9
4
1
| 餐廳: | 醉瓊樓 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
以上資料只供參考, 請與餐廳確認詳情
食家推介
今晚爸爸說帶我們去長沙灣食東江菜。餐廳門面不大，內有地面和一樓兩層，剛巧有客人離座我們就坐在地下那層的卡位。
餐牌上的菜式選擇都有不少，基本上每款菜式都跟配例湯及一碗白飯。由於我們點了四客飯餐，店員直接以一個大碗送上例湯，熱辣辣的家常味道。這裡是的梅菜扣肉($100)是頗有名的。首先是日的扣肉完全不夠熱，才上菜溫度已經是暖的；其次味道不足、蜻蜓點水，梅菜的份量很少；再者，扣肉的部位過肥，很多脂肪但瘦肉少，大部份也不能吃，的確有失水準。煎炆釀豆腐($88)也是東江菜常見的菜式：每件豆腐的正中央釀了肉碎，肉碎份量不多帶鹹，醬汁稍為太多如浸豆腐那樣，而一般都是用白菜墊底的卻用了成本較低的生菜代替；個人認為成本是一件事，另外的是生菜比白菜不耐火，因此煮得太過火而變色和質地變得稀爛。沙鍋魚頭煲($100)裡面有不少腐竹、洋蔥、冬菇等配料去帶出香氣，醬汁亦太多，因只淺嚐味道就不評價了。剛炸好的椒鹽九肚魚($90)的椒鹽味隨著熱氣散出，外皮略為厚了一點但幾香脆，沾著頗酸的醬汁幾開胃，點一客大家分享都不錯。街坊餐廳來說是抵食的，味道可以，就是東江菜偏濃味，而餐廳的衛生情況麻麻，大家則需自行衡量了。
繼續閱讀
想食中菜…搵啲道地啲嘅街坊菜館，同家人都常常黎呢間！ 因為門口可泊車🤭有位家人一想起食「蒜蓉蒸開邊蝦」就會嚟呢一間是日晚餐：梅菜扣肉🍖薑汁芥蘭🥗薑蔥霸王雞🐔蒜蓉蒸開邊蝦🦐魚腸焗蛋🐟🍴梅菜扣肉 - 非常有懷舊嘅味道, 梅菜係食落去係甜梅菜，唔係鹹死嗰啲，梅菜好夠腍、五花腩都好入味，入口即溶、不油不膩、肉嘅油香用嚟配白飯真係一流！🍴薑汁炒芥蘭 - 出面有時啲菜炒完都會有一浸草青味，但呢度ok,少油，ok 呀！🍴金銀蒜蒸開邊蝦 - 呢個菜式非常好送飯，蝦鮮甜，雖然蝦唔大隻，但啲肉好結實，so far食咗咁多間都鍾意食呢間多嘅味道，好啱胃口！喺屋企蒸，點都係係蒸唔到菜館嘅味道👅可能係要讚油嘅原因😆🍴雞蛋焗魚腸 - 呢個就失去咗原本以前嘅古早味，因為佢最肥嘅部份拎走咗，冇晒啲魚肝嘅油香味，蛋應該係蒸完再焗，唔夠以前懷舊嗰種乾身，下次可以改為試吓魚腸煎蛋.🍴薑蔥霸王雞 - 因為經常食，所以知道佢唔係次次都保持到水準，欣賞佢多蔥多薑，但今次啲雞蒸得熟過頭，要嚼好耐🤣🤣🤣菜館！請加油！一行六人五大一小，埋單五百幾，其實都係合理😎😎其實已回頭多次，因為蒜蓉開邊蝦真係唔錯！🤪🤪🤪樓面啲阿姐都講嘢幾大聲，要有心理準備🤭🤭🤭
繼續閱讀
去同家人去晚膳，去到呢間開了很久位於長沙湾老子號【醉瓊樓】酒家，滿懷喜悦心情去吃一頓美味晚餐，當然佢地最馳名之一道菜式當然是叫【雞】誰知食物質素強差人意，如非以前一般好吃。茶位$4蚊一人，無加一小費，其實，呢間酒家以往未來過很多次，但今次係最後一次，沒有下次，相比，佐敦那一間實在有過之而無不及。盐局雞一只$270 ＜煮得太老，肉好嚡＞支竹豆付火腩煲 ＜用豆付乾當作豆腐＞菜遠炒肉片 ＜肉片薄如雲吞皮＞什菜煲 ＜海鮮渺渺可數，菜幾條＞
繼續閱讀
出席家庭飯局😆呢間門面有啲舊既飯店係長沙灣一個唔太顯眼嘅位置！茄子魚腩煲$85味道不錯，油左啲啲啦～鹽焗雞半隻$125算係王牌之一，味道OK，雞都滑～蒜香豬扒$85兩隻字形容：惹味😅梅菜扣肉$90聽講係呢度必試既小菜！都真係幾好味道，撈飯食一流！(諗清楚先好撈呀…好肥架….)椒鹽九肚魚食左少少，幾好食香煎琵琶豆腐$78呢個好食，咁多樣菜之中最鍾意呢個！小炒王$90呢個淨係睇個樣都唔係太得喎….味道都係麻麻啫啫通菜煲$90又係好惹味既一道菜！呢度嘅食物中規中矩～係呢區，不能要求咁高！
繼續閱讀
本身自己係客家人，所以特別鐘意食客家菜，同埋經常會去長沙灣元州街呢間家庭式經營既客家小菜館，佢既小炒小菜一流，味道有返咁上下水準，平時好多街坊幫襯，有時仲要喺門口等位添。每次黎都必點客家鹽焗雞、雞肉咸咸地夠哂入味，點埋沙薑醬味道更豐富。呢度既梅菜扣肉，每舊肉都有肥瘦位，最鐘意食扣肉既肥膏位，好邪惡，加埋梅菜用黎送飯好開胃。小炒王又係每次黎必點既，佢既材料好足料豐富，比其他小店既小炒王足料，而蝦乾炒得好入味好有火喉。客家釀豆腐，豆腐幾嫩滑，豬肉亦好味，如果豬肉大舊啲就完美。白鱔 好有咬口，脆脆地幾特別既口感肥牛煲入味，牛肉夠嫩，送飯亦very good 豬扒 酸酸甜甜好開胃。西芹牛肉炒得有火喉炸物亦炸得不錯，係即叫即炸
繼續閱讀
您可能會有興趣的...