達人包車 (已結業)

新手上黎寫食評，希望以後幫到大家共同對抗人生最大既哲學難題，今晚食乜好？今次我同兩個由細玩到大既兄弟去覓食，當晚收工大家拖拖拉拉磨時間磨到已經夜晚10點，腦中閃過無數間餐廳但幾乎都就收工，其中一個兄弟提議黎韓國街食韓菜，平時一啲都唔哈韓既我為左醫肚都要將就將就，估唔到有驚喜喎。（我明白大部分朋友睇OpenRice都係睇圖唔睇字，所以我都將主要既食評直接寫喺圖片既附註）去圖！總結：價錢其實唔平，但改變左我一般對韓食既概念，去過數次韓國旅行，對當地食物確實沒有太大好感，都是味道偏重，咸辣不受控的感覺，但這家店的出品，味道很韓風之餘也沒有非常過分的調味，就是大部分菜色都很heavy，吃完難免會有罪惡感啊......

好難食! 叫左三碟：一碟炒粉絲、一碟海鮮煎餅、一碟芝士燒玉子。三碟都好油，前所未有的油膩，尤如食油落肚。特別是海鮮煎餅，我同老婆幾乎完全食唔到。 海鮮少，成堆葱亂咁放落去煎就叫煎餅。職員冇禮貌，最重要是，好貴。超過每人200落樓。呢個質素，呢個價錢，真係值得 blacklist!

好中意食韓國野但由於幾乎間間都有限時所以真係無乜幾可會去食知道達人包車岀名乜都掛係天花板，好似好得意咁，朋友E生日去食應該會好開心4個女仔食佢個掛在天花板上的串燒，枱面有個爐，一舊一舊夾落泥燒，感覺好得意，但味道就真係一般喇~再叫佢個芝士豬肋骨，芝士份量多，但無乜芝士味既？剩低既芝士我地叫左個紫菜飯去撈，唔好浪費呀嘛，好味！野飲就叫左個西瓜燒酒，壽星女唔太飲得，叫左少酒精，好大個西瓜呀！4個人share每人都飲左2杯半，抵呀！

見佢地facebook 做緊任飲 優惠所以去， 去到又話原來10:30 先有..好失望！三個人食， 叫左三樣野食。牛肉蛋卷真係一般，入面無醬其實都幾dry! 叫左個蜜糖炸雞，賣相唔錯.... 不過如果你專程黎食就一定會失望而回，朋友形容「kFC 好食d」哈 所以你懂的！ 不過 不得不讚佢個芝士泡菜粉飯就好好味嫁， 加埋紫菜

點解會食韓國菜？因我突然好想食雞蛋卷，得知金巴利道喱條街好多韓國菜店！ 見環境不錯就入去試試啦（又見人流都多） 雞蛋卷份量多既， 但入面餡料個人覺得不太夾， 同係韓國或香港其他韓國店的不同， 芝士做不到拉絲效果 西柚特飲，未'吉'西柚時只有糖水味無西柚味，'吉'完都味道都係吾出$50一杯不值蜜糖炸雞，味道不錯，但炸雞只有雞腿係滑，其他'鞋'口

韓流餐飲本來我就冇咩興趣既，今日一試，味道的確好，但真係有點重負擔（我指熱量啦），間唔時一次半次好了😅芝士排骨- 這個是好玩多於好食既食品吧。芝士濃濃，排骨骨很大，肉薄溥的，味道一般，但嚷著大量芝士食就剛剛好喇。蜜糖炸雞- 個皮超趣，蜜糖勁多，雞肉滑溜，真係會停唔到口😂，但脂肪含量超高😂😂😂

達人包車呢個名聽過好次... 今次終於都食到喇由佐敦D出口一路行過黎都見唔到達人包車4個字... 好彩四圍望望... 無意中就到咗喇XD!認住呢個招牌一坐低就有小食（可以Refill)二個人挑戰左個部隊鍋 （好足料.. 唔係廚師腸黎架）... 不過水餃得2隻... 想食多隻都冇因為怕辣... 所以一人叫左一杯凍飲柚子Soda and 檸檬Soda (好好飲）最高興係可以叫半隻雞... 蜜糖炸雞！唔會太乾、甜甜地都幾好味！旁邊嘅沙拉有好香嘅蘋果味～ 口感清新不過原來Dinner 好多嘅野食/飲品，Lunch 係冇得叫架... 想試多啲就要夜晚黎喇PS: 場內有隻小飛機係咁騷擾我地... 唔知廚房嘅衛生情況如何呢？

3人姊妹淘想食韓國野，揀左呢間有oppa 做侍應既餐廳，限時90分鐘，食完野即被催走。碟碟都大大份，感覺多人食才可叫更多唔同種類既野食。海鮮炸醬麵配量足，但姊妹就話覺得似一般超市買既即食炸醬麵，偏甜，很普通爆炒魷魚五花肉熱騰騰上檯爆多醬汁同夠曬辣，必叫一碗白飯黎送，腩肉唔夠肥，一定要趁熱食，一凍左既味道就差多好多。蜜糖炸雞夠香口，但味道超甜幸好有2片鮮檸檬片中和返好DD，附送一小碗唔好味既沙律。

好明顯是正苦惱到那裡午餐而剛好碰上達人，門外已坐滿兩枱，lunch menu 又價錢吸引，何不給她一個機會？於是就試了蜜糖炸雞和金鎗魚泡菜鍋定食。蜜糖炸雞炸得很透，吃時骨肉容易分離，皮炸得很脆而肉又沒有炸得太乾，蜜糖反而好像太甜泡菜鍋對我來說太咸，一定要下飯，魚碎碎的在湯𥚃游幾乎看不見蹤影。。。。前菜的泡菜也太咸不能空口食環境食物適合一大班朋友聚餐

捱過無盡的OT，終於有飯食！呢種感動，必定有共嗚。黎到<達人包車>，得番室外位，照殺！頭頂有強勁冷氣，唔熱得黎都幾爽。不過就會有食客吸煙，接受唔到二手煙可以等番室內位，雖然疑似要等好耐。芝士排骨(5件) $288就喺衝著呢個而黎！不停拉絲ing。排骨又淋又入味，唔加芝士一樣好食。不得不提個韓式辣醬，愈煲愈濃郁惹味，甜辣，唔會死辣。對於唔多好辣㗎我都不能自拔咁狂食索滿醬汁㗎芽菜，然後狂飲水。牛肉石鍋拌飯 $95驚死唔夠飽，叫多個飯。自己動手落醬撈，勝在自己調較辣度。好食！其實坐喺outdoor都幾有情調呀

是晚看演唱會, 因時間尚早，便提議好友一探金巴利道大量潮流韓食店。果然是韓店臨立，眼花撩亂，雖一向較愛吃傳統韓菜，但也被適逄有機會試一下新店也不錯。眾多店中以這店門面最為華麗，有如置身韓國。看過餐牌索價不非，但還有期待感。跟店員道上2名後，店員花了點時間確認訂枱數量，良久才領我們坐下，一度擔心跟前幾天去訪渡船街燒烤店一樣因訂坐已滿而被撤回。但也不得不讚賞店員的細心確認，始終訂坐才是優先是絕對正確的。剛坐下店員已立刻為我們送上水跟頭盤小吃，放下餐牌, 離開前叮囑是次用餐時間為90分鐘。看來在人氣餐廳用膳限時90分鐘完食已成合埋時間。是在訓練港人到日本參加大食い比賽乎！？(現在大食王者已非小林尊天下，已換好幾代人了)打開meun, 充滿了我沒見過的菜式，但炸雞還是要吃的，然後再選了個比較健康的涼伴菜和蘋果啤酒，先看份量再決定是否追加。涼伴蔬菜豬腳先上菜, 份量真的不少。材料有主角豬腳, 蝦仁, 三色椒, 洋蔥, 海蜇(好像第一次在韓國餐廳食到), 生菜絲, 還有仿蟹柳, 青瓜跟蘿蔔絲。一大堆的, 不知從何入手, 詢問店員一下子也回答不到, 要跟其他韓國店員請教。原來只要把所有材料拌勻即可。

夏天淡出就身痕想食熱野辣野(你地會唔會？) 好多人講過呢間，決定親自黎食。本身oppa安排坐outdoor即刻有位，但又怕食到出汗，都係等入面好5mins only❣本身想食豬手沙律嘅，但我地2個人一定太大碟，就轉左要炸雞沙律。我知道dressing係爆脂咁肥(mustard 蛋黃醬w/ pickle) 但絕對係畫龍點精。旁邊係：有饅頭味嘅軟包/脆炸雞一啲都唔油/基本salad/最開心係salad 下有好多我愛嘅nuts/開心果杏仁同埋PECAN❣年糕鍋要時間煮. 所以食住SALAD 等就剛剛好。青口份量都唔少,味道越煮越香辣. 入面有2件粉絲餡餃子,朋友好鍾意!食到一半侍應留意到有點乾鍋就幫我地加湯 (細心).TIPS: 如果怕辣我諗可以嘗試叫佢加清湯/水?? 我地唔怕辣但加原味辣湯覺得都幾咸..另MENU入面有寫可以追加飯,如果3-4人食一定好正 (唔健康就梗架啦唔好再提)..

話說友人係外地番黎，一直想試下香港呢幾年好流行的韓國菜到底有幾好食，所以就帶左友人去尖沙咀韓國街一帶去食個晚飯。行下行下見到呢間野叫「達人包車」個名幾得意，而且門面係半開放式，環境幾靚，所以就排隊試下呢間野。一坐低就送左幾碟韓國小菜比我地食坐先，基本野，味道不過不失。服務員有唔少係韓國人，已經係韓國街的其中一個特色。見到每一張台上面都插左一枝幾呎長既鐵叉，一問就知道呢度好出名一條3呎長既串燒。不過我地想試下食其他野，所以就冇叫到。叫左一個燒蛋卷，味道同日本玉子燒有D唔同，唔係用高湯去煮而用左味粉，加上茄汁添味，味道算唔錯。同朋友想飲杯野，本身想叫一杯杯燒酒，但見到呢度有西瓜燒酒同蜜瓜燒酒，所以決定3個人試個蜜瓜燒酒。成個蜜瓜大大個，有好多蜜瓜肉甜甜地，所以加埋燒酒飲都唔算辣口，可以倒到10幾杯，好抵飲又好味。黎到韓國餐廳，當然唔可以唔叫番個炸雞啦！呢道蜜糖炸雞炸得好好，雞皮炸得脆卜卜，雞肉好入味，加埋少少蜜糖係雞件身上調味，5分鐘唔夠就食哂成盤雞(當然食哂所有薯塊啦)作為一班芝士控同埋食肉獸，我地決定再叫多個芝士排骨食。相比炸雞，呢道芝士排骨相對就冇咁出色啦。排骨煮得好軟熟，味道亦都幾

**小甘美美食人生(^^♪一路減一路食(？！) 呢排成日都睇韓劇，睇到勁想食韓國嘢，咁又捉咗男朋友陪我食好東東。走左去達人包車， waitor哥哥介紹咗呢個辣海鮮鍋，嚟到真係wah一聲，因為d海鮮係多到塞爆咗個鍋..咁d海鮮真係非常之多，咩類型都有又幾新鮮，真係用料十足，咁個湯底呢亦都係勁spicy又香又惹味，好食到停唔到口。因為呢個鍋辣到飛起，呢就叫左多杯芒果梳打，都幾清甜幾好飲。

為了抓住夏天的尾巴 上星期日 Dayz 跟朋友去了西貢遊船河 由早上8 點玩到黃昏 實在是又累～又肚餓～ （船家提供的到會食物實在是...嗯...不怎樣好吃）下船後，Dayz 跟男人，還有另外兩位朋友馬上開車回市區覓食由於時間尚早，我們決定到尖沙咀的韓國街去 比較容易找到停車位我們去了達人包車Dayz 第一次在韓國街吃 Dinner，而不用排隊等位呢！（笑） 挺 Lucky 的～我們各點選一份料理，大家分著吃海鮮葱餅餅底煎得又薄又香脆 加入了大量鮮蝦、魷魚、青椒、紅椒 以及味道濃郁的大葱口感非常鮮味豐富！！芝士沙律把切成粒狀的 Mozzarella 芝士加入紅葱頭、沙律菜、車厘茄及腰果中佐以乳白色的 Greek Yoghurt Style 醬汁老實說，很難吃，非常難吃！！Dayz 很想知道為甚麼多款味道完全不搭的食材能夠放在一起！？ 伏中之伏！！ 芝士泡菜飯餅桶 Dayz 的最愛！！惹味的泡菜午餐肉炒飯配上香濃的 Mozzarella 芝士，還有半生熟的太陽蛋及紫菜絲 邪惡無比！！ 但亦美味無比！！ 每一顆飯粒都沾滿了芝士及蛋汁 吃下去～好幸福的感覺喔！！芝士炸雞份量頗大的一盤雞 共有