酸菜碰上魚 (明安街)

營業中

休息中

叫咗個濃湯酸菜魚外賣，個賣相圖文不符，酸菜完全冇味，個湯仲淡過譚仔清湯，魚片加埋10片都唔夠，加多四件豆卜响面，仲要$70，完全不值，真心話唔想中伏嘅話千祈唔好試

今日晏晝唔知食咩好，見到呢間外賣店嘅食評都唔錯，所以就試下買咗個金湯酸菜魚，因為見到其他食評話小辣唔係好辣，所以就叫咗中辣，配米線有驚喜喎，一打開就聞到好香，亦都有好多魚片，非常之足料鯇魚片係新鮮嘅，一啲都冇泥味，亦都完全唔腥，另外中辣我覺得其實係普通川菜店嘅小辣，唔算好辣，一般人應該都可以接受得到魚湯亦都好濃味，仲有好多豆卜，索咗啲湯汁，好味但係我同意其他食客所講佢嘅酸味唔係好夠不過整體嚟講68蚊係值得一試

喺紅磡逛街順便去咗間酸菜魚店，揀咗個金湯款，浸浸地一啖湯入口，酸辣得嚟唔嬲脾。魚片超級滑溜，軟腍得滋滋嘅，冇咗骨又冇咁多煩惱。肥牛嘅部分鬆化又扎實，同酸菜湯底搭晒，真係提升咗整體嘅滿足感。仲有一大堆薯粉跟住潜水，入口即溶，根本停唔到口！至於海蜇頭，清新爽脆，同埋啖啖黃瓜點綴中嘅爽 crunchy 聲，簡直太過瘾。相比之下，酸辣粉就普普通通，嗱，都算過得去啦。忍唔住又要讚下店家，服務態度好得嚟又大方，令人覺得暖笠笠嘅。下次想食平民又過癮嘅豪華晚餐，呢度一定係首選。飽餐一頓嘅午夜街頭美食之旅，你話豈不快哉？🍲🐟😋

有日行過見到間舖幾有趣，細細間賣酸菜魚但無堂食，又見到有幾個人等緊，阿姐一腳踢，一於試下啦。① 濃湯酸菜魚 大份 $128無諗過都幾足料，一打開見到勁多魚，小辣真係少少辣，亦唔算好酸，不過幾好味。魚肉夠滑，其他配料包括有酸菜，豆卜，芽菜同薯粉。② 水煮牛肉 細份 $58呢個叫細份就爭啲，見原本寫住配料有薯粉但呢碗無，我懷疑係落漏左！無左薯粉，呢碗野當然唔夠飽肚啦。味道除左辣都無乜感覺，而牛肉亦唔算多，稍為失色。③ 涼拌皮蛋 $28原價$38，跟主食立減$10皮蛋雖然有點貴，但好食喎，皮蛋溏心，醬汁開胃。最後想講下個外賣袋，望落幾靚，但放左兩盤主菜加個小食，我揪住果陣勁驚佢斷，最後都係托住拎。。。.望傳單見到新開張有做折扣優惠，不過要主動問阿姐先有比，唔緊要啦，呢間小店有啲甩漏，但都係幾好食既。

🐟今天来红磡拿东西，遇到了这家吃酸菜鱼的店被店面可爱的名字吸引！🐟门口的阿姨超级nice超热情，多聊几句还会给客人多一点分量！🐟和npy点了两人份的金汤酸菜鱼+肥牛再加上一份海蜇头🌟金汤酸菜鱼够味道！鱼和肥牛的分量很足，里面还配了薯粉豆卜酸菜芽菜，两个人吃到撑🌟海蜇头也很入味，还配了很多黄瓜，清爽的黄瓜搭配也不会很腻📍紅磡明安街5号（深水埗也有分店！）（位置比较少，主要是做外卖哦，可以带回家！）

📍 酸菜碰上魚 (明安街) (紅磡)紅磡明安街3號地下見到有間酸菜魚外賣鋪，岩曬我今晚返屋企食飯外賣翻屋企食。而且價錢唔貴，老闆又熱情，絕對值得一試😆👉 金湯酸菜魚(+25金錢肚)💰$58😋😋😋😋.5/5金湯係酸辣湯底，可以揀辣度，我揀左中辣，辣同酸嘅味道都幾balance，又唔會好油。佢本身仲要有勁多配料！有豆卜、薯粉、芽菜等，配料同魚嘅份量都幾多，魚肉無骨又嫩滑，金錢肚份量都幾多，食落唔會韌，爽脆彈牙😋😋👉 滕椒魚皮小食跟餐立減 10（細份可選一款、大份可選二款💰 ＄58(減10蚊)😋😋😋😋.5/5魚皮口感爽脆，麻辣味道刺激，好過癮，仲有好多芽菜係底，推薦！👉濃湯酸菜牛展💰58😋😋😋😋.3/5因為老豆完全唔食辣，就揀個唔辣既。濃湯好甜，鮮甜美味，牛展份量多，配料有豆卜、芽菜及酸菜，薯粉，老豆都好滿意呢個！回頭:yesyesyesl價錢真係抵食，大大份，仲要好食，愛了，佢仲有分店係深水埗😆😆#kermit食在紅磡

今日lunch係西九龍中心8樓買外賣，非常多選擇，見到呢間酸菜碰上魚，有啲想食辣野之際，就決定試下啦～我叫左個金湯酸菜魚（$58），加左$10套餐，可以揀白飯或紅薯粉，我就揀左紅薯粉，套餐仲有包左紙包飲品，可以揀菊花茶或檸檬茶，另外我仲加左個小食涼伴青瓜～金湯酸菜魚入面既魚份量都幾多， 仲有好多芽菜同豆腐卜，金湯湯底配搭紅薯粉都唔錯。而涼拌青瓜嘅青瓜非常爽口，涼伴醬汁味道適中，唔會太濃，但係又幾惹味～

之前見到都一直想試呢間鋪，今次買了一個酸辣粉（小辣），酸辣粉本身有一些固定的配菜例如：酸豆角，肉碎，黃金豆之類，配料食落新鮮，無油益味。湯飲落幾濃味幾舒服，好重蒜味，唔會有好強烈既味精感。薯粉亦都幾好食，唔會咬唔斷。係附近經過既話都應該會再買黎食，普遍黎講唔錯😋

紅磡街邊的酸菜魚小店 店面只有幾個座位 主要做外賣。主食有三種口味：金湯（酸辣）、水煮（麻辣）、濃湯（鮮香）點了水煮金錢肚，滿滿一大碗，配料超級豐富，有豆卜、芽菜、芹菜、木耳等。薯粉偏軟，入口即化。芽菜的份量很足，和薯粉大概是一半一半。湯底微辣，有少少酸味，味道很不錯。不能吃辣的人也可以嘗試金錢肚很大塊，一口下去很有嚼勁，幾種配料的搭配也剛剛好。不會很油。整體來講是比較可口的川味薯粉，好評。下次會再嘗試酸菜魚。

近年愈來愈興的食物，都應該係酸菜魚。除左魚片外，最緊要就係個湯。呢日黎開紅磡，經過呢間新開嘅「酸菜碰上魚」，老闆娘著力介紹店舖湯底，於是決定入黎一試，估唔到又幾有水準。酸菜碰上魚」嘅湯底可以按自己口味挑選，想唔辣可以揀「濃湯」，酸辣可以揀「金湯」，而愛麻辣可以揀「水煮」，然後再選魚／牛／豬等主菜，另外亦有不少涼拌小食。而呢日我決定試「金湯酸菜牛肉」（$68），套餐配有薯粉，然後再追加一份金錢肚（$25）。不愧為「金湯」，酸辣味美，十分開胃，配合芽菜、酸菜、豆卜等配料，口感豐富，味道濃郁。而個薯粉嫩滑彈牙，極有質感。由於個「金湯」湯底實在太強，於是我叫多左碗白飯（$10），更食出湯底味美，連同肉味濃厚的牛肉同埋軟嫩彈牙嘅金錢肚進食，呢日真係好滿足。酸菜碰上魚地址：紅磡明安街3號地下

好耐無食過 #酸菜魚，專登過去買翻歸加餐😋#金湯酸菜魚 $68 細份雖然話細份，但夠2個人食，啲魚片份食到最底都仲有！好滑，完全唔覺得腥😍仲有好多配菜，#豆卜、#芽菜、#薯粉，唔夠食，仲可以加個飯🍚#涼拌青瓜 $28青瓜夠新鮮、爽脆，辣辣地，好開胃！呢間除左食酸菜魚，仲有肥牛、牛肚、牛肉，可以揀埋唔同湯底😌#水煮 #濃湯 #金湯 如果有得堂食就正啦💕大家睇完記得俾個like，支持下啦💋💋💋繼續做個快樂的吃貨！

《😋晴晴港飲港食 #misshcfoodie 》呢日諗住食個輕食dinner去開黃埔行街 經過見到有酸菜魚食即刻坐低咗價錢非常親民有分唔同系列 分別係唔辣、酸辣同微辣🌶️唔食得辣嘅我梗係揀唔辣啦🫣叫咗個濃湯酸菜魚(細)$68 同濃湯酸菜肥牛(細） $58 仲有薯粉同豆卜做配料雖然揀咗細份但都好有份量😲湯底濃郁 生魚片都好嫩滑肥牛就肥瘦適中人均價錢: $60味道: 7.5/10回頭率: 7/10📍 酸菜碰上魚 (明安街) 地址: 紅磡明安街3號地下電話: 37047989

最近致力于在🇭🇰发掘社恐一人食的地方，来红磡吃了一家一人食酸菜鱼！酸菜鱼的味道跟内地很像，而且它们家人均只要50+hkd，太适合川菜脑袋来吃了吧！我跟朋友两个人点了小份酸菜鱼68hkd，鱼肉超级鲜嫩，酸菜也非常酸爽可口，还有浸满了汤汁的豆泡，可以炫完一整份米饭哈哈！还点了小份水煮牛肉58hkd，小份水煮牛肚58hkd，牛肉和牛肚一吃就知道是新鲜的！牛肉大片，牛肚有嚼劲，配上红油汤汁，香迷糊谁了我不说～小份也就是一人食的量！一个人吃完全够够的～可堂食可打包，味道都超级川渝风味，够辣够正宗！小份里面包含一份红薯粉，不想吃红薯粉的还可以转成米饭哦！🌟店名：酸菜碰上鱼（红磡）🌟地址：红磡明安街3号地下（港铁红磡站）在🇭🇰社恐又喜欢吃川菜的友友真的可以来试试这家川式水煮店！

紅磡出名美食多，今晚係酸菜碰上魚買外賣返屋企食幾有驚喜！湯底可以揀濃湯/金湯/水煮，肉類有魚，牛，豬等，可以自由配搭，仲有啲小食添金湯酸菜魚$68水煮魚$68 涼拌皮蛋$38 酸辣粉$28水煮辣度有得揀，我揀少辣都幾辣又幾過癮🙈望落全碗紅噹噹好彩唔會過份油膩，有5舊大豆卜超索味，爽口芽菜木耳，而魚片配酸菜湯係好夾，薯粉仲好多一定夠飽，另外加咗$8萵筍，均衡啲😙酸辣粉同平時食嘅味道差不多，用嘅薯粉係幼身好滑溜，皮蛋有蔥蒜香味，份量多，抵食😊

行過紅磡嘅川菜買份外賣同屋企人食。價錢唔貴，份量比我哋想像中多好多。濃湯酸菜牛肉（大）$108+ $15 木耳濃湯酸菜牛肉大份到不得了，大概足夠4人share食。濃湯唔辣但好夠味，亦都唔會太油膩。牛肉、豆卜吸收晒濃湯嘅甜味。牛肉有咬口，都幾有肉味。$15嘅木耳好大份，本身以為得幾朵。性價比超強高。涼拌金錢肚$48 金錢雞好彈牙，香辣惹味。亦有唔少芽菜墊底。白飯$10 📍酸菜碰上魚 (明安街) (紅磡)紅磡明安街3號地下