達濠仔

營業中

休息中

因為太喜歡食內臟，所以成日幫襯正街呢兩檔潮州粉面。呢間貴啲，個碗大啲（分量唔係），芽菜靚啲、個湯辣啲。佢嘅水準不穩定係最大問題，牛有時稔有時好硬，粉腸有時好苦，份量有時多有時少。試過食完要買多個飯盒。魚皮餃成日都無。成日標榜啲丸類好好好好，其實只係好少少，丸類係性價比低嘅！個阿姐成日落錯飲品，我已經遇到連續兩次。我知道你想賺多幾蚊，但係呢頭係做街坊生意，老實啲好。我以後嚟食豬雜湯係唔會再叫嘢飲。

同老公經過正街，被門口的「潮州腸粉」相片吸引了，老公是潮州人，他說潮州腸粉就是這樣子，已好耐無見過了。於是入去試下。潮州腸粉（$31）的粉皮薄過廣東腸粉，餡在面而腸粉在底，餡料豐富，有蛋、冬菇、生菜、冬菜粒和蠔仔（+$5），汁料不單是豉油。好好食。老公說一定要試試達濠魚丸河（$33）。魚丸大粒彈牙，我覺得魚丸和湯的味道都偏淡，但老公話正常，同少時食的一樣，覺得淡可加魚露。我則叫咗碗蠔仔粥（$51）。蠔仔漲卜卜，數量不少，湯汁鮮甜夠味。整體好滿意，下次再來。

這次先點了牛筋,魚蛋,魚卷三併米. 魚蛋彈牙,較外邊一般粉麵店稍勝一籌- 老細說是潮州家鄉即打後運落嚟. 值得一題乃嗰幾滴自家制䓤油,以䓤頭京䓤切絲並在豬油熬製數小時,在本已中上的粉麵收畫龍點睛之效,心機野值得一讚！另外也試了腸粉,加了幾蚊蠔仔. 潮州腸粉幾特別,內有生菜雞蛋豬肉冬菜等,惟腸粉皮可再煙韌些（ 非戰之罪 -題外話個人認為所有香港腸粉一般都比廣州遜色,不知道為何沒有口感,可能是米的問題,下次問問D高人）

平日行過, 呢間鋪平日總係好多人排隊, 這天晚上見唔係好多人就試下叫外賣. 腸粉看來是這裡的特式推介就要了一客, 另外點了個一個三餸河粉. 拎走外賣時, 見有堂食的客人吃剩一大碟腸粉, 心裡覺得有點不妙.所以就先說這個腸粉, 這個確實癲覆了我對腸粉的認知, 和平時吃的腸粉完全不同, 這腸粉內包著幾塊完整的生菜葉, 有蛋和肉碎, 而且還帶點骨碎. 論味道真的不好吃. 只可以說是有特色.外賣的河粉沒有將湯和河粉分開. 河粉很碎, 一夾就碎, 湯少, 味咸, 魚蛋腥味重. 總結不會再試.

肠粉真的是五星级推荐非常喜欢。又细又滑。有一种儿时的味道。充满童年的回忆，每次来都要点。也推荐他们家各式的粉面还有牛腩，吃过了很多次了。他们的丸子是手工非常的Q,牛腩也是很入味。还推荐他们家的蠔仔粥非常的新鲜，以前好像还吃过海鲜粥。感觉里面的海鲜每一颗都非常的路口。调料里面很多也都很好吃，多辣椒非常的辣，还有我很喜欢吃的东菜伴着白粥非常好吃。每次过来都很多人在等候。有时候需要排队的时间长一些。但是可以外卖自取。

每次經過達濠仔，不論中午下午茶，門口總係企滿等外賣同等入座嘅人。我一直心思思想試下有乜咁吸引，但始終每次一見到堆人我都放棄咗。今日回家途中11:30am左右，雖然店內已坐爆，竟然只有幾個等外賣，終於有機會一試。第一次試，當然係貪心啲，叫咗個蠔仔肉卷牛筋丸河粉外賣。一打開個外賣蓋，啲芹味撲鼻而來。蠔仔隻隻漲卜卜，雖然有啲殼，好鮮好甜。相信蠔仔粥一定好好食好足料(已經決定下次食蠔仔粥)👍🏻👍🏻👍🏻牛筋丸好juicy，有咬口，無渣👍🏻👍🏻👍🏻肉卷好大件，有肉味juicy👍🏻👍🏻個辣椒醬好香好辣，啱晒愛辣嘅我🌶🌶🌶終於明白點解成日拉龍，果然係好食👍🏻👍🏻👍🏻

隱世美食 ♥︎潮汕牛丸 + 蠔仔粥今次呢間係𝚅𝚒𝚎𝚗𝚗同肥仔成日食，但係從來來冇介紹過，驚太多人會去食🤣🤣🤣呢間嘅 #潮汕蠔仔粥 $51 勁多蠔仔🦪啖粥鮮甜不再話下，啖啖粥都會食到蠔仔，仲係冇沙嘅食到底都仲會見粥到！加埋冬菜、胡椒粉更提升鮮味另外叫咗淨丸#粉腸 肥美、 #招牌手打牛丸 小心一啖食晒，爆汁係個嘴入面辣襯🤧 #肉卷 又係必叫！ 另一推介 #胡椒豬肚丸 如果大家都中意飲胡椒豬肚湯，呢款絕對令你愛上，肉丸會爆汁係「胡椒豬肚湯」#達濠仔 仲有好多好野食 ，魚皮餃係必叫（但暫時缺貨，人手製作），豬心、蝴蝶腩、豬喉 都超正❤️

我唔喺潮州人，又無去過潮州，但係就好中意食潮州嘢，久唔久都諗究竟正宗嘅潮州嘢食係乜嘢味呢? 平時我哋喺香港食到嘅又正唔正宗呢。有日我個同事話俾我聽，呢一間食到嘅潮州嘢食就夠曬正宗，同佢係鄉下食到嘅一樣味，所以佢就帶我來食。醬料辣醬都好正。特色潮汕腸粉，的確同日本係茶樓食到嘅腸粉係好唔同，可能喺香港好特別，但係其實喺潮州喺好普遍，哩嗰食落去夠爽夠滑夠嫩，我覺得最好味道仲係個豉油。魚皮餃拼魚扎米線，個湯底濃郁又鮮甜，好重胡椒味，魚皮餃細細粒，個皮好硬淨，肉好咸香; 魚扎好細條，唔知餡料係乜嘢，好似有芹菜，味道嘅複雜，但係食到好重魚味，兩樣野咬口感都唔錯; 米線就係一般米線嘅味道。

食過好幾次，我次次都會叫🦪蠔仔～好大粒同好鮮甜👍🏼除咗蠔仔牛筋丸都必叫😋好彈牙，佢個魚扎口感似魚皮餃～同埋好鍾意佢哋個辣醬.如果想食魚蛋粉嘅話呢間都算幾好食

達濠仔地道潮汕美食同朋友經過見到呢間達濠仔有幾個人排隊買外賣，所以都幾好奇點解呢間野特別旺，一心本住通常好野都會多人排隊既信念就走入去試下。見到呢間買潮汕嘢食嘅餐廳裏面嘅食物都幾特別。我哋試咗幾樣野，-特色潮汕腸粉呢個潮汕腸粉外皮真係好滑而且裏面嘅餡好豐富，有蛋、生菜、蠔仔同菜脯等，夾埋佢嘅腸粉醬油，每口味道都非常豐富而且好爽口，所有嘅配料味道都好夾，都係第一次食到咁好味嘅腸粉。潮汕豬雜麵呢個認真要一讚，佢哋所有嘅豬雜內臓都非常新鮮，有豬粉腸、豬膶、豬心、豬脷豬肚等每樣材料都好彈牙，入口好有口感，同埋啲湯底夾埋味道一流，簡直係豬雜最強。見到舖裏面貼咗喺牆上面嘅雜誌都有報道過呢度呢間嘅丸類食物都好出名所以我地都叫左一碗黎試下，我哋叫咗胡椒豬肚丸、潮汕牛筋丸、達濠肉卷麵，果然名不虛傳， 粒肉丸都好彈牙爽口而且肉質是每粒都好有肉味同多汁，我同朋友都爭住食完一粒又一粒，差啲仲想買埋佢地既外包裝肉丸返去煮嚟食添。呢間潮汕餐廳嘅老闆我非常欣賞因為所有嘅食材做法都係非常認真而且非常新鮮，好快我諗我同朋友都會再去幫襯。

又係西營盤呢頭搵食，今次想推介下我個人認為幾正嘅潮州粉麵。其實達濠仔正正位於頂頂大名嘅潮州人隔離，而我之前都試過但覺得其實一般，但係一個鋪位之隔嘅達濠仔冇乜人排隊，竟然會令我覺得更加好食？環境：首先講環境，呢度新裝修好多，坐得舒服過隔離多多聲。地方唔係好大，坐滿我估20人内，但係都係嗰句，坐得舒服最緊要！食物：呢度出名食濠仔同埋佢嘅手打雙丸，老闆推介一定要試！我嚟親都例牌叫呢兩樣嘢，達濠胡椒豬肚丸同汕頭牛筋丸，豬肉丸大家就食得多，豬肚丸我諗好多人都未聽過，呢度嘅豬肚丸胡椒味好重，肉質好彈牙，爽口！而牛筋丸一樣，夠彈牙，又仲重牛肉味，一個字，正！ 不過一個麵每個全餸只得兩粒， 唔係好夠喉。餐牌：

今日港島一日遊，途經西營盤聽講有間食蠔仔粥同埋手打丸好出名嘅小店，就睇吓有冇甘好彩可以搵到啦，因為D間舖頭又吾係大街，門面吾係大，細細地吾易搵架😌達濠仔就係你拉，間舖頭真係吾大數埋得都係得嗰十張細枱仔倒😂楜筋腩麵，好有咬口，又淋又Q彈，好正👍蠔仔粥好大碗，蠔仔又多又鮮甜，極足料！另外不得不佩服師傅用嘅吾係碎肉係五花腩肉極之香口，又邪惡，加埋D蔥油，好食到不得了！👍👍楜椒豬肚丸，好彈牙，又爽脆，極度鮮味之餘仲有淡淡嘅楜椒香味，值得試吓！另外個辣醬真係好特別架，初入口吾覺得辣，食落口D辣慢慢滲出嚟，吾食辣野嘅朋友就吾好落辣醬了！🥰🥰🥰

樣樣都好食! 魚皮餃又係超正!湯底好食，個芹菜特別香!值得讚，老闆招呼好，非常nice🤗食左潮汕蠔仔粥三併湯河 牛筋丸胡椒朱肚丸魚皮餃個辣椒醬又係不得了!提左老闆門口啲相唔夠靚，真實靚好多🤣

聽朋友講呢間的丸係手打嘅，就嚟試吓啦餐牌好簡單自己組合，枱面有兩種辣椒醬汁、榨菜粒、魚露，都幾齊全我哋叫咗兩碗雙併河，首先試咗個肚，湯的味道唔知點解好似公仔面湯底，飲完第一口就無再飲了，老實講是失望😞胡椒豬肚丸+蝴蝶腩河 - 豬肚院嗰個胡椒味幾香、幾爽口，但係個蝴蝶蘭就真係唔得啦，好鞋口又唔香牛筋丸+豬黃喉河 - 牛筋丸真係普通，豬黃喉只是爽口，不過好薄又完全無味喎每碗的丸都只得2粒，另一種餸都唔多，$38雙併又唔可以叫貴，但係咁啲質素就俾番多少少量喇，不過唔好預我喇

自選三併 ($40)達濠魚丸，達濠肉卷同牛腩米粉。魚丸好彈牙，肉卷就似扎肉，但口感比扎肉好，相反牛腩就比較un 左啲，但個湯底又真係好好味，唔係就咁味精湯。特式潮汕撈麵 ($38)係豬腩肉撈油麵，腩肉好食，不過個麵又對我黎講太漿左啲，麻醬同花生醬都好足，另外仲有個湯既味都唔錯。特式潮汕腸粉 ($28)係真係正宗潮汕野，係巢皮個隻腸粉，入面仲有蛋一齊煎，好好味，下次再食會加$5 加埋濠仔落去。