、紅燒豬腸米線同埋皮蛋配豆腐。最初仲諗價錢都唔平，但原來每樣嘢都大大份，咁都值回票價。不過如果可以揀大細份量會更好。每樣我哋都揀BB辣，上菜時見到好好仲有啲驚，不過食落真係只係微辣。重慶酸辣粉有大量榨菜、酸菜等等配料，風味十足，所以覺得味道唔錯，唔係粗製濫造。唯一有點美中不足係薯粉真係煮得太過淋，冇咗煙韌嘅感覺。老公食紅燒豬腸米線，湯底帶點紅燒的惹味，不過不失，不過我自己覺得豬腸仲帶有丁點兒騷味，如果好注重乾淨嘅就未必適合。不過三十幾蚊碗米線呢個又覺得幾抵。皮蛋配豆腐用上原來係大盒裝嘅百福豆腐，份量比我想像中多，而且隻皮蛋係流心加透明，質素唔錯。雖然啲豉油辣油睇落好似已經淹沒左啲皮蛋豆腐，但食落又唔會好過於濃味，這樣簡單小食反而有點驚喜。雖然食物質素未係好高，但地痞小店大大份要醫肚都唔錯。
繼續閱讀
您可能會有興趣的...