酥妃皇后 (蘇杭街)

營業中

休息中

酥皮蛋撻 $10酥皮做得唔錯 但蛋漿蛋味比較淡酥皮鮮奶撻 $12比蛋撻更好食 好有奶香味加埋個酥皮 酥香奶濃 Good combination抹茶芝士軟心撻 $15撻比較細個比較似乳酪味食完一個唔會好膩抹茶味一般

比起一般蛋撻大個，酥皮食得出很多層次夠厚， 唔太容易碎，食一個就好飽，反而蛋漿方面略為遜色，沒有蛋味，比一般蛋撻嘅黃色唔同佢係偏橙色嘅，唔知係唔係因為酥皮嘅油令蛋漿有一浸油味，蛋撻質素一般般。鮮奶撻酥皮一樣厚，奶漿有比蛋漿好，但奶味都係唔夠重，唔會話好甜，整體來講一般。兩個撻只有酥皮做得好，下次可能只會揀食佢哋嘅蝴蝶酥🙃大食女仔表示，如果冇咩意外都應該唔會再食，可以留返個quota食好啲😆😆😆加上職員態度真係唔得，黑口黑面，基本禮貌都冇，更加唔會有想再幫襯嘅念頭。

《 唔係我手大，係真係撻細⋯⋯》最近去上環聞逛，經過哩間餅鋪比佢地一系例嘅撻吸引左眼球，於是就買一個試試～🔺流心奶黃芝士撻 $15$15 細細個撻就有小小貴，話就話係奶黃，但食落一啲奶黃味都食唔出，比芝士味蓋過曬，撻皮亦無特別鬆脆。可以話呢間試一次就夠～ 

也是反後路過這家 Bakery, 主賣 Tarts, 有正常味，牛奶味，芝士味，朱古力味及水果味等，買了正常味及牛奶味，回到家裡過了1個半小時，撻的熱度當然下降了很多，但皮的鬆化程度仍然很好很好，撻心的張力仍很足夠，正常味的色澤黃，不太甜，蛋味極濃，牛奶味的更棒，濃奶配超甜是天生一對，就像燉奶一樣，只不過是焗而不是蒸，這裡的蛋撻比較大隻，比外面的大了約 10%至 15%，店面新潮有水準，店員有穿 Bakery 圍裙，地方乾淨，出品的顏色配搭很好看。总體而言是一定要來試試的撻店。

買左幾件撻番屋企，有口福啦～以新式甜品店來講，價錢方面都算合理，每個$18我最鍾意佢嘅水果撻，藍莓，草莓同水蜜桃凍撻嘅吉士都好夾，水果又唔少，撻皮都鬆有牛油味，$18係值嘅，所以我一半都係買水果撻手工藝撻系列我今次就買左焦糖果仁，蘋果金寶同朱古力脆米酥撻焦糖果仁撻有腰果同杏仁，脆口又唔會過甜，又係抵食！蘋果金寶撻主要食到面嘅曲奇，同平時嘅apple crumble有啲唔同，不過不失朱古力撻麻麻地，其實就係食早餐麥片最後嘅北海道麻糬芝士撻，芝士味唔係好濃，同埋麻糬冇我想像中咁煙韌，所以都係食一次就算

普通蛋撻唔錯，個皮幾靚，味道夠香名甜價格平， 咁啱撞正新鮮出爐，夠脆夠熱😋芝士系列普普通通，餡料有芝士味，不過朱古力味pat cream有啲好粉既感覺🙄個皮又唔係穌皮又唔似曲奇皮建議大家淨係食普通撻就ok，其他唔洗試

Sheung Wan 上環• 酥妃皇后 🥧📍上環蘇杭街2-24號啟豐大廈地庫5號舖➰當初老闆娘想透過創業為自己建立自信，開始人生第二階段，而蛋撻是香港小食的代表，亦是香港人喜好的下午茶，故開了酥妃皇后一店。酥皮是酥妃皇后的招牌，師傅將兩吋厚一共368層酥皮底搓成撻杯，全程人手打造，重拾五、六十年代，講求手工的文化，不愧有信心地標榜自己為「香港最強蛋撻」，值得支持💯➰原味蛋撻 $10 🥧鮮奶撻 $12🥛原味軟心芝士撻 $15🧀黑糖麻糬芝士撻 $18🖤蘋果金寶酥撻 $18🍎朱古力脆米酥撻 $18🍫➰除了酥皮蛋撻，其他撻款同樣出色，而且好吸晴👀 蛋撻勁滑，好重奶蛋味👅 蘋果金寶和朱古力脆米是小編最愛，較喜歡撻餅香脆的口感❤️ 芝士撻系列，酥妃皇后加入乳酪，令整體不太易膩，黑糖麻糬煙韌，不錯☺️食完lunch可以買個做下午茶，做散水餅也是不錯的選擇🥰➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💫💰 抵食：🌟🌟🌟💫📌 Instagram: penguinn_lifestyle

久仰大名上環「酥妃皇后」的酥皮蛋撻🥧，主打其蛋撻有368 層酥皮，所以其價錢有人說有點離地，但十蚊一個蛋撻的便與貴好視乎個人追求。原味酥皮蛋撻（HKD 10): 酥皮何其酥化，會用化黎形容是因為碎屑比較多，牛油🧈味非常出，酥脆酥脆，蛋味濃，蛋比較實在不是動L狀態，呈深黃色，用上大蛋🥚整體配合度好高，好出色。重點一提：不是買完即食，但沒有出倒汗水之餘還保溫程度不俗。總結：酥皮香脆酥鬆 蛋味牛油味濃喜歡酥皮蛋撻的朋友不防一試

女朋友成日都話蘇菲皇后好好食，但係一路都冇經過上環或者九龍城，所以都冇機會試吓今日仲有機會去上環做嘢，特登兜去買舊芝士撻同女朋友食超多味道嘅芝士撻任君選擇，最後簡左綠茶芝士撻同咖啡芝士撻<綠茶芝士撻$15>蘇菲皇后嘅酥皮偏牛油皮口感，牛油味超重，所以就算唔鍾意酥皮嘅朋友仔都可以一試個痞其實真係幾好食，酥脆得來牛油味好重滿足到鍾意酥皮嘅朋友，又滿足到鍾意牛油皮嘅朋友綠茶芝士撻芝士有少少留心，綠茶味令到成個餡味道好Fresh，個撻整體來講好食，但係份量真係細咗啲有少少貴

誤打誤撞黎到呢到....超好食芝士撻芝士係勁軟熟少少流芝士味都濃出面好多都一舊硬硬的芝士不過個tart好涷如果係熱辣辣就更正而且個收銀姐姐態度不是太好希望可以改善下

食完麵尊，俾隔幾間舖的酥妃皇后吸引了眼球。佢地嘅撻果層烘到焦糖色厚厚的酥皮，令人食指大動，即使飽到上心口都想食返個。排左陣隊，無晒原味蛋撻，有點失望，但見到呢個焦糖果仁撻，都非常吸引，令人想起台灣手信名物堅果夏威夷豆塔。$18一個，就試吓佢。買呢個撻都好，唔駛趁熱食，可以留返落左格後配返杯黑咖啡一同享用。個撻果仁種類豐富，目測有腰果，杏仁，碧根果仁，開心果，夏威夷果仁等，一咬，不得了！果仁香脆，撻皮酥脆，中間有一層似椰撻的餡，三重口感。焦糖味不強，但果仁的強勁香氣和無比鬆化的酥皮已經贏晒。一件普普通通的切餅都賣$30, 呢個塔$18, 性價比很高。價錢合理，味道又好，買嚟做散水餅，不損荷包之餘，應該會得到同事的祝福😁

夜晚六點幾，未到食飯時間想搵少少嘢醫肚， 就諗起附近有間蛋撻好出名，於是行過去望下 。本身想買原味蛋撻 ，但係去到已經賣曬 ，於是就買咗個榴槤酥皮蛋撻， 因為我想試下佢嘅酥皮有幾好食。一行出門口， 就忍唔住食咗。個酥皮做得好好呀 !食得到有好多好多層，而且好鬆化， 有好香牛油味 ，但係又唔覺得油膩，個餡方面，榴槤好香仲食到有榴槤肉，好正! 呢個榴槤蛋撻真係超級好食呀 ! 我買嗰陣得返兩個，我估都係搶手貨之一 。下次想食原味蛋撻， 應該要早啲嚟買啦 。食到個咁好味嘅酥皮蛋撻，真係好開心好滿足呀，哈哈!

講到幾好食都係假，當然要親自試吓！$10 一個蛋撻，絕對不平。一拎上手凍嘅（失敗）講真，酥皮一般，沒有講到那麼利害，幾多層亦不外如是。蛋味亦很一般。本人覺得就算撞不到新鮮出爐，起碼都試吓怎樣保温啦！這是誠意吧！

讓我一再回購的酥妃王后甜點小分享篇：.1️⃣酥皮雙層芝士蛋糕（$36/1件 $188/一個）作為一個芝士愛好者，這件入口即化的王牌級甜點完全是我的菜，太合心意了！香脆美味的千層酥皮融匯在猶如軟雪糕般口感的烘焙奶香芝士蛋糕中，幼滑質感滿分！.由於太過回味，後來我訂購了一個完整蛋糕送給家人，雖然店員有詳細講解大蛋糕需要先解凍，可是即使已解凍幾小時，蛋糕質感也較切件蛋糕冰硬，難以砌開。雪藏味略為明顯。建議有興趣購買整個蛋糕的人，可以先跟店員聯絡，直接購買已解凍的蛋糕🍰...另一次是公司下午茶時間。我先後試了圖中的右上和左上兩款。2️⃣左上：金寶蘋果撻$18酥皮蛋撻底上鋪滿厚身酸甜蘋果餡，一份很飽腹的下午茶喔。.3️⃣右：朱古力脆米酥撻$18超濃郁的朱古力脆卜卜可米，牛油酥皮萬歲，朱古力萬歲！

說話呢間餅店真係好好食！我試咗佢呢兩隻分別係 原味酥皮蛋撻招牌的同原味蛋撻！呢度嘅蛋撻係用酥皮，聽講佢哋係有多達368層!!，一拎係手發現真的很大一隻酥皮很厚，入口很鬆化有層次，有牛油味超級正，這個水準的酥皮真的好少食到， 而且蛋味亦很濃，買的時候已經出爐一段時間，但沒有滲出水分，甜度剛好。 另外，楓糖雜果仁蛋糕酥撻鍾意食堅果的朋友一定要叫佢！同樣是很大一個，酥皮做底，中間有一層杏仁蛋糕，頂層是包括核桃，杏仁，腰果等很多堅果，每顆都沾 滿了麥芽糖和楓糖，吃起來口感和味道都很豐富。 女朋友吃了令巧克力上面這兩款，而我試過覺得很熱情水果撻覺得係最好食！堂食的話有幾個企位，店舖會提供水和紙，好細心！除了上面提到的，還有自製手打棉花糖做成的綿綿心太軟撻，各種水果酥撻，軟心芝士撻等等系列，款款望落去都好吸引。行過嘅朋友一定試下！