酥妃皇后 (蘇杭街)

營業中

休息中

酥妃皇后都算係我地口袋名單之一，開張時鋪天蓋地宣傳，但九龍城店令我倆有啲卻步，又聞說高峰期要排隊排好耐呢。等到人地開到上環，我終於食到了。老實講，我又唔覺得一個蛋撻要令到我即使好唔方便都要狗衝，食完亦都覺得冇乜理由要再試。上環店門面亮眼，玻璃窗展示左當日供應產品，蛋撻有原味、芝士、榴槤三款，此外亦有例如牛角酥、果味方酥等，定價$10-18。店內有個小企位，可以立食，擺放左清水、紙巾，幾貼心。我地當然係即食。原味蛋撻 $10以蛋撻黎講，都算係貴貴地，普通麵包鋪我諗都仲係賣緊幾蚊個。聞說酥皮由人手製作，以368層酥皮作為亮點。當日蛋撻都出爐一段時間，溫度暖就講唔上。蛋撻都幾墜手，size比一般嘅大隻啲。但酥皮入口冇乜特別，又唔係香，又唔係好酥。蛋香亦係一般般，勝在滑溜。撻底軟奶奶，很薄身，一拎上手已經散開，而且略油。唔覺得有傳聞中講得咁驚為天人，就好似屋企樓下隨便一間麵包店如果新鮮出爐都做到咁上下質素。

榴槤蛋撻 ($18)一定要推介給各位榴槤控‼️☺️雖然賣相好像不是太討好 但味道實在沒有甚麼可以挑剔😳酥皮層次分明 厚薄平均 不會吃到滿嘴油 口感又夠鬆脆👍🏻😋重點是😳內藏很多很多...榴槤肉‼️😍而且甜度剛好 真的一試愛上🤤-吃到一枱都是酥皮碎😳...幸好店裡還提供大量紙巾和水🙈哈哈 讚!!!

在7月頭，跟同事幫襯上環蘇杭街的韓式小店 Smile，見到對面 Check Check Cin 隔離，即將開一間蛋撻店 <酥妃皇后>！令我很期待啊！ 9月中經過，已經開業！原來這間酥皮蛋撻店 <酥妃皇后> 由藝人黃寶欣開設！ 在九龍城已有總店！店子以「傳承是對情懷的尊敬，創新是對時代的掌握！」主打368層的酥皮蛋撻，每個蛋撻份量十足！店內放滿酥皮類及蛋撻，口味不單調，而且很多元化！蛋撻分兩類，熱撻及凍撻，熱撻類要買兩個才會供應透明膠盒！否則，買一個只會用外賣紙袋盛載！ 水果撻是凍食的，凍撻以精緻的金色紙盒盛載，就算買一個也會供應紙盒！只要向女店員說出要多少個及什麼撻或酥皮類，便會立即拿出來包裝好！衛生又有效率！原味蛋撻 $10充滿牛油香的原味蛋撻， 蛋撻都幾大個又聚手！368層的酥皮厚度超過1cm，食到酥皮碎四散在桌上！ 烘焗後，撻底變得很薄！盛載的蛋漿豐盈嫩滑，甜度剛好！榴槤蛋撻 $18原來榴槤撻選用鮮奶餡配上榴槤蓉，真材實料！鮮奶餡與榴槤蓉的配搭恰到好處！令人一試愛上！撻身鬆化，一咬開即四散！內外兼備！鮮奶撻 $12鮮奶餡剛剛夠甜，滑不留口！撻身鬆化

嚟到九龍城梗係周圍試下啲新嘢食， 見到間幾靚嘅麵包舖， 望一望 。原來之前電視介紹過黃寶欣開嘅蛋撻店 ，見到佢有好多款蛋撻 有芝士，有榴槤，有原味，個人都係鍾情原味蛋撻買一個試下，比平時間嘅size大, 十蚊一個 ，即場食 ，熱辣辣好正 ，值得 encore， 另外有好多款唔同嘅牛角包，我買咗菠蘿牛角包，朱古力牛角包 ，同埋迷你朱古力牛角包， 迷你朱古力牛角包 ，細細粒，有半邊度係朱古力好食， 另外一個大朱古力牛角包， 個樣好靚，面頭有啲脆米朱古力，裏面好似有啲朱古力醬咁 ，菠蘿牛角包都好食 ，不過好似唔係好夠甜 ， 整體嚟講係好食嘅， 值得一讚係所有牛角包都好脆， 而家喺出面好少食到脆嘅牛角包

無意中得知這店開了分店在上環， 而且知道唔駛排隊就可以容易買到， 真係開心。 來到時大約6:30pm, 沒有客人。 店員好親切， 我今日target 係蛋撻，要了原味蛋撻，鮮奶蛋撻，同榴槤蛋撻，店員提我要多一個就有個盒， 我話唔想買咁多蛋撻，佢就介紹我要紅豆酥，佢話唔會太甜，所以我就買左個，佢就比多個盒我。最深橙色係傳統蛋撻，比較黃色啲係榴槤蛋撻，最白的是鮮奶蛋撻。食前我放蛋撻在焗爐翻熱，一陣就聞到香味飄來， 酥皮真的很脆但最好的真是不感覺太油,我不食榴槤撻的，家人食了就覺得好好食，我看到亦有頗多榴槤肉。相信如果新鮮出爐時一定更加好食。Packing 亦很靚。

經過蘇杭街見到一間裝修勁靚既餅店，忍唔住過去八掛下除了凍餅還有好多產品，外表非常吸引由於已經是放工時間所以蛋撻數量不多了，因此還未肚餓所以買了一個榴槤及芝士蛋撻回家慢慢品嘗其他店內不設坐位，不過亦可以選擇購買後站左店內享用。值得一提的是，可能當日員工比較攰，欠缺笑容及態度讓人感覺一般。話說蛋撻包裝非常安全，不用怕買回家後碎掉。味道方面可能期望太高，其實比較一般，榴槤蛋撻味道不錯，食到一絲榴槤味，不過芝士蛋撻就比較失望了，芝士味比較淡，而且蛋撻皮亦感覺沒有什麼特別，可能熱食會比較好吧。

住喺呢頭附近，一直行過見到個鋪頭裝修緊，比個紙板吸引寫住「蛋撻皇后」，傳聞嘅酥皮係用368層酥皮去整，就一直好期待，日日喺度等睇下佢幾時開，好想知道點樣好食法，講到喺九龍城好出名。前幾日放工見到佢著燈，知道佢終於開咗啦，但係因為放工7:00嘅時候已經冇乜餅淨，佢櫥窗啲牛角包啊，西式餅撻，都好吸引好靚，但係我一心係為咗個蛋撻以黎，想食蛋撻嗰啲就買唔到，得返西式酥餅，所以就敗走而回。死心不息一定要食到佢嘅蛋撻，終於有一日lunchtime嘅時候路過，即刻走去買，仲喺餐牌度意外驚喜見到有《榴槤蛋撻》，簡直令我興奮，即刻好好奇好想食！！買咗一個榴槤蛋撻同兩個原味蛋撻，包裝得好穩陣。原味蛋撻傳聞個酥皮有368層，食落去真係非常鬆脆，果然名不虛傳，蛋心非常嫩滑，仲有陣陣既蛋香，真係好好味！！到我最緊張嘅榴槤蛋撻，蛋漿甜度同榴槤好夾，入邊仲有少少榴槤肉，加埋個鬆脆嘅酥皮，令人好有驚喜！！一定要再encore，下次會買啲俾同事食。

剛嘆完冰廳，行出門就見對面新開酥妃皇后，櫥窗望入去滿滿放著各款酥皮甜品...除咗熱撻，仲有凍撻...望見佢賣相特別精緻，同事已經諗緊，下次萬歲，一定要揀呢間嘅撻～響鋪頭裏裏外外行咗一圈，睇樣樣都想食，非常吸引，但係啱啱嘅下午茶餐經已食到好飽... 點算好呢... 同事仲話今日開始減肥添...👉🏻👈🏻個酥皮又非常吸引喎...👉🏻👈🏻... 唯有... 一個兩份啦~就係咁樣，我哋唔理周圍旁人嘅目光... (其他客人都係10件、20件咁叫)... 我鼓起最大嘅勇氣... "一件牛奶撻丫唔該～"... 店員唔知有心定無意，大大聲聲講，呢位小姐要一件，俾咗佢先，唔好要佢等咁耐... 其他啲客人幾十件有排搞...😅實在太多謝，呢位店員，對我嘅細心，無限感激...😂

早幾日經過上環，咁啱見到酥妃皇后新店試業，即刻入去買番幾個老婆摯愛嘅榴槤蛋撻返去俾佢食，自己就食原味。貫徹佢地水準，酥皮鬆化，比傳統酥皮制法好食，連我呢個只食餅底蛋撻既人都鍾意食。以後仲方便我唔使去到九龍城咁遠先買到。