醉標無骨海南雞

營業中

休息中

最近疫情又嚴重左少少，買外賣返屋企食似乎係最穩陣。屋企附近最近開左間海南雞飯，人氣都幾高，新開張仲有優惠，我地買左一個海南雞飯同一個口水雞飯，兩盒飯加埋都係六十幾蚊，會唔會太吸引丫～我地等緊的同時都有唔少人幫襯，大概都因為價錢太吸引。我地拎住盒飯都行左差不多9個字至1個鐘先慢慢返到屋企，盒飯都仲暖暖地，打開個湯原來係椰子雞湯，好香椰子味，同埋唔會好油，因為我地咁晏返到屋企，Ｄ 湯都唔會有層油張住個口咁，個湯非常清甜。黎到盒飯，口水雞飯一打開已經好香，仲要都係油飯，正❤️口水雞飯個飯底有熟油加豉油，撈飯真係一流。同埋兩盒D 雞都好滑，就算我食胸位我都覺得幾好，呢個價錢有呢個質數真係無得輸。下次一定會再去👍🏻👍🏻😝

係附近上完瑜伽堂 經過比我見到佢嘅出現呢間可以話觀塘海南雞性價比之選係呢個時勢仲邊會揾到咁平嘅海南雞飯啲飯都多過人🍚🍚🍚肯定食到你飽飽仲要附送足料靚湯俾你飲係好好好香嘅椰子雞湯🥥🐔*❣️冇骨海南雞飯 $32舊舊雞都係有肉 唔係空心無肉啲雞都好嫩滑 食落無”鞋”口而啲雞皮好爽口🐥無雞毛最緊要無雞毛出現 證明佢地清潔啲雞雞處理得好好👍🏼仲要係無骨❕最岩我呢啲懶得lur骨人🥰🤤配埋佢地個醬汁食真係好惹味*❣️泰式滷豬手飯 $32豬手有極豐富嘅骨膠原蛋白完全係女人必需 必食💁🏻‍♀️係時候補充你嘅骨膠原蛋白最怕食豬手見到有毛毛出現🐖🐷成件事勁嘔心 會無曬食慾食唔落呢到出品嘅豬手飯係無毛 真係值得一讚保證你食到安心🫶🏻🫶🏻🫶🏻

「我們只做滑雞」呢間喺馬路邊嘅地鋪外賣店，望落去裝修簡單，見到佢呢句野，就想試吓佢到底係咪真係滑雞🐓✨✍🏻 /冇骨海南雞飯▪️價錢：HK$32▪️美味指數：♥♥♥♥♥親證真係滑雞嚟～平時我係唔食呢類嘅雞皮，今次可以連皮食！而且配有嘅秘製醬汁好好味，薑黃飯份量都好多，下次經過可以再買😋✨✍🏻 /泰式滷豬手飯▪️價錢：HK$32▪️美味指數：♥♥♥♥♡豬手滷得好入味，而且煮得好腍，但層皮仲係好有咬口。而且呢款醬汁同上面嘅冇骨海南雞飯係同一款，豬手份量望落以為唔多，點知食落好飽肚、好滿足㗎，推薦推薦🐖✨✍🏻 /泰式無骨鳳爪▪️價錢：HK$28▪️美味指數：♥♥♥♥♥啲汁酸酸辣辣，除咗無骨鳳爪，仲有啲洋蔥、蕃茄，係必試嘅開胃菜式之一。而且28蚊真係好抵食，去其他泰式餐廳未必咁平，可能6x蚊起跳🤤✨✍🏻 /楊枝甘露▪️價錢：HK$26▪️美味指數：♥♥♥♥♡行去到店見到呢樽野就想買嚟消暑！入面有幾舊真芒果，西米同袖子份量都啱啱好，算係足料嘅一款甜品。

疫情對大眾飲食習慣最主要既改變就係多左買外賣同在家煮食。協和街一帶食肆小店同麵包舖林立，當中好多間都係主攻外賣為主。星期日未到中午12點午飯時間，諗住早啲黎唔使等，點知店家已做緊好多單，仲有幾個客人企喺門口度等緊。價錢咁吸引，難怪咁多生意。新開張優惠價$32一個飯，如果無優惠其實都只係$38，咁平仲可以去邊度搵！啖啖肉泰式鹵豬手飯豬手既份量同肉既比例相對頗多，肉質軟腍唔癡牙，皮質黏糯有膠質，要補充骨膠原就岩哂！無骨海南雞飯雞肉真係嫩滑，雞皮爽口，個酸辣醬汁好好味，勝過唔少大舖！兩個油飯份量好多，肉量亦都唔少。加兩蚊仲有椰子雞湯，清甜無油，好飲之餘仲有湯渣紅蘿蔔同粟米可以食。叫飯餐真係飽肚又好味，見到佢鋪面個凍櫃仲有好大枝楊枝甘露，仲有小食餐牌，想下次試埋。咁平既價錢，但有咁高質素，真係抵到一個點！一定會推介比朋友同encore!

上次坐車經過見到好多人排隊今日放工就黎睇下係乜料原來新開店價錢超優惠！一個外賣飯餐$34有湯有飯當然價錢平只可以吸引人一次味道好先係王道咁多人排隊應該無伏今晚晚餐就試佢！要左兩個飯餐冇骨海南雞同泰式豬頸肉加椰子雞湯再加多個泰式無骨鳳爪$100有剩🤭🤭椰子雞湯偏清淡感覺無味精安心！海南雞有一款醬汁酸酸甜甜一樣可以配豬頸肉海南雞都幾滑份量都唔少仲有隻雞翼！雞油飯幾香加埋酸甜汁好下飯豬頸肉都唔會柴一樣有好多件冇骨酸辣鳳爪酸酸微辣仲有啲蕃茄當沙律食都得！整體都幾抵食做晚飯合格有餘！

收工行開觀塘見到#醉標無骨海南雞 ，是專門食海南雞嘅外賣小店，價錢又親民，於是買回家慢慢食😗。無骨海南雞，雞皮滑滑又爽口，冇骨啖啖肉，肉質嫩滑，點埋個醬汁一併食好惹味，同唔覺得油膩。泰式滷豬手炆得好入味，肉質夠淋又有咬口，配埋啤酒就十分之爽了。涼拌青瓜，清新爽口又健康。涼拌皮蛋，呢個係麻辣味，仲有醋同蒜味，好開胃☺️。
呢間其實好抵食，真係親民價平靚正之選。#醉標無骨海南雞 #海南雞 #豬手#麻辣#青瓜 #皮蛋 #觀塘 #觀塘美食 #協和街

👫之前喺新蒲崗食過醉標，估唔到而家喺觀塘有外賣店。$32有飯又有冬瓜湯，學生仲有免費飲品。性價比超高👍🏻👍🏻👍🏻。🔸冇骨海南雞飯 $32雞肉厚肉但超級嫩滑。雞皮爽滑唔肥膩，底下仲有一層膠原蛋白😍。油飯入口超重雞油香味，又唔會好油膩，仲有青瓜平衡下味覺。🔸泰式豬頸肉飯 $32豬頸肉煎得幾香脆，肉質爽彈，明顯食到香茅味。建議配埋附送嘅泰式香茅酸辣汁。📍醉標無骨海南雞 (觀塘)觀塘協和街161號協和大廈地下9號舖

同朋友係觀塘行街，就諗住去協和街買少少嘢食返家食，見到呢度海南雞飯只需要$32，加$2仲有椰子雞湯，好便宜呀，即刻買嚟試吓先，落單後仲好快有得拎外賣冇骨海南雞飯雞嘅份量都算多，性價比好高，入口嫩滑，仲要係冇骨嘅，配埋醬汁食，幾惹味泰式豬頸肉飯豬頸肉唔肥，肉質幾爽口，配埋醬汁食，幾有泰式嘅風味椰子雞湯飲完唔口渴，証明冇味精，仲好有住家湯嘅味道我仲見到小食都有好幾款選擇，價錢$12起都唔貴，下次可以再試

依家出街食飯好貴，已經冇晒幾十蚊晏仔依支歌仔唱啦🥲 不過今日居然比我喺觀塘度搵到一間食物高質、價錢好親民嘅小店，係海南雞嘅專門店，將會成為我以後嘅飯堂😆🎊一嚟到嘅時候就比依度嘅價錢嚇親，居然可以用$32嘅價錢食一個無骨海南雞飯，學生仲要送嘢飲，學生一族或者打工仔一族經過離買個外賣返屋企食，性價比超高😛而且食物一啲都唔馬虎，比我想像中有意外嘅驚喜，首先分量十足，一個男仔食到夠晒飽😁而且海南雞嘅數量都好多，店主一啲都唔吝嗇，鋪到滿滿的，加上海南雞嘅雞肉超級嫩滑，仲有特製嘅醬汁點住食💝 另外仲叫咗一個無骨嘅滷肉豬手飯，肉質同樣地好鮮嫩，非常入味😚最後要推介嘅就係依度嘅湯，完全冇落味精，超級健康😚✌🏻

某日放工去觀塘附近拎野，順便買個外賣返屋企食。見到有間標榜食海南雞嘅小店，見都有唔少街坊幫襯，價錢仲好吸引。落單唔使5分鐘就有得拎，好有效率，packing仲要好企理，飯同餸係分開放。🐔🐔無骨海南雞飯 - 入口啖啖肉，雞肉好嫩滑，油飯亦都整得好味，唔會太油淋淋。🐷🐷泰式豬頸肉飯 - 豬頸肉唔會太肥，肉質爽滑有口感，配埋個泰式醬，好惹味。🥜🥜例湯係木瓜花生雞腳湯，入口清甜，有住家湯嘅感覺。飯餐每個只係$32，質素唔錯，相當抵食，絕對係平靚正之選。

-🔸蒜泥白肉 $20🔸麻辣豬手飯 $32🔸泰式無骨鳳爪 $28🔸冇骨海南雞飯 $32🔸楊枝甘露 $26-收工買飯盒返屋企食，去咗街市買平靚正嘅海南雞飯，份量超足而且又好味，性價比超值。蒜泥白肉$20竟然都有十幾塊腩肉，底下仲墊有青瓜，香口又惹味，啱晒夏天食！無骨鳳爪亦有洋蔥、番茄、西芹，鳳爪有肉夠肥美。麻辣豬手好厚肉，炆得好稔又入味，送飯一流。海南雞飯冇骨又香又滑，配埋黃薑飯係絕配啊！最後再飲返杯楊枝甘露，排隊時見個個街坊都必買，果然足料好味喎！

今日行經醉標無骨海南雞，見d飯既價錢幾抵，只係$32，有肉有飯，仲送椰子雞湯或花茶。於是買外賣做晚餐😋1.泰式口水雞飯 $32 抵！雞肉幾嫩滑，好惹味，辣度咸度適中。油飯香，同口水雞一齊食好好味！2.泰式滷豬手飯 $32 抵！滷豬手好冧，又入味，膠質滿滿！😋😋一樣係配油飯😋不論口水雞定係滷豬手，都好惹味，唔洗點醬都好好味！3.益力多檸檬梳打、青檸梳打 跟餐+$10轉特飲好大杯，好解渴，岩哂夏天飲！😋😋😋

🐓醉標無骨海南雞飯行開附近見到有一間新開嘅海南雞飯，梗係試吓佢啦無骨海南雞飯 $32海南雞去骨啖啖肉，油飯份量正常，啱啱好夠一個人食雞肉厚身有雞味，肉嫩多汁，雞皮爽口唔油膩，仲有少少啫喱狀嘅雞油 油飯色澤夠黃，口感徧硬，飯粒分明，如果再多啲雞油香味就正醬汁係用泰式嘅酸醬，徧酸，夾埋雞肉就好惹味椰子雞湯 +$2好香椰子味，淡淡雞味，唔油膩蒜泥白肉 $20一打開個盒就聞到好香，份量好多，有12件左右同譚仔個啲唔同，呢間係偏厚身嘅肉質鮮嫩，唔會好乾醬汁食到有醬油、辣椒油、花椒油、醋、大蒜，好惹味1個人埋單$54呢個價錢來講有飯有湯又有小食，好抵食特別係小食全部都係$20-$30海南雞飯正正常常，以呢個價錢真係冇投訴

今日放工行落觀塘港鐵站途經一間只做外賣「只做滑雞」🐣的醉標海南雞飯😋晚餐🌛做緊特價全部飯餐32蚊🍛加2蚊包埋無味精中湯🥣真係超級抵食😋😋落單後唔使10分鐘就搞掂就係型✌️✅無骨海南雞飯（$33） 店長好親切極力推介招牌菜話係自家製👍雞皮色澤鮮黃肉質真係好滑， 又唔會太咸真係無骨連碎骨都無😍食得放心✅泰式滷豬手飯（$33）去⻣啖啖肉， 入曬味豬皮有彈性，少咸美味🤤✅蒜泥白肉（$20）滿滿一盤，調味微辣刺激🌶️肥瘦均勻有彈性，唔油膩✅涼拌青瓜（$12）瓜的本身肉質爽脆🥒入口卜卜聲，醬汁入味椰汁綠豆西米露（$16）勁大杯，應該有500cc, 唔太甜，用料勁豐富🧋大半杯都係綠豆同西米😍煮熟透，夠曬淋，降溫之選賣單只係114蚊咋🥰🥰 正宗 平靚正，CP值高 超值之選 👍下次要再試埋其他飯餐先

見到觀塘開咗間新嘅海南雞飯，主打外賣嘅，佢嘅海南雞飯賣緊$32一盒真係好平，所以忍唔住買咗一盒嚟試吓！🍴 冇骨海南雞飯 $32 (8/10)個份量都幾多，飯真係好多，雞件都有10小件，呢個價錢個份量真係好抵好飽肚。雞肉係冇骨嘅，肉質非常嫩滑，有雞味，雞皮都有彈性，連雞胸肉都唔會好鞋，個酸汁酸酸哋，好開胃好夾個海南雞肉，飯都有雞油香，不過就偏硬少少，但整體來講呢個價錢真係好高CP值，超抵食！🍴椰子雞湯 +$2 (7/10)椰子雞湯有椰子味，比較清淡，唔會好油膩，都幾香口，覺得加兩蚊都值得！推薦指數: 8/10超級推薦大家食呢個海南雞飯，真係好高性價比，又平又抵食又好食！