酒虎詩龍

營業中

休息中

開瓶費收180蚊一枝，我帶咗2枝酒，第二枝飲吾哂，問職員攞返個酒塞，佢話掉了，仲話"我點知你會飲吾哂"，豪無悔意最後仲話咁我幫你揾下，因為開放式厨房嘅關係，睇住佢摷垃圾桶，攞咗一個擬似酒塞出黎，諗住俾我，點解服務可以差到咁

天后一向出名多嘢食，無論想食咩款嘅菜式都可以喺嗰度搵到，如果日就比我上網撳撳吓撳到呢一間餐廳。第一個吸引我嚟嘅，係佢嘅麻辣西瓜，起初一睇以為係嗰啲東北小館，點知一嚟到原來發現係一間型格小酒館。個名好有霸氣，至於點解自己去睇。食物款式好多，由前菜、串燒、主菜去到澱粉質，各樣都有。至於酒方面，主力清酒啤酒，都係日本貨仔居多。當日食咗好多嘢重點推介，麻辣西瓜、香甜燒粟米同埋鹹蛋黃燒飯團。粟米炸完之後有一種焦糖嘅感覺，上面再加咗一啲粟米片，食咗佢全家😂🌽，起初以為鹹蛋黃飯團會好滯，點知一條食落去，非常香，入面應該加咗紫菜，所以冇咁油膩，上面仲有一個火炙特別醬汁，食完一條再想食多條。鍾意食乳鴿嘅，記住嗌返一個，打卡able，再加埋陣陣薰衣草同埋用木熏香嘅味道，聞吓都覺得正。其餘菜式亦都喺標準以上。😋: 8.5/10.🏠： 酒虎詩龍 💵： ~HKD 1000 pre head

終於去左試呢間港式居酒屋，見D朋友試完都話好味。我開頭以為D野細細碟食唔飽喇，點知叫下叫下叫多左，最後食到好飽，飽到試唔到D甜品。首先我超鐘意個麻辣西瓜味道配搭得好好，唔會好辣。個雞貝仙貝好脆，未食過D雞皮係咁樣壓平既一塊。是日推介有個陳皮西洋菜汁生蠔，好味又特別。個流心咸蛋燒飯團味道係好既，不過一夾就散，同預期唔同。酸菜魚係細細舊既，個皮脆脆，魚滑，口感幾好，但唔係好酸。燒白鱔係事頭婆推介，的確唔錯。咖哩魷魚比較乾身，唔係食開好多汁個種，入面仲有2舊魚片頭。我仲有嗌左門封柳多士，串燒豬頸肉，雞腎同芽菜沙律唔記得左影相。我下次要試埋乳鴿，叉燒，燒莎莉蛋糕同燒菠蘿伴雪糕。我帶去既朋友過左2日又帶佢D朋友去食，都話好高質好介紹👍我之後先發現佢地社交平台會更新 secret menu, 原來近排係煲仔飯呀下次會預訂埋，同埋留意番社交平台佢地會不定期休息，唔好摸門釘。題外話：係社交平台睇到原來牆上既圖案係MC仁畫架！

第一次黎呢間小店食好多款菜式都好特別最鐘意麻辣西瓜、焦糖牛油燒粟米、煲仔飯、牛舌心、牛多士基本上都係心思菜式果汁好飲 清酒配串燒一流我地3個大人2個小朋友每款都岩小朋友食麻辣西瓜：甜甜辣辣好特別 焦糖牛油燒粟米：脆脆外層有口感，一上枱即清要再加單燒白膳：肥美新鮮，無腥味！好食鹹蛋燒飯團 ：燒的飯團外脆內軟 又係一上枱秒清臘鴨煲仔飯 ：廚師上枱後幫我地倒豉油，然後再焗一焗，打開見到臘鴨碎上無骨，已經覺得佢地好細心，平時出去食煲仔飯一定唔會食臘鴨，因為有骨。

蘇拉過後嚟咗呢間新開嘅fusion小店慶祝生日餐廳幾有特色仲有MC仁嘅graffiti wall 加持為餐廳添上幾分潮味食物方面，佢哋加咗好多港式元素例如串燒會配薑蓉飯團上面加鹹蛋黃配搭都幾新鮮幾夾仲有麻辣芫荽西瓜我自己幾鍾意幾特別我自己特別喜歡佢嘅串燒同埋小食雞皮包雞肉串燒最好味啲雞肉好滑燒雞尾燒雞皮呢啲都好味麻辣鴨舌，雞蛋薯仔沙律，雞皮先貝，墨魚腸，燒牛舌芯，呢啲前菜都唔錯，前面都食得好開心，我哋全部都大贊一番。反而去到後勁，有少少失望好期待嘅薰衣草煙燻乳鴿反而唔係想像中咁juicy 同香味道亦都偏淡仲有幾款要預留嘅餸菜都反而一般「燒大沙蜢配冬菜唐芹醬西班牙黑毛豬叉燒香水檸檬油甘魚鮫鹽燒雲南繡球菌 」預留咗呢幾款特別係燒大沙蜢最失望，口感好乾好鞋，唔知係佢燒得失手定係係咁西班牙黑毛豬叉燒比較鹹同埋切得太薄，我本身好鍾意食叉燒，我自己鍾意食有啲口感咬口嘅叉燒，呢個就唔係我平時鍾意個款。去到最後嘅燒莎莉蛋糕配薑汁雪糕，佢又挽回番我哋嘅喜愛呢個配搭幾好味，薑味雪糕幾特別。所以感覺上好似唔使特別order佢講嘅Special反而佢Menu本身自己嗰啲嘢食仲好食😂Overall, 整體嚟講感

朋友食過推介比我話呢間舖頭幾特別,d嘢好好食, 咁啱同幾個朋友飯局所以嚟呢度試一試, 入到去裝修格局好舒服,覺得佢每道菜都好精緻,細細碟, 所以可以叫多幾樣嘢試, 真心推介： 燒鱔（未食過咁好食嘅燒鱔）,雞皮仙貝, 燒聖子（好嫩滑）, 焦糖粟米脆脆, 燒馬友, 口水西瓜,自製蒜蓉辣椒醬炸豆腐,每樣嘢都feel到廚師用心製作, 完全唔同一般居酒屋, 每味菜都有驚喜, 其實本身我個人唔係幾鍾意食居酒屋, 覺得食來食去都係串燒,但食完今次食完呢間港式居酒屋, 覺得會再encore 和推介比其他朋友👍👍

地方寬闊乾淨，職員用心講解，食物不同一般居酒屋，完全感受到誠意作品：乳鴿載入滿滿香草和薰衣🪻以石鍋逢上；腐乳麻醬生菜，會找到每一層生菜都有醬並非敷衍在面層塗上，其細心令食客不禁多要一份！烤雞翼皮脆肉亂沒有令肉過車；咸蛋飯團不是🍙而是輕壓成長條，熱飯上鋪上咸蛋醬不咸不膩。我們沒有叫串燒海蝦，但坐近廚房從玻璃望入去見主廚灑鹽時，非一般串燒店職員從食物上方狂灑，只見主廚在海蝦在爐上烘烤期間續一細心將適當鹽分加上，可見其誠意及專業！希望日後食客多了之後，仍然不忘如此以誠意製作食物、以專業營運此類本地居酒屋！

高樓底格局配MC仁嘅graffiti 舒服嘅餐椅加上疏落嘅擺枱，從來冇諗過居酒屋可以係咁，今餐由香炸鰻魚骨/麻辣西瓜同涼拌大豆芽菜揭開序幕，經親切年青嘅侍應介紹，就叫咗以下菜式：1雞皮仙貝, 有健身朋友食咗之後都唔知道係雞皮，好食到前後叫咗5客，2雞尾/雞腎/雞皮/雞脾肉同雞皮雞卷串燒，雞！全部都係雞全部都係雞……水準之上，3薰衣草乳鴿，用瓦煲上，一打開蓋煙熏味超香，乳鴿好嫩，唯獨是有些近骨嘅地方，生熟度可以控制得好啲，4叉燒配蠔油豆，朋友們一粒豆都幫佢清晒就知幾受歡迎，5燒白鱔，新鮮白鱔燒得皮脆肉滑，配埋個秘製陳皮豆豉汁，絕對係今餐飯嘅高潮位，6冰鎮花竹蝦，配特製嘅辣椒豉油，味道超有驚喜，7牛舌芯厚切得來非常彈牙，食落有啲淡口但加咗辣粉同海鹽之後味道升了幾班(又袋錢落廚師袋添😬），8燒烤莎莉蛋糕配薑汁雪糕，蛋糕表面小道好似厚多士咁脆，真係好食到要講聲:莎莉唔該晒！

行過清風街，首先被個門牌個名吸引咗，好有心思改呢個名！舖面－眼望落去，好簡約既裝修。但兩邊牆上卻有好多手繪圖畫同好妙筆生輝既詩句！最特別係佢哋招牌嘅圖案嗰2條龍。主要係第一眼被佢吸引左入去探店！門口還有好多花牌，估計新開張吧。安排坐底之後，望下餐牌，還是叫侍應推介俾我有乜廚師推介。 八卦之下問吓個侍應舖名點解咁得意，原來佢唔係侍應，係老闆娘。佢話個店名係－首詩詩嚟。 比喻嗜酒善飲、才高能詩的人。嗯！好特別。 食物方面，老牌娘特意推介我食佢哋個燒鱔，話每日廚師新鮮入貨，唔脆唔揀，叫我食鱔嘅一定要試。我話我係魚怪，跟住佢又介紹我試咗個立磷燒馬頭魚配酸菜魚底。好我又試埋。 跟住點了至愛乳鴿同幾款唔同既串燒試吓。 由於店舖新開，大致上由外觀到服務及食物都感覺唔錯。老闆娘話會陸續增加更多有別一般串燒店內有既特式串燒。 下次等我再去探店先。